【末日】《末日下的那些人:方舟爭奪戰》末日倒數開始,我們要奪取方舟 (二)

1001 回覆
33 Like 2 Dislike
2020-09-15 01:22:28
磨牙
2020-09-15 01:42:17
2020-09-15 01:57:28

預 .告



從方舟飛離這行星到少女遇上他之前的故事,以尋找自我為自己的道標。活著的眾人總會如明鏡一樣映出自己的樣子,砌成完整的面容。

斷章一樣的最後拼圖,也將完成人類在滅亡之前的最後光景。

「係你地返黎之前,我地會死守呢條路軌!放心上啦!!」

漆黑的大地上,光帶躍動,蒸氣轟然,隆隆的引擎聲如雷電響鳴。


------------
原作:VantaBlack
------------



「解除所有蒸氣閥既壓力限制,將速度推到極限!!」

一段段車廂脫離,曾經被恥笑的夢想消失在末日下,只願能種出希望的花朵。

「呢一刻唔需要覺得可惜!」他擦去淚水把控制桿推至極限,「只要車頭係度,只要車頭前進,火車就會永遠向前!!」

鋼鐵在星河下咆哮,火車將奔馳至滅絕降臨,人們絕不停下腳步。

少女將記錄比鋼鐵更強韌的意志。


極北末日特急列車
鋼之華



青馬大橋在風中發出低沉的怪聲,但一具具懸掛的屍體更加詭異。

「反正你地都遲早死,黎幫我既劍成為最強既劍唔係好有意義咩?」

鮮血也沒法阻擋殺人魔手上的寒芒,以賦予意義為名,追求末日前成為最強。


------------
《末日下的那些人》系列
為讀者獻上最期待既收官
------------



死者的歸來將堆起屍山血河,浪花也洗不掉沙灘上的罪孽和無辜之血。

「我地…唔可以俾只為殺人而生既劍成為最強!」

願睿智能勝過瘋狂。

「笑話,唔信你問下個邊個位小姐—個位殺人魔後裔既東條小姐?嘿哈…哈哈哈!!」

少女將記錄比鮮血既赤紅的殺意。


青馬劍豪無雙
血風/人斬



走過末日,記錄眾生,即使是最後的歷史也一定有其意義。

「如果我都可以好似佢地活得咁精彩就好。」

末日前夕,少女終於找到了自己存在的意義。雖然現時還是有點模糊,有點迷失—可是有了方向後,人就會前進—

—因為人類本來就是這樣。

她的名字是東條絢香。


《末日下的那些人》


最終作/外傳


《星之曙光:末日都市紀行》


連載將於三部曲完結後開始

2020-09-15 02:02:07



我屌你呀 解咒師2都未寫就開新坑
2020-09-15 02:02:10
講明先, 好遙遠既事黎
但我睇返第一篇故
阿平遇到寄葉時, 方舟已經起飛左一段時間
更加唔好講佢遇到絢香係更之後既事
呢一段空白時間成為外傳既苗床
係時候寫下絢香係星之曙光一路上既故事
亦更加令本作內既一D情節, 轉折更加合理
補完返未講既事, 港島以外既事, 解開埋一D伏筆
至此, 末日系列將會畫上句號
亦多謝大家以年計既支持
我希望寫埋第三部曲後, 會仲有動力寫呢個外傳 始終反應好緊要
當然, 我自己係真係想寫既, 始終呢個故將會係我寫作路上一個最驕傲既里程碑
再次多謝大家一直既閱讀
2020-09-15 02:02:33
同一個坑黎
2020-09-15 02:08:23
作者痴線既
你愈催我文我愈爽
2020-09-15 02:10:23
睇得出
多左人上水 連預告都出埋
2020-09-15 02:13:57
怨婦咁叫人上水唔好睇啦
睇過有篇野咁講
「如果有人認同你你先繼續做, 你唔係鐘意你做緊既野, 你只想想人認同你, 理你, 讚你。」
咁自問我都係好鐘意呢個系列既
已經冇咩出到書既感覺但都一路寫就知
雖然唔知幾多人睇緊, 但係我想寫完整呢個宇宙
FB都睇到係有人睇緊既係唔知幾多
20萬人睇緊同2個人睇緊係連登係一樣
2020-09-15 07:19:12
Hi樓豬
之前睇過末日第一個故,會唔會寫之後既故事?

好糾結睇唔睇呢個故好,所以都係未開始睇

下邊係第一個故既劇透,未睇既唔好打開:
2020-09-15 21:04:34
呢個問題唔存在
末日故既前提本來就係全部角色都會死
重點係去到注定既結局前經歷左咩
2020-09-15 21:36:34
2020-09-15 21:57:49
2020-09-16 22:46:02
2020-09-16 23:01:26
2020-09-17 00:23:34
旁邊的一個人影吸引了許少傑的注意力,向晴也在這公審的現場,她無奈的舉起相機—拍下梟雄的末路。

「你見到啦,係你帶唔到俾我地既團結,傑少。」爆爆哥道,「無論你有冇做過,做過D咩都好,反抗軍已經唔再需要你。」

許少傑把視線從向晴的鏡頭移開,望向眼前的爆爆哥:「如果你地係咁認為既我都冇辦法!但係你真係覺得你可以取代我?!」

「我…」

「定係你始終都只係想威俾你個女睇呀?」許少傑冷笑。

「我唔係想取代你,傑少。」爆爆哥道,「只係除左我,仲有咩人適合做你既工作?!你點解仲要執著於私怨,執著於互相清算?!」

的確是這樣的—在許少傑的計劃之中如果自己萬一有個甚麼不測的話,爆爆哥就取代自己帶領反抗軍繼續攻打方舟,他的取代功能是自己賦予的。

「為左勝利,我無其他選擇,傑少。」爆爆哥揮揮手,大舊踏前一步把手上的手槍交給爆爆哥,他把槍身一拉發出「格」一聲使子彈上膛,當然冷冰冰的槍口由始至終都指著許少傑。

「…就好似我之前既講法。」

「大家對你都有懷疑,恨意,無論真相係點—已經係定局,無人改變到。所以我只可以咁做,唔好怪我,傑少。」

在這距離內他甚至能看到槍管內的膛線。

「停手!阿爆你傻撚左呀?!」大飛姐吼道並向前撲,但傻釘一下子就把她絆倒,繼續壓住她。

「我傻?如果我再留佢係度,擾亂軍心,節外生枝既話我就真係傻!」爆爆哥喝道,「依加我地只有一件事要做!攻打方舟,重奪未來!」

說罷—

「砰!」

槍管冒出火光,槍聲叫近距離的人耳鳴片刻。

許少傑低頭看看自己胸口,一片鮮紅正在他的西裝上擴散,心臟,臂膊,腹部,他苦笑了一下後沒說甚麼,「噗」一聲倒在地上。

「傑少!!傑少!!阿爆!我要殺左你!!你老母死仆街陷家產!!」

爆爆哥冷冷看一下旁邊的正在狂嘯的大飛姐,把手槍收到屁股後袋:「依加!我地得返一個目標,得返最後一件事要做!!」

「YEAH!!!」

「好!!!」

眾人歡呼,鼓掌,如當日許少傑的演講台下一樣。

「我以反抗軍首領既身分宣佈!!方舟爭奪戰,最終戰由呢一秒開始!目標係方舟,攻陷方舟建造區,重建真正公平既方舟分配制度!!生命,一定要無分貴賤!」

又是一輪歡呼和掌聲,爆爆哥明明是在模仿許少傑,連講稿也是許少傑本來準備好的,就只是換了一個人—可是這正是許少傑本來所預期的,希望見到的反抗軍姿態。

「出發!!全軍—破陣!!」

向晴拍攝下的,是方舟爭奪戰最終戰役的開端。

梟雄倒下了,無數的梟雄將崛起—在這末世下,在這毀滅前,不以滅亡為理由而自暴自棄,繼續戰鬥者也是梟雄。

重點不是結果,而是明知結果也繼續戰鬥—這就是自身存在過的證明。
2020-09-18 21:08:12















2020-09-18 22:14:32
快啦
2020-09-18 22:40:30
不可以讓二人與大勝爺有任何衝突,一但他動了殺意,自己也是自身難保—一號暗中下定決心。

「咁樣,我去引開佢。」調虎離山已經算是他想得出最高級的計謀,「詠琳,之後就靠你。」

「得,就得…」詠琳遲疑的說道,「但你唔係話佢…」

「放心啦,佢同我點都係相識一場,唔會有咩事。」一號道,「點都爭取到少少時間既。」

「咁之後呢? 」楊芷欣看穿了他,「你想犧牲自己?」

「痴線,犧咩牲呀,我會走架啦。」一號道,「你地顧掂自己就好。」

風愈來愈大,烏雲在天上沸騰,悶熱早已散去,天地在低吟著。

「就咁話啦,阿欣。」詠琳道,「呢個辦法幾好,一號……阿洛一定考慮過自己。」

被人以真名稱呼嗎?是叫楚思洛懷念的感覺,甚至心頭一暖。

「咁我行啦!」

「嗄?!」

本以為楚思洛會與楊芷欣說幾句話,甚至相擁片刻之類,但他馬上就沖了出去。不是甚麼魯莽,而是他知道自己可能會動搖,更不想自己被楊芷欣說服。

「喂!!炮台山大勝爺!!」

一回首,大勝爺眼前的正是一如以往穿得相當懶散的楚思洛,但現在的他左手正打著石膏,似乎負傷。他大刺刺的站在兩堆貨櫃之間的通道,向大勝爺正揮著手,不知道是否懷有敵意。

「………」眾人對他先是打量一番,因為他們知道大勝爺的真名中有「勝」字,相信的確是在叫他,那麼說眼前這人就是大勝爺的熟人了。但是大勝爺的方針是除了自己人以外一切參賽者格殺,那麼眼前這個熟人又是不是格殺的範圍內呢?

「楚思洛…」他的聲線相當低沉,「果然你都係度,點?你都有人想佢上到方舟?定自己驚死?驚末日。」

「理由有好多既,你呢?又槍又人咁誇—今次係你第幾次既方舟遊戲?」

「……」大勝爺話很少,「唔關你事。比以前聰明啊,楚思洛。」

「嗄,等等,你即係話我之前ON9?」

「唔幫阿公做野,去幫姓齊條友,仲要既唔係線人亦唔係臥底既四不像,你唔覺自己弱智?」

「我最多算冇大志。」楚思洛道。

「哼,點都好—由我第一次方舟遊戲已經有預感我會撞到你,果然你都係鐘意呢種打打殺殺。」

「完全唔鐘意,倒係你,個班白衫既踩親你條尾?」

說到底楚思洛還是生氣的,那是屠殺,即使是天真的傢伙也不應被這樣殺害。

「只係佢地太天真,方舟遊戲就係咁玩,而且係佢地有人搵我,同我講想確保自己既登艦權在先。」大勝爺道,「我只係略盡綿力。」

綿力已經這樣子,大勝爺比起之前更加殘暴,這是因為之前的方舟遊戲嗎?

「我唔明點解你要咁做,點解你第一次方舟遊戲生還後你大可以上方舟。殺左白衫個D人對你有咩好處?!」

「冇,只係睇佢地唔順眼,就好似見到D死豆釘想一巴巴車落去咁,都冇好處。」大勝爺露出不明的笑容,「但令人心情愉快。」

雖說楚思洛一開始見到阿健與阿敏的時候也有這種感覺,但也未至於這樣!

「死痴線佬,既然再遇到你,就係因為俾機會我今日要黎阻止你!」

遠方傳來低沉的雷鳴,說謊的楚思洛卻沒有心虛。

他覺得自己在說謊—但其實連自己也不知道自己的真心。

誰看到故人作出這種事,也不能放任吧?至少被姓的齊那個人影響過的他是這樣。

確認有敵意後旁邊的手下馬上舉槍,但是大勝爺馬上制止:「唔使,佢交俾我,你地繼續執行計劃。」

相同的意志,相同的行動—昔日的那人,只能由自己來擊潰!

「楚思洛!!」

大勝爺怒吼一聲往前突擊!看準來勢的楚思洛見狀馬上轉身逃跑!!
2020-09-18 22:47:50
轉身逃跑

得一隻手點打
2020-09-18 22:54:37
你俾16年時間佢
2020-09-20 23:17:52
2020-09-20 23:37:17
2020-09-22 01:12:55
2020-09-22 01:14:26
訓啦屌你 乖 最多下更補
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞