【末日】《末日下的那些人：方舟爭奪戰》末日倒數開始，我們要奪取方舟 (二)

唔想個個廳讀篇文出黎

唔知點解次次出文就想睇文

我指睇片

errr
咩片...

ＹＯＵＴＵＢＥ

都係未諗好，聽日再出

唔緊要 慢工出細貨

小心又將一號打咗做三號

難得準時放

第十一章:末日將至，守護到底的護衛

那時，被逐出劍擊隊後，自己曾經迷失了很久。

回想起正當要誤入歧途時，是當年中學的鄰座拉住自己要向目標人物揮下的刀。

「如果你係都要靠收錢動武搵食既，就黎我度返工，做我保鑣！」

自己是為了錢才做這些嗎？

自己如今，是為了登艦權才做這些嗎？

別開玩笑了。

——————————————————————————————————

後方傳來敵襲的消息的同時，前方同時也發現了青龍部隊的火力網—雙重的壞消息傳到現時的反抗軍基地：聖士堤反學校中。赤柱監獄座落的是半島地形，許少傑只需封鎖入口就能甚麼也不做地活生生餓死島上的人，但當前後同時被夾擊時，人們終於發現——

——這同時是布袋地形。

地圖上展開的海岸線在碧藍的海上張開成一道灣線，將岩，土，石包裹成陸地，就如一個完整的布袋似的。而許少傑的人馬正是一頭撞進這布袋中的獵物，現在布袋終於露出尖刺並內收，當中的人們只能無形可逃地，面對四方八面湧來的攻勢。

「死守！」爆爆哥以哨兵的通訊網路向四方八面下達命令，「赤柱監獄不但囚禁反對者，異見者，更加強逼當中既人奴役，生產食物同產品供應俾方舟建造區，我地有必要將佢摧毀！重創方舟建造區！」

負責傳命的哨兵遲疑了：「依，依加後面既人都被包圍住，前面都…我地既路線被截斷左…完全就係被困…」

另一個哨兵和應：「係咪應該…集中火力係一點突圍，向內陸撤退…？」

「唔係。」爆爆哥斷言，「傑少已經了解情況，而並無任何撤退既計劃，目標依然都係赤柱監獄。」

「咁落去…」

「相信傑少，即刻傳令出去！」

「…係！」

還好許少傑相當有威望，大家亦相信著他，所以哨兵們也馬上把命令透過不同方式傳到反抗軍中各處。看著爆爆哥執行自己的計劃，楊芷欣牽著一號的手又再握緊了一點兒，因為她知道接下來會發生的事——全部是因她而起。

前方，青龍部隊展現了真正實力，密集的實彈火力全力張開向前掃射，赤柱監獄以北已經好像方舟建造區外一般化成無人區，任何人接近馬上被打成蜂窩，那些車門盾牌陣也被貫穿，弓箭射程不夠長，更沒有小路給予奇襲。

後方，青龍部隊的包抄隊從旁埋伏，終於等到反抗軍推進得夠深而發動突擊從後掩至，切斷進軍路線，將向南推進殲滅被孤立在半島上的反抗軍。

青龍的以行軍佈陣，將反抗軍玩弄於股掌中。以聖士堤反書院為誘餌，換取反抗軍精銳被圍剿圍剿在半島上。

但這時面對絕境的人們是——

—————————————————————————————

「死守！全軍死守！！」

歐舜兒耳邊的無線電傳來哨兵頻道的傳訊，不是反擊，不是撤退，而是死守！所謂死守，就是要以生命戰鬥，守到最後一刻，即以「死」為前提進行。

「齊姑娘，幫我睇住家姐！」歐舜兒拔出戰弓，「你地係度應該會安全！」

他望向外面的ＳＯＳ緊急救援旗，指望至少在人道主義下即使失守也好，他們不會向救護站出手。

「舜兒，唔好去！」齊姑娘喝住他。

「…其他人要幫手，我要去阻止青龍殺人！」

「無用，你唔明咩？呢個情況係許少傑預計之內，佢早就知道會被人圍剿，而決定將所有人當作棄子呀！」齊姑娘說出父親，也是獅山自衛隊與末日十字會背後發起人的推斷。

「棄…子？」

旁邊的喧鬧，慘叫，槍聲頓時變得遙遠。

「呢個係佢計劃既一部分，所以佢叫你地係死守，而唔係突圍，唔係撤退。」齊姑娘說出舜兒心中的每一個想法，用字擊中他每一絲擔憂。

「佢，預左我地做炮灰？」

「無錯。」

看著身邊一個又一個人向後方被突襲處增援過去的人，舜兒沒有發現自己已經是面如死灰。

齊姑娘吸一口氣再繼續說：「我唔知佢想做咩，但係半島既布袋地形既危險，佢點會唔發現？佢亦唔係心存僥倖既人，冒險博下唔會被人包圍？唔係。佢係明知一定會被包圍，然後預左你地會死，叫你地拖時間既情況下，叫你地進攻赤柱監獄。」

恍如又回到那天數碼港流亡街坊會的天台上。

許少傑舉槍頂住彭議員的眉心，扣下板機的那一瞬間一再次浮現在腦海中。

「佢地，大概都會聽晒許少傑講咁繼續死守。」齊姑娘繼續說下去，「好似頭先想衝出去既你咁。」

「……」舜兒不知道應該如何回應，她在說謊嗎？還是說謊的是許少傑？

「細佬，不…不如你…」

「齊姑娘，你有冇方法可以救我家姐？」

三人的剪影，在逼近的槍炮聲中愈來愈明亮。

「我有方法可以救呢度，至少係呢個救援陣地之中既人。」

齊姑娘掏出一個臂環，臂環上同樣印著與外面旗幟上一樣的獅子山剪影與十字徽號，「我地依加試驗緊合併，叫獅山十字會，係末日下留係地球，為有需要既人提供救護，照顧，醫療，食物同容身之所，即使我地最後全部係死於世界末日，我地做既全部都唔會有意義，但我地都想證明人性中存在善良，去為有需要既人做Ｄ好事，歐舜兒，歐貝兒，想唔想加入我地？」

臂環上紅金白色的刺繡，閃爍著燈光的餘輝。

外面的人，已經沒可能救下。

以死為前提的死守，許少傑眼中只有勝利，除了勝利外空無一物。歐舜兒明白自己給不上他，也不能指控救過自己與姐姐，敢於向方舟政府挑戰的他為錯。但是在明知有無數人會犧牲，大量人將死在青龍部隊槍下的前提外，他還是發動了劫獄，騙了所有人，背叛了所有人，視所有人為棄子。

訣別的時刻來到了，舜兒決定自己剩下必死的短暫人生要用在有意義之事上。

「我加入，如果幫到手就好，耶～。」貝兒有氣無力地舉手。

「貝兒，你暫時扮演好病人既角色就好。」

「嘿嘿，我強項…細佬，咁你呢？」

舜兒接過臂環，帶到手上拉緊：「我加入。我無可能阻止到出面既人，青龍既人，但至少係我能力範圍內，我想保護到最多既人，令佢地唔使死…」

「有我地獅山十字會係度，」三號教頭走進帳篷內，旁邊有兩隻大狼狗正威風凜凜的跟著，「呢度既人一個都唔會死。」

連假開始,今晚先9UP一波

大家好我係VantaBlack,難得4日連假我決定訓晒佢
今日要講野主要係揭曉新野,以下係直入正既既新作相關消息:

講故台應該冇人TLDR, 但都寫: 1. FB會連載短篇, 2.本故過左3份2暑假前完 3.新作係獨立故事
----------------------

首先係FB, 依加FB基本上就係每日連載完後揀一小段放上去再貼LINK, 諗返轉頭其實咁樣對擴張讀者量完全無用, 當我係一個新讀者, 見到有一小段故幾吸引禁入條LINK, 眼前就會係幾十萬既大連載

篇幅咁長難以入口, 當然我俾最多心機寫既一定係連登連載中既長篇故事,但亦想多D人睇,所以我宣佈開始於FB連載短篇 作為中學作文堂一寫叙事寫到老師唔俾我再加紙落去既人, 我為自己訂下少少規則先

1. 唔會有前文後理, 每一篇獨立
2. 最多只寫上/下篇
3.每篇要讀者5分鐘內可以睇完

模式黎講我幾鐘意所謂既「處境劇」, 之前係YOUTUBE睇OFFICE都睇得好好笑, 諗緊用返處境小說既文體, 前入主線, 5分鐘內完結, 暫時係咁, 唔排除搬龍門, 但短同5分鐘搞掂係我目標, 如果回響夠多人鐘意變大連載既可能都唔係無啦.....總之我想FB PAGE有D新鮮野。

然後係主連載

方舟爭奪戰共有三篇, 末日法庭篇, 司徒莊園篇, 同之後既@#$%^&*篇就會完故, 但搞到咁長係因為我開始隔日並間中無定向出文, 然後同一條線我由以第三人稱跳到唔同既視覺所以比較長,的確今次既反應都唔及正傳同魔法師 但其實我自己落既心機唔會少過呢2個, 我一定會堅持, 睇下我個肝爆先定鍵盤爆先, 因為末日系列係我最鐘意既系列。

三部曲既第三部曲,<<末日後的那些人>>第零章會係呢個前傳連載後馬上開始因為我抽卡話過如果俾我抽中我就出埋佢要找數, 完埋第零章後我先會抖下, 請唔好咁快移除收藏

司徒莊園篇我會爭係呢4日連假之內完成, 目標係暑假前完結, 唔想連載超過一年(呢個故係2019年9月開始)

新作會係獨立故事, 構想中, 暫時唔公開, 最理想係9~10月開始連載, 唔咁快出唔係我諗唔到, 而係因為我太多IDEA, 我要考慮邊個故最爆最多人睇自己又寫得開心, 大家都覺得有趣就最好, 構思中有校園故, 後宮故, 推理故, 科幻故....話說呀, 我從來唔知咩叫悶, 悶既我可以將我既視覺投向腦入面無數既幻想世界, 睇唔同既故, 俾佢發展, 變大, 咩叫悶啫。新作後會係魔法師2, 最後就係末日系列既最終章, 最終章後呢? 寫既空間,有。IDEA? 當然都有, 但都寫左咁耐, 要睇下到時讀者睇厭未, 我自己又寫厭未, 而最重要係有人想睇我真係唔介意出, 單機出文真係好辛苦


就係咁, 多謝大家一直支持, 作者FB : https://www.facebook.com/vantablackstory/, 再次多謝大家鐘意我寫既野

gchi 祝樓主日日準時收工 （咁我就日日有文睇

做廢青個排係一日出2次文, 一次4000字, 都唔知點做到

係咪就係正傳嗰陣 當時睇得好爽

死守的命令從前線聖士提反書院傳出，馬上透過各區域的哨兵傳開，作為於哨兵的「大哨站」內負責協調各路哨兵，可能是戰場上掌握最多資訊，最全面視野的詠琳皺起了眉頭：「點解…」

是許少傑百密一疏嗎？不，這樣的布袋地形遭到包圍是理想當然的，許少傑沒有理由看不出—即使他真的是急性發雞盲看不到，楊芷欣也一定會看到警告他進入半島後被人包圍的危險！

為甚麼？！

前後方同時受到猛烈的炮火壓制，兩邊是直插汪洋的絕壁，沒有補給，沒有增援，這樣的絕境理應是集中力量在後方，猛攻其中一點打開缺口撤退吧！為甚麼命令是死守？！

聽著各方飛來的壞消息，傷亡，詠琳完全看不到這樣做的理由，還是許少傑因為敗陣而失去理性，決定負水一戰嗎？

「阿…阿YAN…」在這時刻，她想起了楊芷欣，那個擔任軍師的人，同樣是一直陪自己走來的人。

「詠琳？咩事？你地個邊應該安全架ＷＯＲ！」為了保持資訊可以不斷流動，為許少傑與主將們更新戰場上的最新情況，許少傑視大哨站為核心部分，即使反抗軍全滅，大哨站都不可能受襲！

「我…我無事，但係，死左…好多人…」不斷有哨兵在地圖上更新傷亡，數字正在節節上升，如不斷上湧的血海。

「…我知道。」楊芷欣道，「你唔使驚，大哨站唔會有事，我保證。」

「我…我信你，但係…」詠琳道，「呢個，係你計劃既一部分？」

「…」楊芷欣沒有回應，透過無線電，詠琳可以聽到她的沉重的呼吸聲，與欲言又止口唇發出的細微聲音。身為哨兵，收集情報是詠琳的強項，這樣的細節她自然不會錯過：沉重，想辯解卻不知何從說起，悲慟—這是楊芷欣現在的心情。

「阿YAN，答我。」詠琳走過這段日子，早已透過自身的努力而變得更堅強，「為左贏，你到底訂左一個點既計劃。」

「…詠琳，對唔住。」無線電的另一邊傳來的是天之驕女的道歉，「好對唔住。」

「你唔應該同我講，你！！應該！同所有死左，同即將會死既人講！！！！」

最後的句子，是詠琳對著無線電吼出來，在地圖上又有哨兵把代表青龍部隊的旗子插到地圖下的水松木板上，密密麻麻的旗子代表的是如潮水般從後方湧來的敵人，同時間又有哨兵在地圖上「赤柱監獄」與「聖士堤反書院」之間拔去代表反抗軍的旗子，代表前線友方已經被擊破，於旗下再無友軍。在卡紙上留下的洞，好像留在詠琳心上似的，空洞洞的黑不見底，那兒曾經存在過的反抗者，只剩下地圖上無名，無姓的一個小孔。

生命，不過脆弱如斯。

人命，不過廉價如斯。

一個小孔，代表著的是幾多未果的志向，未述的故事？

「詠琳，你咁太過份，你知唔知佢到底帶住點既心情去同許少傑講…」無線電另一邊傳來一號的聲音。

「喂！我自己講呀！」

「俾，俾我講埋啦！扑錘既係許少傑，你要怪就怪佢，唔好係度同我咁樣鬧阿YAN！」

詠琳語調冰冷起來：「你就係用咁樣藉口去說服自己諗埋呢Ｄ計劃？將所有罪名推晒俾許少傑，去做你既軍師，叫Ｄ手足去做炮灰？」

「我，我唔係呀，阿一你收聲！詠琳，我…我無諗過要推咩責任，計劃係我諗出黎，亦係我同傑少講除左咁做無可能贏到青龍部隊。」楊芷欣忍住淚音，「我責無旁貸。」

地圖上的小孔愈來愈多，代表友方的旗子被不斷拔去，代表青龍部隊的兩列旗子不斷向中間的友軍夾去，全滅的倒數正在逼近。

「你點可以咁做。」詠琳質問，「佢地每個都活生生既人，唔係一支旗，更加唔係你棋盤上既一隻棋…佢地係人，唔係棄子呀！活生生既人黎架！」

詠琳抬頭忍著淚水，連附近正在工作的哨兵的都為之側目，她內心心如刀割，除了生命的消逝之外，更加是不明白一向如大姐姐照顧自己的阿YAN會訂出這樣的計劃。

「詠琳，我地依加係戰爭…呢一場，係內戰。」

「所以呢？所以你推自己人去死就岩啦咩！」

「我無推任何人去死，詠琳。」楊芷欣道，「佢地係選擇左呢條路，我只係教佢地點樣死得比較有價值，有意義。」

詠琳倒抽了一口涼氣，差點以為自己聽到幻聽。

「你…係度同我講乜撚野呀…仆街…你…你…」

印像中詠琳絕少會說粗口，更別說是罵楊芷欣。

「我地無得揀呀！人，一定會反抗！面對末日，上唔到方舟，佢地一定會反抗！！反抗既話，方舟政府一定會鎮壓，鎮壓就一定會有傷亡，你答我！詠琳！有冇可能令佢地唔反抗？！無可能！有冇可能令方舟政府唔鎮壓？！都無可能！」

楊芷欣情緒愜也激動起來，「既然係咁，反正都一定會死人，一係死左人，然後贏！一係就死左人，然後輸！你話，邊一個選擇先係最好？！」

反抗，引來鎮壓。

鎮壓，引來衝突。

衝突，造成傷亡。

傷亡，決定勝負。

反抗是必然的，鎮壓也是必然的，這兩點任何人也沒法改變—反抗者不甘於屈服在強權下，誓要反抗到底；鎮壓者不甘放手自己的利益，誓要鎮壓到底。

天之驕女可以改寫的，只是傷亡過後，誰勝誰負罷了。

世界就是這樣的無情，不帶半點慈悲。

「有人質疑過，許少傑為左勝利會不擇手段…睇黎唔止佢一個，連你都係。」詠琳不為所動，「所有罪犯，都會講到自己無得揀，走投無路先要犯法，傷害其他人咁。」

「詠琳，可能係我唔夠聰明…我搵唔到無人傷亡，大家都可以開開心心上方舟去新星球過日子既方法。」楊芷欣漠然道，「由方舟無辦法載到所有人個一刻開始，我地注定會經歷呢Ｄ事。那怕他日你地真係奪取到方舟，最後上唔到方舟既人，一定會發動第二次方舟爭奪戰，直到方舟起飛，反抗同鎮壓都唔會停。」

「…」詠琳也沒法否認這點。

「方舟爭奪戰，將會永遠繼續打落去。」楊芷欣說出結論。

「我接受唔到，阿YAN，」詠琳的淚水滴落在地圖上，「我接受唔到要死咁多人先換到既勝利，我接受唔到，我地要永遠咁互相殘殺落去。」

「如果唔犧牲佢地，我地連贏既機會都無。」楊芷欣道。

詠琳發現自己也許不是怪罪於楊芷欣，而是沒法接受末世的殘酷。

終結方舟爭奪戰的方式，除了方舟起飛外，就只有人們互相殘殺，直到方舟的空間足夠收容所有還活著的人吧，在那之前—反抗，鎮壓，再反抗，再鎮壓…方舟爭奪戰將會不斷上演，不斷迴圈，即使血流成河，即使屍積如山，人們都會繼續發動方舟爭奪戰。

人生而自由。

當自由被奪去，有時人會屈服—那是末日前的事，各人尚有包袱。

但當人發現如末日，如終局一樣退無可退，人就會反抗。

人生而自由，人生而反抗。

還會反抗，才代表你活得不負「人類」二字，而非家畜。

「咁樣，我地戰鬥到底有咩意義，如果我地贏左搶到方舟…又會有人黎攻打我地，我地依加咁努力，咁壯烈，到底有咩意義？」

看著地圖上的一個又一個小孔，詠琳感到無虛所在之際不是內心，而是自己的身邊只剩下空虛與無力，不存在任何意義的空無一物。

「…我諗，至少證明我地係人，證明我地反抗過，生存過。」楊芷欣咬緊牙關，「更重要係我地會贏，會去證明佢地唔係白白犧牲！時機成熟！詠琳，佢地後面包抄既人距離聖士堤反仲有幾遠？！」

詠琳呆一呆，但還是報出無人機觀察到的距離。

「聽到啦？傑少！」

「沙…沙…沙沙…」許少傑的訊號接入，似乎有點不穩，幾下海浪聲閃爍後才聽到他的聲音：「點解會係你呀，Ｙ小姐，爆爆哥呢？」

楊芷欣現在才接入他的訊號，自然不會揭穿自己的真名。

「…唔係度。」

「………」只有背景雜聲，許少傑沒有作聲。

「傑少？」

「傳令出去：反抗軍全軍開始反擊，反包圍殲滅戰，開始！！」

梟雄在絕境中，舉起染滿友方鮮血的戰旗，奏起反擊的號角。

應該就係　不過我都寫得好爽

4日連假挑戰4連出
試下咋

為左提升出文速度想學倉頡
成功堅持一日半

ok

計埋今晚其實係5連