【願玫瑰在君子的屍體上盛放】《誤上了黑幫老大的情婦，我只好躲在中環的職場胡混》- 第四季：玫瑰篇

又要等星期四

問題:
又話暗黑房,
點解連崔太面上有紅暈,
面試官做乜都可以睇得咁清楚嘅?

上集有交待過地場衛喺房入面嘅動作相當靈活，好似一啲都無受到漆黑一片嘅環境所影響，卡西就估佢嘅眼罩應該係有某種夜視嘅功能

閃電巴果然睇得細心

我係指點解卡西之前連姥姥個樣都睇唔到,
但可以睇得地場衞睇得咁清楚?
係咪寫漏左佢地開左燈

睇小說最過癮嘅地方就係可以一路睇, 一路幻想返個情景出黎,
如果有啲位諗唔通就會好出戲

當卡西一踏進「暗黑房」時（第一百二十五話），房中嘅設定係漆黑一片，但基於安全考慮，設計上喺牆腳處都裝有小燈，情形就好似平時酒店房嘅夜燈咁，等住客喺熄晒燈嘅環境下都可以睇到地下條路，方便柯夜尿
所以卡西同姥姥初次埋牙時喺床上，卡西睇唔到姥姥個樣，係之後佢哋轆咗落床下底，卡西至可以靠牆腳小燈嘅燈光睇到姥姥

用文字嚟描述場景都係我嘅興趣，亦係其中我愛上寫小說嘅原因，歡迎巴絲有諗唔通嘅地方就發問呀

有問題呀 出文未

呢段我都明,
我唔明嘅地方係:
首先有呢個設定
「門關上後，樓上舞池傳來的強勁音樂仍清楚可聽見，但房內卻比外面更暗得多，基本上由足踝以上都是伸手不見五指的漆黑」
「我小心翼翼一步一步走到床邊，然後想把身體屈曲便向下滾進去，但當我隨意的按著床邊借力時，卻給我摸到了一隻腳！」
然後再一次強調有幾黑
「這裡明明是漆黑一片，理應要好像我和姥姥一樣躺到地板上，才可藉著牆腳小燈來勉強看見房中的情況，為何地場衛的動作利落得好像一點也不受影響？」
既然一開波姥姥已經瞓左喺床,
卡西睇唔到只可以摸到,
足以証明到伸手不見五指並無誇張
但崔太一入黎,
卡西又睇得好清楚佢嘅裝扮, 表情, 身材, 動作喎
「門打開後就見一個穿著普通便服的長髮女人，戴上一個隨隨便便在書報攤十元八塊就有的膠面具進來。」
「轉眼間，一副豐腴得難以置信的胴體就赤裸裸呈現在眼前，尤其一對分量驚人的肉團，在沒有奶罩的束縳下，依然昂然掛在胸前，形狀圓圓滾滾像是兩個大皮球一樣，給人一種異常肥嫩多汁的爆滿肉感，相信她是有親哺母乳的緣故，兩邊乳暈都翹起有如橡皮糖大小的奶頭，更有著成熟誘惑的紫紅色，叫男人一見，就本能地想放進嘴裡吸吮起來。」
「長髮女人隨即將面具脫下。我幾乎就尖叫了出來。因為我立即記得在哪裡見過她。」

就當佢地無關門, 但當時背光,
如果間房如之前描述一樣咁黑的話,
一樣唔會睇得到
再者, 人嘅眼喺越黑嘅環境之下,
辦認色彩嘅能力就越低,
就好似宇宙中嘅銀河本身係有色彩,
肉眼下只能見到黑白
「崔太只是被弄了幾下胸部，已使她滿面紅暈，嬌喘連連」
以下呢幾個描述,
肯定左卡西同姥姥係睇到室內嘅情況
「姥姥忽然顫聲問道，才醒起小卡西一直也沒有離開過，本來已稍稍冷靜下來，但當看到外面熱辣辣的畫面又再膨脹。」
「你呢隻．．．．正一賤熊嚟架．．．．啱啱先做過．．．．咁快又咁硬．．．．係咪因為外面嗰個女人．．．．佢個胸仲大過我？」
除非卡西同姥姥都戴左夜視鏡,
否則無可能睇到咁多野, 仲要睇得咁清楚

希望呢張圖可以解釋到

努力當中，聽日出文啦

如果係咁的話又有少少犯駁
1, 光線應該唔夠見到上半身
「房內卻比外面更暗得多，基本上由足踝以上都是伸手不見五指的漆黑」
「牆腳還是裝有一盞小燈，發出極微弱的光線，讓地板和地上的陳設物勉強可見，免得眾痴男怨女踏錯腳發生意外，都算是一處頗貼心的設計。」
2, 依張圖嘅光線分佈,
床下底會一片黑暗, 唔會睇到姥姥個樣
3, 就算光線夠強都好,
由下向上嘅話, (咁地板就唔會係勉強可見)
崔太對波應該遮住晒啲光, 睇唔到個樣
4, 如果光線係強到可以睇到地場衞同崔太做緊咩野的話,
咁之前覺得地場衞戴左夜視鏡呢個推斷就變得唔合理.

唔好意思, 呢度真係好出戲
可能係因為我睡房都有 set 地燈關係

人地 2 4 6先出文

我心目中對呢個場景嘅設定係有以下三點嘅考慮作為基礎：
1. 由光突然走入暗嘅環境，瞳孔因為未及時放大，所以感覺上會比實際上更黑暗
2. 隨住瞳孔慢慢適應黑暗，卡西可看得見嘅東西會比剛剛入房時越嚟越多
3. 暗黑房嘅目的係讓 Club 51 Shade 中嘅痴男怨女能安全地享受黑暗中鬼混嘅樂趣，所以房中燈光設定喺近門口同地面嘅位置都會較光，而喺床上就會較黑

多謝閃電巴指出有問題嘅地方，其實我一直都有刻意用心經營每個場景嘅描寫，原來大家真係會睇得咁精細，咁我以後就一定會再多加留意用字、同埋場景設定嘅合理性啦

當長期係個黑既地方 瞳孔放大左後 的確可以係微光下 睇清到好多野 同埋個腦識自動腦補
睇估都係不斷腦補

坐等出文

其實我都係覺得地燈呢個設定都係有bug,
不過點都好, 多謝巴打認真又細心咁回答我呢個小問題

第一百二十八話：家長們的鬥爭



崔太抹一抹眼淚，深呼吸一下，才道：「我．．．．我真係咩都唔知架．．．．我只係個仔喺之前嘅『常規程序』中無被挑選到，攞唔到喺最後輪選剩返嗰幾個學位，入唔到『拔道』讀小一．．．．其實當時我個仔都已經喺另一間學校開咗學，點知跟住就有個自稱係『家教會』主席兼家長校董叫曹太嘅人搵我傾偈，話佢係學校嘅權力核心，同班入學評審又好熟，問我如果我仲想個仔入『拔道』嘅話，佢可以幫到我。」

崔太說的曹太，就是麥太提起過近排跟駱太和尤太走得很近的那個，難道今晚在房中發生的事情，就是跟她們三人有關？

「雖然呢單嘢唔太關我事，不過你都話你個仔已經喺另一間學校開咗學啦，咁你都仲未死心？家陣唔通唔喺『拔道』讀書會死架咩？」小紅帽竟忽然插嘴道，我想她的性格應該是挺喜歡多管閒事。

崔太解釋道：「唉，我本來已經放棄咗架啦，但係曹太嘅說話確係又搞到我心郁郁，因為如果我個大仔真係入得到『拔道』，到我細仔入小一時就會有分加，兩個仔都喺『拔道』讀書不褸都係我畢生嘅夢想嚟架！」

「話時話，乜開咗學都仲可以入嚟架咩？唔係已經無晒學位架嗱？」我好奇問。

「我一開始都係咁諗，不過曹太話就算係開咗學之後，其實學校都仲有啲啲學位剩喺度，係預留畀萬一有需要插班嘅外來生用，所以，我個仔都仲有呢個途徑轉入『拔道』，但係好似呢種『非常規』嘅學位非常有限，而『吼』住呢啲位嘅家長亦大有人在，曹太就話，如果我真係有興趣嘅話，就要透過一個『非常規』嘅甄選程序，嚟爭取呢啲本應留畀插班生嘅學位。」崔太頓了一頓，又道：「於是，我就畀咗五百萬，參加咗呢個『非常規程序』。」

「五．．．．五百萬？」我脫口驚道。

崔太繼續道：「無錯，參加呢個『非常規程序』嘅家長，首先就要交一筆無論成功與否都不設退款嘅五百萬手續費，畀咗錢後，就會得到一條手帶，曹太話參加者會接受一連串嘅面試，有關面試嘅時間同地點都會靠呢條手帶發放，而跟住落嚟，同參加者面試嘅所有面試官，都會直接影響最後嘅入學評審結果，所以參加者就要盡一切能力，去滿足佢哋。」

「包括同佢哋搞嘢？」我問。

崔太點點頭。

「咁呢啲嘢係你參加呢個『非常規程序』之前已經知道？定抑或係喺你參加咗之後至知架？」我再問。

「喺我未決定參加之前，曹太已經有同我講晒所謂嘅面試其實要做啲咩，所以我係一早就知，同埋我亦都明白，就算畀咗錢參加咗呢個程序都仲係要爭，唔代表學位已經袋袋平安。」崔太直認不諱的回答。

我忍不住問：「咁既然你之前已經知道，乜你唔覺得咁樣做犠牲太大架咩？要不斷咁同唔同嘅陌生男人上床喎．．．．」

崔太即時打斷了我，斷然道：「佢哋唔係普通嘅男人，佢哋係尊貴嘅入學評審，係佢哋去決定我個仔入唔入到『拔道』讀書，所以就算到最後我係失敗咗都好，我都會為曾經為自己個仔嘅前途努力過而感到驕傲，呢啲就係母愛嘅偉大，你係永遠都唔會明白架啦！」

要透過跟其他男人上床才可以明白的母愛，我想我和崔太的丈夫怎也不可能會明白。

崔太又道：「不過其實曹太同我講完之後，起初我都猶豫咗好耐，但係當我知道咗一件事，我就即卡做到決定啦。」

「係咩事呀？」小紅帽比我先一步追問。

「因為我知道丘太都有參加。」崔太握實拳頭，堅決地道：「佢既然都玩，我就一定要奉陪到底，佢做到嘅嘢，我一定要做得比佢更好，所以就算我最後爭唔到個位返嚟，最低限度我都唔要輸畀丘太！」

甚麼「母愛的偉大」、甚麼「為兒子前途著想」，通通都是令自己好過點的借口罷了，能夠令崔太豁出去下海的真正原因，就是因為她不能輸給丘太！

家長之間的鬥爭，竟然已去到這個地步！

「唔係吓嘛？就係因為咁嘅原因？」我驚呼嚷道。

「佢個仔擺明就唔夠我個仔叻，如果到最後，因為佢參加咗而佢個仔入咗『拔道』，我無參加到搞到我個仔入唔到『拔道』，我一定會呢世都憎我自己，所以我係唔可以唔參加架！」崔太斬釘截鐵地道。

這時，小紅帽突然站起身來，便衝到崔太的前面，「啪」一聲一巴就掌摑在她的臉上，再怒道：「你係咪痴線架，為咗啲咁嘅原因就出賣你自己嘅貞操？你知唔知貞操對一個女人嚟講係幾咁緊要？如果畀你老公、同你兩個仔知道咗你做埋啲咁嘅嘢，佢哋會點諗呀？我真係好後悔頭先唔覺意咁救咗你，等你畀個變態佬刮甩對波仲好呀！」

崔太摸著發紅的那邊臉，急急罵道：「你仲乜無端端打人呀？你喺得呢度出現都唔慌會係忠貞啦，你有咩資格打我呀？」

小紅帽可能亦有感自己是衝動了點，但一巴掌打了下去已不能收回，只能「哼」一聲便回到床邊坐下來。

小紅帽的性格除了是多管閒事之外，亦跟她斗篷的顏色一樣，都是火紅剛烈。

隨著這一巴掌，大家都不發一言，房中的氣氛瞬間就僵持起來。

在這個空檔其間，我卻不經意地呆望暈倒在地上的地場衛，雖然眼罩遮蓋了他的半張臉，但我還是從他鼻樑之下露出來的部分，發覺越望著越覺得他面熟。

其實起初地場衛跟崔太一開始談話的時候，我已覺得他的聲線應該有在哪個地方聽過。

為了進一步証實，我便蹲到地場衛的旁邊，並將他的眼罩除下來，當我看到他的真面目，便不由自主地大笑了一會，然後指著崔太，朗聲叱道：「你的確有權覺得小紅帽佢無資格打你，但係我就嫌佢呢一巴刮得你唔夠大力，因為唔大力的確係好難刮得醒你呢個蠢女人！」

從這個地場衛的樣貌來看，我肯定他不會是甚麼的面試官和入學評審。

因為他就是我「川泓」的同事，隸屬 Ivy 那 Team 的 Simon。

「吓？你話我係蠢女人？點解呀？」崔太不明所以地問。

「唉，你『喱』落床下底，無論點都唔好出一粒聲，跟住你就會知架啦。」我歎了口氣道。

崔太照著我的說話做，之後我便用力搖 Simon，直至他清醒過來。

Simon 緩緩睜開雙眼，便抱著自己的後頸，痛苦地呻吟著：「好．．．．好痛呀．．．．」

「Simon，你醒啦？」我道。

「吓？你．．．．你點知我叫咩名架？」Simon 吃驚地道，似乎我的變聲亦沒有讓他認出我就是他自己公司的同事卡西。

我的自信心當然增加了不少，又道：「我唔只知你叫咩名，我仲知你應該係喺一間叫『川泓』嘅投資公司入面做架添。」

Simon 被我的話，嚇得張開嘴巴就如一個「O」字。

（待續）

點解好似好短，好似無乜嘢發生過又一篇

太短，出多編啦

快 pls

推

support

推

推

今集篇幅會加碼