分享下我爸講我知既野
我爸三十年前係大陸開左廠,宜家都長居內地,佢話香港人係上面開廠並唔容易,要好醒目,一唔醒目就會有好多人搵你笨,啲消防局人員玩起你或冇錢既時候,就黎巡廠,話你間野唔岩例,有錢比有煙食就比你過,冇就等比人封查,一個月玩你幾鑊。
上面剪頭髮既店有啲會包邪骨,日頭洗頭,夜晚做其他野,間野我啲丫伯有份,以前細個唔知,仲比
我爸帶去電頭髮,個陣興坐係度洗頭,啲水唔會滴落去,啲女人個胸會係人塊面咁撞扮拎野,洗完個頭就上左樓上。
我爸試過係公路揸車,無神神比架貨車超前,係佢面前推條屍落去,要屈我爸撞死人,最後公安黎到,又係比錢了事...有錢使得鬼推磨
𠝹褲袋呢啲已經好常見,就算幾時都好,上去玩唔係問題,但要玩得小心