類似但相反,個同學勁低調唔出聲冇乜朋友果種,每次測驗考試都係合格邊緣,係大部份老師同學眼中係隱形。
有次lunch佢自己食銀包冇錢,果間只收cash,我幫佢比左佢即該去撳返比我。
到中五準備DSE,自己開始讀書,冇同原本D FD行咁埋(全部隔離班)。中五尾有日我放學係班房計數,做LQ諗到愁眉苦臉,佢埋黎教我,我心諗你成績仲差過我喎巴打
![](https://cdn.lihkg.com/assets/faces/lm2/bye.gif)
佢勁輕鬆睇完題目開始秒解,解題方法屌打數學老師,之後介紹我出去補C Cheung(我係C.C.打手)同其他科,自己都係咁先碌到入U
加上我都鍾意睇書,好多課外問題同佢傾,佢都有一番見解,開始Friend左,發覺佢超級博學,經濟哲學文學歷史藝術音樂都有認識。而家諗返佢應該係覺得D老師同學太蠢唔想SO人。
我地兩個勉強算係可以交心,佢last day果日好語重心長咁叫我加油比心機追尋理想,放榜日佢唔想應酬人下午先返學校拎成績表,佢除左中文4同LS 5*其他科全部5**,去左LSE。
佢冇用任何社交媒體,而家間唔中收到佢世界各地寄黎既postcard