[人生在世]一人一個中學傳奇人物同事件

YY2 ?

要幾on9先會自己叫自己傳奇人物

我以前中學啲訓導會捉人lunchtime去隔離10蚊速剪剪頭髮，
有啲男仔太嬲有日一齊剃左返黎
最後都係比人捉，原因係奇異髮型

中四個時有個好正經讀書既repeater
第一個學期攞左全班第一，面上多左份自信
第二個學期派成績表
佢平均分同上學期一樣，但係跌到全班1X
仲記得佢個樣好震驚咁不停問班主任"點解呀! 點解會咁架!!! 冇可能"

好多年前, 但係好記得
中三o個年有個同學仔成日都做膠野, 又博出位咁
我地都無乜野, 係有時玩下佢咁
話說有一次PE堂阿Sir無番 (男女分開上)
咁班男仔就留晒o係班房, 但係唔知點解無代課老師上黎
結果我地玩玩下變左集體欺凌佢LOL
佢又唔知點解係咁係出老師位唔知扮咩
成班男仔又扔野又射橡筋
仲有人拍片 (o個陣唔係個個有有camera既電話)
咁我地班仔又有個剪片高手, 用當年一首禁歌gloomysunday做BG music, 加埋D黑白效果
整左成段欺凌片出黎.... 當事人都無事, 笑笑口咁
結果有人報串, 搞到好大件事, 成班仔夾口供
最後唔知係咪學校唔想搞大佢 我就比人記左3個缺點 最勁都好似只係比人記小過
鄉村名校 D學生多數都好乖 我諗依件事都係當年經典

2個男，一個成績好好，一個壞壞地
2個都剃光頭
壞個個俾人入左個標奇立異
ON9訓導

計下數... 原來都成12年前..

有人將某個女仔嘅自拍過膠，再貼哂係全校啲尿兜入面

以前學校無小食部 有條友係屋企帶咗個蒸籠返學
仲喺超市買咗啲燒賣 到小息偷學校電用蒸籠蒸燒賣
在喺課室當小食部咁買俾人 嗰時多人到排晒出班房
最後比老師發現 記咗缺點

分享一個傳奇故事。

當年班入面有個打開波嘅狗公，平時成日周圍同人講佢d溝（屌）女心得。

事源係有幾個同佢打開波嘅男仔覺得佢好串所以就唔妥佢，所以幾個人就是但上網搵咗個靚女拎咗佢部分自拍相做素材開咗個ig account pm呢個狗公想專登玩鳩佢

點知隻狗公又真係上釣，開始同呢個「女神」培養咗一段時間嘅感情，中途開始談心話feel到打波啲同學唔中意同佢一齊玩，可能因為自己打波叻過佢地而樹大招風

後來呢隻狗公開始飢渴想問女神拎裸照，幾個男仔feel到ig account就快穿煲，所以呃鳩個狗公話你要有大屌先考慮下，點知狗公真係影左自己龜頭出嚟

最後件事穿咗煲搞大咗，全級大部分人都知道咗件事，班主任 訓導都介入，狗公要求佢地要公開道歉，唔係就會搵佢個咩督察親戚幫手同埋寫律師信又剩 咁校方又唔想因為呢啲on9野而搞大件事，果幾條友都知自己過份咗所以最後都私底下解決咗。

不過最好笑嘅係果幾條友唔知係專登定冇心，喺學校個facebook secret page上面公開道歉，仲要報晒佢地個名同狗公個名 雖然過咗冇幾耐就del咗post，但係件事已經一傳十 十傳百咁樣傳晒成間學校，老師學生都知道咗件事同認識狗公本人，唔少人仲見過佢露屌果張相

自此之後，畢業之後佢都冇再喺班聚上面出現過，而班聚入面大家總會提起呢段回憶

勿相認！

喺外國讀highschool 話說間學校門口有個花槽啲植物種到個形狀寫住學校名簡寫 "COCB" 我同班鬼仔fd喺畢業前一晚 夜媽媽將個B寫上下兩橫剪走咗 成個花槽變咗COCK 第二日畢業禮學校叫人唔好喺門口影相 第二年連學校名都改埋

我覺得佢應該好準。。。射得唔準既人好難成個學期都唔負碌入一球

有條友係宿舍唔知訓過龍定點 出唔到去（返學時間學生張卡出入唔到）
佢就直接係laundry跳落地下 最後斷腳加call白車
之後講到就畢業都仲講緊呢單野 佢岩岩好返嗰陣仲有人話夾錢叫佢跳多次
利申 當年出事有份幫手推架輪椅俾佢

高form嗰陣，我地第來個小息就習慣左成班fd落去canteen食早餐，咁我地就開始發現好多低form食完野就咁放係枱面，唔執返啲垃圾，咁變左就係上堂時間啲小食部姨姨去執，我地睇唔過眼，就自發性去捉啲唔執垃圾嘅低form，只要見佢地冇執垃圾，就會追住佢地捉佢返黎，要佢執返啲垃圾。

我諗大家都知廁所個水箱有個浮波，沖水之後就靠個浮波係水箱滿水嗰時停佢繼續出水。咁我就沖水然後卡起個浮波，再將廁所入面成桶綠水倒入水箱，咁下一個人沖水就會爆泡。有次我又咁玩，之後上堂，我個fd去屙屎。佢返黎無幾耐訓導入我地課室問頭先有冇人去過廁所，佢舉手，個訓導再問係咪用中間個廁格，佢話係，個訓導就叫左佢出去，而我咁啱就係整左中間個廁格

仲有一個都係嗰個fd，咁係每個課室黑版上面都有得拉塊screen落黎比啲老師用電腦教書，佢就係小息將塊screen一半

聽返嚟
有一年某一班中二係好撚曳
係成班得34人出到38封警告信嗰隻
有條友對住個miss拉咗吓褲鏈 俾人記咗個缺點定小過

最中意睇呢d post
好撚青春

有個厹溝咗某個同學條女，個同學就嬲到話放學同佢隻揪。件事一傳十、十傳百，放學嗰時基本上全校都知道晒，全部人走晒入去班房幫手搬枱搬櫈整咗個格鬥場出嚟，勁多人企晒喺窗邊圍觀。點知最後兩條友淆底，搬咗張枱出嚟玩拗手瓜分勝負

當年讀中六嗰陣好鍾意係班房度踢波，有次比訓導主任見到就警告我唔好再踢，第二日仲係學校早會提醒其他學生唔好咁做話會重罰。

咁嗰日放學之後因為有歌唱比賽所以仲有好多學生留係度，我又腳痕囉個波踢咗幾下，點知唔小心將個波踢咗出窗，個波係五樓飛咗落去學校停車場嗰度，個波彈下彈下好衰唔衰彈咗去訓導主任架車度。我當時嚇到六神無主，隔離有同學提醒我仲唔快啲落去執番個波。我即刻用生平最快嘅速度九秒九衝落停車場執波，再九秒九衝番班房扮冇事。因為當時除咗同班同學仲有好多其它Form學生見到，所以我擔心好快會有人來捉我。

咁過咗一陣真係有個訓導老師上咗來我地班房，不過佢係問我地有冇見到個染金毛嘅人，因為學校保安係CCTV度見到一個染金毛嘅人係停車場好快咁衝咗入來學校，驚佢唔知係咩人，依家搵緊佢。我地個個聽完都黑人問號，唔係應該來捉我咩，哪來的金毛？(我冇染頭髮，純黑色)咁我地當時咪老實答話冇見到。之後見到全校好多老師都係度搵緊呢個金毛，最後搵咗好耐都搵唔到就不了了之。

事後我地分析番件事，應該係我當時嘅髮型係鏟青剪到勁短見到肉咁濟，係咁多年前解像度極低嘅CCTV畫面入面，可能真係似染咗金毛，所以先誤導曬全部人比我蒙混過關。

f4嗰年有個呀sir針對某個女同學
咁f4開始就固定晒d老師 唔會轉
但個女同學忍唔到咁耐
跟住佢就扮鍾意左呢個呀sir
仲要好高調
過左半年
個呀sir比學校‘建議’去第2度教書

我中學每個班房都裝一部router
話要用ipad上堂 點知成年ipad淨係出現過2次
我地wifi就用到畢業
個密碼仲要係阿sir同我地講 去到邊都有wifi用