同兩個同學去飲茶(同學A係鐸叔嗰個)
B問大家想食咩,A都話冇所謂,你照畫喇。
B就叫咗一籠叉燒包、一籠燒賣、一籠金錢肚、一碟咸薄餅同一碟咸魚雞粒炒飯。
A冇食到叉燒包同咸薄餅,其他都有食,我同B就咩都食d。
不過最後都係食剩咗一個叉燒包,幾塊薄餅同三分一碟飯。A就話佢打包當晚餐,咁我同B都覺得無所謂,反正唔洗哂野。
到埋單嗰陣,我同B諗住將個大數除三就得,點知A話佢冇食過叉燒包同咸薄餅,唔應該計錢。然後燒賣有4粒,佢淨係食咗一粒,所以除4,每粒$5。最勁係金錢肚,佢數住有6塊,每塊$3,而下面嗰3件蘿蔔就每件$1。
結果全張單嘅野都比佢除開曬,個酒樓部長問咗我地3次搞掂未,7到上天花。自此冇再同A飲過茶