(HEHE) 那天,你走進了我的世界

761 回覆
115 Like 24 Dislike
2018-07-29 22:45:29
2018-07-29 22:57:33
輕輕一推
2018-07-30 00:16:05
多謝
2018-07-30 01:39:19
係回憶呀哈利
2018-07-30 02:26:28
不知不覺已經一年幾
2018-07-30 13:38:19
會唔會繼續寫斷尾故
2018-07-30 13:56:58
有諗緊
2018-07-30 17:55:50
(十)

 Leo還是呆站著。

 揚揚搶過盤子往洗碗槽扔,繼續說:「佢一定會教你幾招,到時佢講啲咩比你聽,你就點樣對返佢,例如佢叫你多啲關心你鍾意嘅人,咁你就多啲關心條白痴,再蠢嘅人都會發覺你鍾意嘅人係佢自己架喇!」

 「我...唔想比佢知...」Leo小聲說。

 揚揚回身看Leo,怔了一會兒,吐口氣道:「唉...我地真係要好好傾下,你差我一餐Dinner,就聽日喇好無?我再約你!」

 「其實...我都唔想比你知...你唔憎我咩?唔會覺得好奇怪咩?兩個男仔喎...」Leo低頭,聲音有些著急:「有時我自己諗都覺得唔啱,如果London知道咗,可能會唔再同我做朋友...所以我只係想維持而家咁...」

 「我已經知道咗喇,我無野喎,有乜問題?」揚揚打斷Leo:「點解會覺得有問題?每一個人都有自己鍾意嘅野架喇,點解要一直活係人地眼中嘅正常世界入面?又唔係偷又唔係搶,大家你情我願咪得。就算,London接受唔到呢種感情,作為你嘅好朋友,佢一定會企係你呢邊幫你,我知道鍾意一個人係無原因,所以,點解你唔放手試下?」

 Leo退後兩步,找不到話說。

 「我唔知道你點解可以忍咁耐,從來都無表示,無暗示,可以望住人地結婚,然後消失咗無影。」揚揚輕歎口氣,語氣緩和了一些:「我諗你自從婚禮果日開始呢幾年都無好過,點解要咁對自己呢?寧願自己行埋一邊受傷都唔想人地唔開心。」

 Leo伸手抹去臉上的淚水:「我...覺得而家我地嘅關係好好...只係想咁...唔好話比佢聽...」

 揚揚一股怒氣上升,及時又吞了下去,Leo夠苦了,沒必要落井下石。

 「聽日再講喇!」揚揚輕聲說。

 Leo低下頭。

 揚揚扯了一張紙巾,往Leo頭上扔。「唔準喊啊!如果比佢知我搞喊你,佢實殺咗我!」

 揚揚離開廚房,Leo擦乾眼淚,打起精神,回到客廳。

 「揚揚...對唔住...」Leo走到揚揚身邊說。

 揚揚抬頭看他,忽然笑了:「你應該揀客房架,因為佢一定唔會瞓梳化,張梳化咁細,佢瞓一晚應該條腰就斷!」

 Leo眨眼。

 「Leo!」揚揚望著他:「唔洗驚!有咩事我都係到!」

 Leo吐口氣:「我去洗下臉先...」

 「去喇!」

 Leo洗好臉時London也回來了,正在和揚揚廝殺廿一點。電視還開著,很小聲,撥放著晚間新聞。

 Leo走到空的小沙發,London對他招手:「喂,我地三個玩三公呀?識唔識玩?」

「識啊,我細個成日同我呀妹玩!比我做莊!」Leo急不及待地說。

 揚揚抽出放在茶几下的筆記本,準備好筆。「你睇住你個銀包玩呀,我驚半個鐘你就輸晒!」
 「你睇住你成間屋都輸埋添呀!」London笑著。
 
 Leo在枱邊就地坐下。

 兩位師兄又是一直輸,Leo不想贏,可是不知要如何放水,Leo一直都拿到八點九點,有時點數一樣,Leo又有雙公在手,分數一路增加,聽著他們聊天,Leo靜靜的聽,兩罐啤酒以後,Leo渴睡了,頻頻打喝欠,再加上喝了幾罐啤酒,頭開始暈了。揚揚看了Leo一眼,有趣的笑了。

 「今日完啦好嘛?」揚揚站起來,看著Leo:「去瞓教喇,你就黎瞓低喇!」

 Leo放下牌,站起來,往沙發上躺。London坐在沙發前,半轉身看Leo,瞇眼笑了:「你真係要瞓梳化呀?」

 Leo嗯了聲,閉起眼睛。真的不行了,為什麼他們的精神還這麼好?

 London靜靜的觀察Leo,揚揚在一旁看著他們。London伸手「搣」Leo的臉頰,就像大人玩小朋友一樣,Leo沒動。London輕聲笑了,站起來,幫忙收拾。

 模糊中,Leo知道他們收拾桌子,到廚房洗碗盤,低聲交談,好像在廚房聊了一陣子,之後,電視關掉了。雖然沒聲音,但是電視螢幕熄掉的剎那間會有靜電摩擦聲,Leo睜開眼。

 London正俯身看著自己。「喂,瞓床喇好無?得張毛毯唔夠暖架!你會感冒,過黎同我瞓喇,傻豬!」

 Leo轉不過腦筋:「床?」

 「走喇!驚我食咗你咩!」London拉他起來。
2018-07-30 18:22:46
出得幾快喎
2018-07-30 18:25:51
因為開始入劇情喇
2018-07-30 18:26:49
出得幾快喎
因為開始入劇情喇

做埋野睇
2018-07-30 19:33:37
嘩 咁快一齊訓
2018-07-30 20:38:05
今日好峰迴路轉
2018-07-30 20:46:55
「再蠢嘅人都會發覺你鍾意嘅人係佢自己架喇!」
樓主想做個反差都唔好做到咁明顯
有時見到依類既句子就有少少嬲鳩
雖然總係會有朋友用依類既方法開導自己

但係係人都知依句野唔係真事
而且係一件好無奈 好無助既fact
對佢定對自己都好
故事入面既後果唔需要承擔 真係好

樓主上左岸未?
定係篇故係要黎比你影射自己既理想情況?
2018-07-30 21:25:19
我諗左一下你嬲嬲豬個點係邊...唔係好明
London同Leo個角色性格都係對感情有啲鈍
而揚揚身為一個直男朋友,面對住兩個好好感情嘅男性朋友,講出呢啲說話應該唔係好出奇姐?
況且你都識講,呢啲只不過係開導說話黎姐,唔需太上心啊
情況就好似有人唔開心,總會有人講:唔好唔開心喇 呢類型廢話

定係你會覺得之後情節會真係咁樣發展,然後真係一齊左?有咩意見都可以繼續講,最緊要你睇得開心
2018-07-31 01:00:42
繼續加速
2018-07-31 01:31:15
2018-07-31 01:55:31
上床啦
2018-07-31 02:09:19
跟住想要咩情節
2018-07-31 02:25:35
可能係聽開d叫我放棄既說話啦
見到依d咁無用同埋咁兒戲既support會有少少妒忌厭惡

我敏感左 敏感埋右
2018-07-31 02:29:13
係咪就嚟要大戰三百回合
2018-07-31 04:38:09
加速
2018-07-31 05:04:05
2018-07-31 09:47:59
2018-07-31 14:34:05
揚揚會唔會中途轉基呢
然後可能揚揚同咗London 一齊
吹水台自選台熱 門最 新手機台時事台政事台體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞