(三十五)
「以前嘅事就唔好講喇!」Leo對小柔微笑。
London無奈地看Leo。
「揚揚話你好識煮野食!」沈柔對Leo甚感興趣。
「可唔可以教我?揚揚每日都剩係食飯盒,睇見佢都覺得慘,但係我又唔識煮,又驚煮完唔啱佢胃口!」
Leo高興地坐起來︰「揚揚鍾意清淡啲,中秋果陣我去佢屋企學架,佢媽咪教我唔好每次都煎或者炸,炒就最好,蒜蔥果啲就最後先擺,我見佢都係咁做,我就學咗喇,味道就會清淡啲!」
小柔點頭,眼光飄向揚揚,揚揚看著Leo,寵愛映在眼底。
「London屋企就唔同喇。」Leo繼續說著︰「火侯要夠,London媽油放好少,佢同我講London唔鍾意咁齋嘅野,早餐果啲呢佢就鍾意......不過無所謂喇,重點唔係佢,總知揚揚就係鍾意清淡啲囉,都鍾意燒野食,次次都食好多。」
小柔對Leo有點崇拜,難怪揚揚喜愛在心。Leo記得清清楚楚,哪個師兄喜歡什麼,縱使心愛的是London,對揚揚的好沒有任何怠慢!
「揚揚話你係佢師弟?」小柔試探性的問。「唔係London嘅?」
「都係架,但係揚揚次次都霸住佢...」London立刻說。「如果我對Leo稍有怠慢,佢唔會放過我。」
「但係你唔錫佢咩?」小柔說。「聽揚揚講你每一日都會送佢返工喎,就算要甩個客底都要送,唔係咩?」
Leo轉頭看London。
揚揚在一旁開始看好戲。小柔豈是你能招惹的?她的功夫跟我不相上下!
「唔係...咩?」小柔逼過去。她很想逼London承認,承認自己對Leo的一份心意!
「唔係啲咩重要嘅客就交比下面得喇。」London笑著說。「因為我地住得近,Leo每日都煮唔同款,我就每日都可以估有咩食,揚揚不知幾羨慕我哈哈!」
「係!?」小柔說。「揚揚又無同我講過你啲咩喎,我知佢都幾信你,不過聽你地講野好搞笑,好似親過屋企人咁!」
「奇聞!」London轉向揚揚。「你竟然無講我啲野?」
揚揚奸笑︰「皇上,我邊敢講野啊,你話開事架嘛!」
London狐疑的看揚揚。「你又想玩啲咩花臣,我同你講啊,Leo寶寶比我照顧得好好,佢話咩就咩,你無得怪我。」
揚揚想了一下,說︰「觀察多陣先喇!」
London想了一下,對揚揚勾指頭,起身。「出一出黎。」
揚揚跟著London到餐廳門外去。剩下Leo跟小柔。
機不可失!小柔起身對Leo說︰「揚揚同咗我講你同London啲野,不過你唔好怪佢多口,係我逼佢講架,同埋我係企喺你呢邊。」
Leo呆坐在椅子上,望著小柔。
「揚揚希望你快樂,我都希望你幸福!」小柔又說。
「揚揚本身想同你個妹見面,佢知你個妹一定支持你,但係我阻止咗佢。因為我覺得London先係重點,呢個世界上原來真係有人咁鈍架,你已經做得好好,但係佢仲未Get到,你要知道呢樣野。」
Leo垂眼低頭,沒有聲音。
「Leo?我可唔可以咁叫你?」小柔輕聲問。
Leo點頭。
「我知道好唐突,我都知第一次見面唔應該講呢啲野,但我希望你加油!」小柔繼續說︰「因為你同London,我先同到揚揚相遇,要多謝你地。第一次見,我都睇得出London鍾意你,你唔好放棄。」
Leo抬眼,眼底的悲傷好深好沉好重。「其實我覺得...唔會有結果。」
「London既然唔識愛,邊個估到佢會鍾意邊個?」小柔立刻說。
「揚揚略略同我講咗,佢真係想你好,佢而家只係想可以比你有多啲時間留喺London身邊。對於佢黎講,佢相信你唔會好似London個Ex咁對佢,最近你有啲唔妥佢都有同我講。你努力咗咁耐,斷估唔會想而家先黎放棄掛...?」
Leo沒有回應。
小柔一顆心往下沉。「係咪?Leo?」
Leo呆了一下,小聲說︰「因為再等都唔會有結果,我個妹為咗我而唔想結婚,London同我始終都係唔同世界嘅人,就正如我都唔會鐘意其他人一樣,我唔想揚揚為咗我而同London關係唔好,我唔想呢啲野發生...」
小柔看著Leo,揚揚沒錯,Leo有一顆好美的心!「你都堅持咗八年,唔會唔甘心咩?無人想睇到你咁痛苦,我都唔想,你要知道,如果你再消失,最傷心果個一定係揚揚!」
Leo抬眼看小柔,眼中,無奈,傷心,絕望。「我好攰...」
小柔覺得自己被Leo的情緒影響了,眼框開始發熱。
「有事再黎搵揚揚,佢會陪你。」
為甚麼人總是那麼犯賤?明明得不到,卻想一直爭取,到失敗了,會有人可憐嗎?
Leo沒有回答。
「Leo,應承我,你唔會放棄佢。」小柔眼角見到揚揚和London回來餐廳。「除咗你,無人可以比到佢幸福。」
Leo微微點頭。