(HEHE) 那天，你走進了我的世界

Live左

慢慢追故啦

一直都默默睇默默睇，然後突然發現live 左

唔LM仲好意思講出黎

我想知有幾多個人睇緊

睇左喇

Leo仔好純真

有人睇緊架 加油

新讀者報到, 結局可唔可3p 人形蜈蚣咁, 好無?

睇緊

想睇揚揚追Leo！！！！

覺得揚揚鐘意Leo

文呢

加速plz

live 咗

加速！！！！

文呢？

两日都冇文

留名

Live

文呢

樓主呢

(十四)

　「不過你唔講我都知咩事喇。」揚揚乾笑。「我諗呢個世界無乜邊個係可以令你咁上心，我諗你呢幾年應該都無拍拖?我唔洗問都知，因為你忘記唔到一個人，咁點解忘記唔到?我諗你自己都有答案。」

　Leo強忍著淚水,扒口飯。

　「食咗飯先喇。」揚揚又心軟了。

　Leo勉強吃了半碗飯就吃不下了，一直幫揚揚掏湯夾菜，揚揚一直笑著說謝謝。

　Leo忍不住了。「好唔好味?我見你食得好清淡，怕唔怕太唔啱食?」

　揚揚抬眼笑。「我唔係講客套說話，好好食，我覺得London以後有你都會好幸福。」

　Leo迴避眼神。「我去沖茶。」

　吃過飯後，揚揚幫忙收拾，Leo一直拒絕，匆匆地收好餐桌，把碗碟往洗水槽堆，出來陪揚揚喝茶。

　室內靜了一陣子。

　「你唔見咗咁耐，London都一直開口埋口講Leo點樣點樣，其實我諗佢都好鍾意你，至於係邊隻鍾意，我又唔敢亂決定。」揚揚平靜的開口。

　「其實，佢已經上過你屋企搵你幾次，但每次一係就無人係屋企，一係就比你呀妹用各種理由整走我，都無人知原來你搬咗出黎，知唔知咁樣好令人擔心?先唔講London佢點諗，你果陣咁嘅狀況自己一個住，避世咩?如果你一下子諗唔開做傻事，邊個都會擔心喇!自從我琴日第一次見返你，都估唔到你過咗幾年，對London都係無變過。我唔知佢有心定無意喇，但佢始終都傷害過你，比著我見返佢，一定打獲佢先喇!」

　Leo低頭不語。

　「不如你搵個機會同佢講?」揚揚又開始有些情緒。「你對佢特別好，佢自己都知架，應該話讀大學果陣個個都知，但係而家唔同喇，大家都係成年人，你再唔劃清界線，佢呢啲性格就會吊足你一世，又或者佢又唔知咩事腦閉塞，又同唔知邊個結婚咁點算?你有無勇氣再去多一次佢嘅婚禮?」

　Leo搖頭。

　「咁點解唔肯做個了解呢?」揚揚看著Leo，轉身找紙巾，把一整盒給Leo。

　Leo還是不語。

　「你驚乜野呢?Leo?」揚揚放輕語調。「有咩三口六面講清楚，一係呢就同佢幸福過生活，一係就食檸檬做返朋友，但咁樣最少可以令你死心呀嘛，你之後再遇到鍾意嘅人，我地都會祝福你，唔理係男仔定女仔，你鍾意咩都好，都改變唔到我地係好朋友呢個事實，Kary佢唔係一直都幫緊你咩?我地就同佢一樣，都只係想你開心過日子!但你之前話只要維持而家咁就好，你真係覺得咁樣係最好咩?咁樣叫對自己好咩?我覺得你只係唔肯去解決問題。」

　Leo吸口氣，抽面紙擦臉，然後站起來，到浴室洗臉。揚揚跟到浴室門口。「飲埋杯茶我地去搵佢喇好無?」

　Leo怔了下，關水龍頭，轉身拿毛巾擦臉。「唔可以而家花面貓咁樣搵佢!」

　揚揚輕聲笑了。「你唔想知佢住邊咩?仲唔快啲。」

　想!Leo掙扎了下。

　揚揚看的出Leo內心的掙扎。現在又覺得好玩了!

　「不如你填補返我腦入面果四年你做咗啲?」揚揚說著：「我地發生咗好多事，我諗你都一樣。」

　Leo轉頭看揚揚：「我生活無咩點變...我呀哥結咗婚，個仔都識叫我叔叔喇，我同Kary搬咗出黎住，呀哥就同我媽繼續住，都好平靜，無咩特別。」

　揚揚轉頭回客廳。「你呀妹都住呢到?」

　「唔係啊，佢同佢男朋友住。」Leo答，洗完臉，回來客廳。「不過就成日都黎我呢到瞓，佢男朋友仲大過你，不過我見佢地相處無咩問題，就無講啲咩，係感情方面，Kary成熟過我好多!」

　「講野仲好辣添。」揚揚瞇眼笑。「我諗佢生出黎就係為咗保護你呢個呀哥。」

　「Sorry...」Leo小聲說。

　揚揚笑出來。「無咩好sorry嘅，咁你都算好嘅，有個呀妹一直支持緊你，我都放心啲。」

　「又無話支唔支持嘅，只不過…佢唔想睇到我受傷…」Leo歎口氣。「之前都係佢一直陪住我，會拖我出街。叫我做呢樣做果樣，我知佢係想我多啲野做，等我可以忘記之前嘅事。同埋…佢唔鍾意我見London。」

　「佢唔係唔鍾意London，佢只係唔鍾意一啲令你受傷嘅人姐…」揚揚輕聲說。

　Leo抬眼：「其實佢都有介紹朋友比我識，我亦有當嘗試去了解下其他人，之但係...」

　揚揚淡淡地微笑了。

　Leo深皺眉頭。「我以前都有識過女朋加，一齊行街食飯，拖手睇戲...但係…我知我唔會真正愛上佢地。」

　我愛的是London。室內空氣充滿著未說出口的話。

　揚揚拿煙點火。Leo立刻站起來，找可以充當煙灰缸的容器，最後找了一個杯子。

　「唔該!」揚揚接過杯子放在桌上。

　Leo重新坐下。

　「我同你一樣，我一直以為我愛果個係琪琪。」揚揚平靜的說。「但係唔知點解見到你，我就唔明愛到底係乜野。」

　Leo靜了許久，然後啜口茶。「我都唔明…」

　揚揚微笑，得了吧!你會不懂，全世界就沒幾個人懂了!包括你妹妹。

　「London段婚姻其實都好辛苦架。」揚揚又說：「早知我就反對佢地喇，雅晴果陣逼佢結婚，大家屋企人都應承咗，彎都無得轉。唉，個女人唔係咁易應付，如果比你見到佢，你真係要小心啲，果陣佢搵到個仲好啲嘅水魚就話離婚，我不知幾開心呀，不過我知點解London咁順攤就應承咗離，係因為佢都好攰，條女咩都唔識，日日出街食，又成日叫London買車買樓，又話要工人，條傻仔仲傻到問我借，都唔知佢諗緊乜!到離咗婚2年之後先還咗一大半比我，都唔知佢果2年係點過。」

　Leo抬頭看揚揚，眼中有些不忍的神色。

　「London真係好傻。」揚揚微笑。

　Leo眨眼：「我都儲咗十幾萬可以幫佢還架!」

　揚揚立刻仰頭大笑。Leo並沒失去他的幽默感，雖然這或許不像幽默，是傻得天真，一直也為他人著想，由其是London。

　Leo又為揚揚倒茶：「有咩咁好笑喎…」

　揚揚搖頭，看著Leo，早知道當初就不要保持沉默，幫Leo一把了!「行去搵佢喇?」

　Leo遲疑了一下。

　揚揚拿出手機，按了快速鍵

　「喂死仔，係邊到啊?…我而家係Leo仔BB屋企囉，拿拿拿唔好怪我唔叫埋你，係Leo仔話想多謝我招呼咗佢一晚，想請我食返餐住家飯咋…你仲係公司?…返唔返到黎啊?…咁呢個又唔係你問題…有得走就走先喇，半個鐘內去你樓下等，係咁先!」

　Leo坐直身子，希望寫在眼中。

　「佢要偷走喇!」揚揚收起手機，笑著說：「London係佢地公司大紅人黎架，有咩狗屎垃圾都要搵佢幫手，我次次都幫佢甩身。」

　Leo笑了。

　「我幫你收拾埋啲野就出發喇!」揚揚微笑。

　Leo收拾杯子，堅持不讓揚揚幫忙。揚揚靜靜地在一旁看Leo洗碗，手腳乾淨俐落。

　出門時，Leo鎖門，等電梯的時候，Leo抬眼看揚揚。「揚揚…多謝你!」

　「講呢啲…」揚揚溫柔的微笑。「都話咗係好朋友，唔好同我計較喇!」

　 Leo點頭。

忙左幾日，補番篇長既比大家

等左咁多日，臨瞓見到有文留個名先