痛定思痛
2018-08-21 03:07:50
(十七)
Leo端著一盤切好的水果出來,London看著Leo,開心地說:「Leo仔,應承我,你想嫁人
果陣一定要搵我!如果我可以日日都食到呢啲早餐,真係死而無憾!」
Leo放下水果盤,開始收拾他們的碗盤。「只係早餐姐!你下次叫一聲我就可以幫你整喇!」
揚揚仔細打量Leo的笑臉,Leo的確善於隱藏,多年的經驗磨出來的吧?臉上看不出絲毫破綻!
「揚揚會嘔死!」London笑說:「我有天時地利人和,每日都有LeoBB幫我整早餐!」
「咁等我鏈死咗你先!」
揚揚回嘴。「唉不如我都搬黎附近!」
「揚大爺幾時睇得起呢啲平民地區?」London立刻反擊。
Leo收了碗盤回廚房。
「我實記住你!」揚揚對好友微笑,起來到廚房看Leo。
Leo神色平靜,洗著碗。
揚揚放下心,很好,Leo也不是省油的燈,至少London在的場合,Leo任何招數都能接招。
「London!仲唔死過黎洗碗?」揚揚揚聲說。「Leo仔你放低喇!早餐都幫人整埋,無理由連碗都要你洗,放係到喇!」
「黎喇!」London衝進廚房。
廚房原本就小,一下子擠進三個大男人,便沒有地方轉身了。揚揚閃身到廚房門口。
London沒有忌諱,靠近Leo,伸手就抓住Leo洗碗的雙手,Leo立刻低下頭。
London甩掉Leo手上的洗碗布,抓緊Leo的雙手沖掉洗潔精。「都係比我喇!你去食水果!」
揚揚抓著Leo的手臂,拖Leo到外面,把Leo按進椅子。低眼看Leo漲紅的臉,惡作劇的拿起一旁的廣告傳單,對Leo扇風,壓低了聲音。「點啊係咪濕晒?哈哈。」
Leo的頭垂得更低了。
揚揚放下傳單,重新坐下,看著Leo,Leo一時不會出來的,直到洗好碗盤為止。
「你話要你嫁比佢果陣我差啲嚇死,以為佢真係同你表白!」揚揚輕聲說。
Leo終於抬頭,臉上的紅潮漸漸退去。「習慣咗!」
揚揚微笑:「唔錯唔錯,一路咁keep落去,最少你知London好鍾意你,絕對唔會因為啲咩事而憎你!」
Leo點頭。
「要有心理準備喎!」揚揚接著說:「我琴晚同London瞓,佢好鍾意唔著衫瞓!」
Leo原本恢復的臉色立刻又紅了。
真的有趣極了!揚揚望著Leo,開心的繼續說:「真架!我成日都同佢瞓,佢身材係咪好正?你一定係到諗衰野!」
Leo又低下頭。
「遲啲呢,London一定成日會去游水,你到時大把機會睇!」
Leo呆了半響,然後小聲問:「可唔可以唔去?」
揚揚脫口而出:「你會拒絕London咩?哈哈哈!」
Leo清澈的雙眼一下子不見底。
揚揚轉了個語氣。
「你信我喇!我一定會幫你,而我都信London會有一日明白你心意!」
揚揚一向是個聰明人,假如Leo大學時期就向他求助,現在又是一個怎樣的情況呢?人生若能找到一個像揚揚的死黨,你說多麼好?Leo羨慕地心想著。