(HEHE) 那天，你走進了我的世界

逼地鐵都照睇

係地鐵要忍笑 忍到成個痴線佬咁

笑點係邊

揚揚係咪世紀好兄弟
定佢中意Leo

我啱啱都喺地鐵睇
見到雅晴開第一句聲已經感覺到佢係個死八婆

咪錯係 幾靚都好唔識尊重人都無用

揚揚同八婆d對話好正

我話咗佢地有三角關係

揚揚有冇可能係bi黎

(二十三)

　Leo憋了好大一口氣，走在街上了才釋放出來。

　London好笑的看Leo。「好大壓力啊?」

　Leo點頭。

　「揚揚佢最叻就係搞呢啲麻煩友架喇，唔洗擔心!」London說。「專門應付頭痛人物!」

　Leo抬眼看London。「你唔擔心雅晴?」

　London靜了一下，伸手搭在Leo肩上。「唔會喇，佢想要嘅野我比唔到佢，咁人就係咁架喇。揚揚今次仲要扮我二奶哈哈!」

　Leo靜靜的走了一段路，然後說：「你唔覺得...呢啲野...唔正常咩?就算係人地誤會都好...?」

　「唔會呀!」London笑了。「邊到唔正常呀?我同揚揚由好細個開始都成日比人誤會架喇!你都唔會覺得奇怪喇!我呀媽都好鍾意揚揚，成日都話如果我可以同佢交換就好，佢睇住我地大，都慣咗。佢仲話，如果揚揚肯，我要娶佢都得添哈哈。」

　「...到時我做邊個嘅伴郎好?」Leo脫口而出。

　London大笑「哈哈，你唔好咁順我意喇，你會蹤壞我喇，我可以見返你真係好開心，呢個世界得你可以接受到我地架咋。」

　Leo微笑：「你地開心就得喇!」

　London想也沒想，送到Leo家樓下時，放開Leo同時，輕輕就吻上Leo的額角。「Sorry哈哈有啲情不自禁，聽日我再黎食早餐喇，順便送你返工。」

　Leo紅著臉點頭，開門逃上樓。

　London也沒有想太多，轉身走回自己的住處，一路思考著該如何平息揚揚與雅晴間的戰火。

　回到住處，雅晴已經走了。

　「雅晴呢?」London問，呆住了。

　「佢比我串到喊住走。」揚揚勝利的微笑。「好爽!」

　London皺眉。

　「你唔忍心呀?」揚揚端詳London的臉。

　「只係...對一個女仔黎講，有啲殘忍。」London歎口氣。

　揚揚仰頭大笑，然後，笑聲忽然止住。「完喇，而家幾點?」

　London看表：「就黎十點，做咩?」

　揚揚轉身：「仆街!我要8點鐘返屋企!」

　「我送你，約咗邊個?」London跟上來。

　揚揚開門出去。「鄰居交低咗條鎖匙叫我比佢地個女，佢今日返黎，我無咗件事!」

　London只覺得好笑，拿了車鑰匙，跟揚揚下樓，飛車載揚揚回他的住處。

--------------------------------------------------------------------------------


　揚揚下車時已經十點半多了，匆匆對London道謝，開了大門，坐電梯上樓。十二樓到，揚揚才踏出電梯，眼前就是一張靠得太近他看不清楚的身份證照片。揚揚退後一步，側身看，眨眼。

　沈柔不矮，大約一米七，對女孩子來說，這種高度算是比平均高的。一頭削薄的短髮服服貼貼，母親形容得好，一雙大眼睛，充滿生氣。

　「鎖匙!」沈柔說，聲音雖然堪稱甜美，此刻卻充滿了不悅。「唔該你!」

　揚揚拿鑰匙開自己的門，不敢出聲，答應別人在先，沒遵守時間的是自己。

　「你係尹先生?」沈柔跟著他。

　「入唔入黎坐下?」揚揚打開電燈，回身看沈柔。

　沒想到，她就真的踏進門。「又好!」

　揚揚抓了鑰匙，遞給她。「坐下，飲唔飲野?我得啤酒同牛奶。」

　沈柔忽然露出微笑：「啤酒!麻煩你。」

　「唔會。」揚揚轉身，又轉回去看沈柔。「Sorry...我唔記得咗時間。」

　沈柔又微笑，這次是真心的笑了。「我唔好意思就真喇，阻住你拍拖!」

　揚揚擺手：「我今日出咗啖氣，好彩仲突然醒起要返黎，如果唔係我可能係朋友到瞓。」

　沈柔跟著揚揚，跟到廚房。這鄰家女孩還真是落落大方，絲毫不做作。揚揚開冰箱，遞給沈柔一瓶啤酒，自己拿一瓶。「要唔要杯?」

　沈柔已經開了瓶子，開始喝了。「真係多謝你諗返起，我等咗兩個鐘零二十分，啱啱好禁電話禁到無電，你都幾識計時間。」

　揚揚知道自己被狠狠的虧了一頓。「真係好Sorry...」

　「唔緊要喇，而家無事就得。」直爽的回答，沒有心機。

　「坐喇坐喇!」揚揚微笑。「你無行李嘅?」揚揚問。

　「擺咗係朋友到，聽日去拎。」沈柔又跟著回客廳，大方的就在沙發上坐下。「你真係一個人住架咋?唔怪得我爹地媽咪話你呢個鄰居長期都無乜聲。」

　「前屋主好嘈架?」揚揚笑了。

　「嘈死人，一家五口，3個細路仔，移晒民lu。」

　揚揚點頭：「我一個人嘈極都有限。」

　「好乾淨，唔似單身男人。」

　「你太睇小單身男人喇!」揚揚又說。

　沈柔看揚揚一眼，笑了。「唔怪得我媽咪好鍾意你，雖然同你好少講野，不過佢都知你係個好人，信得過。」

　揚揚微笑，他的確有想過這一點。「唔通Say No 咩?話晒都係鄰居，都係舉手之勞姐。」

　「你女朋友唔會想搬黎咩?你呢到咁大地方。」

　揚揚考慮如何回答。

　「我亂問架咋，可以唔答。」沈柔又笑了。

　「分咗手喇，佢前年仲嫁咗入豪門做少奶奶。」揚揚微笑。「我朋友就有好多，成日都會上黎玩。」

　沈柔喝了口啤酒。「我會唔會阻住你，你應該聽日要返工?」

　揚揚搖頭。「仲早。」

　「我單名柔字，你呢?剩係知你姓尹。」沈柔微笑，不跟揚揚客氣。

　「你可以叫我揚揚，剔手邊果個。」揚揚回答。

　沈柔睜大眼睛。

　揚揚又笑了。不知為什麼，覺得沈柔會是很好的聊天對象。

　沈柔欲言又止，知道什麼不該問。

　「介唔介意我食支煙?」揚揚喝完啤酒。

　沈柔大笑。「先生，呢到你屋企黎架喎，有必要問我咩?」

　揚揚點煙。這女孩很吸引人!

開始覺得London唔知做乜野
情不自禁錫左Leo
姐係佢都對Leo有D feel啦
咁一定feel到Leo對佢有野架
依家咁樣曖昧既行為係現實生活真係會好仆街

有時有啲人好遲鈍 鍾意咗對方但唔知

呢個真
直男思想

沈柔會唔會想食咗揚揚？
佢一路問問題試探揚揚有冇拍拖

見到LEO呢個名已經唔想睇

呢個名好老土

快啲出文啦

好好睇 追得好辛苦呀！

屌 追到live 好開心

到錯過左 佢就會後悔點解唔早啲發現到

Leo一定要同London有好結果
如果唔係Leo又會傷多一次了

等緊你啊 樓主

推一推

文呢

新讀者 推推推

求重甜 好好睇