(HEHE) 那天,你走進了我的世界

1001 回覆
115 Like 24 Dislike
2018-07-26 19:10:24
屌你個7仔番外篇
無哂聲氣
2018-07-26 19:17:29
留名
2018-07-26 19:30:08
咩姐
2018-07-26 20:02:50
好釣癮啊
2018-07-27 01:25:20
想搵下各位傾下計,歡迎交流下

巴絲都歡迎

tg: lihkgpainful
2018-07-27 02:33:30
Add 你tg 繼續屌你出文
2018-07-27 20:40:01
你係巴定絲
2018-07-27 20:42:29
2018-07-28 01:55:07
(八)
 London的兩年婚姻簡直可以用風風雨雨來形容,雅晴剛開始很黏London,London到哪裡她都跟著,半年後,揚揚就常接到雅晴的埋怨電話,說London不知跑到哪裡,也沒交代,夜歸,家裡也不幫忙,雅晴沒錯,London有些不負責任,有家室的男人還天天夜歸,但是當初也是雅晴堅持要結婚,London被逼得有點受不了,婚後London的壓力很大,要找到工作,要專心工作,要有表現,家裡的開銷London負責,雅晴雖然也工作,London從沒要求雅晴要拿薪水出來補家用。

 雅晴要住港島,London咬緊牙根找了港島昂貴的房子。婚後一年,London身上背了車子貸款跟房租,沒有半點積蓄。揚揚勸過London,London後來也乖乖的下班了回家,回家後就要幫忙家事,雅晴不會煮飯,London就帶她天天外面吃,沒有怨言。這樣也不行,兩人的爭吵次數逐漸增加,那時揚揚常常幫London,家裡待不下去,London就往揚揚的地方跑。

 當時,揚揚常無故懷念起Leo,個性乖巧溫和,不會埋怨,不會挑剔,更不會爭風吃醋,家事一個人都可以應付,還為了London特地去學煮飯,只差不是女的,就因為這樣,所有的一切都要抹煞嗎?若是Leo,London會被照顧的很好的!

 揚揚探身看便利店,輪到Leo了,Leo一直詢問London的意見,揚揚看得見Leo的側臉,抬眼看London的樣子可愛得欠揍。揚揚眨眨眼,這樣吧,違背原則一次,看會有什麼結果?London,你就不要怪你的好朋友我,總希望我的兄弟也能快樂吧!

 買好零食,Leo提著大袋小袋,撐著傘,先繞到駕駛位讓London上車,Leo再自己收傘回到駕駛位旁上車。

 揚揚坐在車內,看吧!Leo對London好得不能形容!

London對揚揚的地方很熟,一下子就到揚揚的住處了,照樣在不可能停車的地方擠出車位,Leo又笑了!

 兩位都還沒拿東西,Leo搶先把東西都拿在手上,下車抬眼看房子,靜了一秒鐘,脫口而出說:「哇...半山黎架?」

 「跨國公司經理喎,無千幾呎揚大爺都睇唔上眼啦!」London開玩笑著說。「哈哈不過係父幹架!」

 揚揚打斷London:「開門喇!」

 London接過鑰匙開門,繼續說:「聽講裝修要幾十萬,但係都係裝修得好渣。」

 「我鐘意咪得,而家你住咩?」揚揚笑著說,按電梯:「三樓呀!」

 兩位走進電梯,轉身看Leo。

 「到喇傻豬!」London先說,對Leo招手:「係咪驚我地食左你呀?」

 Leo走進電梯,沒出聲。揚揚抱著肚子猛笑。London用手肘撞揚揚一下,揚揚才勉強收起笑意。

 「Leo仔你去沖涼先喇,頭先落去都整濕晒喇!」London對Leo說。

 Leo點頭。

 進門後,揚揚接過零食和啤酒,先到廚房張羅。London帶著Leo在房子四處繞了一圈。房子好乾淨,好整潔。主人房也很簡單,一個房間改成書房,另一個房間是客房。沒有什麼裝飾,很簡單。回到客廳,啤酒和小菜已經準備好了。

 「比我換返件衫先!」揚揚說,往房間走。「Leo仔,你先沖涼先。」

 「好!」Leo答。

 London打開電視,在沙發上坐下:「可以睇碟喎,揚揚成日都買碟睇,可能會有成Set鹹片係到架,過黎睇下!」

 Leo高興的到櫃子前打開門,一排長長的VCD整齊的排列著,Leo瀏覽了一下,有很多新片他都沒時間去看。

 「死神遊戲True or dare,我未睇過!」Leo說。

 「就呢套喇!」London微笑。Leo很容易知足,很少有人這樣了!

 揚揚換好衣服出來:「Leo寶寶,我借住套衫比你先喇!」

 Leo溫馴的站起來跟揚揚進房間拿衣服。揚揚幫他開浴室的燈,之後就離開房間。連浴室都好乾淨。

 Leo很快的洗了澡,把浴室整理乾淨了才出來,收好他的衣服。抱到客廳,「揚揚,啲衫擺係邊?」

 揚揚幫Leo把上班的西裝掛在客房裡,出來客廳時看到London抓著Leo擦他的濕頭髮,一邊念著:「喂洗完頭唔識吹頭架?而家天氣開始凍喇,濕住個頭好易冷親。唔好郁喇,朕幫你吹頭!」

 Leo停止逃脫,不動了。

 「拿,啲衫比我喇。風筒係浴室果到。」揚揚微笑的看著這稀奇的一幕。

 「隻卡比獸呢?」London抬眼看揚揚。「你梳化果個大公仔。」

 「比返琪琪喇!」揚揚答:「仲好講,明明我扔中架嘛,佢又話要拎走,好唔開心啊!」

 「你咪買過隻囉」London微笑:「Peppa pig好無?」

 「果隻粉紅肥豬?」揚揚瞪眼。

 Leo抬頭微笑:「人地好得意架,點可以話人係肥豬!」

 室內靜了三秒鐘,兩位看著Leo,眼神似乎又要Leo作出決定。Leo拿著毛巾,漲紅了臉,往浴室移動:「我...覺得...要去攞風筒先!」

 揚揚和London在他身後大笑。

 London溫柔地幫Leo吹頭髮,Leo的內心很是緊張,雖然相識了快8年時間,但還是頭一次被London吹頭髮,感覺十分奇妙。London的手不斷在Leo頭上遊走,每一根手指都觸動著Leo的內心,很溫柔...很舒服...。這是夢境嗎?不,這的的確確發生著...

 揚揚正在準備播碟:「London,等埋你沖涼先睇喇!」

 London離開客廳:「咁我去先喇!」

 Leo到沙發上坐下,沙發好舒服,好大!

 揚揚放好光碟,拿著遙控器回來,在旁邊的小沙發上坐下,對Leo微笑:「知唔知啊?琴晚個死仔打黎好High,好興奮咁同我講,佢話見返你,然後Up左一大堆野。」

 Leo望著揚揚,不敢出聲。
2018-07-28 02:17:23
好期待之後
2018-07-28 03:29:42
好溫馨
2018-07-28 03:38:38
好sweet
2018-07-28 10:40:35
揚揚係咪知道leo對london有野
2018-07-28 11:06:29
之後會交代
2018-07-28 12:41:33
留名
2018-07-28 20:04:06
出文必推
2018-07-29 00:06:55
2018-07-29 00:11:25
加速
2018-07-29 14:19:25
pish
2018-07-29 18:03:53
2018-07-29 19:11:46
(九)
 揚揚把電視音量再關更小聲。「佢唔知點解會結婚,又唔知點解會離婚,佢一直都搵唔到你,無左聯絡,佢後悔咗好耐。你都撐咗八年,不如再撐多陣喇!」

 Leo只能看著揚揚,說不出話來。

 「知唔知道你係佢唯一唔防備嘅人,佢呀妹葬禮果日我就估到。我之前一直係咁想搵你就係知道佢好掛住你!」

 Leo眨眼,吸口氣,沒聲音。

 「London係個感情白痴黎!」揚揚微笑:「放心,佢沖涼無咁快嘅,我仲有啲時間。我只係想提下你,你繼續係咁會好辛苦,你應該仲未放棄佢架?如果仲未,我會企係你呢邊,如果你放棄咗,我就會企係佢果邊!」

 Leo眨眼,雙眼發熱。

 「我真係好佩服你!」揚揚輕聲笑了:「睇黎你已經答咗我,有咩問題就搵我喇!我會盡力幫你,不過我覺得你地兩個都係一擔擔,都係感情白痴。」

 「我個妹成日都係咁話我!」Leo低頭,淚水突然滴落。揚揚遞了紙巾給他,Leo拿過來,擦乾眼淚。「唔會衰得過四年前嘅...」

 「辛苦你喇!」揚揚又笑了。「如果你要搵人同你傾計,我好樂意聽。唉,London呢個人,要用非常手段先得,如果唔係佢唔會知!」

 Leo歎口氣。

 「我知道你實唔會忍心,但係佢而家都離咗婚。據我所知,雅晴成日都以為佢有第二個,先會同佢講離婚,條友又真係好順攤就應承咗,諗都唔諗。仲係夫妻果陣,佢地都成日嘈交,但係又好神奇咁離咗之後就相處得好好。所以話對住呢個人,真係要打過先識痛!」

 Leo低下頭。

 揚揚又笑了:「不過算喇,我諗就係因為你呢種性格,佢先咁成日咁掛住你。」

 Leo苦笑,只是無藥可救的愛上了而已!

 「唔好再喊喇。」揚揚又遞來面紙。「佢就黎出黎架喇,比佢見到你紅晒眼咁,一定以為我恰你!」

 Leo擦乾眼淚,勉強微笑。

 「你仲未發現咩?」揚揚放低聲音:「London鍾意坐係你身邊,我發現佢成日都下意識咁坐係你隔離,我覺得佢坐係你身邊就會安心。我都唔知點解會咁想幫你地,可能係因為我好鍾意你咁不求回報咁對我地,以前係咁,而家都係咁。咁可惜嘅係佢一直唔知你心意,如果唔係佢咁蠢走左去結婚,我諗你都唔會同我地斷絕來往喇!係咪?」

 「對唔住...」Leo輕聲說。

 「你呀妹係咪知道左?佢都好避我。」揚揚微笑。

 Leo點頭。「佢叫我唔好再接近佢...London。」

 揚揚側頭想了一下。「不如第日再傾?我諗佢就黎沖完涼!」

 Leo點頭,他需要整理自己的心情。

 揚揚把時間抓的很準,兩分鐘後London洗好澡出來了,在Leo身邊坐下。揚揚對Leo微笑,Leo轉念想了一下,若不是揚揚自己佔了小沙發,London或許會另有座位的選擇吧?

 揚揚從Leo的臉上就能看出Leo在想什麼,他抬腿踢London一腳:「喂,睇戲唔洗食野呀?仲唔幫朕攞啲零食黎?」

 「我仲以為你拎左添。」London撥開揚揚的腳。

 「我無啊,麻煩大少幫我拎。」揚揚笑了。

 London放下啤酒,十萬個不願意的站起來。「唔準自私睇呀!」

 「得喇!」揚揚答。

 London一離開,揚揚就換到Leo左邊坐:「拿得番你右手邊有位,同埋果邊既梳化,同你賭佢一陣會坐邊?」

 Leo皺眉:「賭咩?」

 「Dinner!」

 Leo伸手指小沙發,距離最近最方便,這是常理。

 「你輸硬!」揚揚小聲說。

 食物來了,London直接拿給Leo,繞到Leo右邊,又在Leo身邊坐下。

 揚揚大笑。

 「笑咩啊?我罐啤酒幫我攞黎!」London輕哼了聲。

 「我地應該自己睇咗先,你黎咗再睇多次,咁就可以同你劇透哈哈!」揚揚開心的笑說。

 「我知劇情!」Leo舉手。

 「唔準講!」London立刻轉向他警告。

 Leo縮進沙發,點頭:「OKOK唔講,哈哈。」

 影片開始。

 人的一生有多少機會後悔和彌補過錯?有多少機會重來一次?很少吧?

 Leo知道影片的故事,Kary去看了,告訴Leo的。要是死神有一天跟你玩這個遊戲,他要求你當面跟喜歡的人表白,你會嗎?Leo呆呆的坐著,此時此刻,他是不是已經碰到一次重新來過的機會了?他還有力氣再經歷一次嗎?

 揚揚看的很專心,London就不一樣了,不怎麼認真在看,一下去拿水,一下去拿啤酒,一下關窗,等一下又開窗。手機響時,London先站起來:「邊個架?」

 「我!」Leo坐起來。

 London走到門口,尋找外套口袋中的手機,拿過來給Leo。鈴聲停了。Leo檢查了一下,是Kary,她還會再打。不出所料,幾秒鐘後,又響了。Leo立刻接聽。

 「做咩事?」

 「你唔係屋企呀?」

 「係揚揚屋企。」Leo直接答。

 沉默了幾秒鐘。「所以另一個都係到?」

 「嗯...」簡單明快。

  Kary歎口氣。「好喇咁無野,我只係想去你果邊拎幾本漫畫姐。你今晚唔返去喇?」

 「嗯...」

 「咁好喇,我下次再搵你...你...」

 「做咩?」

 「有事一定要同我講喎!唔好自己一個鑽牛角尖!」

 「知喇傻妹,我無野!」Leo微笑。

 「咁好喇,掰掰。」

 Leo收線。

 London轉頭對Leo微笑:「呀妹啊?」

 「佢想黎我屋企搵我...」Leo老實答。

 London看揚揚一眼,又看Leo:「你都一個住?」

 Leo點頭。

 London望著Leo,突然笑了,沒再繼續下去。

 影片結束時,已經過午夜了。London提議玩牌,揚揚立刻附和,Leo傻笑說好。不知為什麼,每次揚揚玩牌都輸,每次三個人玩Leo都贏,沒有一次是例外的。

 「拿,今晚你地想瞓邊?」揚揚說,準備收拾桌子:「一於咁喇!Leo仔緊係瞓客房,另外果個瞓廁所得喇!」

 「唔好唔好,我瞓梳化得喇!」Leo急忙說。

 「猜囉,贏果個話事。」揚揚擺手。

 Leo猜贏了,選沙發。

 London看揚揚。「好彩Leo BB贏咗咋,真係唔好意思,要瞓你間總統套房添!」

 揚揚嗤鼻,開始收拾杯盤殘渣:「拎啤牌黎,今晚我一定要殺到你地得返條底褲!」

 「睇下點!仲有無酒?」London笑著。

 「比你飲晒啦!快啲落去買啦,我屋企附近開咗間7仔,比十分鐘你!」揚揚狠狠的說。

 「啤酒薯片,仲有無?」London往門口走。只有他穿著運動服,其他人都穿睡衣了。

 「汽水!速去速回!」揚揚答。Leo跟著他幫忙收拾。

 「咁唔好閂門喇,我好快返!」London開門出去。

 Leo笑了下,下意識的看了下窗外,雨已經停了!

 揚揚並沒有故意支開London,只是時機湊巧!

 「你做咩唔陪佢去啊?」揚揚問。

 Leo捧著碗盤,呆站在廚房中。

 「某一日佢一定會問你有無鍾意嘅人,到時候呢~你就話有!但係追唔到,睇下佢會點。」揚揚又說,要不是Leo是個男的,London的生活或許會幸福很多!

 也許吧,Leo心想。
2018-07-29 20:11:55
「比你飲晒啦!快啲落去買啦,我屋企附近開咗間7仔,比十分鐘你!」
2018-07-29 20:49:01
2018-07-29 22:35:58
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞