痛定思痛
2018-09-10 01:14:29
(二十一)
Leo有種讓人安心的天份,此時此刻,London覺得好輕鬆,好舒服,很安心。以前Leo給人安心的感覺沒這麼強烈,現在似乎沉穩了,做事說話,穩穩當當,只是微笑中,有些憂鬱。
「Leo,有咩都要同我講,知唔知?幫到我一定會幫!」London輕聲說。
Leo紅著臉點頭。
「揚揚比我仲錫你,如果你唔想同我講,可以搵佢!佢一定會幫你。」London補充。
Leo再點頭,臉上,有了無奈的神情。
「我唔準你再無啦啦消失!」London嚴肅的說。「我地果陣搵得你好辛苦,你呀妹又唔肯同我地講你去咗邊,我求咗佢好耐...」
「你...見過Kary?」Leo小聲問。
London點頭。「見過幾次,佢應該比我煩到就黎要攞把刀劈我...」
「Sorry...」Leo小聲說。
「無咩好sorry嘅...你呀妹不嬲好有個性,好難想象你地係埋一齊果陣會點。」
「佢…都算聽我話嘅…同大哥比嘅話...」Leo解釋。「我同佢感情係好啲…」
「咁你真係好彩,揚揚同佢細佬都唔太親。」London微笑。「反而琪琪就似我妹妹多啲,都似係揚揚個妹,所以我明白點解琪琪最後都無揀揚揚。」
「揚揚果陣係唔係好難過?」Leo微皺眉。琪琪好漂亮,是所謂的班花或是系花,書也念得好,才華洋溢,沉靜大方,沒有半點美女的傲氣,當時跟揚揚站在一起,每個人都說是絕配,金童玉女。
「哈哈~~~!」London大笑。「你以為喇!揚揚呢啲情場老手,點會咁易唔開心。佢只係意外姐…當比個教訓佢都好。」
Leo眨眼,如果自己喜歡的是揚揚,或許今天不會是這個局面?但是這哪由得了人?如果能選擇去愛誰,這世界也不會有那麼多愛恨情仇!
「結婚呢啲野真係話唔埋,我從來都無諗過我會離婚,揚揚會同琪琪分手…所以話,有時自己嘅人生有時真係唔輪到自己話事。」London停了一下,然後問:「你係唔係都接受唔到?」
Leo訝異的抬眼,猛力搖頭:「唔…唔係嘅…只係…」
「只係咩?」
Leo又垂眼。「只係覺得,好似一排無見,就好多野都唔同晒咁…」
London啞然笑了!「揚揚我就唔知喇,但係我呢,就覺得離咗婚之後,成個人都輕鬆晒。我唔係話雅晴唔好,只係..佢令到我抖唔到氣,反而好似而家朋友關係嘅話,我好似仲了解多咗佢咁,佢份人好需要安全感,佢要嘅果隻轟轟烈烈嘅愛情,我比唔到佢。」
「佢一直都要求你付出,會唔會係…佢唔夠愛你?」Leo悄聲說。
聲音很輕,語調很低,London還是聽清楚了。望著Leo,London又覺得有些難過。「聽日我車你返工。」
Leo抬頭看London。「嗯?」
「我話,我聽日車你返工。睇個款聽日都應該會落雨!」
London微笑。「好啊!」
Leo在一瞬間,眼中有了歡欣的神色。「咁…你食唔食埋個早餐先返工?」
「你幾點OK啊?我實準時黎。」London點頭。
「我九點要返到公司,你七點半黎喇!」Leo開心的笑了。
「好!」
--------------------------------------------------------------------------------
揚揚回到住處,看報紙,報紙看完了看書,然後出門吃午餐,下午搬出公事,研究到天黑,一整天,想著不知Leo跟London怎樣了。明天打電話問Leo吧!
門鈴響時,揚揚正準備去洗澡,然後抱著書上床消磨整夜。揚揚開門,門外是對門鄰居,揚揚記得姓沈,老夫妻倆人。
「尹先生。」沈先生先開口。「我地…有啲事要返一返大陸,但係我個女聽日就返黎,佢唔記得帶鎖匙,想請你幫一幫忙,我地交低條鎖匙比你,我地再通知我個女問你攞…」
揚揚猶豫了一下。
「我個女做空姐,我地而家通知唔到佢,我知道係麻煩咗你…但係一時間又搵唔到人幫手…」沈先生又接著說。「諗諗下都係鄰居可靠啲…」
揚揚笑了。「你信得過我就好喇,我應該8點左右收工,你地知唔知你個女幾時會返到黎?」
「我地會Whatsapp佢架喇,佢一落機就會睇到,識得搵你攞鎖匙…真係麻煩你。」沈太太微笑了,似乎放心揚揚沒有一口拒絕。
揚揚點頭。「OK啊!大家鄰居係要互相幫忙嘅。」
「佢應該聽日會返到黎…」沈太太強調著,從口袋掏出一串鑰匙,遞給揚揚。
揚揚接過鑰匙,微笑:「我點認得出係佢?」
「柔柔短頭髮,眼大大。」沈太太立刻說。
「姓沈,加一個柔字,溫柔個柔。」沈先生打斷太太。「我地會同佢講聲架喇。」
揚揚點頭,這樣倒乾脆。「好嘅。」
「唔該晒你。」沈先生微笑,拉著太太轉身。
揚揚關上門時,聽到沈太太小聲說,我就說找尹先生了,比保安更可靠。
揚揚隨手把鑰匙放在進門的櫃子上。轉眼忘了這回事。
第二天,星期一,揚揚進辦公室就開始忙,忙到下班,根本沒有空打電話給Leo,倒是London打給他,氣沖沖的問一些莫名其妙的問題,揚揚懶得理他,只說下班再聯絡。下班離開公司時,揚揚餓的頭昏眼花,跳上的士,剛上路,手機就響了,Leo來電!
「Leo?」
「喂揚揚!」Leo平穩的聲音傳來。「收工未啊?」
「啱啱先走咋,點啊?掛住我呀?」揚揚歎口氣。
「London都係啱啱先收工,我係佢架車到,睇下你賞唔賞面同我地食飯姐。」
揚揚坐起來。「係唔係你整比我食先?」
「緊係喇,你直接過黎London果到喇!」
揚揚笑,沒力氣了還笑得出來。「好,我直接過去。」
揚揚吩咐的士司機直接調頭殺到London家。進門時,晚餐已經在等了,London頗不高興Leo堅持等揚揚到了才開飯。揚揚看了兩人一眼,嘿!不錯,Leo沒被London壓制。
「London車你返黎架?」揚揚看Leo,接過飯碗。
「唔係我唔通你呀?要人等咁耐。」London先回答。
「煮果個都未催我,你嘈咩姐,食你就食喇!」揚揚對London翻白眼。
London轉過去看Leo。
Leo沒有看他,平靜的說:「大家都餓啊嘛!大家一齊食飯緊係要齊人先開飯架喇!唔好嘈喇你地!無你地咁好氣,食飯喇食飯喇!」
餐桌上安靜了幾秒,London沒聲音,努力吃。揚揚笑出來,笑的差點氣喘,生活的樂趣不過如此,看著這兩個人在一起真是太好玩了!
London抬眼看揚揚,微笑了。「好好笑呀?」
揚揚點頭。
London哼了一聲。「下次就唔搵你!Leo仔,聽日我有無早餐架?」
Leo點頭。「好啊!」
揚揚坐起來,忍不住打岔,望著London。「今朝早餐Leo幫你煮架?」
London勝利地抬下巴示威。「羨慕呀?」
揚揚反擊:「你咪諗住同我爭,我要BOOK Leo仔今個星期五夜晚出去掃街!」
Leo抬頭看兩位,又來了,任他們吵吧!
「掃街?你再cheap啲啦,咁無誠意,Leo仔,我帶你去食高檔野!」London接著說。
「高檔野?」揚揚一股火開始燃燒。「Leo,我煮野比你食好無?食牛排!」
逮到你的弱點了,廚房白痴!
London張大眼睛瞪揚揚:「喂!點可以咁架!唔得呀!明知我唔識煮野…」
「同我爭?下世喇!」揚揚回駁。
「你又知Leo仔會應承你?」
「你又問咗喇?」
Leo會心一笑,十足愛回家的大小姐和熊尚善的劇情。
Leo抬頭。「我有煲咗湯啊,要唔要?」
兩位傻瓜轉向Leo,微笑了,異口同聲說:「我要!」
Leo點頭。「我去裝!」
「我自己黎喇!」London立刻起身。
湯加回來了,London的語氣又恢復平日樣。「揚揚,中秋你屋企人會唔會返黎?」
揚揚皺眉沉吟:「唔~~我唔知喎,年年都唔同,有時返有時唔返…」
Leo微笑,繼續吃飯,學長們的無厘頭吵鬧結束!
London重新坐下。「我要返一返大陸…屋企人叫我返去食餐飯…」
「Leo仔,咁不如我地返去玩一晚?」揚揚抬眼。
揚揚此刻在幫他!Leo心底清楚。「我要問一問我啊媽,佢都好似要我返去食飯…」
「飯幾時都有得食喇!你早一日返去食咪得!」London加一句。
Leo點頭。「再睇下點…」
揚揚沒再逼問,他們就是這樣,Leo很喜歡跟他們相處,不該囉唆的決不說半個字,知道他不想回答的問題也不會問。
Leo先吃飽,進廚房準備水果。
門鈴響時,Leo剛把水果端上餐桌。
London去回答對講機,聽到來者的回答,London皺眉。「咩事?有朋友係我屋企!」
揚揚警覺性很高,望著London,開始盤算。
London歎口氣,又說:「唔係我唔比你上黎呀,係而家唔方便,你又唔係得我一個朋友,你搵其他人喇…」
雅晴!揚揚坐直了,飛快的看Leo一眼,不妙!
「我落一落去…」London掛了對講機。「好快返…」
「係咪雅晴?」揚揚挑眉。
London無奈的點頭。「佢…唔開心…係樓下喊緊。」
「帶佢上黎喇!等我地啲戀情曝光下都好!」揚揚說,當機立斷做了決定。
London忽然笑了,開門出去。「哈哈好!仲要保護我地個BB。」
「放心,金鐘罩都出埋黎。」揚揚笑笑的包著Leo。
門關上。揚揚立刻轉向Leo。「拿Leo仔,一陣佢講咩都唔好理佢啊!之前我地係咁搵你果陣佢都知,唔知點解佢次次聽到你個名都會變晒樣,佢仲勁過你呀妹,好巴渣架,你記住唔好出聲就得!」
Leo點頭。吞口水。
London沒有拖延,立刻帶雅晴上來。
痛定思痛
2018-09-17 16:10:36
(二十二)
Leo只在婚禮中見過雅晴,London向來都與美女交往,雅晴也不例外。看的出她剛哭過,但是紅著的雙眼,垂肩的直髮,纖細的身材,楚楚動人。
Leo立刻站起來,衝到浴室間,弄個冷毛巾給雅晴。
揚揚也站起來收拾餐桌。「London,食飽未?我要收野喇!」
London點頭。「飽喇!」
「仲有蘋果食啊!」揚揚對London溫柔的微笑,這招婁試不爽,所有人必定誤會,緋聞滿天飛。
「呢邊。」London招呼雅晴,帶她到客廳坐下。
雅晴望著揚揚,眨眼。
Leo拿冷毛巾出來,遞給雅晴。
雅晴皺眉,沒有伸手。「你係邊個?」
「大學師弟,Leo。」London解釋。
揚揚暗暗又罵London大白癡,在廚房門口轉身。「喂London,飲唔飲茶?」
London對揚揚感激的微笑,知道自己說的太快了。「都好,唔該晒!」
「客氣啲咩姐。」揚揚笑著回答。
London接過冷毛巾,遞給雅晴,雅晴接過手,望著Leo。
「我去幫手...」Leo小聲說,然後飛快的逃離現場。
London在隔個地方的沙發上坐下,望著雅晴。「你今次又做咩啊?」
Leo逃到廚房,揚揚示意他泡茶,出去繼續收拾餐桌。
「果條友就係你地之前搵果個啊?」雅晴逼問London。
活該,自己處理。揚揚收了餐桌,回到廚房。需要一點時間,考慮該如何應付雅晴。揚揚留在廚房,看著Leo泡茶。
雅晴的聲音不大,只聽得出她有些埋怨的語調。
揚揚靠近Leo,悄聲說:「一陣你要走果陣呢,我會叫London送你走架喇!」
Leo點頭,加了一句:「佢好靚女喎。」
揚揚白了Leo一眼:「得個靚字有鬼用,又咪港女一個,脾氣又差。」
Leo默然。
「剩係識比London麻煩,今次一定要比啲教訓佢。」揚揚又自言自語的說。「佢而家都仲以為我同London有路,哈哈,係咪好好笑?」
「唔係呀,都幾似。」Leo傻笑。
揚揚伸手推Leo的頭。「似你個頭,好似講到唔關你事咁,條友肯定係同London離完婚之後先知London有幾好!而家想食回頭草喇!」
Leo雙眼露出委屈:「咁都要睇London嘅...一個人成唔到事架嘛!」
揚揚望著Leo,過了一會兒,輕歎氣,沒再說什麼。
Leo把碗洗好,泡了茶,揚揚端到客廳。刻意幫London倒一杯茶,模仿Leo,把茶杯端正的放在London面前。「睇熱呀!」
London看了揚揚一眼。慘!揚揚殺氣騰騰。
「都離咗婚喇,都成日煩住London做乜。」揚揚小聲說。「本身仲想一齊出去行下。」
雅晴轉頭看揚揚。
London皺臉,揚揚這回,真的要吵起來了!
「你黎得我就唔黎得呀?」雅晴回以質問的口吻說。
「我諗你都成日黎喇?London都有同我講架。」揚揚淡然的說。「好多時都係London上我果到架,你睇到呢到亂又唔見你幫手執下?」
雅晴臉色開始不好。「唔關你事!搶人男朋友嘅死Gay佬!」
揚揚肚子裡一把怒火開始燒。
「揚揚!」London試著打圓場。「咁佢都係有事先黎搵我姐...無義務幫我執野架...」
揚揚抬眼看London,Leo靜坐一旁,看到揚揚看London的眼神,頭一個念頭是,揚揚該去演戲!他的眼神哀怨又委屈。
「點啊而家?佢黎咗你就劈埋我係一邊喇?」揚揚說。
「唔係咁嘅意思啊...」London歎氣。
「婚又係佢話要離,你都應承咗喇,我都無講乜野。」揚揚掏菸點。「離就離口喇,仲理佢做咩?」
雅晴臉色大變。「收聲喇。」
揚揚微笑。
雅晴氣呼呼的又說:「我警告你,唔好再成日搞London。」
「你話事呀而家?你邊位?」揚揚立刻回應。「London嘅地方,我鍾意黎就黎。」
Leo捏一把冷汗。
「揚揚,唔好咁...」London又勸。
「London!」雅晴轉向London。「你叫佢走先喇好無?我今日好唔開心啊...」
London皺眉。
「唔好以為London會幫住你我就會比面你,婚都係你話要離架,London而家單身,你理得佢同邊個一齊?」揚揚瞪著雅晴的眼中閃爍著怒火。「想同我爭?我地中學一齊走堂去唱K果陣你係邊?London唔開心果陣邊個陪係佢身邊?邊個一齊實習果陣大家支持大家?你有同London諗過咩?就算我係搶,我都係光明正大咁搶London返黎,你以為而家仲係你想點就點?」
雅晴氣的發抖,卻又找不到話反駁。
「BB,你送Leo返去先喇。」揚揚對London使眼色。
London為難的皺眉,但是當下的狀況,兩害相權取其輕,先把Leo送走再說,揚揚能應付雅晴,Leo絕對招架不住!要是炮火開到Leo身上就慘了!此刻,揚揚能擋的全部都攔下了。
London站起來。
雅晴立刻看他。「你要去邊啊?」
「我送Leo返去先。」London輕聲說。把雅晴丟給揚揚,對她有些歉意,但是,Leo先送走要緊。
「我唔準!」雅晴也站起來。「唔準走!」
「你妒忌我靚過你呀?定係唔抵得當初要同佢離婚呀?」揚揚又說。
雅晴立刻轉回去看揚揚。
London拉著Leo即刻逃走。