睇嚟大家對Workwear 無咩性趣，好啦講Military.
講Military 前，我戴左頭盃先。我知嚟度好多high hands, 我一講military 就獻陋。我一件軍褸都無，只有軍褸款嘅褸。所以唔好插插。 講軍褸都係從海陸空三軍咁講。大家都知三軍門檻其實有高低之分。空軍 (Air Force) 係精英，之後係海軍 (Navy), 拎去行先死先嘅陸軍(Army)。從三軍嘅褸都睇得出身分有別。
先係空軍
空軍褸就係俾機師著嘅，因為機倉好細，所以空軍褸係短身，高空非常凍所以保暖非常重要。
G-1 Jacket
pic from web
G-1 係WWII 美軍嘅Pilot jacket, 係短身啡色羊皮褸，真羊毛領，兩個有flap 嘅前袋，毛冷cuff, 腰位都係毛冷。無側袋。G1 用料好高級，好有份量。毛領有助保暖，冷手袖同束腰可以防止入風。我覺得G-1 非常難carry. 點先好睇？ Tom Cruise 咁囉。
A-2 Jacket
pic from web
A-2 係另一件美軍pilot jacket. 係從WW1 嘅A-1 改變而成。最大分別係A-2改用拉鍊。 A-2 係一件啡色短身馬皮褸，皮裇衫領，兩個有flap 嘅前袋，毛冷cuff, 腰位都係毛冷。無側袋。無側袋係為pilot揸飛機時係無插褸袋嘅需要。
A-2個款好成熟，我覺得無番40-50歲都好難著得好睇。順帶一提，每個美國總統都會有一件A-2, 當當侵侵都唔例外啦。
MA-1
大家都見到上面個兩件皮褸係幾貴幾重料啦，為左降低成本，咪岀現左港男制服MA-1 囉。
話明港男制服，當然我都有一件啦。
MA-1 就係由 Dobbs Industries (即係之後嘅Alpha Industries )所生產俾美軍用。
原版係綠色尼龍，入面係橙色。橙色係俾你有意外，降低左係雪地，海灘等等可以反轉件褸嚟著等人睇到你。
嚟張美國🇺🇸同多國語言就係當你P左K之後都可以話俾人知你係乜水，等人救。
MA-1 俾G-1, A-2 都輕好多，活動性都大d, 所以除左成本低左之外都有實際好處。
講完空，下次到海。
我對workware有興趣
如果巴打唔介意既話之後可唔可以分享埋
當然可以啦
