早5,6年未興拉麵
中環有間叫「八千代」個醬油同味增拉麵都好好食
間野最正係除左拉麵，佢d小食都有板有眼
個炆蘿蔔(冷盤)真係一流
之後個老闆心雄開多間串燒又搬去大街就搞到連間拉麵都執埋
一個二個話食拉麵都只係識豬骨
醬油同味增係香港真係好少選擇
英雄所見樂曈
醬油啲人會講即係豉油拉麵
味噌又會話係咪即係麵豉湯個隻?
心諗飲食文化真係要培養出黎
同埋市場上個個豬骨
無啦啦你獨賣醬油或味噌
始終都有一定風險
太多味選擇未必保持到
獨賣一款味香港人嫌無選擇
做開呢行就會好明白...
香港賣一款面一定死
同埋豬骨湯感覺多d功夫，值錢d
獨賣一款 我自己覺得無問題的
只要係好食的話!
值唔值 係客人去評論啦
好似賣畫咁 個價值都係啲人bid落去
本身佢既價值又係點黎呢
再者 正常人去食都係睇味道
製作過程花左幾多功夫
我相信唔多人去考究
香港人食野求名氣求影相多過考究功夫同點先叫好食
上面話豬骨湯感覺多d功夫值錢d就係好例子
其實醬油同味增要做得好都好多功夫
個清湯底要大量靚蔬菜文火煲過夜，中間唔滾得個湯先夠清
個醬油好多都有秘方唔係話落萬字鼓油就算
傳統醬油仲會落少少豬油，而豬油難處理，處理不當會好大陣豬蘇
味增要猛火炒到有鑊氣，而單單呢點，香港好多地方唔會做
因為個豆潤廚房根本唔用火，淨係電爐電煲
(唔係話豬骨無功夫，而係各有各難度)
煲雞湯用文火煲又要出味又要夠清 係唔簡單
呢位巴打
有料舊時我做個間 炒個味噌底起碼要2個鐘
材料有十幾款 放油炒香埋芝麻 再落蒜呀
洋蔥 蘋果粒等等 再將兩款味道既味噌混合
呢1part都係味噌 仲未計用爐頭爆薑 蒜 洋蔥 加以上煮好既味噌同豬骨湯混合出黎
呢啲功夫 邊個知
