之前喺度搵資料,依家貢獻下先
首先要了解自己揸車咩style
喺香港揸開又係車手嘅,我建議有得揀就一定揀hybrid,因為起步快,市區慢車/塞車時淨係用電真係又靜又舒服。你穿洲過省嘅話更加應該揀hybrid
你唔係用好多日車又行得唔多公里嘅,可能計落油車租金加入油真係會平啲,呢點你可以自己計下數,上面師兄有教。
上個月我成田租Corolla touring hybrid 8日,上高速一定地板油,趕路式逢車過車咁揸,勁耗油。我嘅行程係
成田->東京市區->輕井澤->河口湖->成田
結果喺用hybrid 嘅情況下,去河口湖半路只係入左一次大半缸油,因為我行山路唔行高速。還車時再入少少交車。如果中間唔劈行多啲電嘅,其實一缸油夠哂,不過我揀左慳時間
另外分享埋
行李篇
2大1小,3個28吋喼,3個hand carry + n袋手信,車尾只係放到中間2個大喼+ 左右handcarry +是啤呔位攝埋少量手信,遮一半倒後鏡
副駕位放1個大喼,背囊手袋。
如果你係拎同買好多野,我3個人都覺得Corolla touring唔夠做,可能上7人車會舒服啲,但一定無得劈。
還車篇
喺成田Toyota rent a car還車果時,差唔多有20個香港人,幾乎包哂場。所以第一次租車嘅唔使驚,你租大行嘅梗會聽到啲廣東話
還車時等shuttle番機場就見到好多人還車,大慨係
2-3人 -> yaris, aqua
3-4人 -> Corolla touring, sienta, noah
5人up -> alphard
SUV好搶手,得好少喺車場/見人還。想要rav4,cross之類就早啲book,呢類好搶手
最後就係提下大家,機場附近入油最貴,唔趕嘅可以早少少喺非遊客區打爆先,無謂蝕俾油公司嘛