想問下巴打
你係做邊行呀？好大約咁講都得架喇
仲有你講既打基礎係咩意思？
我都係19科既FG，諗緊轉工但係唔知轉去邊好............
其他post都提過，香港x大支柱之一嘅零售業
打基礎就係做熟一行嘅意思
我果幾年係間公司仔，咩都要做，唯一好處係好多機會俾我接觸決策過程
當時份糧係算ok, 但係公司用我份糧絕對請唔返人做我當時做嘅嘢(簡單啲就係廉價奴工，揾我笨柒）
但係我都照忍左幾年，直至我覺得已經滿師先遞信
行業係大環境，最重要自己有冇料
同樣賣魚蛋，係街邊賣同四海魚蛋就差天共地啦
其實ching點解會睇中零售呢?
呢行好似競爭大難有晉升咁(當然巴打你90k係勁既)，入行真係好難咁
仲有而家零售嚴冬，要做會唔會更難?
誤打誤撞入行
睇嚟你對零售嘅定義係sales喎
其實仲有好多唔同嘅function啦
好多knowledge/skill set同其他行業都通
睇你識唔識運用同包裝啫(你google吓莊偉忠，睇吓佢嘅經歷就明我講咩）
90k 講緊幾年前啦
我既意思係呢行愈黎愈難做咁樣，因為行業睇落係縮緊
我有睇過莊偉忠果本 不開會的ceo呀，佢話做過8行定12行，到最後做倒ceo。。。
咁我想問，由低做起其實有咩要留意/要做倒既呢，特別係想用工or內部升既人
我想轉行由低做起，想要d真提點，可唔可以跪求巴打指點一下迷津，贈我2句
問老細口佢就叫你做晒d野就有前景，同事都唔想理我，朋友就同齡所以處境同我相似
我真係冇咩人可以問多2句。。。
