[足球/穿越]重來一次的足球人生（8）

蕭～～

肛部張？

二次投胎

老燒個櫻花妹都仲有排先得，輸曬啦

終於有老蕭

一蕭一肛 一個1一個0?

文

同韓妹同居

推

原來個名咁有意思

大家好痴線

細思極恐

進化了終於

諗深十層

終於第五章

推

正呀喂

今日唔太舒服早退咗 可能更新唔到要聽晚

二、


球證吹響完場哨聲，比分牌上三比零的比數，意味著英理再一次成為深水埗區代表進軍初中全港大賽。

場邊的蔡與榮在學生的歡呼中拍著手，對手良橋在控球率上雖然略微佔優，但在攻守戰術紀律嚴明的英理面前，他們的傳控風格顯得蒼白無力。

這天深水埗運動場的觀眾席上來了一名稀客，不是他老朋友、深水埗嘉園教頭張志庚，而是港隊的臨時主帥陳召禧。

「做乜咁好興致走嚟睇學界比賽，仲要係睇初中？」學生散去後，陳召禧走到草地旁，蔡與榮看著他笑道。「你而家應該好多嘢忙至係㗎？」

「不在其位，不謀其職，呢個位本來就係韋生格硬塞畀我，」陳召禧輕輕一笑，回答道。「我直接開門見山啦：蔡Sir你有無興趣做？」

「我？」聽到這個問題，蔡與榮看起來也不太意外，似乎早就看出了陳召禧來此觀戰的用意。「我咁耐以嚟淨係帶隊拎得嗰一次初中學界冠軍，何德何能帶港隊啊？」

「咁係因為學界有羅學強呢啲港青搖籃啫，基本上年年都係嗰兩三隊爭，」陳召禧回答道。「韋生唔諗住搵外國人教，我覺得蔡Sir你真係最佳人選。同埋……你以前教港超嗰陣嘅成績，大家都知㗎。」

「……」蔡與榮沉默了兩秒，嘴角的微笑拉下了少許。「韋卓奇唔諗住搵外國人教？點解？」

「具體我都唔清楚佢點諗，但……好明顯呢個唔應該係我坐嘅位。」陳召禧聳了聳肩。「我好享受教港青，亦都覺得自己一直喺度為香港足球作出貢獻，但……」

「你只係唔想承受咁重嘅責任啫下話？」蔡與榮笑道。「好似盧成亮咁，你問佢驚唔驚教唔出成績，然後成為香港足球歷史嘅罪人？個個都驚。」

「所以……我覺得唯一唔會驚嘅人，應該就係蔡Sir你。」陳召禧答道。

「如果我真係唔驚，當初我就唔會唔再教港超，走嚟教學生波，一教就教十幾年啦，」蔡與榮苦笑一聲，搖了搖頭。「講到尾香港人個個都驚孭鑊。」

「你係厭惡權鬥啫，無錯當時嘅香港足總係腐敗無能，呢一點我同其他人都深有體會，但而家……我唔敢講話完全唔同晒，但至少係可以認真做嘢嘅地方。」

知道韋卓奇執意先讓陳召禧擔任臨時主帥後，盧成亮有私下找這名後輩聊過，並特別提到他與蕭智堯的那次會面。盧成亮到現在仍堅持，蕭智堯不能繼續以一個只負責助攻的Playmaker為己任，這樣下去的話會浪費掉這支人才濟濟的香港隊。

更衣室內陸陸續續走出一些學生，有英理的有良橋的，臉上各自掛著不一樣的神色。這只是一場學界的足球比賽，並不是生活的全部，也不會是足球人生的全部。可每逢到淘汰賽階段，不管是區內的還是全港性質的，你還是能看到有為此而狂喜的、興奮的、自滿的；又或是沮喪的、痛哭的。

作為青年教練，這兩人很明白對於眼前的所有小孩來說，每場足球比賽他們都珍而重之，因此大人的責任，便是阻止任何場外的齷齪之物污染這片聖潔的綠茵。

「其實韋卓奇有搵過我，應該係喺搵你做臨時教練之前。」稍微沉默了一陣子的蔡與榮突然開口說道，並伸手與跟他打招呼的學生示意。「我承認佢係一個唔錯嘅足總主席，但我都係拒絕咗佢嘅邀請。」

「點解？」陳召禧大概知道蔡與榮的為人，他應該不是害怕帶不出成績。

「因為我覺得，佢其實唔相信嗰幾個細路。」蔡與榮答道。「我意思係，佢唔係真係咁信佢哋可以創造出奇蹟。」

陳召禧稍微調整了一下頭上的鴨舌帽，本想回答點什麼，但又把話吞了回去，這些細微的舉動都被蔡與榮看在眼裡，那老頭因而露出了笑容：「你不如試下帶佢哋踢幾場友誼賽，到時再作決定都未遲。」

「再作決定……指嘅係蔡Sir你，定係我？」

蔡與榮聞言笑了笑，臉上的皺摺彷彿清晰地訴說著他這些年在足球界所經歷的一切。

「Why not both？」

……

擊敗青森FC一役，蕭智堯的發揮成為不少媒體的報導重心。本來這兩支球隊都非強隊，實際上沒什麼新聞價值，但剛好那一輪聯賽缺乏話題－而且重點是：岡部彰賽後竟然在社交網站上轉發了這記入球。

於是不少記者便以作為題材大肆報導，加上青森FC的三人中場在蕭智堯出場後表現不佳，可以想像得到，其他球隊自會對此更為重視。

和賀壽一看起來有點犯愁，他反覆地看著上場比賽中後段的一些片段，又在自己的平板電腦上畫了又畫。

「岡部彰係一個性格比較……有時會比較貪玩嘅人，我覺得佢應該有心玩蕭智堯，令媒體畀壓力佢。」首席助教町田隆史說道。「不過佢被對手研究都係遲早發生嘅事，我覺得影響唔係真係咁大。」

「我煩緊另一樣嘢，我對蕭智堯處理壓力方面好有信心，」和賀搖了搖頭，示意他煩惱的不是町田所指的事情。「我係煩緊佢同櫻井之間嘅配合。」

「聽講……之前新妻先生有特別講過呢一點？」

「嗯，佢話覺得呢兩個人好難會夾到，叫我要做定呢個心理準備。」

被新妻先生發掘出來的人，大多數都是「問題兒童」，這一點球會上下皆知。櫻井健也不例外，他外表帥氣、自律、勤奮、具有職業道德，除體能沒有什麼特別優勢外可說是沒有什麼缺點，連很多人沒有的球商他也具備。

要說唯一的問題，那便是他不擅長跟隊友打交道，脾氣也有點倔強，這成為他進步成為頂級球員的障礙。

他並非獨食的球員，作為球隊王牌射手，他每季的助攻數字大概在六至九中間浮動，只要覺得隊友的得分機會較高，他便會選擇傳球，但前提是他真的認為傳球「得分機會」較高，而不是「接應位置」。

換句話說，他是一個極度理性的球員。

這恰好與大部分時間憑直覺來踢波的蕭智堯相反。

「啱啱呢場比賽，可以見到蕭智堯嘅表現比以前出色，佢開始學識點樣去觀察身邊嘅形勢、包括通過隊友嘅特性同走位嚟預判比賽，呢一點係好明顯，但……」和賀壽一拿起遙控器，移到某次球隊進攻的畫面。「佢同櫻井之間都係好似練波嗰陣咁，無乜化學作用。」

「呢個情況，好似佢踢青年軍嗰陣都聽過，但最後都調整到……」町田答道，但說到一半他便知道和賀在想什麼了。

「最大問題係，櫻井好鍾意做二傳－而且佢非常擅長。」

和賀壽一看著戰術板上蛾眉月的位置，喃喃說道。
___________________________________________________
註：第一章第一話有講過蔡與榮教咗學生波幾十年，呢度修正返係十幾年

不射男

我覺得盧成亮果度要講返清楚d 囉

究竟條無膽鬼係嫌主角不射only
定覺得佢根本難當大任
死去踢閘
其實係好唔同嘅情形

老蕭要進化做迪布尼未