[足球/穿越]重來一次的足球人生（8）

直播完結，陳召禧把電視關掉，循例打開香港的各大討論區和社交平台，不出意外地，很多人都圍繞著蕭智堯剛才將黃金機會浪費的事來討論。

他不射門的事並不新鮮，但以這樣的方式成為話題，絕對是第一次。

「啱先睇佢個樣，應該都已經意識到發生咩事。」陳召禧看著討論區體育版那些密密麻麻的帖子，重重地呼了口氣，但也不擔心蕭智堯會不會因此有什麼心理壓力，因為他已見識過那小孩強大的心理承受能力。

「所以……我諗我嘅任務都算係完全咗。」盧成亮將最後一口茶喝掉，喃喃道。「雖然未必一定關我事。」

「其實你之前……同佢講過啲咩？」

「我同佢講，」盧成亮將茶放在桌上，微笑著答道。「如果佢唔練射波嘅話，我可能唔會用佢－當然，其實我仲有畀其他選項佢嘅，不過呢一個先係重點。」

「……」聽到他這麼說，陳召禧有點意外地瞪大眼睛，但很快便意識到，這未必是盧成亮的本意。「咁如果你繼續教落去，但蕭智堯一直都唔改呢一點嘅話……你真係會唔用佢？」

「其實邊可能，佢十六歲就踢J1正選，就算打中堅我都要用佢㗎啦，除非佢有咩紀律問題嘅啫。」盧成亮笑道。「咁同佢講，只不過係一種手段。」

陳召禧似懂非懂地點點頭，盧成亮揮手示意不用為他添茶，並把話繼續說下去，「如無意外，蕭智堯應該可以踏上正軌，余仁海目前嚟講亦比較穩定，所以嚟緊嘅世界盃外圍賽，你可以安心咁去試你想試嘅嘢。」

「你講到咁我反而仲大壓力，」陳召禧側了側頭，有點尷尬地苦笑道。「況且，其實我都無咩特別嘢想試。」

「我知你想踢選攻足球，其實你心入面都係想用蕭智堯做核心，唔係咩？」

「咁你都知？」

「保守係我嘅缺點，但亦係我嘅優點，喺情報呢方面，我一向都做得好足，」盧成亮站起身，示意準備要離開。「如果唔係我都唔會咁大膽辭職。」

陳召禧以前跟他交集不多，不熟悉他的處事作風，一直覺得他是個古板又固執的麻煩人，但這段日子接觸下來，發現跟想像中又有點不同。

「總之……我叫做將港隊教練呢個火盤交咗畀你，如無意外，未來呢幾年會係好順利嘅一個時期，」

他走近拍了拍陳召禧的肩膀，雖然嘴角旁掛著微笑，但陳召禧能看到那隱約中帶點不甘與無奈。

「呢班人嘅未來，就交畀你。」
___________________________________________________

推

唔知嚟到呢話，大家睇完會唔會有咩改觀

各位嘅不滿、提議、分析我都有認真睇
當中有我非常認同、恍然大悟嘅地方，例如有位巴打話，主角令大家覺得不滿嘅地方
係因為咁耐以嚟，佢面對嘅問題都好似無變過咁，咁呢一點係我一直無留意到嘅（雖然呢場波之後就會有變化）

但同時有啲大家普遍不滿嘅地方，我想講多少少
配角開得比較多、寫好多佢哋嘅背景同心理等等，呢一點我係專登咁做嘅，因為我都想寫下主要角色身邊嘅人，去描繪各自面對唔同嘅生態同環境
當然我事實上真係處理得唔夠好，但我唔會作太大改變，準確嚟講係個風格唔會改太多
至於大家覺得話開得太多人，會唔會係用完即棄、寫完一輪但好快就無用咁，我嘅回應係絕大部分有名有姓嘅人（比賽入面嘅另計），佢哋出現都係有個用意喺度，可能係襯托某個角色，可能係之後會出場等等

我知呢一兩年我更新係有啲慢，成日都要遲多一兩日先更
其實我之前都有講過，我身體上有啲問題，而家食藥基本控制到八九成，但佢對我嘅精神狀態都係有一定副作用，會影響我嘅集中力同精神狀態
而家即使係放假我都成日唔夠瞓，坐喺電腦面前成日都未必可以好集中嘅寫到幾多嘢
其實我一直都想將之前寫落嘅某篇小說，大執一次然後寄去出版社傾出版，嗰邊都一直等緊我，但因為呢邊keep住要連載更新，所以無精神分心去做，大家見我連3日1更都成日甩底

我講呢個唔係搏同情，只係想講返其實我已經盡力去保持連載質素，當然呢個過程上面我一定有啲地方係寫得唔好，為咗趕出文有時會寫得急同無顧及太多
但我可以問心無愧咁講，我無試過為咗出文而求其寫啲嘢湊夠字數就扔出街，一次都無

所以都係嗰句，大家有意見可以隨便講，我一定會睇會思考，但好抱歉地我唔會照單全收，因為我都有自己想寫嘅嘢，我一直都係喺度搵一個平衡位
雖然有時候我會好執著啲睇落好無必要嘅細微位，但我相信會有人係會在意呢啲位
我亦相信大家唔會想睇一個毫無保留地對讀者妥協嘅作者寫出嚟嘅嘢

最後再感謝大家一路支持到而家

身體先係最重要呀，加油，慢慢寫，你寫野好好睇

加油，追左咁耐，唔怕等！

樓豬加油

支持樓豬

支持樓豬 保重身體
希望老蕭之後可以進化成功

support

加油

其實依家係谷住睇主角好耐都無發威，所以觀眾會慢慢期望愈來愈高同埋失去耐性
即係如果之後主角發威果時並唔能夠平衡到之前嘅等待，觀眾都好易會唔滿意，因為谷得太耐
而且觀眾嘅耐性經過一次又一次嘅等待，會變得愈來愈唔耐煩

以上並不是評論依個小說嘅內容，純粹係談論寫作手法以及一般讀者嘅互動
點樣去平衡到故事內容同讀者觀感（特別係連載），就睇作者功力了
就算依個故有做得唔理想嘅地方，都只係作者成長嘅其中一站
因為網絡小說連載並不似日本漫畫咁有責任編輯，所以創作者要顧及嘅角度同層面都會更難呀

主角

等睇世杯外圍賽

支持
由啱啱開始連載睇到而家

係 有時自己係寫嗰個會唔覺

其實個故就係用足球依個題材去探討命運，才能，際遇，個人因素如何造成人生。

作者想寫人生，讀者想睇足球。

作者選擇用大量人物去襯托，對比去講當中道理，結果係篇幅較長，拖慢抽寫足球的比賽節奏，最易處理就是寫得直白，但難免變得說教。

如何平衡兩者，鋪排情節，遺詞造句，這就是一篇「史提夫陳的寫作人生」。

就算唔入波 今集都寫得幾好

都追左成三年
雖然唔知個故會唔會仲要寫多三五七年
但係都會keep住追落去
樓主加油

港隊教練咁都有得洗白
摩連奴呀
未來世界都仲lee d 老土野去鞭策
和賀條友講d 唔講d 都係衰

個撚個都話16 歲主角
好成熟
但偏偏唔肯用最直接嘅方法同主角講你要點做
用言語禮貌溝通咁難架咩？

明明職業球隊就係打工
正正常常講唔得嘅

船橋教練叫自己班防守放佢射波lee d 咁唔合理嘅做法
又人人即刻聽

而大家幻想叫主角去射波就好似要殺佢老豆老母咁難...

主角嘅性格喺其他人眼中應該係阿氏保加咁

不過最重要保重身體

多謝

其實比賽前群馬教練團有叫主角射多啲波 主角都有嘗試 但和賀同佢講可以唔使急住 詳情可以睇返第13話

至於喺比賽途中發現有古怪 和賀專登唔講係想主角親身體會下 然後引申去下一個topic 都係同13話嘅對話有關