[足球/穿越]重來一次的足球人生（8）

變咗尼馬故開始打人

果然老魚先係真主角

一個肯救條女，另外嗰件連人哋送到上門都唔要

好型

濕哂（物理）

今次段背景咪好睇囉
女主之一
又關聯到二人父愛嘅問題

文

雖然爛賭同老古板比，有d 唔fair...
除非老余老豆其實仲有衰野

penana嗰度up漏咗第57篇

oh thx

理論上應該今晚更新 但因為老死結婚要做兄弟
所以今晚更新唔切 會聽晚更新

五十九、


在警察的帶領下，姜仲昊與律師沉默地穿過傳媒的包圍網走進警局辦公室，很快出現在他面前的，是三個渾身濕透並披著大毛巾的兩男一女，其中一人正是余仁海。

在抵達之前他已大概從電話中知道發生了什麼事，也知道余仁海不會惹上什麼麻煩，若是處理得當，說不定便能將最近的印象一舉扭轉。不過棘手的是，那兩人是父女關係，而且各執一詞，男方看起來不是什麼好人，為了錢說不定什麼都做得出來。

「律師喺呢度簽個名，就可以帶余仁海離開。」

律師應了一聲，姜仲昊向余仁海看去，他發現那孩子看起來不像有什麼悔意，而且在電話裡聽來的形容是「毆鬥」，但他似乎沒有受傷；另一邊那個中年男人臉上雖然乾淨，可卻一直露出痛苦的表情。

「吓？佢可以就咁走？佢係咁打我喎啱先！」那個男人聽到警察說余仁海離開時，顯得十分不服氣。

「係，而家警方喺有新證供之前都唔會起訴佢，你哋可以選擇私了，或者由你自備律師嚟打呢單Case。」那警察回答道。「因為據當時附近報警民眾、加上你個女嘅口供，你嘅行為確實係令人誤會。」

「痴線，你哋啲警察都唔知係做啲咩咁！咁樣叫做保護自己啲市民咩！？」金藝林的父親似乎相當不服。「定你係見人大球星，有錢有權有勢就欺善怕惡？」

「都得，要揸正嚟做嘅話，我哋都可以落案告埋你偷竊、傷人同虐兒等罪名，其實嗰個位有閉路電視，口供上面話你踢你個女單嘢我哋一查就知。」那警官不慌不忙地拿起口供紙說道。「不過你個女話唔追究我哋先算，定你想我哋將成件事徹查到底？你本身拎住嗰兩個裝滿錢嘅信封，應該仲有一個係屬於其他人嘅？」

「唔好意思阻住你哋爭論……如果無咩事嘅話，咁我哋帶余仁海走先？」這時姜仲昊開口說道。「呢位應該係……金先生？如果你真係想控告余仁海嘅話，可以寄律師信嚟首爾鐵塔，我哋一定會秉公辦理，係咁。」

「得！你哋有錢大晒！唔使講道理！」

三人在金藝林父親的一臉不忿下離去，只是在臨走時，余仁海側頭看了金藝林一眼，兩人視線相交短短兩秒不到，隨後自然散開。

上埋差館 gg

得一篇

警局門外的記者愈來愈多，首爾鐵塔派來的工作人員幫忙擠出了一條路，但沒有為余仁海準備任何遮掩臉部的東西，他就這麼在閃光燈不停眨動的情況下步上面包車離去，依然全程保持沉默。

車門關上，余仁海拉上窗簾，輕輕地呼了口氣。車內隨即被一陣沉默籠罩，司機緩緩開動車子往前，余仁海與姜仲昊坐在昏暗的後座，彼此依然一言不發。

「唔好意思……」余仁海突然頗小聲地說道。

「……」從前車窗透入的微弱燈光之中，姜仲昊的表情只有很輕微的變化，準確來說是很輕微的驚訝。「你無做錯到，唔使道歉喎。」

「但點都會……麻煩到球會嘅。」余仁海看著前方，不少記者已湧到前方馬路兩側，拿起相機不斷拍攝著。

「如果唔係你做錯嘅話，無論結果係點，球會都會支持你，呢一點你可以放心。」姜仲昊答道。「雖然……我諗你或者係有少少想發洩嘅意思。」

余仁海沒有答話，車子繼續往前開去，逐漸消失在一眾記者的視線中。這晚的新聞已足夠讓那些媒體大做文章，至少能夠造成話題。

……

「做咩？單人搵我鬼鬼祟祟咁。」

螢幕裡的李向名朝鏡頭看來，一臉好奇地問道。

「……喂你真係咩網上新聞都完全唔睇咁喎，」蕭智堯白了他一眼。「你老友而家水深火熱緊啊大佬。」

「做咩？你喺日本搞大人個肚？」

「屌，明顯唔係講緊我啦，老魚啊。」

「老魚做咩？」

蕭智堯移開視線嘆了口氣，一副不知道該從何說起的樣子，冷靜了數秒後，才叫阿名在網上搜索「余仁海」三字。

「嘩……條友搞咩啊，」李向名似乎是找到相關的新聞了，露出稍微意外的表情。「跟住呢？」

「而家就係想同你商量下睇下點同佢傾囉，呢幾日佢都無喺個Group度出過聲，我諗緊我哋要唔要主動開口同佢傾下。」蕭智堯嘆了口氣。「本身話韓國嗰邊啲媒體已經係咁寫臭佢，主要係佢嗰腳飛鏟有啲惡意，而且又搞單咁嘅嘢，雖然聽落好似話唔會造成咩大問題。」

「嗯……」李向名搔了搔頭。「試下同佢開個三人視像？」

……

車子沒有駛往余仁海住所方向，而是向著球會基地而去，有零星待在首爾鐵塔門外的記者慌忙向公司匯報，似乎絕大部分媒體都守在余仁海寓所處。

他低頭在手機拒絕掉視像會議的要求，並迅速地以文字回應現在沒空。

姜仲昊一言不發地將會議室的門推開，只見裡頭早已坐著兩名男人，余仁海認得其中一人，是球會的公關部主管。

簡單地互相介紹後，姜仲昊很簡短地說明了現況：他建議余仁海今晚先在這裡過夜，因為其住所附近肯定滿是記者，他不想讓這名孩子承受太大的媒體壓力。

「然後，就係晏啲我哋將一啲球會相熟律師嘅聯絡方式畀你，以後你遇到類似嘅事情，唔理係自己啱定錯都好，喺律師嚟之前都唔好隨便開口。」姜仲昊續說道，並表示在場的另一人是球會常用律師之一。「今次好彩嘅係你遇到啲賭仔，成件事脈絡非常清晰，所以警察無起訴你，對方亦無俾你打到見血，件事起碼望上去好睇啲。」

說到這裡，他朝旁邊的公關部主管看去，那人看起來四十歲出頭，笑容可掬，牙齒潔白得像是廣告裡的人一樣，是余仁海最討厭的類型，但似乎只有這種人才最適合處理公關事情。

「為咗應付傳媒啦，所以我都想聽下你本人講返當時究竟發生咩事，同埋你向警方落嘅口供，同呢件事會唔會有啲咩唔同之處，又或者係有啲細節你無同警察講到嘅。」那人朝余仁海說道。

「當時我跑步經過，聽到有人大聲爭執，我行埋去睇下發生咩事，聽到係話一個男人搶佢個女嘅錢，我睇唔過眼就……」余仁海答道。「其實我都無真係點打佢，只係衝埋去一嘢撞飛佢，然後佢嘗試再撲上嚟，我避開之後對住佢……應該係膝頭哥用力踢咗一腳。」

坐在他對面那三名大人均點了點頭，公關部主管邊點著頭邊飛速地用手摘錄著筆記。

「之後呢？無啦？」

「無，我踢咗佢一腳之後，就有警察趕到，然後拉晒我哋返差館。我錄嘅口供亦同啱先講嘅……差唔多。」

讓球會職員拿來被子枕頭及其他生活用品後，姜仲昊及另外兩人離開會議室，他們沒有再說出什麼責罵說話，似乎是有意先讓余仁海情緒穩定下來。

坐到姜仲昊的辦公室內，律師先很快速地說明自己的看法：當時警方表示余仁海與女證人的口供完全一致，而且附近有民眾報警稱看到女證人被其父親毆打，所以今次事件可以看作是「誤會」，除非其父親決定循民事方式追究，「但睇佢個款寧願拎啲錢去賭多過請律師㗎啦。」

「但佢……會唔會俾其他球會利用？」公關部主管用原子筆敲打著下巴，這也是姜仲昊想要開口說的問題。

「正常嚟講實會有，但今次事件比較特殊，當各間報社都報出個案情大概時，其實呢個所謂男受害者嘅證供已經無咩可信度。」律師答道。「就算要利用媒體嚟抹黑余仁海，呢個男人亦未必適合。」

公關部主管點著頭，暗地盤算著今次這件事各種發展的可能性。

正說間，其電話持續震動，他拿出來查看後，露出頗為複雜的表情。

「個男人去完醫院，向傳媒展示診斷報告，」他把電話螢幕關掉，放進西裝外套的口套並緩緩向另外兩人說道。「佢出事嘅嗰邊膝蓋骨、半月板碎裂，出嚟嗰陣係坐輪椅並打住石膏。」
___________________________________________________

新po lm

劇情開始暴走

文

職業球員仲要出名腳頭重
一腳踢斷普通人隻腳有咩出奇