[足球/穿越]重來一次的足球人生（8）

另外兩個意大利人應該唔洗點講啦，史卡奴用嚟襯托簫嘅。

通常啲配角講咁多嘢都係襯托用，但唔係襯托足球有關嘅事

最大問題係如上面ching所講，一大堆用完即棄配角都稱唔上嘅二打六都要用一大段心理描寫加回憶

認真睇到都即飛，唔好話呢班”角色”對個故有冇幫助，直情係冇存在價值

二十七、


「富津選手喺中路帶波推進！船橋一次三打三嘅反擊！」

群馬三人防線沒有失位，但是三打三有很多種不同的走位方式來擾亂防守，重點是，他們根本沒有球員能在有足夠空間的情況下守住托芬治。

「唔好出腳，拖住先！」在中間的隊長宮澤喊道。

兩支球隊的中場球員正匆匆往伊香保禁區趕去，船橋的人其實沒有多少反擊時間來浪費。富津也沒有猶豫，至三閘線附近，把將球傳到托芬治腳下，他本人則跟加比蘭尼拉到另一邊，嘗試為該名王牌創造出進攻空間。

防守站位不錯呢……

波洛堤觀察著臨危不亂的群馬守將，那三人形成距離恰到好處的斜線，未有被另外兩人的走位迷惑，很明顯對方有為此針對性地訓練過。上半場攻入一球，應該只是突襲得手，對手反應不及而已。

托芬治在禁區左側放慢腳步，以幾下假動作試探完右中堅的重心後，便加速往大位推去。坐鎮中路的宮澤這時稍微移到中路補位，整條防線的形狀仍算完整，同時其他人已快將趕到，船橋 今次反擊的時間所剩無幾了。

該名意大利左翼最後在蛾眉月附近變速突破後起腳，但位置跟射門的角度都不太理想，因此也未對門將形成多大威脅。半放棄得分能力不高的富津，對托芬治形成協防，是群馬這次防守成功的關鍵。

「有啲可惜啊，呢次本應係個好好嘅機會。」

「不過呢次進攻，同我哋平時會見到嘅船橋有少少唔同。嗱睇返慢鏡，史卡奴呢下拉空做得幾靚，其實佢引開咗幾個群馬球員嘅注意力嚟為富津開咗條路。」

「我哋似乎好少會見到呢位意大利中場做呢樣嘢，所以啱先呢次進攻呢，喺我角度嚟睇都算幾罕見。」

錯失大好機會的托芬治一臉懊悔地擦著額上的汗，回頭往己方中場步去，他當然看出了史卡奴身上發生的明顯變化。

那個人，正跟對手－那個香港人互相影響著。

在中後場刻意為隊友拉空這種事情，以往根本不會從史卡奴身上看到，波洛堤剛才笑著說蕭智堯有時會踢出幼稚的足球，可正是那樣一次不合理的進攻，為群馬在左路搏到角球，然後便形成追和一球。

為了贏，史卡奴也決定成為球隊齒輪的一部分，雖然兩人的程度不能相提並論。

「兩個都係球隊好難去圍住佢哋嚟砌隊嘅球員，但咁巧合地，」剛才那次反擊沒形成入球，讓和賀壽一鬆了口氣。「而家呢兩隊波，都係各自兩個監督為佢哋度身訂造。」

「而家個問題係，雖然見到蕭智堯踢法上有變化，但係……」他身旁的町田，從剛才起就一臉平靜地在椅子上，未有為剛才那一球露出太大反應。「我哋可唔可以執行到戰術，攻入下一球？」

「啱先我都講咗，」和賀壽一抿起嘴看著蕭智堯。「呢場波如果可以令佢真係明嘅話，就算輸都值得。」

「時間嚟到八十五分鐘，比數仲係一比一。近呢十五分鐘群馬控球率稍微高啲，但踢出嚟個感覺係均勢嘅。」

蕭智堯再次與河本在右路Overload對方，嘗試讓山口有傳中機會。四人形成的菱形站位，很容易便能製造缺口，只是有時落底的不一定是山口罷了。

「河本壓入禁區！但可惜過唔到呢邊嘅田中……應該係龍門球。」

「兩邊監督又有換人動作啦喎，兩邊都同時換人出嚟爆一爆啦。」

「你應該識聽英文？」

正留意著對手換出換入什麼球員時，一段帶著奇怪口音的英文突然傳到耳中，蕭智堯扭頭看去，是那個連提場及要球都甚少出聲的史卡奴。

「係，當然。」

「點解你唔踢左閘？左閘應該係更適合你嘅位置，我相信一定有好多教練同你講過。」

「……」蕭智堯沒有馬上回答，而是朝在場邊等待隊友走到邊線的那些後備球員看去。「如果係你呢？如果教練同你講，你唔踢閘就要踢後備嘅話，你會踢閘定係堅持要踢防中？」

「我踢防中唔係因為我想踢，而係因為我嘅身體同技術條件，注定咗我只可以踢墮後型防中，」史卡奴語氣平靜且面無表情地回答道，且絲毫沒有猶豫。「但就算有教練叫我踢閘、踢中堅都好，我都唔覺有咩問題。」

「……咁又係，道理上係咁，你講得無錯。」

「我聽講過你一直都好堅持要踢攻擊中場，遇到而家呢個教練都算係你嘅好運……但係到目前為止，我唔太覺得你嘅表現值得佢咁做。」換人過程差不多結束，史卡奴看了他一眼，似乎仍有些不解的想法。「應該話……我暫時睇唔出你要踢呢個位嘅理由。」

球證鳴哨，示意比賽可以重新開始，船橋的門將將皮球放在小禁區角落上，雙手撥前，示意隊友向前壓上。

「你有無諗過……點解你只可以踢墮後型中場？」蕭智堯往中圈方向慢跑著，並輕聲朝身旁的史卡奴問道。

「咩話？」史卡奴輕瞇眼睛，眉頭也很小幅度地皺起，像是聽到了什麼難以理解的問題一樣。「一個好似我咁瘦弱又慢嘅球員，唯一長處係長傳，除咗呢個位置之外……」

「咁會唔會係因為，你從來都無諗過去改變？」

船橋的門將大腳將皮球斬至對方半場深處，蕭智堯徑自打斷了他，往其落點附近跑去，留下看著他的背影、獨自陷入沉思的史卡奴。

他……把足球想得太簡單了吧？

這種東西，怎麼可能說變就變呢……？

「加比蘭尼頂到！但係傳唔到去托芬治嗰邊，宮澤拎晒，傳畀返嚟接應嘅國分。」

蕭智堯這次卻回到左邊Half-Space，未有急於進入右路，至皮球在中場來回傳遞數次後，他才突然從中路移到右邊。

史卡奴失位，富津被逼補位。

缺口出來了。

「國分傳畀攝入禁區嘅河本，直接一腳彈去右路，山口無控直接斬出嚟……咦？」

讓旁述也不禁發出意外的是，山口元吾傳中的軌跡不像平時那樣急勁地傳至遠柱，而是變成既高且慢的吊球。

落點當然是在近柱附近等候多時的春日。

本還移到另一側等待Second Ball發動反擊的史卡奴，馬上朝蕭智堯處看去，發現他正全速地往禁區內跑去。

很明顯地是有練習過的戰術。
___________________________________________________

終於有d 主角霸氣

終於要入波

終於有後上入波

主角終於都似返啲樣 以為佢又要質疑自己幾話

唔好咁腦定
咁快gel 頭

留名睇後上接應然後再傳

唔傳，但到對面主角威能咁解圍

文

唔傳 結果飛機

高速入攝阻住櫻井接應二傳攻門
和賀壽一：佢兩個真係夾唔到

如果可以令佢地明白
輸一場都抵

sorry今晚寫唔切
聽晚會更

二十八、


「嗚！」

春日秀雄與入替的船橋中堅爭頂，兩人身高相差不多，但春日以更豐富的經驗，早早地卡好有利位置，搶先將皮球頂入禁區中路。

混亂之中入楔的人，正是蕭智堯。

被重點盯防的櫻井健在左路拉開，為中門創造一大片空間；船橋的正中堅岩東吾郎，也被春日吸引注意力而失位，蕭智堯在禁區內控球時，附近幾乎空無一人。

這個場面，曾為他隊友的舞木嘉正再清楚不過：由於岩東完全失位，現在其實是一次局部的三打二，按照往常的發展，便是蕭智堯往前推進，待對方的後衛上前失位時，他便會恰到好處地傳給其中一名隊友終結攻勢。

更多的情況，是他會拉弓假裝起腳，這時候後衛必然會嘗試伸腳擋下，甚至倒地飛鏟。某程度而言，這是他的殺手鐧之一。

這時盧成亮又呷了口茶。

只見蕭智堯以不快不慢的速度推前兩步，對方兩名中堅亦向中間收縮，正好處於一個不近又不遠的距離。蕭智堯在十二碼點側後一兩步的位置，獲得一次前方全無阻擋的起腳機會。

但是他猶豫了，似乎是在等待對方靠近。

「咦，蕭選手……仲唔起腳！？」

接連拉了兩次弓，對方兩名中堅的步伐都似近非近的，讓他不知道該傳還是射。禁區內外的兩秒差天共地，稍作猶豫後，蕭智堯已感覺到背後有人急速靠近－是剛才失位然後追上來的岩東。

「匆忙起腳！但角度同力度都一般，門將輕鬆沒收……嘩……好浪費啊呢球，佢啱先究竟諗緊咩？咁都唔即刻射，拖到防守球員都拍埋嚟先搞到個姿勢亂晒咁起腳。」

絕佳的機會被浪費，還是球隊等了這麼久才通過戰術創造出來的機會，蕭智堯一臉不可置信地抱著頭－他其實知道發生了什麼，因為剛才對方後衛的站位，不自然得瞎子也能看出來。

波洛堤下了指令，不用理會自己射門，只需要做點迷惑的動作來拖延便可。

和賀壽一跟波洛堤不約而同地互看了一眼，也彼此都露出一個意味深長的微笑。

「感覺上……」波洛堤將視線移回到場上，對球員做了個壓前的手勢，趁著這氣勢嘗試將比數改寫。「對面個教頭係知道我哋安排。」

「個香港人先十六歲，可能當係畀個教訓佢？」助教想了想，說道。

「的確係一個幾特別嘅球員，」波洛堤看著緩緩跑回自己位置的蕭智堯，感覺他已經冷靜下來，沉穩得完全不像這個年齡的球員。「你話齋，先十六歲，可以踢到咁已經算好出色，所以我可以明白，點解史卡奴今場會同平時咁大反差。」

「見到一個十六歲嘅人，獲職業教練青睞，圍住佢嚟砌一支球隊，係唔容易接受。」

與此同時，觀眾席上特意來支持的一眾香港球迷亦難掩失望，紛紛發出無法相信的驚嘆，甚至有一兩個人罵了幾句，後來似乎是想起蕭智堯的父母在場，所以才沒再繼續。

但實際上，作客的群馬球迷，下半場也經常高唱這名香港小將的名字。他們沒有忘記蕭智堯獨自擊破船橋的高位壓迫，又勤奮地到處走位，找方法撕破對方防守，從而開出助攻的角球，助伊香保將比數扳平。

比數就此定格至球證吹響完場哨聲一刻，群馬球迷再次唱起蕭智堯的名字，主場的船橋球迷也高呼史卡奴的名字作回應－雖然是被針對的一點，但他們同樣沒有忘記該名意大利中場打開紀錄的長傳助攻。

「精彩嘅對決。」

握手時，和賀壽一微笑著言簡意駭地說道。

「算係你好彩定係我好彩？」波洛堤笑著問道。

「……佢兩個好彩。」

跟史卡奴握手相擁致意後，蕭智堯很主動地脫下了球衣，前者也將身上的戰袍脫下。「你真係十六歲？無報細數？」

「做咩？你覺得我個樣睇落似再大個啲？」蕭智堯遞上球衣，笑著反問道。

「……好明顯我唔係講緊個樣。」

「我唔止十六歲嘅話，啱先嗰球我就自己起咗腳，而唔係俾你哋陰到啦。」

「獨食嘅人我就聽得多，但好似你咁淨係傳波，唔係逼不得已都唔會起腳嘅人真係好少見。」史卡奴接過蕭智堯的球衣，依然木無表情地說道。「開頭喺會議上聽到個對策嗰陣，我都覺得好意外。」

「應該之後唔會再咁。」蕭智堯苦笑道。

「或者你有信心傳到好靚嘅話，嗰球你都係可以傳個助攻出嚟。」史卡奴那平靜的如清晨湖面的表情及語氣，讓蕭智堯實在不知道他是在說笑還是認真的提議。

「或者……我可以推前多兩步再諗？」蕭智堯聳了聳肩笑道。