[足球/穿越]重來一次的足球人生（8）

「喺呢一點上，佢真係好似佢偶像奧斯爾。」

盧成亮笑著搔了搔額頭，旁邊的陳召禧用手提電腦做了些筆記，但看起來似乎對比賽抱樂觀態度。

「我覺得呢場比之前余仁海踢嗰幾場有趣得多，」陳召禧說道。「兩個教頭之間嘅戰術博奕好精彩。」

「帶港隊去踢國際賽就唔係呢種節奏，你要留意少少。」盧成亮一副過來人的語氣應道。

「盧Sir你似乎……都係放唔開嗰種心態。」陳召禧看了他一眼，微笑答道。

「帶港隊同帶球會嘅壓力完全唔同，特別係香港球會，難聽啲講，你就算教最大嗰間，行出街都無幾多個人識你，但教港隊……」這到追裡，盧成亮拿起茶杯呷了一口。「輸一場你就俾人鏟到上天花板。」

「我唔認為日本呢個教頭嘅壓力會細，但佢做緊嘅嘢一樣好冒險。」陳召禧答道。「咩隊都好，總要有肯冒險嘅人。」

「……」盧成亮沒有反駁他，反而嘴邊仍掛著微笑。「所以韋生揀你，我覺得都係一個唔錯嘅選擇……希望你能夠頂得住。」

每支球隊的教練都會有壓力，球員也會有。

波洛堤跟史卡奴站在角落輕聲討論著，他擔心這名愛徒會不滿剛才的調整，但史卡奴的反應比他想像中小很多，小得像是毫不在意一般。

「佢的確好擅長帶波，我無意見。」史卡奴的回答一如以往地言簡意駭。

「OK，咁……下半場我哋照舊先以防反為主先，」波洛堤露出帶點感謝的笑容，拍拍他肩膀示意回到大家那邊。「戰況仍然係我哋有利，所以會睇住對面點部署再作下一步行動。」

「下半場……我覺得對面會做啲咩，特別係嗰個香港人。」史卡奴續說道。

「我都有同感。」波洛堤點點頭，數分鐘前進入球員通道時的那股從容，彷彿已從其臉上抹去，早早預訂的Pizza也被其拋諸腦後。

他相信另一側更衣室內的和賀壽一，雖然已有大概的戰術方針，但此刻肯定也同樣焦頭爛額。

觀眾席上，蕭智堯的父母正站在欄杆旁舒展因久坐而有點僵硬的身軀，他們對足球不熟悉，只知道兒子的球隊正以一球落後，但局勢看起來好像還不算太差。

不遠處有幾名香港來的球迷正以廣東話討論著這場比賽，他們似乎沒有留意到兩人的存在，聊得相當起勁。

「有啲難寫囉會，因為始終專登飛過嚟寫佢地標，如果輸嘅話比較難起個Angle。」其中一人頸上掛著專業相機，似乎還帶有其他東西，應該是從香港來的體育記者。

「講真唔一定輸嘅，」那人看起來大約三四十歲，膚色呈健康的古銅色，笑容爽朗，四肢肌肉結實，一看就知道平時有運動習慣，這時蕭智堯的父親認出他的聲音似乎在昨晚聽到過。「其實對面已經開始慌慌地。」

「但睇落我哋唔似有板斧攻得入船橋嘅防守……你係教練，你應該睇得出對面嘅防守好有紀律
？」

「嗯，的確對面係一支好強嘅球隊，」那人微笑著點了點頭，同時往球場上望去。「但史卡奴呢一點唔係始終會成為隱憂，同埋船橋呢種防反踢法都已經踢咗好幾季，我覺得和賀壽一唔會無諗過辦法嚟應付。」

「你覺得會係點？」那記者似乎十分有興趣想聽那教練的分析，其他人也不怎麼說話。

「我估到晒我就唔使教乙組啦，」那人哈哈笑道。「但我覺得雙方嘅底牌都已經Show得差唔多，群馬或者會……用蕭智堯嚟踢中路強攻？」


其實蕭智堯的父母具體也聽不太懂他們在討論些什麼，但大概知道，即使眼下球隊處於劣勢，他們似乎仍打從心底相信，自己的兒子會在這場比賽中擔任重要角色。

光是這一點，他們便覺得這一趟沒有白來。
___________________________________________________

唔經唔覺呢個半場原來踢左一個月

文

好睇，加油

又有文

足球小將

我明有時節奏係會偏慢

踢到road to 2002 條road 都唔見左

樓主之前話老余似邊個球星？

我好似無特別講過？
因為我驚大家會定型咗佢

阿祖安奴

今晚有冇文?

應該有 但要凌晨
我唔夠瞓要小眠一陣

樓豬呢

等咗成晚

sorry瞓死咗
晏少少更

少少

Sorry屋企有啲事幫手搞啲嘢搞咗半日
七七八八了 過多一陣更

二十三、


「下半場開始，雙方都無作出換人調動嘅，睇下比賽會唔會都係暫時跟住啱先嗰種節奏進行落去。」

防守時5-3-2的陣型，三名中場很好地保護禁區頂的空間，盡量迫使群馬將攻勢由兩邊發動。特別是左翼衛吉川晃嗣很少犯錯，也能有效地限制山口元吾的發揮。

對此，和賀壽一採取的方針很簡單：強攻。

伊香保明顯地大舉壓上，且左中堅亦加入進攻，配合左閘若島於中路或左路尋找機會。這樣做的用意之一是消耗史卡奴的體力及注意力，而且他本來就是船橋武尊的防守缺口。

當人數處於均勢，特別是在禁區頂這種關鍵區域時，一次失位足可釀成大錯，這表示每次攻勢來到史卡奴附近時，他必須全神貫注，同時要盡東奔西走全力防守，對這名以傳球及組織見稱的意大利中場來說不容易應付。

不太妙呢，坐在教練席上的波洛堤彎著腰，眉頭緊皺。國分鄉一在進攻三閘線附近很冷靜地梳理進攻，蕭智堯則很主動地在數名船橋的中場之間跑動，等待隊友送來的傳球。

他能感受到那名香港人全身散發出的侵略性，像是一接到球，就會突然轉身將防線撕開。

「左路交叉走位拉空，蕭智堯同若島做咗次撞牆，畀穿咗入到去禁區嘅！但後面岩東跟得好實！」

蕭智堯沒有著急轉身，因為他知道對方的正中堅岩東吾郎緊跟在身後。由於在禁區內，岩東上前逼搶的強度不算太大，但仍用其強壯的下盤及身軀向蕭智堯施加壓力。櫻井健依然被緊緊盯防，無奈之下他也只能回傳予若島。

「有無留意到？」和賀食指放在人中處，朝身旁的町田問道。

「嗯，似乎有啲不尋常，」町田點頭答道，語氣依然十分平靜。「佢哋喺禁區內嘅企位。」

「之前嗰種奇怪嘅預感果然無錯。」和賀哼了一聲，帶點無奈地笑道。

「我有香港翻譯嘅聯絡方式，我可以搵佢幫手翻譯幾句，用香港嘅語言寫紙仔傳出去畀蕭智堯嘅話，對手發現……」町田邊說著邊從褲袋裡探出電話，但話還未說完，就被和賀伸手阻止。

「其實仲好，唔係咩？」這名教頭輕聲笑道。「如果呢場比賽可以令佢明白嘅話……輸一場都未嘗不可。」