UK 租樓買樓攻略 (8)

手頭上資金最盡得百五萬
唔介意住鄉村地方
就算去Scotland都可以
想full pay買house有冇可能

你敢住幾平都有

治安正正常常就敢

如果資金咁有限建唔建議隔山買牛先
驚租多一兩年連買都買唔到

有冇錢都唔建議隔山買

呢個budget啲屋唔會一兩年就升到買都買唔到
資金有限更加唔好隔山買牛 買錯屋執漏仲貴過你租

請問如果間屋出面條路屬於private road，由屋苑業主負責維修，大家有無經驗呢啲屋會唔會因為條路而好大問題
條路基本上都只係屋苑居民會用到，因為係掘頭路。
同埋大唔大機會轉到俾council負責？因為賣家話同council傾緊

leeds 我都係這個數
2房1930年end terraced

Leeds多唔多盤？
我唔介意住北啲 最緊要岩budget

你要記住, 你如果仍然要搵食嘅話, 地點係會直接影響你搵唔搵到工.

我有朋友係早3年前去左scotland, 貪個度平. 不過佢無研究過佢要搵嘅工個度附近有無. 佢係搵唔到野做. 最後敗走番左香港. 佢都係買左屋跟住要賣番間屋.

Remote工作所以唔太影響

如果有工返
唔會租到燒錢㗎
唔好咁急買
搵咗咩城市咩區
自己住過鍾意再儲錢啦

不過有寵物又麻煩啲
可能最多都係租半年就買
始終自己地方

唔好心急預租一年先搬到入新屋

你落地搞掂咗租屋返工啲嘢，settle咗三個月左右開始睇樓，睇啱出offer等驗樓交易再小裝修買傢俬都搞半年 無得急會迫死自己

我其實都唔想咁煩氣, 不過我同上面巴打講嘅一樣,

"唔好心急"

呢個真係呢度買樓嘅大忌. 出事嘅人99% 都係衰心急. 呢度唔同香港, 一間屋同另一間屋就算係正隔黎, 張契可以完全唔同, 裡面可以有basement 隔黎可以無. 又可以隔黎做左extenion 另一間無. 一間可以有rising damp 問題另一間癡住嘅無事. 唔好諗住隔黎屋都無問題, 就諗住你無. 呢度d 屋契同地契玩法唔係初初香港人理解到嘅野黎. 而呢d 問題係直接影響到未來係咪做到mortgage 或者你再賣出去會唔會賣唔出, 或者買完番黎係直頭唔值錢. 無錯, 係可以仆街到完全銀行無視左個單位都得嘅. 香港係無呢d 咁嘅野, 而呢度係好多呢d 咁嘅屋.

你買屋唔做齊所有survey, 律師做齊所有search 同check 晒地契嘅野先叫稍為無咁多意外. 仲有嘅係, 俾你突然搵到個好似好筍嘅盤, 不過擺左係rightmove 成個月都未賣出嘅話, 99% 個盤係有問題, 而唔係你好彩. 呢度優質盤不論租定買, 半日內可以唔見左.

另外就係你份remote job 係咪secure 到未來退休前都可以一路做落去? 因為你無左份工, 而你搵個個地點係無你要搵嘅工種嘅話, 你唔會生活到. 呢度唔係香港, 唔係話你住遠d 頂多早d 起身搭耐d 車番工. 呢度大到係唔會work. 仲未講個車費遠程係貴到離晒罩. 我同事住離2 hours 車程入london 嘅地方. 佢每年係俾緊£4000+ 磅一年齋係買火車月票上面.