【Sad War】《病港ＩＩ》（７１）

是，連登最update。紙言/Penana都有delay的

日光在下 月光在上緊第二次都無文

林錦公路夾雜兩山之間，當中不乏村屋和農地。

放眼望出去，八方皆山，沒半點城市化跡象。

居住此地，會有種遠離社會的疏離感。

原本我無無聊聊的看著車窗外風景，時不時瞄一瞄前方路況。

可突發的事情總無處不在，我發現前面有位隸屬我們車隊的獵手，正在車下與病嘴搏鬥。

他右手抵著病嘴頸喉，左手刀具反覆穿刺其腹胸。

「咕咕咕嗉嗉嗉……」病嘴嘟著的唇，滿佈病毒小水泡。

「嗤嗤嗤嗤。」他身後農田上，都有兩隻手持農具的竊屍賊正走來。

「隆唔──」我踏盡油門，撞向兩隻竊屍賊。

撞倒背後的偷襲後，我落車幫獵手拉開病嘴，一下子將其扳倒地上，然後伸腳踩踏頭部。

數下奮力踏擊後，直到頭腦爆響。

「嗄啊……」獵手喘著氣，快速掃視我一眼：「唔該你。」

「跟唔上車隊？」我遙看前方的路。

獵手指一指自己的摩托車：「俾病嘴伏咗。」

只見摩托車輪底下，給強力的唾液黏住。

「上我車。」我回到的士上。

「我以為你死咗……」獵手坐上副駛座位。

「嗯，差少少就死。」我扣好安全帶。

「光仁輝。」獵手自我介紹名字。

「咁正能量……」踩油出發。

現在駕駛車輛外出，都得提防病嘴的黏性唾液。

「你有車米炒咗，你嚟嗰陣應該睇到？」光仁輝說。

「見到，仲俾隻不知名病者襲擊。」我回應。

「原來你都見到佢……」

「你好熟佢？」

「唔熟，但都聽過佢個大名，獵手黨裡面最出名嘅孤狼，唔會同其他獵手聯群。」

「我講緊拎鐮刀嗰隻病者。」

「嗯……獵手黨「四禽」嘅鷹，八鄉嗰陣佢受感染，最後成為咗嗰到嘅怪物。」

「嗯……」

「八鄉嗰件事你都有參與？」

「無，都係聽人講，可以喺嗰次任務生存嘅獵手，都變哂做幹部，我只係後嚟填補位置嘅小人物。」

「有冇殺過人？」我隨意問問。

「無。」

「無？」我像聽見笑話。

「可能外界對獵手印象唔係幾好，但都有「四禽」雕咁嘅人存在，比較講道理，唔會亂嚟，但無可否則絕大部份……都係為咗利益而加入嘅人。」

就當我們快要駛至交匯處之際，道路兩旁突然兩人冒出，把什麼東西拋出路上！

「有人！」光仁輝喊。

那東西落地後，自動延伸至對面。

「破胎器！？」我訝異同時，車身抖晃。

給刺破的車胎頓時失控，不由自主地打滑，我除了煞車無能為力。

「呯」的士撞上許願樹。

我馬上解開安全帶落車，沒時間坐著思考。

一枝枝短箭恭候，對方密集地射擊。

我跑到許願樹後躲避：「光仁輝！你唔好落車。」

「咩人嚟……」光仁輝聽從我說話留在車中。

「紅魔！我哋喺到捕咗你三日。」不明來歷的人總共有六名，全部手持弩槍並身穿厚重的緞面大衣。

弩槍是有手槍外型，但射出來是短箭的遠程武器，可自由配搭不同瞄具，威力不能說很大，但射中要害依然可以一擊斃命。

「你哋係咪認錯人。」我回應他們。

他們朝著我方向分散而行，想慢慢將我包圍。

「有冇認錯人唔知，但你車牌我哋肯定記得。」

「依嫁的士係我搶嚟，本身唔係我。」

「我哋實信你，不如你行出嚟先。」

「我只能夠講你同個車主有咩因怨都唔關我事，你哋殺咗無辜嘅人，只係令自己精神層面上得到少許安慰，真正問題根本未解決到。」我理性地解釋。

光仁輝開腔發聲：「你哋係咪賞金獵人……」

對方說：「你都自知惡行已經俾賞金獵人盯上？大家睇住，車上面仲有同黨。」

光仁輝：「頭先你哋應該見到有兩嫁貨車經過？我哋係佢哋一員嚟。」

「有咩陣間再講。」對方步步進逼。

我暗暗啟動蘇維眼睛的紅光，吸引周圍的病者作遂。

弩槍六人一見樹後不明紅光，馬上卻步警惕：「咩情況……」

不久，第一隻病翼率先上陣，發狂地攻擊人類。

「嘩嘩嘩嘎嘎嘎！」

六人舉起弩槍射擊，阻止病翼拐捕上天。

「呵哈、呵哈、呵哈。」大耳緊接而上。

不到半分鐘，附近的病者接力騷擾六名賞金獵人，令他們分身不暇。

光仁輝嘗試重新啟動的士引擎，連續試幾次才成功把它發動。

「隆……」

我關閉紅光模式，從樹後跑出拉光仁輝出車：「條胎都爛咗你仲開車做咩！走！」

「係喎……」光仁輝急忙下車。

「佢哋想走！」賞金獵人眼睜睜看著我們離開。

面對擋路的病者，我也不裝了，直接用拳頭打倒他們。

「仲想走！」有名賞金獵人拼了命要殺掉我們，舉起弩槍瘋狂追擊。

「呀！」光仁輝膝蓋中箭，驚喊一聲。

我馬上回身將光仁輝抱起，用自己背部給他擋箭。

「嗖！嗖！嗖！嗖！嗖！」

「馬克你……」光仁輝瞪大了眼。

脫離敵人視線範圍後，我跑入公廁中暫時躲藏，外面的人類與病者廝殺當中，非常混亂。

「你點？」我低頭問光仁輝。

「應該係我問你點……」光仁輝從廁所鏡子的反射中，看見我背部插著兩根短箭。

一陣再補琴日文

遲文一推

記錄返仲有47日可以正皮

其實八鄉單野有冇可能係Dr.D搞出嚟 又有翼又叫鷹 有冇咁啱

「你點？」我低頭問光仁輝。

「應該係我問你點……」光仁輝從廁所鏡子的反射中，看見我背部插著兩根短箭。

望到呢幕瞬間諗起yag

咪講咗本身叫四禽-鷹

「小意思。」我把光仁輝放地上。

公廁的地面當然骯髒，但傷口碰不著就可以。

我伸手往背上狠快一拔，將兩枝短箭弄掉，扔到洗手盤中。

光仁輝看得目瞪口呆：「……」

「到你。」我說。

「可、可唔可以唔抆出嚟……」

「佢哋可能塗咗毒藥上去。」我蹲下來，手握插在膝蓋的短箭。

「等等等等！俾啲心理準備時間我……」

「我數三聲？」

「呼……好……」

「一。」我馬上拔掉。

「嗚呀呀呀唔──」我及時封住他的口，不讓他亂叫。

我用蘇維眼睛仔細凝視短箭，如同顯微鏡般放大細節，給我發現了不太好的事……

「睇嚟真係有毒，佢哋似揸咗嘢上去。」

「啊！隻腳好似無咩力。」光仁輝憤然拍地：「係咪我要玩完咁解……」

「如果入咗血液循環系統或者呼吸系統，到時真係玩完。」我撕掉他身上衣服一塊布，當成繃帶緊緊的紮住膝蓋上方，盡可能阻斷毒素流動上身。

「啊啊啊……好緊……」光仁輝痛得滲淚。

「唔緊就無用。」

「……」

我看著膝蓋嘆口氣，摘下鳥嘴面具。

我盡量給光仁輝膝蓋啜出毒液，然後吐出到地上。

「馬克點解你……做到依個地步……」

「既然你係獵手，仲係好嗰隻，我會盡自己能力保住你條命。」

「咁你自己呢……」

「唔洗擔心我。」

一番啜吐功夫後，我大概將毒素都吸出來了。

「啊啊啊……嗄啊啊……」外面有把慌忙的喘氣聲，然後就有位賞金獵人躲了進來。

「……係你！」賞金獵人舉起弩槍。

我立刻伸手將弩槍捏握，「啪格」一聲槍身破毀。

賞金獵人即使扣動扳機，都射不出任何箭：「噫！！」他轉為掏出小刀，向前猛刺。

我使用繳械術將小刀奪來，然後送回賞金獵人的肚腹中。

「唰！」中刀的賞金獵人靠牆軟坐下來。

「唔唔唔……啊……賤種……」賞金獵人仍想伸手握向我脖子。

最後我閉日一出，中止他所有行動。

「真係唔好彩……」我回首對光仁輝淡笑：「搶車都搶著個大麻煩。」

「你殺人技巧……」光仁輝吞吞喉，舉起姆指。

光仁輝的腳傷了，肯定是跑不動。

注定餘下的路程，我需要背負他而行。

安全起見，他建議我轉走山路，不用經過大埔那裡。

你們或許會說打開蘇維眼睛，就不怕任何病者，但假如碰到不受藍光影響的病者，我肩上的光仁輝就死定了。

我不可能背負多一個人，去應付特殊病者。

這十多年間病者已經進化不少，特殊病者都不再是特別罕有的存在……

看的只是強度有多恐怖。

「你一身功夫變到學嚟？」光仁輝問起。

「倖存區外面。」

「無論你對付病者定係人嘅手法，都純熟到令我有啲心酸……」

「……」

「你平時都係自己一個？」

「大部份時間係。」

「咁樣你都係孤狼……」

「你頭先講嗰班賞金獵人係邊到嚟？你好清楚得佢哋咁。」我轉換話題。

「我平時都跟車隊出去其他地方，所以略有聽聞下，有堆專揸弩槍、周圍流浪嘅人，佢哋係賞金獵人，專幫唔同倖存區拘捕惡意倖存者……」

「咁我係殺錯良民？」

「都唔係嘅，世上邊有真正嘅聖人……佢哋可以喺呢行生存咁耐，應該都做過唔少唔見得光嘅嘢。」

橫跨整座山到大學，大約花了我們半天時間。

因為迷路情況頻頻發生，但在傍晚前我都成功把光仁輝帶到大學中。

如果是簡單的擦傷，大學可能會幫你處理一下，但像光仁輝深入肌骨的傷，就不會白白給你治病，事事都講求錢。

好人做到底，我最後花十包大米讓大學給他消毒和清理傷口。

是的，兩輛貨車安全送達。

雖然是趟行程傷亡數有些不堪入目，但對獵手黨而言不過是汰弱留強。

反正，北部都會區多的是人口。

「我任務就完成，之後嘅嘢唔關我事。」路隊長酷比歐帶領剩下的獵手離開。

對於張氏兩兄弟的歸來，校園電視台作出熱烈的報導。

兩兄弟受採訪時，說什麼天空上激戰病腦……

最後只有兩車米送達，其實也算不錯的結果。

這麼高風險的運輸過程，總要預算會損失部份。

回到輕鬆優閒的大學，我第一時間到病獵學院看看。

這段時間在博海德的領導下，病獵學院終於不再是大而無當的大樓。

辦公室、學習室、宿舍、食堂、訓練室，都設計得很周全。

至於人流方面，似乎比想像要好。

女學生會視公仔為偶像，男學生會視瑜小六為女神，博海德為了阻止這些白撞人士，不得不設立些規矩。

如想加入病獵學會，就必須退出其他社團。

另一方面，我不知他用什麼方式，成功和校董會談洽，與港島區建設互相聯絡的無線電台。

這意味著我想與港島區聯絡的話，可以直接利用設備溝通。

gay

推

m：

墨巴無上急救堂
中毒箭嗰下，啲毒已經入咗血液同流經身體，用口啜係無用(TVB節目效果)

應該用清水沖洗傷口表面殘留嘅毒素，入咗身體嘅毒一係等靠藥物一係靠身體自己分解

用口吸出毒液