765 Like
10 Dislike
傻豬黎既
2023-09-30 07:17:26
D米無晒 =近一個月劇情接近0推進
毒撚頭很臭
2023-09-30 07:53:25
起碼知道實力差距咁大,同埋多左個超級英雄哈老閭
麻宮順子
2023-09-30 09:41:54
證明咗苦苦堅持 經已沒意思
紙皮哥哥
2023-09-30 09:55:16
又用多一個月時間揾另一批米
奶油多
2023-09-30 10:03:39
中二M勁狗
當初湘B響大本營天台問佢點解叫M既時候
佢竟然唔肯話認係M for Monster
極可恥
零式
2023-09-30 10:22:04
哈老闆係咪講過用某啲嘢釣魚可以引到佢上嚟?
雨里茉可林
2023-09-30 10:33:13
係對手 可以用耳嚟聽聲
麻宮順子
2023-09-30 11:39:43
反而最鬼係哈老闆鱗粉免疫
陳樂
2023-09-30 11:53:02
好慘
迷迷糊糊
2023-09-30 12:01:49
cls 吹到唔睇書一定係有問題咁
搶庸才
2023-09-30 12:32:49
文化素養喺呢個地方一向低 上面已經有件
迷迷糊糊
2023-09-30 15:20:37
同啲gym撚話唔做gym好打極有限同一個邏輯
座右銘
2023-09-30 17:58:21
唔睇無問題,但係有好多野都係睇書學得到,個作者識你唔識,睇開個類書嘅人識你唔識。
個人經驗一啲平常會同書 文字有關嘅人,有人沉實穩重 有人好多諗法有創意有創造力 有人行動力強,同埋都感覺比較有修養,當然唔係每一個都係,但好嘅多過唔好嘅
麻宮順子
2023-09-30 19:35:29
我覺得文字真正嘅魔力,係你點樣動畫化/真人影視化都營造唔到讀者腦海入面想像嘅畫面
不過好多人都鍾意影視作品帶嚟嘅一刻視聽刺激,廢事用腦想像
cloudwann
2023-09-30 20:28:33
墨說
2023-09-30 23:31:56
碼頭對出的民光街,鋪滿多張白布供傷員躺下,成為第一急救場所。
同時一輛總統房車駛至民光街,停下後王達尼快步前來。
「M!你哋情況點?我聽講事態好緊急……」王達尼直接闖入碼頭。
「損傷慘重。」我起身,黯然地說:「南征部隊無咗一半戰力。」
「病者?係咩特殊病者……」王達尼神情有些惶然。
「蘇維、白色天使、寄生大佐,仲有一堆病鯨。」我如實回答。
「除咗人仲有咩財物損失……」
「風帆戰船同兩倉大米。」
「大、大米無哂……」王達尼吞喉。
「應該大部份都沉哂落海。」
王達尼馬上呼叫一旁的助手:「聯絡南洋十字商會,需要一批潛水裝備、打撈船,出去事發地點打撈,救得幾得幾多……」
「嗰到仲好危險!」儘管不想損失那些大米,范世京都不想放任別人前往火海。
「嗰個範圍有好多鱗粉,任何人如果身體接觸到,都會痕到控制唔到自己,最後死於敏感。」元蒼給他說明嚴重性。
「我唔係唔體諒你哋,叫你哋再去死……」王達尼低下頭,抿著嘴:「但嗰批大米價值唔少,南征戰爭嗰陣會好需要,派幾個人睇下撈唔撈得起,從博弈上嚟講好值得。」
我站出來說話:「南征部隊係為人類,任何對倖存區有利嘅事都應該做,而且嗰堆病者已經重創,可以去碰下運氣……」我不能軟弱地退下,最好的指揮官永遠最無情。
墨說
2023-09-30 23:32:06
不能因為一時戰敗,對任何補救方案都拒之門外。
「秦狩,揀幾個水性好,仲有好多體力剩嘅南征病獵俾我。」
「嗯。」秦狩照辦。
一小時後。
由南征部隊臨時組成的潛水隊合共十多人,一起乘坐中型撈船前往事發地點。
沒想到才剛死裡逃生,不到一會又重新回來。
如無意外,蘇維被弩箭中創、寄生大佐給炸死、白色天使給強行拐走,應該暫時沒有危險……
下潛前,我先跟眾潛水員說好計劃。
「陣間著好潛水裝,互相檢查下有冇皮膚外露嘅位置,等確我認海下面安全,無任何病者之後,你哋就一齊潛落去。你哋只要將大米拉去船下面嘅拖網就可以,明唔明白?」
「明白。」穿上潛水裝的南征病獵回答。
事發地點很好認,因為仍有戰船的殘骸燃燒著,雖然火勢比剛才已熄滅不少。
撈船停下後,開始把拖網下降。
我穿好整套密封的潛水服,咚的一聲就跳入海中。
下海後我橫視一圈,不見有白色天使的蹤影,但畫面仍然震撼到我……
多具南征病獵的屍體,正浮沉於海中。
我浮上水面給他們打個手勢示意安全,潛水員便陸續下潛。
大家使用探燈尋找海底的大米,幸好它們有一定的重量,不會因海浪飄浮得太遠,多數都在海床位置上。
大家一找到大米,都紛紛拉到拖網中。
每隔十分鐘拖網就會上升出水一次,等網子中的大米搬到船上。
除了大米外,更打撈回一些武器,包括鯨牙大劍。
那把神器,應該只有我拉得動……
當打撈任務結束,已經是七十九分鐘後的事。
辛辛苦苦來回打撈下,我們勉強撈回一倉米的份量,另外的一倉米應該被消滅了,未計有大米給鹹水泡壞,有大米可能給污染。
墨說
2023-09-30 23:32:16
打撈結束後我們沒有久留,馬上回程到中環碼頭去。
至於死去病獵的屍體,我們大概無法帶回去。
回到倖存區,我和南征部隊休息了三天。
第四天舉行簡單而隆重的喪禮,紀念是次任務犧牲的戰員。
微雨紛紛,一片烏雲。
南征部隊中不少人像洩了氣,但我在部隊中擁有一定地位,總不能表現到垂頭喪氣。
所以跟秦狩一樣,面對部隊的成員時,都要有顆像一樣剛鐵的心。
關於是次特殊病者的襲擊,非常罕有,彷彿早有預謀。
我和王達尼之間的電台通話,按道理病者不會得知。
想來想去我都說不準今次的襲擊純粹是偶然,還是一場可怕的陰謀。
今次除了石在陽病獵下崗外,竹三草也得退下來。
因為他掉入海中令雙眼意外沾上鱗粉,如何清洗都無法讓眼球得到舒解,最終在眼科醫生的建議和本人的同意下,決定做手術摘取兩顆眼珠。
這是個決定非常艱難,因為代表人生將不再見光明,但在無止境的眼部瘙癢下,每次竹三草剛回復意識就備受折磨,他急需解脫。
摘取手術完成後,竹三草給黑眼罩包紮,醒來後都不再癲狂。
一場突如其來的戰役,就令南淵病獵減少兩名大將,打擊無比沉重。
現在我們唯一能做的,就是讓他們不會無意義地犧牲掉。
於是喪禮當日,我在最後環節致詞時給大家宣佈──
「南征計劃,全面啟動。」
導彈車方面,公子會已經著手組裝和測試,我們病獵協會亦需要大幅填補戰員。
可是一個倖存區人就那麼多,好難突然蹦出一堆戰力參加戰爭。
我、瑪希和秦狩等人,在商討戰員問題時,我靈機一觸想到個半好半壞的法子。
「如果搵囚犯嚟做戰力嘅填補,你哋覺得點?」我提出。
「危險性大,但論戰鬥能力同抗壓心態,佢哋確實係唔錯。」秦狩評論。
「可以用自由作為條件,睇下佢哋肯唔肯參戰,但可以預計嘅係管理會好麻煩,有好高風險……」瑪希目光溜轉,想到什麼:「惡人,係需要惡人治。」
「蕭梵?」我說。
「如果真係要搵個人管理,咁佢係最好嘅選擇。」
瑪希挑選人才方面,真的慧光一流。
有見及此,下次會議我們亦叫上了平時自出自入的蕭梵。
在聽到我們的提議下,他並沒有立刻拒絕。
「佢哋殺生權由我定奪?」蕭梵只是問。
我點頭:「依啲我可以同王達尼傾,佢唔會唔同意,病獵營都可以借俾你練兵。」
囚犯由叛獵管治的話,應該會好很多。
槍打龜頭鳥
2023-09-30 23:54:36
好期待silver B嘅調教