【Sad War】《病港ＩＩ》（７１）

「試下無壞喎。」王達尼已經拍我背脊，強烈推薦我試試：「第時有咩事，你都識用依條梯走，哈哈哈哈。」

仆你個街 個預感強烈到

促使人類變成病者的「笑毒」，最痛苦都不過兩分鐘，理論上亦屬於第四級的危害病毒。

你啱真係miss咗呢個伏筆

已經預見到會有重要角色感染咗，但係因為啪過針而留低自己一個斷後，拖住敵人嘅情節出現

幫全部囚犯啪定針先真係suicide squad

同韓湘係西城薈睇日落? 好快帶過左, 無真正咁講過

過咗半年 公仔點

嗰陣時佢好似仲係黑色賢者狀態

各位我知道韓湘去左邊，佢一定去左迪士尼果度，以下內容純粹估下

屌都有可能

可能湘係天腦對付M 嘅最後手段

新讀者lm
睇咗一個月終於追到最新

想知

濕漉漉的我游回岸上，未幾海濱傳來陣陣譏笑聲。

「哥仔，洗唔洗幫你啊。」戴著漁夫帽的老人正在垂釣：「你好熟口臉。」

「你係嗰位……」我對他都略有印象：「南洋十字商會會長？」

因為當日與鉛灰真鯊戰鬥的畫面仍歷歷在目，我對這位垂釣老人印象尚存。

「正是在下。」老人對我做敬禮手勢。

「真係優閒，日日喺到釣魚。」我朝政府總部去。

「喂，你好似係病獵協會話事人。」

我停下腳步回應：「我？算係……」

「我可唔可以托你做少少事情？本來我仲諗緊解決方法，突然間你就出現喺到，好似冥冥中叫我搵你咁。」

「病獵協會暫時唔會對外接生意。」

「所以先想私下委託你。」

我猶豫數秒：「幫唔到你幾多。」

「不如你聽聽先。」

不過是用了王達尼的逃生管道，突然就給我天降任務，也太不科學。

「你講。」如果是捉貓、打掃、守衛等簡單工作，而且酬金不錯可以談談。

「我哋南洋十字商會依年嚟，都有陸陸續續喺香港唔同島嶼設立捕魚點，每兩星期就用漁船運返港島，但係……」老人欲言又止，心事重重：「今期漁船延遲咗六日未返，平時最多遲兩日，依個星期又無咩大風雨。」

「所以你想我去睇睇嫁漁船去咗邊？」

「係，其實可能性都不外乎：病者、海難、夾帶私逃、海盜同漁船故障，我淨係想知咩情況……」

「我再諗下。」

每當提及海上的意外，我都會起半數南征病獵沉於海底畫面的一幕。

慢慢自己的潛意識，都不願再接近大海。

「你哋之前嫁船爆咗，或者我哋可以幫幫手，幫你哋整隻新。」老人補充。

「再講。」

回到政府總部門口，滿天和王達尼剛好都下來了。

「係咪精神爽俐咗呢！」王達尼見我一身濕透，雙手心滿意足地交握：「為咗整蠱我先特登整呢條逃生管道出嚟通向維港。」

「吓？」我怔住。

「你唔係真係信啊？」王達尼脫下西裝外套，將它披到我肩上：「唔好凍親。」

王達尼給滿天安頓的地方，便是一旁的中環軍營醫務中心。

其後，我們三人再到監獄中挑選試藥者。

試藥者條件為健康狀況良好、年齡為成人、沒有藥物過敏、沒有慢性疾病，而且願意參與試驗，歸根究底合眾國不是獨裁政權，做任何事始終要顧及人權。

王達尼開出的條件只有一個──

減刑。

當條件提出後，幾乎近七成囚犯都願意參與試驗。

但在醫療措施不健全的末日後社會，發生任何副作用和併發症，醫院都未必能夠給予救治，更何況他們只是區區的罪犯，政府不會浪費藥物救治他們。

所以某程度上，試藥風險很高。

儘管如此，對被判五年以上徒刑的囚犯，都是十分吸引的條件。

因為在牢房中因衛生惡劣、過度操勞、暴亂毆鬥而死的人，簡直比比皆是。

第一期臨床測試，滿天要找三十人試藥。

於是，三十名自願參與的囚犯給挑選出。

倖存區的囚犯大部份都免營不良，吃的都是比水要稀的糊粥，有見及此得先給他們飽飯，讓身體指數達到標準。

注射後的第一天，大部份人反應良好。

第二天開始，半數人受注射的手臂出現麻痺、疼痛情況。

第三天，十二人發高燒、六人發低燒、兩人神智不清，其餘人等均有噁心的情況。

第四天，十八人需終止試驗，兩人死亡。

每當試驗位置有空缺，滿天便要到監獄再挑人填補，感覺自己都有點像集中營的醫生。

滿天說臨床測試總共分三期，完成整個測試大約要數年時間。

意味著人類與病毒的戰鬥，會是場漫長的戰爭。

中環軍營醫務中心實驗室。

「血禍同大BOSS點？」我多口一問。

「我叫咗病獵公會，每日派人去靈實醫院到睇住。」滿天弄來個睡袋，就直接睡在實驗室中：「血禍好似話想整隻超級血清，係DR.D喺北區嗰陣指導佢……」

「你完全唔洗休息？」

滿天合上眼：「休息緊。」睡袋中躺得好好的。

「我意思係放鬆唔做嘢。」

「我研究咗差唔多有十年時間，都仲係覺得唔夠時間用，休息一日太奢侈。」

「有咩事就搵我。」

「幫我買定幾箱魚乾。」

「魚乾？點解。」

「方便，可以喺實驗即食。」

「食新鮮飯菜仲好。」

「唔……」滿天一言不發就睡著了。

儘管是件小事，找誰都做得到，但現在他是受保護人物，我盡量幫忙就是，等會出現什麼詭人給他下毒就麻煩。

合眾國最大的魚乾生產商，正是南洋十字商會。

他們的直銷店中有售賣各類魚乾，是倖存者經濟實惠的一流口糧，畢竟肉乾實在負擔不起。

除了魚乾產品外，他們有著最大的魚類海鮮批發市場，每每早上都會有一堆商人前來喊價購魚，再去掉魚鱗、魚鰓、魚肚等才賣給市民。

在喧嘩的魚市場的一角，我偶然發現神秘的交易，有位魚販賣著不明來歷的魚。

那些魚外形奇怪，不像人能吃的東西。

有點像，奇魚……

「要唔要？依到嘅魚低過市價好多。」魚販見我目不轉睛，向我強烈推薦：「我額外俾八折你！」

「呢啲魚有冇過到食品安全檢驗？」我握起其中一條奇魚。

血禍b幾時返咗去

補200正評

「你嚟搞事定買魚嫁？」魚販開始不耐煩。

我唯有亮出身份：「我係病獵，依家懷疑你──」

未等我說完，魚販掀起面前的奇魚，並轉身逃跑。

他剛跑出魚市場一刻，我飛身將他撲倒：「跑咁快做咩？」

「放開我呀！」魚販掙扎。

我坐在他臀部上，雙手捉往腰後：「將未經安全檢驗嘅食品帶嚟倖存區係犯法，你應該好清楚。」

「我想賺少少外快啫！你唔係要捉我坐監啊！況且啲魚都無食死過人……」魚販辯駁。

我們好快吸引魚市場周圍的人注意，甚至是南洋十字商會的一位年輕管理層。

「咩事呢請問？」年輕管理層上前詢問。

我把情況一五一十的告訴他，並將魚販轉交給他們。

年輕管理層聽罷，對魚販大喝：「我哋有規定捉到呢啲變異魚要扔返落海，你竟然帶上嚟俾人食！？」

「反正你哋都唔要咁浪費……」

「依啲係受感染有病嘅魚，人食完唔死係好彩，萬一身體無抵抗力嘅人食咗，係咪你賠條命俾人！」年輕管理層聲正嚴明，其胸口名牌上顯示名字為──鄭俊藍。

魚販被罵成死狗一樣，不敢吭半句。

「由今日起，你要停職接受紀律調查。」鄭俊藍下令。

「唔好啊，我屋企要等我養嫁……」

「你淨係識擔心自己屋企人，就唔擔心人地屋企人食到你偷偷帶嚟嘅變異魚？」鄭俊藍反問。

「……」魚販無法反駁。

「保安，帶佢走。」

事情結束，看戲的群眾亦都散去。

「麻煩哂，M先生。」鄭俊藍對我點頭。

「你識我？」

「我諗稍為有緊貼下時事，都知你係咩人。」

「……」我都想不到自己那麼出名。

「嗰啲變異魚我會即刻搵人清走佢。」

「嗯。」對方這麼盡責，我都沒什麼好補充。

「你係特登嚟買魚？定係接到食品安全嘅線報……」

「本來想嚟買魚乾，係咁啱見到有人賣奇……變異魚，先捉住佢嚟問。」

「希望頭先嘅事無影響到你，對我哋食品安全嘅信心，我帶你去我哋最出名嘅海味舖。」

「我自己行下就得……」

「千奇唔好覺得唔好意思，就當係你幫我哋捉咗個害蟲，我拎啲好嘅魚乾俾你。」

「唔……」

「好近嫁咋，請。」鄭俊藍盛情難卻，我只好接受。

南洋十字商會的海上產業可說一條龍，位於街角有家傳統海味店，甫入店內便傳來陣陣濃郁的海鮮氣味，經曬乾的元貝、鮮蝦、鹹魚、紫菜擺放得井井有條。

「我哋嘅鱈魚乾係最出名。」鄭俊藍馬上給我打包一份。

我想滿天對魚乾應該沒有特別需求，能吃落肚就行。

我接過鄭俊藍送的鱈魚乾後，即刻拿起一塊嚐嚐。

味道很夠，應該很好下飯。

「可以要兩箱？」我獅子開大口。

鄭俊藍愣一愣，點頭答應：「當然可以。」

收下兩盒魚乾後，我答謝幾聲便走人，魚乾份量應該夠滿天吃整個月了。

晚上時候我收到一則口訊，是中文大學倖存區那邊傳來，電台的記錄員抄寫好後，便將訊息寄到病獵協會府上來。

富林比比：「你好老闆！我係「蝦蝦蝦」海鮮餐廳的大廚富林比比，因為年尾大學居民慶祝，餐廳嘅顧客增加咗幾成，同時用咗好多存庫食材，依家我哋食材嚴重缺貨，捕魚速度趕唔上供應，如果情況持續餐廳會運作唔到落去，麻煩請你喺一星期內，搵到新嘅海鮮貨源俾我哋！謝謝！謝謝！謝謝！」

真巧合。

「蝦蝦蝦」海鮮餐廳缺少食材，剛好南洋十字商會的老總就有事拜托我。

要不是我在大學的餐廳，主要是「病獵學會」的每月營運資金來源，我真的沒時間去理會。

如是者，我派人去找南洋十字商會的老總，約他前來病獵協會詳談。

翌日，中午。

會議室中，對方早了半小時前來。

「你嫁漁船返嚟未？」我一推門入去，就問他重點。

老人搖搖頭：「已經兩星期，絕對係發生咗意外……」

「你無派其他漁船去搵？」我拉開椅子坐下。

「其他船嘅規格唔夠出咁遠，多數只會留喺維港一帶，而且好浪費柴油。」

「我可以幫你去睇睇，但都有啲條件。」我看著他雙眼。

「請講。」

「你知邊到係「中文大學倖存區」？」

「聽聞過下，沙田嗰到嘅倖存區。」

「我喺嗰到有間海鮮餐廳，需要定期補充海鮮食材。」

「你需要一個供應商？」老人懂我的話。

「係。」

「嗯……」老人細想著。

「我都未問你咩名。」

「鄭浩波。」

「好，鄭浩波社長，你今日可以喺到諗完再答覆我。」

「要喺港島特登兜入沙田，條海路都幾遠下……你想間餐廳幾耐補充貨源一次？」

「我諗一星期差唔多。」

「一星期嘅話，如果我順便開拓渡海服務，收錢載人來回兩地，應該都唔洗太蝕……」鄭浩波喃喃自說。

宜家已經完全係道友樣

點解阻止，食奇魚變超能人
蝦老闆做低個白色野

上次打完D 馮覓 Gzt，滿天 血禍 公仔坐神犬摩西走，公仔去咗羊角到，滿天血禍都係一齊去靈實嫁啦