《慾望樂園》（2）

［580］
輕掃、按壓、輕搣、扭動，左副園長好似玩玩具一樣開始用着各種嘅手法去對其作出玩弄，同時佢都冇忘記自己身下嘅動作。

喺再多一重刺激嘅情況之下，我最終都係忍唔住先失守，熱騰騰嘅精液射出灌滿咗安全套嘅頂部。就算唔望都知，份量比正常情況要多得多，畢竟左副園長入咗嚟咁耐之後我就抑壓咗咁耐。

「啊…」我發出一聲如釋重負般嘅低嗚，得到釋放時個種因為腦部高度活躍而產生嘅酥酥麻麻感覺無比地強烈，強烈到我全身心都投入去感受依種感覺，全身嘅肌肉都放鬆落嚟。

因為喺左副園長嘅角度之下睇，好容易就睇得出我已經先行繳械投降。

「以忍咗咁耐嚟講你都唔算快嘅～」左副園長由我身上跨落嚟。

「無理由得你自己滿足㗎？俾個機會你，證明自己唔係咁”軟弱”啦～」左副園長打量咗我下身一眼，語氣彷彿挑釁一樣著重喺某個字眼，然後轉身向住自己嘅西裝外套行去。

我聽見左副園長咁講，自己都喺床上撐起身望一望，果然安全套已經灌滿咗精液，不過依然保持住堅挺，穩穩地撐住個安全套。

既係對方對我嘅一種考驗，上唔上到位就睇依次，同時亦都係男士對自己能力嘅證明，今日我老虎蟹都要屌撚到佢夠皮！

我將安全套除底，打咗個結之後就先隨手掉到一邊嘅地上面，然後就有另一個未打開嘅安全套被拋到我身上。

［581］
拋出安全套嘅當然就係左副園長，依個就係頭先佢點解由我身上落嚟走向自己西裝外套嘅原因。

我攞出跌喺自己身上嘅安全套，唔洗多講，即刻就撕開包裝將佢再套喺自己下體上邊。

「夠賣力～我真係越嚟越鐘意你～」左副園長重新行到嚟我床邊。

「round 2?」左副園長將手放到我胸口上。

「sure.」我點頭回答。

隨即左副園長就出力㩒向我心口，而我當然配合地被對方重新將我按倒喺床上。

佢重新上床，跨過我嘅身體再好之之前一樣用手捉住我嘅下體再一次對準插入之後騎到我身上。

因為啱啱得到釋放而無左之前個種因為長時間受到刺激而產生嘅高敏感度影響之下，今次我可以有更好嘅發揮狀態。

我用手輔助，不停地扭跨頂臀拗腰，全神貫注地向住左副園長輸出。

經過一段時間之後隨住我嘅多角度進攻，左副園長臉上嘅紅暈越嚟越明顯，額頭同身上都早已香汗淋漓，汗珠滑過臉頰之後由下巴滴到我身上，對方嘅嬌喘聲亦都開始頻密而且肆無忌憚。

「啊～」左副園長合上雙眼，下巴四十五度角抬起，一聲劇烈嘅嬌喘擋唔住咁喺喉嚨傳出。

與此同時，我感覺到對方嘅肉穴正喺到急劇收緊，毫無疑問，今次對方終於俾我搞到高潮！

而我就打算把握呢個機會好好教訓囂張嘅左副園長，我嘅頻率同埋力度不斷加強，要趁住呢個時候將對方搞得亂七八糟。

［582］
「唔…」左副園長咬住自己下唇，明顯大腦已經好似溶化咗一樣一塌糊塗。

「啊…」今次出聲音嘅係我，喺我自己嘅努力之下，就運我自己都失守，迎嚟咗今日第二次嘅發射。

「哈…哈…哈…」房間中肉體碰撞嘅聲音已經消失得無影無蹤，剩返底嘅只係得一對男女嘅粗喘。

我大字型瞓喺床上面，望住天花板，而左副園長亦都耷低咗頭，雙手撐喺我身體上面，頭髮將佢嘅面容遮擋住。

經過短暫嘅休息之後，第一個有動作嘅喺左副園長。

「表現都算唔錯。」佢由我身上面落返嚟。

「多謝讚賞。」我亦都起翻身坐喺床上面。

「成身都係汗啦，我要去沖返個涼先。轉頭毒蛇會過嚟幫手執埋啲手尾，到時佢會帶你都去沖個涼㗎啦。」左副園長一邊講，一邊開始著返自己嘅衣物。

「知道，多謝左副園長俾機會我。」我們望向周圍的確可以話係一片狼藉。

用過嘅安全套、安全套嘅包裝、濕漉漉嘅絲襪同底褲。無錯，左副園長依家係真空嘅狀態。

「希望你之後都繼續唔好令我失望啦～啊！或者好快又有你用得着嘅地方，不過呢個我之後再通知你啦。」左副園長好似忽然間醒起咗啲乜嘢。

「到時左副園長你隨便吩咐我就得啦。」我即刻回應，門面說話總唔少得。

「今日就到呢度啦，好好地唞吓啦～」左副園長留低一個鬼魅嘅笑容就開門離開咗我嘅房間。

樓主寫甜寫得好好

［583］
唔係過咗好耐，我房門再次傳離開鎖嘅聲音。

「你好，我係過嚟收返走左副園長嘅物品同埋幫你清理一下嘅。」來者正係啱啱左副園長提及過，平時負責為左副園長打下手嘅毒蛇，佢入嚟之後先企喺門口，用住聽落好似冇乜精神嘅表情同埋聲氣向我表明來意。

「我知道㗎啦，唔該晒你。」我坐喺床上，一早已經着返好自己嘅衣物，向佢作出簡單回應。

「啲嘢我放咗喺嗰度，嗰兩件就係左副園長嘅。」我用手指一指不遠處。

「冇問題，交俾我啦。」毒蛇講完之後就喺口袋裏面攞出一對即棄手套同埋一個黑色膠袋。

佢戴好手套之後將左副縣長留喺我間房嘅私密同埋底褲放入黑色膠袋裏面，然後再喺口袋入邊攞出另外一個黑色膠袋，將頭先我哋用過嘅安全套同埋安全套包裝等有機會證明我同咗副院長喺呢度發生過咩事嘅物品全部放入去打包走。

由此我大概推斷出，左副園長並唔希望呢樣嘢俾太多人知道。

喺簡單清理過之後，毒蛇將黑色膠袋都打上結。

「我幫左副園長提一提醒你，左副園長睇得上你係因為你作為商品嘅才能，仲有俾佢感覺到嘅服從。呢啲機會喺慾望樂園呢個地方作為商品唔係咁易有，唔好因為多口而令到自己失去呢份機會。」正如我所料地，毒蛇要求我唔好將我同咗副院長嘅事講出去。無論對方有冇咁嘅意思都好，喺佢嗰個平時就毫無情感嘅語氣之下講出嚟令我聽落更加似一種威脅。

［584］
「你放心啦，我知道應該點做，呢個都會係我忠誠嘅表現。」喺頭先佢收拾房間嘅時候我已經估到對方有可能咁講，所以老入邊一早已經諗定應該點樣應對。

儘管我同野馬嘅計劃係需要得到左副院長嘅信任，但係考慮到經常出現喺左副園長身邊嘅毒蛇都會同我哋有比較多嘅接觸，所以同時得到佢嘅信任或者最少減低佢嘅疑心對我哋嘅計劃都相當重要，必須喺佢面前都繼續扮演住左副園長忠犬呢個角色。

「你有呢個覺悟就好，好啦過嚟，左副院長吩咐過我帶你去沖涼。」毒蛇繼續用住佢嗰個毫無感情嘅語氣向我作出指示。

一段時間後我再次被帶返去我嘅房間，身上因為剛才體溫上升加上劇烈運動而流出嘅汗水已經沖刷乾淨，甚至乎毒蛇仲為我提供咗一啲睇落非常高級嘅洗所用品。

嚟到呢度已經一段唔短嘅時間，我已經習慣咗俾人望住沖涼呢樣嘢，就算毒蛇一路望住我都冇絲毫唔舒服嘅感覺。始終一諗到自己同嗰啲要比唔認識嘅人不斷侵犯嘅紅燈區女商品比較，俾人睇住沖涼實在唔算係咩。

諗到呢度我又諗起阿晴…到底野馬嘅方法到底可唔可行？可行嘅話又要幾耐先可以成功？

我亦都曾經問過野馬呢啲問題，而佢只可以答到我要視乎情況同埋我哋嘅表現，我哋嘅計劃唔係咁容易做到嘅事，小小嘅變故都可能會造成好大嘅影響。

［585］
儘管係咁呢個依然係我喺地獄中唯一可以捉得住爬上去離開呢度嘅蜘蛛絲，儘管有一定風險，但我都必須要捉緊佢。

喺沖完涼之後，我就被帶返返去我嘅專屬房間。

我瞓喺床上面一股疲倦感好快就席捲而來，話晒今日都同MK阿叔進行過一場商品競技表演，然後頭先又同左副園長激戰連場，實在係身心都疲勞。

只係過咗一陣間我眼皮就緩緩蓋上，好快就瞓着咗。

咯，咯，咯。

一連串嘅敲門聲將我嘈醒，緊接而來聽到嘅就係門鎖開鎖嘅聲音。

我由床上邊坐起身，盡量打醒精神睇吓嚟嘅係邊個。

好快房門就被打開，過嚟搵我嘅係野馬。

一見到係野馬入嚟，我即刻放鬆咗少少，用手捽一捽自己睡眼惺忪嘅雙眼。

「又係商品競技表演？乜我瞓咗咁耐咩？」而家嘅我對於想問競技表演已經冇咗一開頭嗰種恐懼，並唔係代表我唔再怕，而係長期重複經歷之後已經將呢種懼怕習以為常。

「唔係，今日搵你係有其他嘢要做。」喺房間嘅監控鏡頭之下，野馬依然表現得一本正經。

「係要做啲咩呀？」我自己都知應該唔會係商品競技表演，因為儘管呢度冇鐘可以睇時間唔知道自己瞓咗幾耐都好，但我可以肯定照常理冇咁快又到出賽嘅時間。

「去度身。」野馬淡淡地回覆我。

「度身？」呢個意想不到嘅答案令我個人即刻醒一醒。

唔通係整戰衣

［586］
一路上我跟隨住野馬，準備前往度身。盡管我對於度啲咩身，點解要度身充滿咗疑問。但係頭先臨離開我專屬房間嘅時候我就已經問過野馬，只係野馬同我講跟咗佢行先，似乎有啲嘢唔邊便喺房間內嘅監控之下講。

好快野馬就將我帶到一個房門前邊，野馬敲一敲門之後用佢手錶上嘅感應器將門鎖打開，然後就推門進入。

我跟隨野馬行入房間，房門亦都隨即關上。房間內就係一個裁縫舖嘅格局，房間牆壁周圍放住一排排嘅掛衣架，上邊掛滿咗唔同款式嘅衣服，一睇就知用料奢華、手工精美。但同外邊正常世界睇到嘅唔一樣嘅係，大多數衣物都用咗一啲我記憶中屬於瀕危物種嘅動物作為材料裝飾，甚至乎仲有唔少動物嘅皮草，當中我仲見到一啲常見家養貓狗品種嘅皮草。

房間最入邊嘅牆壁有一個工具架，上邊放滿咗各式各類嘅裁縫工具同埋唔同顏色嘅線圈等等，工具架嘅旁邊仲有一道門，估計係通往呢個“裁縫舖”嘅士多房。工具架前放咗一張寛大嘅工作枱，枱嘅其中一邊裝咗衣車，另一邊就放有熨衫板同熨斗，工作枱上面散落住一啲布料皮革，仲有各樣工具。

令我好奇嘅係枱上邊皮革嘅材質我好似未見過，或者又係啲咩稀有動物嘅皮我見識少啦。

房入邊只係得一個著住守衛制服嘅樂園職員，見到野馬之前就馬上上前點頭示意。

［587］
「我係按照左副園長嘅意思帶18號過嚟度身嘅，請問裁縫師傅係唔係喺入邊啊？」野馬望向工具架旁邊嘅門。

聽完野馬所講，似乎喺同左副園長有關，我開始回想之前發生嘅事同埋左副園長同我講過嘅嘢，嘗試推論出度身嘅原因。

「裁縫師傅佢頭先有事行開咗，我幫你地去搵佢通知聲你地到咗啦。麻煩你喺到稍等一陣。」睇得出嗰名落園守衛對野馬都相當恭敬，彩嚟自從野馬得到左副園長嘅重用之後地位亦都越嚟越高。

「咁就麻煩曬你啦。」野馬表現得一本正經，知書識禮咁，同我識得嘅佢有好大分別。

嗰位樂園守衛再次同野馬點頭示意，然後就行向出口開門離開咗。

裁縫舖房間入邊依家就得番我同野馬兩個人。

「原來樂園入邊連裁縫都有㗎？」我問野馬之前環顧咗四周，喺房間入邊未有發現類似監控鏡頭嘅嘢，於是覺得可能係一個好機會可以同交換情報更新吓最新情況，就用咗一個不痛不癢嘅問題試探一下。

「你同左副院長到底發生過啲咩嚟？點解佢忽然間又睇重咗你咁多嘅？」野馬回復返以往一貫嘅語氣，無視左我嘅問題。

就住野馬嘅說話，我可以肯定依到係一個方便說話嘅地方。

「你唔洗理啦，你之前話要得到佢嘅信任啊嘛，我諗係我嘅怒力有成果啦…」我越講就越心虛。

［588］
就算毒蛇警告過我唔好亂咁同人講，但我話俾野馬聽就絕對無問題，一嚟我地之間正進行緊更驚人嘅計劃，二嚟野馬知道應該點樣處理，只係我實在唔知點開口將我得到對方信任嘅方法講出嚟。

「呃…辛苦晒你啦，少少犧牲都在所難免嘅。」野馬都唔係一個蠢人，之前飯局嘅時候佢都在場，冇可能睇唔出左副園長嘅意途，只要稍作思考唔難諗到到底發生過咩事。

當然，佢應該都估唔到我除咗獻身之外，仲好似隻狗咁跪喺度奶對方嘅腳….

「所以過嚟呢到度身係因為副院長俾咗一啲好重要嘅嘢我做？」我同樣都唔係一個蠢人，野馬一開頭既然咁樣問得我，一定係有某啲事令佢覺得對方突然睇重我，而上次左副園長臨走之前有講過可能有樣嘢好快我就幫得到手。

「左副園長吩咐我帶你過嚟度身訂造一套得體嘅西裝，需然佢冇同我講係為咗乜嘢，但我多少都已經估到個大概。我諗左副園長係想你陪佢出席一場晚宴。」野馬手托下巴裝出一副偵探推理嘅模樣，然後講出自己嘅猜測。

「又嚟飯局？」我又諗番起上一次嘅經驗，唔明點解咁快又再叫我去飯局。

「今次唔係好似上次咁純粹係左副園長想見你，左同右兩位副園長平時各自為政，但定期都會有聚會去商討吓樂園嘅發展。以我所知最近佢哋應該就有一場晚宴，我諗左副園長係想帶埋你出席。」野馬滔滔不絕咁向我解釋。

咁似黑社會講數帶頭馬出嚟

［589］
「帶埋我出席？點解要帶我去呢？佢地要傾樂園發展嘅話唔係應該無外人在場會好啲咩？」我皺起眉，向野馬講出咗我嘅困惑。

「如果真係單純傾吓樂園發展嘅話就當然啦，但依家佢地嘅晚宴已經變成咗磨拳擦掌嘅實力展示。」野馬講完之後望住我有咩反應，睇嚟等緊我嘅追問。

「哦？詳細講吓？」我配合地追問野馬，反正我都真係想知道得多啲。

「以前兩位副園長之間嘅晚宴聽講都真係會認真討論樂園嘅情況，兩位副園長都會提出建議去改善樂園嘅營運，甚至乎通力合作。但直到幾年前，慾望樂園嘅園長年紀大準備退落嚟，到時空出嚟嘅園長位置就會由依家左同右兩位副園長嘅其中一位頂上。由個陣時開始，左同右兩位副園長之間就變成咗兩服對立嘅勢力，為左爭奪園長嘅寶座將樂園劃分開嚟營運，彼此比拼業績同評論。而依個晚宴雖然名義上依然係兩方討論發展方針而繼續存在，但實際上就係一場實力展示，就好似啲國家搞軍事演習同閱兵一樣，透過展示自己嘅成績同手上嘅資源等等向對方造成威懾同示威嘅作用，同時穩定自己勢力嘅軍心，等手下嘅人相信跟住自己努力等自己上位之後佢地都會有好果子食。」野馬可以話係講得濤濤不絕，似乎好享受自己分享情報嘅過程。

［590］
不過都唔難理解嘅，依啲情報野馬應該都花費咗唔少心思同時間先收集到，當然想搵個人炫耀一吓自己嘅成果。而喺依個地方，最適合嘅聽眾就莫過於我啦。

「咁即係話，我就係其中一個左副園長準備用嚟向對方展示實力嘅手牌啦？」喺好配合咁做完野馬嘅聽眾之後，我已經知道左副園長會帶我出席嘅原因。

「無錯，要喺晚宴上氣勢贏過對方，動搖對方勢力軍心嘅話，仲有咩人好得過擁有高人氣、可以幫樂園創造巨大收益，而且仲要喺商品爭奪競技上大放異彩打敗對方勢力得力猛將馴鹿嘅你呢？」野馬字裏行間嘅語氣透露出對我努力嘅認同。

「原來係…」我正講到一半，野馬又再次出聲，所以我都自覺咁停咁落嚟。

「不過咁。」野馬講完就停咗，又再喺到賣關子。

「不過咁？」我見狀只好主動追問。

「就算你係一張咁好嘅手牌，我本來都以為今次左副園長都未會俾你去。」由野馬嘅表情睇得出佢對此都有啲出乎意料。

「因為照道理應該對我未咁信任？」我將野馬一開始時嘅預料講出。

「無錯，你成為左副園長嘅專屬商品唔喺太耐，出席依啲場合多少會聽到啲樂園機密嘅嘢，同時都會有俾對方挖角嘅風險。雖然你出席可以有好大作用，但只要大家都知你嘅存在，就算效果無咁好，左副園長都可以用提起你嘅方式向對方施壓。唔一定要你本人在場。」野馬所講嘅嘢有根有據，亦正因為咁所以依家呢個結果先至咁出乎佢意料。

［591］
「你之前話過要做到下一步就必須要先取得對方嘅信任，所以我好認真咁去完成㗎。至於我點做到嘅你就唔使過問啦，反正結果係好。」我講到一半就見到野馬表情躍躍欲試咁似乎想追問當中嘅細節，所以我即刻就決定唔好俾佢有發問嘅機會。

「咁好啦…不過我果然冇睇錯你，你一定會成為我哋揭發慾望落園嘅關鍵！」野馬先係失望咗一下，然後再次重拾笑容。

「咁既然我而家已經攞到對方嘅信任，下一步到底要做啲咩？」我即刻把握機會追問計劃嘅下一步細節。

「仲未夠，對方雖然對你係越嚟越信任，但係太過心急只會令對方起疑心，你要明白我哋所做緊嘅時候有好大風險，一旦被發現絕對係死無葬身之地，機會只有一次，我哋唔可以冒險。」野馬嘅再次變得嚴肅。

「…」老實講，早1日都好，早1秒都好，我真係好想盡快離開呢個地方，不過野馬嘅說話都有佢嘅道理。

「不過咁，計劃確實都要靠你先可以成功，而且你亦都表現得比我預期中重要出色真係幫到好多手。所以我唔介意將計劃嘅下一步話俾你聽，只係你要保持耐性，直到時機完美之前都唔好輕舉妄動。」太有保留嘅話會影響我哋之間嘅互信，為咗打消我嘅疑慮野馬決定講多啲俾我聽。

睇嚟進度唔錯

［592］
我並冇回應到野馬任何一字一句，只係豎起耳仔洗耳恭聽，準備專心咁聽低，並且記住佢跟住落嚟所講嘅一字一句。

「唔知你仲記唔記得，但我之前同你講過呢度嘅營運某程度係連政府都默認嘅存在。」野馬見狀隨即自己繼續講落去。

「即使我已經混入嚟呢度，見到晒呢度啲嘢都好，我哋都冇辦法令到政府不得不處理呢度。為咗要做到將呢度曝光嘅效果，首先我哋要知道慾望樂園實際嘅地理位置係喺邊度，一個咁巨大嘅空間，只要我哋之後有辦法令到佢出現一啲災難，咁就可以令到其他人都知道呢度嘅存在。只不過單純咁樣依然未夠，為咗避免佢哋用各種手段洗清自己嘅罪行，我哋就要先有另一個先決條件，就係呢度嘅員工客戶資料仲有數簿等等，只有有咗呢啲證據，佢哋先可以斷正，而且仲可以根據上面嘅名單將有關嘅人定罪，確保唔會有漏網之魚。」野馬一路講一路豎起手指，列出我哋目前最需要完成嘅兩個主線任務。

「即係你想我偷名單同埋數簿？」野馬一直想我獲得對方嘅信任，所以聽到呢度，我自然都唔難估到對方想我做啲咩。

「原本呢，你作為一個商品就算對方點信任你都好都唔會俾你接觸到呢啲嘢存放喺邊度㗎啦…」野馬講完之後停咗望一望我。好明顯喺度等緊我嘅追問，然後自己再繼續慷慨地分享情報。

［593］
以我對佢嘅認識，既然佢用得原本呢啲字眼，即係事情仲有轉捩點，只係喺度吊緊我嘅興趣，所以我繼續默不作聲。

「不過咁，根據我喺呢度潛伏咗咁耐得到嘅情報所知，為咗佢哋自己嘅安全起見，呢啲資料並唔會真係用hardcopy方式儲存。」野馬見我睇穿咗佢嘅心思，既然做唔到吊我癮嘅效果，佢都唯有死死地氣繼續講。

「樂園有自己嘅電腦系統，而且全部都係用內聯網方式運作，同外面嘅互聯網完全斷開，特別是係儲存重要資料嘅電腦，佢哋用最原始嘅數據線方式連接，獨立於樂園嘅系統。就連我哋其他職員，甚至園長級用緊嘅手錶都完全係另一個系統，雖然造成咗行政上嘅麻煩，但就最大程度確保咗嗰啲資料嘅安全。佢哋完全唔使擔心黑客有途徑可以入侵到電腦。」野馬再次停低佢嘅說話，不過今次佢唔再係因為想吊我癮，而係知道我已經聽得出，佢想我做到啲乜嘢。

「既然外部冇辦法攞到佢哋嘅資料，所以唯一攞到呢啲資料嘅方法就係直接喺佢部電腦度攞，然後呢樣嘢就係你想我做到嘅嘢？」講到呢度我要做嘅嘢已經唔難聽得出，亦難怪我要先獲得對方嘅信任，但當然點樣實行係一個大問題。

「冇錯！我知你依家諗緊啲乜，呢個只係我哋最後要做到嘅目的啫，點樣做到我哋都仲要慢慢鋪排，放心我哋會做好呢方面嘅支援。

［594］
「嗰部放咗依啲資料嘅電腦就喺兩位副園長辦公室入邊，我哋而家接近嘅係左副園長，目標當然就係佢入邊嗰部電腦。不過講起嚟就慚愧，雖然我已經成為佢身邊得力嘅手下，但係始終冇機會行到佢辦公枱後面睇睇佢電腦係咩樣，以我哋後援組嘅估計，為咗避免資料洩漏嗰部電腦好大機會除咗鍵盤滑鼠電源等嘅連接器之外，唔會有其他USB插頭。而掹走本身連接喺上面嘅嘢再插手指入去都會有好大風險，所以暫時未有偷資料嘅方法。而你依家第一樣要做嘅，就係幫我哋睇吓個電腦嘅結構，然後我哋先再諗吓可以點樣行動。」講到呢度野馬終於都向我委託跟住落嚟要做嘅事。

「咁依樣嘢我又可能有計嘅。」琴日無端端變咗左副園長嘅男竉，估唔到咁啱得咁蹺可以大派用長…

「本來依個任務會由我嚟做，但因為始終樂園職員係會出返去出邊生活，所以左副園長永遠都會有一絲提防。而你係佢眼中永遠由佢控制住，反而對你先會容易啲信任…而且你依家都有去佢辦公室嘅理由呀～」野馬一臉壞笑走過來搭着我膊頭。

「點啊？羨慕呀？可能唔係因為你係職員所以佢比較防備你，而係歸根究底我比你有吸引力呢？咁好老實講，左副園長的確係風情萬種凹凸有致，眼角高啲都正常嘅～」野馬諗住用呢樣嘢挖苦吓我，點知俾我將計就計。

半個月一更

睇嚟就嚟有副園長劇情

push

追左幾日追到第二個post LM

［595］
「咁聽落你唔係咁捨生取義咋喎？睇嚟你都好享受啊？等我仲諗住幫你將呢樣嘢保密添，唔知阿晴知道會唔會好唔開心呢？」野馬聽完我講之後不但冇俾我諷刺到，反而仲將計就計將咗我一軍。

「…大佬，我頭先語氣係重咗少少…」對方用得呢張王牌，我都無可奈何地只可以認低威。

「嘿～又唔使講呢啲嘅，我邊敢篤你出去啊？我仲要靠你幫我㗎嘛～咁呢壇嘢就交俾你啦～」野馬雖然把口係咁講，但係由佢嘅語氣同表情都可以睇得出佢相當得戚。

「我知點做㗎啦，嘩呢啲料好少見喎，全部都係皮草嚟㗎？」我一邊講一邊參觀房內嘅各種衣物，將話題轉移到呢個裁縫鋪入邊。

「梗係啦～呢度全部都係供應比商店街嘅名貴皮草衣物，大多數都係一啲出邊買唔到嘅瀕危物種嚟㗎，呢度仲可以幫啲客人度身訂造埋。」野馬似乎都睇得出我喺度轉移話題，不過正所謂凡事留一線，佢都冇篤穿我，只係佢嘅語氣依然得戚。

「…」俾野馬食住我個勢係有少少唔忿氣，唯有唔理佢繼續參觀吓算數。

我行到中間嘅工作枱，細心觀察，頭先就引起我注意正喺度加工緊嘅皮革。

呢塊皮革顏色相當淺，雖然上面冇毛，但係由厚度嚟睇應該都唔係啲體毛比較少嘅瀕危動物，反而更加似羊皮，不過作為慾望樂園呢度嘅商品，冇理由係羊皮咁普通㗎？