《慾望樂園》（2）

Ryan終於贏
最後呢嘢真係好峰迴路轉

開窗槍最後一刻？

日半live左

遲啲你就知

啱睇就好

多謝支持

［457］
隨即就傳出咗野馬打開大門離開醫療室嘅聲音。

野馬離開咗之後我嘅注意力就落番去我餐枱上嘅嘢食到，藥膳獨有嘅藥材湯水味道傳入我嘅鼻腔，但並唔係藥材舖入邊嗰種難聞嘅藥材味，藥材獨有嘅味道同食材嘅味道完美結合，反而形成一種未體驗過嘅香味，就好似肉骨茶一樣嘅感覺。

望住餐枱上嘅食物，我諗起上一次我都有喺醫療室食大餐，個次係我戰勝mk阿叔之後所得到嘅獎勵，而且個次仲有唔少都俾阿晴食咗，唔知阿晴依家點呢？佢咁為食，如果喺到分分鐘藥膳餐都唔放過。我諗到佢個樣，不禁暗自甜笑。

咕咕咕～腦海中阿晴嘅食相同食物嘅香味都引起咗我嘅食慾，令到我個肚開始打鼓，我準備攞起餐具大快朵頤。

啊…但我只係想舉起手臂攞起餐具，關節同肌肉都即刻傳嚟明顯嘅酸痛感作為警示要我唔好郁動到佢地，睇嚟我喺商品爭奪競技嘅時候受傷都格硬堅持同埋用頸圈作電力來源嘅極限做法依家都喺時候得到報應。

於是我只可以小心翼翼，慢慢咁以最細幅度移動手臂攞起餐具，去完成進食。

就喺我舀起一匙羹蟲草雞湯，雖然手震令我唔可以穩定運送到嘴邊，但總算冇倒瀉嘅時候，一條著住白色吊帶絲襪配紅色高踭鞋嘅象腿由床簾後伸出…

到口嘅蟲草雞湯俾我一口噴曬出到，灑落到被單上邊。

睇嚟野馬離開嘅時候所講嘅說話一啲作用都冇。

［458］
「哎呀～做咩噴到周圍都係啊～乜對你嚟講咁刺激咩～？整到張被單污糟晒一陣又要換啦，橫掂都係要換被單…我哋再整污糟啲都冇所謂啦呵～」護士一邊講一邊扭身扭細咁樣行過嚟。

「唔係啊！我整親唔方便飲湯於是濁親咋！真係唔關你事啊！」雖然我的確係因為護士而濁親，但係我所受嘅刺激同佢所講嘅刺激唔係同一回事，於是我馬上為自己開脫找藉口。

「哎呀係喎～病人唔方便食嘢點可以自己嚟㗎？野馬真係唔細心啊～自己就咁走咗去。不過唔緊要喎～你仲有我喺度㗎嘛，等我親手喂你啦～」護士行到我床邊坐喺度。

「唔使㗎喇！我自己嚟可以㗎喇，咪當做吓復健運動囉。」我盡我可以做到嘅活動範圍擰頭。

「唔使咁怕羞喎～野馬走咗呢度得返我同你㗎喇～醫生冇特別都唔會離開辦公室，冇其他人見到㗎～更何況護士嘅職責就係要照顧病人吖嘛，所以你唔使介意架一啲都唔會麻煩到我。再講啊～我哋相處左兩日以我哋嘅感情喂你食嘢有咩所謂喎～」護士一邊講一邊將手伸去我枱上嘅餐具。

野馬頭先所講嘅嘢冇錯，如果佢唔係喺度看住我，我真係分分鐘渣都冇得剩…

「唔使㗎喇！其實我都未係好有胃口，同埋呢啲嘢好熱呀攤凍少少先食啦！」我嘅求生慾不斷湧現。

［459］
「哦～原來你係怕凍～鬼馬啦你～仲以為你係怕羞仔，估唔到你咁識得玩～好啦我就晒你，咁就等護士姐姐幫你吹涼佢先再喂你啦～」好明顯護士自己曲解左我嘅意思。

護士攞起匙羹筆起一啖蟲草雞湯，然後望住我一副玩味嘅眼神，慢慢將匙羹放到自己嘴邊。

「呼～」護士啜起佢搽上左鮮紅色唇膏嘅肥厚嘴唇，對住嗰一啖蟲草雞湯不斷呼氣。

蟲草雞湯嘅湯面隨着氣流產生漣漪，再加上護士頭部嘅左右搖動，成啖雞湯每一滴都混入咗佢嘅氣息，以及雖然睇唔出，但我知一定有嘅口水花…

「好啦，而家飲就啱啱好啦～啦擘大口啦～啊～～～～」護士將佢頭先吹涼嘅雞湯遞到我嘴邊，而且刻意還要擠壓自己胸部。

我根本唔敢直視護士，只可以一路講唔使，一路將個頭盡量拎埋一邊。

但由於受傷嘅緣故，我嘅頭郁動幅度根本唔大，可能就係因為咁樣於是喺護士眼中變成撒嬌…

「啊你咁百厭仲要護士姐姐氹？小朋友唔可以咁曳㗎啵～得寸進尺係唔好㗎～」護士用手鏈住我嘅面頰，將我塊面對返向佢，受傷嘅我根本冇辦法同佢抗衡，即使對方只係用少少力我已經拎返過去。

「咁就乖啦～再唔飲啲湯就凍晒啦～」由於臉頰被左右按住嘅關係，我嘅口都被擠壓得打開，而護士就將湯佢吹過嘅湯用匙羹灌入我口入邊。

無法反抗嘅我為咗避免濁死只好將湯飲落肚…

陰功

係咪有得加甜

大佬都食得幾開吓

［460］
「護士…成碗嚟啦…我想大啖啲食…同埋啲嘢食依家溫度啱啱好架啦…」喺反抗無結果嘅情況之下，我依家只想快快手食完，盡快結束依一場惡夢。

「唔洗咁猴擒啵～身體唔舒服要慢慢食㗎～」護士一邊講一邊含曬春咁笑，睇嚟佢相當享受食個過程，睇嚟人嘅開心悲傷喺唔相通嘅。

「唔該你啊…我真係好肚餓。」我就好似比人捉咗番去嚴刑拷打嘅俘虜一樣，苦苦哀求行刑人俾自己一個痛快。

「頭先又話冇咩胃口又話熟，人地一喂你就唔同曬，有護士姐姐喂你就開心成咗咩～不過我最頂唔順人哋撒嬌架啦～好啦我就曬你啦～」護士人類天花板嘅理解能力成功將我嘅說話向住佢所希望嘅方向曲解咗意思。

「咁快手啦，唔該你。」我已經唔在乎護士點解讀我講嘅嘢，只要結果係快快手食完就可以啦。

「嚟啦～咁鬼心急～」護士笑到兩邊臉肥肉都擠起咗。

護士將成碗蟲草雞湯攞起，然後又再放到嘴邊吹氣，明明頭先我先講完唔洗…

護士將湯碗放到我嘴邊，我把口一掂到就將湯大啖大啖咁吞落肚，恨不得一啖就將成碗湯飲曬佢。

「你又會咁鐘意我喂你食嘅嘢嘅～」護士就好似喂緊竉物一樣，臉上笑得我心寒。

我冇理會護士喺我旁邊講啲咩，一心一意用我最快嘅速度飲曬食曬啲嘢佢。

一啖接一啖，一碗接一碗，我就好似參加咗大胃王比賽一樣不斷將食物鯨吞落肚。

［461］
「食得咁快嘅～有冇開心成咁啊～我幫你執番啲餐具走先啦～」護士攞起餐盤準備離開。

喺我拼咁條命去食嘢嘅情況之下，只係用咗大概十分鐘就將所有食物一掃而空，但喺狼吞虎嚥同埋護士喂食嘅雙重影響之下，我完全無享受到進食嘅樂趣，除咗可能仲有藥膳本身嘅治療效果之外，左副園長為我準備嘅依餐可以話係完全浪費咗。

「我食飽飯想休息吓啊，你留我一個人喺依邊得架啦，你去做留自己啲嘢先啦，我有需要會通知你架啦。」我擔心護士仲會繼續過嚟搞鳩我。

「你啱啱先訓醒咋啵？又訓？…不過都好嘅，休息多啲身體先會恢復得快啲嘅～咁你就好好休息啦～」護士講完就轉身離關繼續佢嘅工作，但佢最後嘅笑臉令我有啲唔好嘅預感。

雖然我頭先咁講有好大一部分理由都係因為想趕走護士，但的而且確喺飯氣攻心嘅情況之下，睡意開始出現，喺病床上身體唔係太郁動到無所事事嘅情況之下，無理可以幫助我抵抗睡意，於是我都真係好快就又訓著咗。

正所謂溫飽思淫慾，訓著嘅我進入到夢鄉，日有所思夜有所夢，或者係我太回味同阿晴渡嘅晚上，我係夢入邊都去番當晚嘅場景。

房間內，我訓係一張大床上邊，阿晴正企喺床尾嘅位置。

「阿晴…」我嘅視線完全被阿晴緊緊捉住，情不自禁地呼喚對方。

聽到我嘅呼喚之後，阿晴開始慢慢行近我。

［462］
阿晴嚟到我床邊，微笑住伸出手摸向我塊臉。

「阿晴…做咩事啊？」夢中嘅我望向阿晴，溫柔地詢問對方。

阿晴並無答我，而係笑住彎低腰慢慢靠近我。

我地兩個塊臉越嚟越近，已經近到得番幾吋距離，阿晴閉起雙眼，我地隨時都會開始吻上對方。

我都準備閉起雙眼好好享受依個過程，但就喺依個時候，一陣好濃烈嘅氣味傳到執我個鼻入邊，依種味道並唔係一般嘅臭味，佢係由多種化妝品同香水喺大量使用之後混合而成嘅味道，本來設計係為咗令身體傳出舒服香味嘅香精係錯誤嘅用量之下氣味濃烈，令到本來設計得幾咁清香嘅氣味都因攻鼻而變得刺激性，而加上多種唔同味道嘅氣味混合，簡直係產生左侵略性。

我所知道嘅阿晴身上嘅氣味並唔係咁，而我夢中聞到嘅氣味就好似真實存在嘅一樣，連我大腦都頂唔順強行喚醒咁我。

我一擘大眼，就知自己點解會夢入邊聞到啲咁嘅味，護士賤肉橫生嘅面頰佔據咗我成個畫面，佢嘟起嘴，已經就快錫到我，而氣味嘅來源就係佢身上嘅化妝品。

「嘩！！！啊！！！」突如其來嘅驚嚇畫面，令我先係嚇親大叫一聲，隨即就係因為身體本能地掙扎肌肉收縮令到本來受傷嘅身體發生痛楚而慘叫。

「嘩你做咩事啊！」好明顯護士都比我嘅反應嚇親。

「幫我聯絡野馬，你話我有緊要事要搵佢。」我懶得同護士解釋咁多，直接搵個有機會幫到手嘅過嚟算數。

果然呢啲時候發親春夢都唔係咩好嘢

阿睛去咗邊？

點解要對護士咁殘忍

[463]
「你咁心急搵佢咩事啊？佢啱啱先走咗冇耐咋喎。」護士似乎係擔心我發現咗佢頭先嘅所作所為而會作出啲咩行動。

「你同佢講佢關於專屬商品嘅事。」我咁急找野馬當然係因為佢，但我偷偷地入過辦公室睇過佢嘅資料，我真係唔敢輕易得罪佢，如果唔係分分鐘野馬嚟之前我已經係咁先。

「…哦，咁好啦，你等一陣吓～」護士聽到我咁講似乎放低咗戒備，轉身就穿過床簾離開。

啱啱由夢中驚醒嘅我依然非常疲倦，但係我連一刻都唔夠膽瞓着，始終提起警惕，等待野馬過嚟，避免中途又發生啲乜嘢事。

過咗一陣護士又再過嚟。

「我幫你聯絡咗佢啦，佢話會盡快過嚟喎～你使唔使瞓多陣先啊～」護士眼中充滿期待。

「唔使啦，我依家唔係咁眼瞓。」我瞪大雙眼驅趕睡意。

「咁啊～咁你使唔使去個廁所先啊～」護士眼中有少少失望，但好快佢又重新問過第二樣嘢。

「唔使啦，我唔急住。」我聲到當然連忙拒絕。

「你頭先飲咁咁多湯水唔急咩？係咪身體唔舒服唔方便去廁所啊～唔緊要啵！我可以幫你㗎～得會扶你過去，幫埋你逗住都得架～」護士講到自己都怕怕醜醜，唔知腦入邊又幻想緊啲咩。

「唔使啦，我有需要再搵你啦不如。」其實講真我都真係有少少急，但係我就算賴係張床都唔會搵佢。

「咁好啦…咁你一陣要去就叫我啦～」護士似乎心入邊依然抱有期待。

[464]
見自己嘅計劃並無得逞之後，護士只可以灰溜溜咁轉身離開。

而過咗一段時間之後，醫療室嘅門外終於傳來開門聲。

「我係過嚟見18號架，佢係咪話有事要搵我？」野馬嘅聲音由門口方向傳嚟，終於都俾我等到佢。

「係啊～我帶你去搵佢啦～」護士嘅聲音就緊隨其後。

好快佢地兩個就拉開床簾，嚟到我嘅面前。

「你有咩事咁急搵我啊？我啱啱先行開無耐咋啵，你依家應該要好好休息，等身體恢復翻之後為左副園長效力。」野馬係護士面前一副官腔地同我講。

「我就係有關於專屬商品嘅事要問你。」我講依句說話嘅同時刻意望一望仲喺我地兩個旁邊嘅護士。

「護士唔好意思啊，我同18號有啲嘢要傾，因為同左副園長仲有樂園運作嘅事相關，麻煩你先離一離開。」野馬睇到我嘅眼神之後馬上就心領神會，轉身請護士離開。

「哦，咁好啦，咁我出番去做嘢先啦。」護士扁住嘴，不情不願咁拉開床簾離開。

野馬喺確認咗護士已經行遠咗之後，行近床頭彎低腰靠近我。

「大佬啊！咪話依到唔方便講囉，你唔好咁心急啦，我會搵個合適嘅時間地點慢慢同你解釋㗎啦！」野馬壓低聲線喺我耳邊講。

「我唔係心急要你依家就同我解釋啊，再喺依到留落去，未到你講嘅合適時間同地點嚟到之前我就俾件護士溶到渣都無啦！」我即刻向野馬抱怨。

[465]
「吓！唔係掛，佢對你做咗啲咩啊？」野馬就好似一個八卦嘅師奶一樣向我追問。

「你唔好理啦！我都唔想提起啦！我依家做咗專屬商品係唔係多少可以有啲特權先？我要住番之前間商品渡假屋得唔得啊。」我懶得同野馬講番自己嘅不幸經歷，直接向佢提出要求。

「依啲要求就冇問題嘅，其實本身都安排你之後喺嗰到架啦，房就準備好啦，不過係等你係到治療好之後再過去咋。」野馬拍一拍我膊頭。

「唔等啦！我地依家就過去！啊…」我一激動又唔小心拉到啲肌肉。

「喂，你睇住又整親啊！左副園長交帶落要你喺呢度康復之後先至帶你過去㗎，你依家未好返留喺呢度好過啦，呢度又有醫生又有醫療設備。」野馬將我扶返低喺床上面。

「我都係跌打撞傷啫，你定期送貨過嚟或者直頭叫醫生過去我嗰度複診咪得囉，大佬啊我喺度休息都唔安樂，恢復最緊要係咩啊？休息呀嘛。你哋想我好得快啲就應該送我過去啦！」我依家想離開護士嘅決心比一切都大。

「咁啊，咁好啦我幫你同上面講聲啦，我諗應該就冇問題嘅，搞掂嘅話我轉頭就帶你過去啦。」野馬聽完覺得我的確講得有道理，而且佢亦都知道護士嘅可怕之處。

「咁你快啲手啦唔該晒你！」我一刻都唔想再留喺度。

野馬點一點頭之後就急急腳走咗去，護士後尾嗌佢，佢都冇應到就離開咗醫療室。

主角真係好撚慘
辛苦打完仲要提防淫賤變態黑絲護士

［466］
「你地傾完啦？野馬佢走得咁趕嘅？你地講咁啲咩嚟啊～」護士好似恐怖片女鬼一樣，係床簾到探出一個人頭，好奇我同野馬發生咩事。

「係啊，野馬有啲嘢要馬上處理，所以就急急腳去咗忙啦。」我好似對護士嘅驚嚇已經習慣到有咗抗性，見到咁驚悚嘅一幕都從容應對。

「你又會突然間想搵佢嘅～咩事咁心急啊，有咩都可以同護士姐姐講㗎～照顧病人心理都係護士嘅工作之一啊嘛，頭先護士就係嚟檢查吓你有冇發惡夢～」護士依然警戒住我係唔係同野馬打咗啲咩小報告，盡量全程微笑，但護士嘅眼神同埋語調依然令我不寒而慄，再加上佢已經就快脫離人類認知嘅妝容，更加係強化咗佢身上嘅恐怖谷效應。

「我諗呢啲關於左副園長嘅嘢，夜晚佢唔會想我周圍講㗎喇，多謝你有心啦，你去忙先啦。」呢啲時候我當然有得賴就賴。

「我啲嘢已經做晒啦～依家可以全心全意照顧你～」睇嚟護士完全冇放過我嘅打算。

今次仆街啦，如果拒絕嘅話分分鐘護士會發癲，如果話要休息嘅話又會發生頭先嘅情況，我呢步棋好似點行都會死…

「咁不如我哋傾吓偈啦。」我嘅語氣何奇生硬，呢個係我一時之間唯一可以諗到嘅緩兵之計。

「好啊！係咪有咩心事想同護士姐姐講啊～」護士見我主動邀請佢，即刻成個人心花怒放。

［467］
「係呢，依到又會成個醫療室得我一個人嘅，我以為最少都會喺到見到馴鹿添。」雖然我醒番之後都無離開過病床，但憑着周圍一啲動靜都無嚟講，大概可以得知就只有我一個病人。

「佢係職員嚟㗎嘛～醫生簡單檢查過佢無特別之後樂園一早搵人送咗佢出去外面嘅醫院啦～」護士拉嚟一張櫈，坐喺我病床嘅旁邊，似乎準備好要同我促膝詳談。

「咁又係，大醫院點都好啲嘅，喺我地先無得出去啫。」聽到馴鹿暫時離開咗樂園去接受治療，令我多少有啲羨慕。

「但係出邊啲醫院無我啵！」護士瞪住我，等候我嘅反應。

［屌！緊係無你啦！有你一早俾人告到褲都甩啊！］我心入邊暗想。

「係囉係囉…但係依到連其他商品都無啵。」我都唔知俾咩反應護士好，唯有繼續討論其他話題。

「雖然依到叫做樂園嘅醫療室，但係好少有商品會嚟接受治療架～除非好似你咁喺一啲價值比較商嘅商品，又或者係得到樂園嘅獎勵，如果唔係嘅話輕傷就由得佢自己好，重傷嘅就可能直接送去其他用得著佢嘅活動～所以其實我喺到做得最多嘅就係處理聽聽話話嘅屍體同埋幫紅燈區啲雞仲有男商品做身體檢查咋～」由護士嘅語氣可以聽得出，佢特別鐘愛屍體，而且對女商品抱有一種恨意。

「處理屍體？點解依啲野都係你做嘅？」我聽到覺得有啲奇怪。

［468］
我知道依個醫療室有太平間，但我以為只係暫放救治失敗嘅屍體，唔知護士要負責埋處理。

「其實係我自己要求負責呢個工作㗎～你知啦冇乜嘢做驚陣時好悶㗎嘛～同埋屍體好乖巧好好玩㗎！你想點玩都得～從來都唔會拒絕你～有陣時見到啲高質素嘅，我仲識得點樣保存得耐啲可以玩多幾次添啊～」護士一路擺出一副高潮癢一路講出呢啲驚世駭俗嘅說話，而且毫不掩飾。

「…咁…咁最後係會點處理㗎？」喺呢個地方我隨時都有機會冇命，聽完護士嘅說話，我全身汗毛都豎起晒，畢竟我相信如果我死咗，護士一定會用佢嘅手法防止我腐爛，然後成為處理佢性慾嘅一個玩具，但係我都依然想知道如果真係喺度死咗最後嘅命運會係點。

「通常都會對埋一堆，然後攞去燒咗佢㗎～呢度有個發電機，啲商品死咗之後就可以用去做燃料，為呢個樂園提供電力，同埋燒到變咗灰之後要處理就方便好多，運輸又容易啲～不過都有啲唔會燒架，有啲器官會攞出嚟買俾黑市，有啲如果有特別胎記或者特別靚嘅部位，甚至會有收藏家收藏呢啲嘢。而我就係負責將呢啲器官同埋部位攞出嚟～我係咪好犀利啊！我一個人就可以做到㗎喇，以前都要醫生幫手，不過做熟咗之後我就可以自己嚟啦，反正對方都係一條屍體根本唔需要有啲咩高難度操作～」護士講完之後望住我似乎等緊我稱讚佢。