《慾望樂園》（2）

唔係想分一份嘛

法律上她係直屬女兒，所以冇立遺囑/平安紙的話係她媽媽全數繼承，所以先要出殯時扮嘢。仲有，出殯時阿晴即使唔俾她阿媽出席，她阿媽都可以申請法庭禁制令。如果阿晴係在兩老死之前轉哂數去阿晴戶口，再加上在他們清醒的時間為此舉動作出有力的解釋作為證據，並在客觀的第三方下見證，先有得打，所以最好都係少報在家的金器就算，其他當冇咗。他們走得太突然，趕不及立遺囑

［346］
「我幫你教女啦！喂！見到長輩就要講歡迎！去斟茶俾我地飲啦！」佢一掌就推向我心口，將我由門邊推開。

「喂你做咩啊！」佢嘅行為甚至掂到我嘅胸部，我被推得接連後，雙手抱喺胸前保護自己。

而佢就順勢行咗入我屋企，而且佢仲望一望自己手掌，露出一副猥瑣又奸狡嘅笑容。

而我阿媽就跟係佢男朋友後邊，完全無理過佢對我郁手郁腳，直頭好似睇我唔到一樣跟堆一齊入咗我屋企。

「你地想點啊！你地好離開我屋企啦！如果唔係我就報警！」我鼓起勇氣，大聲斥責佢地。

「你屋企？我諗你就搞錯咗啲咩啦，BB，你同佢講啦。」佢除低鞋往玄關方向一掉，差啲就掉中附近嘅我，然後一屁股坐到梳化上邊，喺褲袋攞出煙同打火機準備點煙。

「唔準係我屋企食煙啊！！」我嬲得加大聲量，但對方依然不為所動。

「依到唔撚再係你屋企啦，依家變咗我屋企啦。」阿媽唔耐煩地同我講。

「你講咩啊！我由細到大都住喺到！你淨係識得間中番嚟攞錢，依到緊喺我嘅屋企啦！你地唔走啊嘛！好！我報警！」我攞出手機，準備撥通999報案中心。

「報警？哈哈，好啊，你咪試吓囉，睇吓啲差佬上嚟做得啲咩？」阿媽男朋友攤喺梳化食住煙發出一聲冷笑。

「你地依家係擅闖民居啊！」我馬上反駁佢。

［347］
「你收皮啦，依份喺遺產承辦處出嘅文件，我已經正式繼承咗個兩個死老嘢嘅遺產啦。」阿媽攞出一份由高等法院遺產承辦處發出嘅文件。

「你…」最近太多事要處理，我竟然唔記得咗公公婆婆死得突然，冇辦法交代身後事，而佢哋本來年紀又唔算好大加上身體健康，跟本就無立過遺囑，喺咁嘅情況之下，阿媽作為唯一嘅直屬親屬，的確可以全數繼承遺產，晴天霹靂嘅消息令我一時無法接受，亦講唔出任何反駁。

「包括佢嘅銀行戶口，仲有依層樓啊，依家層樓喺寫我個名唔係你個名，依到喺我屋企唔係你屋企啊。」阿媽得勢不饒人，並且一路步步進逼將我向門口趕過去。

就係呢個時候，阿媽男朋友喺梳化一路吞雲吐霧，一路曉有興趣咁望住我，將我上下打量，表情奸詐得戚猥瑣，彷彿將我嘅慘況當做佢食煙嘅助興節目。

「你無恥！唔怪得公公婆婆嘅喪禮你會突然出席啦！平時返嚟淨係識得同公公婆婆攞錢，次次都搞到家嘈屋閉，激到公公死死吓！公公婆婆出咗事係醫院嘅時候你都無嚟關心過自己父母啊！依家仲好意思過嚟想霸佔公公婆婆嘅遺產，你知唔知醜啊，我有你啲咁嘅阿媽我都羞家啊！」阿媽嘅無恥行為令我憤怒到極點，盡管係情理上我有理，但係喺法理上阿媽的確係遺產嘅第一繼承人。

啪！清脆嘅巴掌聲響起。

［348］
「啊！」我用手揞住自己被打嘅臉頰，雖然力度唔算太大，但我依然非常委屈。

「你好同我躝啦！我屋企唔撚歡迎你㗎，我同阿東已經連新鎖都買埋架啦。我念在你都叫喺我個閪到走出嚟，我俾十分鐘時間你執嘢走。」我媽望我嘅眼神同望垃圾一樣。

「依到我屋企嚟㗎，我喺依間屋大㗎，你依家搶咗我屋企仲要趕埋我走，我無人無物可以去邊啊！」委屈令我眼淚止不住地往下流。

「你去邊關我撚事啊？去做雞賺錢囉，可能有人包養你呢～」阿媽繼續對我冷嘲熱諷。

「我…我…」到低我可以點做？報警？警察上到嚟又做得啲乜？阿媽係法定遺產繼承人，我又已經成咗年，到時最多都係俾我攞返自己物品，又或者轉介社工俾我…

「bb～一係我哋俾佢留低啦。」一直坐喺梳化食煙睇戲嘅阿東忽然出聲，但是我估唔到嘅係佢竟然勸阿媽留低我。

「阿東？咁同我地講好嘅唔一樣啵，我地講好攞咗個兩個死老嘢間屋之後趕走埋個死嚫妹，我地兩個唔洗愁租咁過二人世界㗎嘛。」阿媽轉頭望向阿東，一改頭先對住我個時嘅語氣，疑惑地問。

阿東用我梳化前邊嗰張茶几撳熄咗支煙，隨手就將煙頭掉咗喺地上面，緩緩咁樣向我哋行過嚟。

「你諗吓間屋咁大，留低個人做清潔都好呀，反正都係落你名，佢又唔做得啲乜嘅，免費嘅清潔工邊度搵啊，反正佢又咁錫嗰兩個死老嘢留低嘅嘢，好似我咁煙頭定位地下，轉個頭佢都會幫我執返啦。」阿東重新搭着啊媽膊頭同阿媽講。

分？佢要曬

巴打好醒目

睇到好火滾

日常工作
但宜家公民意識高咗，有身家分的人好少咁冇準備

［350］
「但我話俾你聽，依間屋喺我地兩個話事，我地鐘意點就點。我地講咩你就照做，好好清潔依一間屋，服侍得我地舒舒服服，咁我就俾你繼續留喺依到。你自己好好考慮吓啦，到底要留番喺依間屋入邊有個瓦遮頭，定係出去外邊自己流浪。」阿東繼續佢囂張嘅態度。

「我…我…」突如其來發生太多嘅事，我嘅大腦接收得太多資訊，而且全部都係晴天霹靂嘅壞事，一時間轉唔過嚟，再加上我無論點諗都好，我都諗唔到方法去改變阿媽順利繼承公公婆婆遺產嘅事實。

「點樣啊？我冇時間去等你成日架，我依家係俾個機會你咋，你唔留低都可以㗎，反正我地都係咁過㗎啦，之前住個到都喺成地煙頭針筒同comdom 㗎啦。」阿東口講無所謂，但其實用住我對依個家嘅回憶同留戀嚟威脅我，想我留低做佢地嘅阿四。

「我…留低…」我低頭留下不甘心嘅眼淚，阿東嘅威脅的確有效，我唔能夠喺阿媽手上奪得依間屋嘅所有權，但都希望留低委屈自己去保護依個充滿回憶，連繫住我同公公婆婆嘅屋企，盡量唔好被阿媽同阿東破壞。

「你大聲啲啦！我聽唔到啊！」見我低頭望向地面，眼淚一滴一滴咁落到地面，阿東決定要好好羞辱我一番建立威信。

「我…我想…我想留低啊！！」我強迫自己大聲，語調中充滿着不甘心同委屈。

［351］
「哈哈哈哈哈哈！！」喺梳化上邊食煙睇戲嘅阿媽發出得戚又刺耳嘅恥笑。

「咁你留低之後要做啲咩啊～？」阿東轉身望向我阿媽，然後用玩弄嘅語氣同我講，就好似向阿媽展示佢可以將我玩弄係股掌之中一樣。

「我要執屋…要聽你地話…」我嘅人生從來未試過咁屈辱，但保護依間屋嘅決心遠遠大於一切。

「哈哈哈哈，聽唔聽到佢講咩啊？」阿東同我阿媽講。

「阿東你係得嘅，我不嬲都睇佢唔順眼㗎啦，你真係有計嘅啫，咁就搞到佢聽聽話話。」阿媽笑住答。

「頭先話咗要幫你教女㗎嘛！」阿東得到我阿媽認同之後更加得戚。

「好啦，咁我就大發慈悲俾你留低啦，你依家就去個兩個死老嘢間房到執走張床啲嘢，之後轉頭出去同我買過晒啲新嘅床舖枕頭，我唔要喺上面聞到嗰兩個死老嘢啲老人味啊！」名東隨即就當我啊四咁用。

「我…我身上冇晒錢買嘢啦…」我一路講一路用手抹乾淚水。

「屌…咁撚大個人少少錢都冇，轉頭問你老母攞啦！」阿東講完之後坐喺梳化上面同我阿媽一齊食煙。

「知道…」我隨即就入咗公公婆婆間房，本來仲諗緊點樣可以入去收埋啲貴重嘢，咁啱佢就俾咗呢個機會我。

我將頭先執拾公公婆婆遺物嘅時候搵到嘅貴重物品用被單床舖遮住，偷偷地放到我房間。

就係咁，我開始過住奴隸一樣嘅生活。

不忍棄故呢個位太慘了
一間一定又俾繼父搞再比人賣埋
等主線推進再番黎

我都覺 停追一排先

成班仆街

嘅然係咁 以下係俾唔忍心睇嘅讀者嘅劇情概要
劇透注意‼️

［353］
「你學校嘢同訓唔著關我撚事啊！你自己嘢自己諗辦法搞撚掂佢！總知我要你做好我吩咐你做嘅嘢！」同我所諗嘅一樣，阿東完全唔會理會我有咩解釋，同佢根本無可能講到道理。

「對唔住…我依家就起身執番乾淨佢…」為咗唔洗再受更加多嘅苦，直接道歉喺我最常用嘅方法，反正佢地要嘅就只係壓榨我，然後我認低威。

我拖住疲倦嘅身軀落床，向門口行過去嘅時候刻意貼近牆邊，盡量同阿東保持住最遠嘅距離，因為係依段時間嘅相處之中，我對阿東同阿媽已經產生咗恐懼，就連平時講嘢都唔敢望住佢地雙眼。

「仲有啊！你阿媽同我投訴個廁所洗得唔夠乾淨啊！你依家喺咪想hea鳩我地就算啊！」就係我行到最近佢位置嘅時候，佢突然又再大聲斥責我。

「啊！對…對唔住，我一陣再洗多次…」我俾阿東嚇咗一跳。

阿東望住我冷笑咗一下，見到我依個反應佢似乎對自己嘅”教導”相當滿意。

雖然我啱啱起身牙都未刷，但都都係選擇直接出客廳執嘢，因為我知道依家去刷牙先一定會俾人鬧到狗血淋頭，都係轉頭洗廁所嘅時候先刷啦。

我嚟到客廳，周圍嘅狀況簡直係滿目瘡痍，頭先阿東講嘅啤酒罐花生殼煙頭不在話下，仲有啤酒倒瀉滲透入梳化，煙灰將家具染上灰免，地上邊甚至仲有冇打結嘅安全套，入邊嘅液體已經流咗出嚟，最西利就係我阿媽，係咁嘅環境之下仲可以安然無恙坐喺梳化上邊。

［354］
「抵你啦，少少嘢都做唔好，又俾人話啦，一啲用都無，生舊叉燒好過生你。」阿媽冷冷地望住我。

而我冇作任何回應，開始著手清潔屋企。

「同你講嘢啊！一啲反應都無！聾咗啊？」阿媽見我無反應，隨手就執起個空嘅啤酒罐掉向我。

「啊！對唔住…阿媽早晨…」撳凹咗嘅啤酒罐尖角刺中我嘅皮膚。

「冇嚟醒目！」阿東亦都行出客聽補刀。

然後佢就同我阿媽一齊坐喺梳化，浪隻腳喺茶几上面玩電話。

佢哋兩個嘅存在無疑對我清潔係一個阻礙，唔單止梳化清潔唔到住，而梳化同茶几之間嘅位置，我更加要趴低捐入佢地浪起嘅腳下邊先清潔到。

望住自己曾經同公公婆婆一齊坐嘅梳化仲有細個鐘意趴喺上邊畫畫嘅茶几被煙頭燙燶，被啤酒打濕。心中總會有一股唔知可以點保護佢地嘅無力感同埋內疚感，我似乎可以做嘅就真係只有盡量清潔番乾淨佢地。

隨住我不斷努力，清潔終於都進行得七七八八，就差佢地兩個坐住嘅位置。

「BB~我肚餓啦～」阿媽用撒嬌嘅語氣同阿東講。

「嘩，原來咁晏㗎啦，行囉，出去食野啦。」阿東望一望手機上嘅時間。

一睇到哩啲位就想打撚柒佢哋，搶撚咗人啲嘢仲喺道鳩噏？食撚矇咗呀？

［355］
阿媽同阿東終於捨得喺張梳化度起身，然後去換衫梳洗準備出門，而我亦都可以清潔頭先清潔唔到嘅地方。

好快佢哋就換好衫去到玄關準備着鞋出門口。

「喂，我同你阿媽出去食嘢啦，我地番嚟之前你好執番乾淨間屋啊！特別係個廁所啊！如果唔夠乾淨你阿媽又投訴你嘅話我要你奶乾淨佢添啊！」阿東臨出門口之前再次警告我。

「…知道，我會清潔乾淨㗎喇。」我沒精打采咁回應。

嘭！大門關上，剩返我一個人喺屋企，呢個亦都係我而家喺屋企入邊最開心嘅時間。

咕～我個肚傳嚟餓到打鼓嘅聲音。

我即刻放低手上嘅清潔工具，洗乾淨手去廚房搵啲嘢食先，好彩佢哋出咗門口，如果唔係我就要忍受住肚餓做晒嘢先有得食嘢。

我去到廚房攞出一袋方包，冇任何調味或者果醬牛油，只係用水配住方包一齊食，佢哋兩個出去食好嘢我喺屋企飲水食方包，就連我自己都覺得自己可憐。

佢哋兩個俾我嘅伙食費根本唔夠我正常三餐，為咗盡可能食得飽，我多數都係選擇方包番薯呢一啲容易飽肚嘅食物。

簡單進食之後我就繼續清潔工作，我逐少逐少將廳嘅垃圾執乾淨，然後拖地吸塵。搞掂咗個客廳之後，我就準備洗廁所。

距離佢哋兩個出門口已經過咗差唔多個幾兩個鐘，而我亦都即將洗完廁所，只需要最後用水清洗一次就可以。

［356］
要做好晒啲嘢之後我先可以喺佢地番嚟之前有少少時間做返自己嘢。

但就係呢個時候，門口突然傳來撳鐘聲。

我行出廁所，嚟到大門口防盜眼前邊透過防盜眼望出去。

企喺門口外邊嘅喺阿東，但奇怪嘅係阿媽並唔喺佢旁邊。

「開門啊！仲要我等幾耐啊！！」門外嘅阿東已經冇耐性到拍門大吵大鬧，其他佢身上應該喺有鎖匙，但係如果我喺屋企嘅話佢地通常都習慣懶得攞鎖匙出嚟開鎖，同埋佢地覺得我應該要出嚟迎接佢地，幫佢地攞嘢。

為咗唔好又俾機會阿東借題發揮鬧我，我馬上就將大門打開。

「聽唔到我禁門鐘㗎！咁遲先過嚟開門！喺咪特登要我等啊！」一打開木門，阿東見到我就開始鬧我。

「對唔住啊…我頭先洗緊廁所，所以先出嚟遲咁…係啦，阿媽呢？唔見佢嘅？」我一邊解釋道歉，一邊打開埋鐵門。

「少少嘢都做咁耐！你阿媽話要去做facial啊，次次一搞就幾個鐘，我梗係返嚟先啦！」我一打開鐵閘鎖，阿東就推門入嚟，好彩我退後得快，如果唔係就俾門撞中。

「我驚洗得唔乾淨，阿媽會唔滿意…」長久以來嘅相處恐懼已經令我變得相當卑微。

「呢個唔係一個…唉算啦！」阿東入到屋之後除低鞋，本來想繼續將我鬧得狗血淋頭，但佢將我上下打量之後突然算數。

［357］
「我幫你放入鞋櫃…」而我即刻踎低攞起佢對鞋，我知道啊東點解突然間唔再鬧我，我啱啱洗完廁所個身濕咗，白色嘅上衣令到我身體同埋內衣若隱若現，啊東頭先係視姦緊我。所以我先即刻踎低，盡量遮擋住自己。

阿東之後就行咗入屋，坐喺梳化上面玩手機，而我放返好佢對鞋之後亦都即刻急急腳跑返入去廁所繼續清潔，但係過程中我依然留意到佢偷偷地𥄫住我。

阿東嘅眼神，令我相當之唔舒服，我唯有閂埋廁所門將自己同佢隔開，然後繼續清潔。

幫我打開花灑水喉，用花灑將癡喺廁所各個地方嘅清潔劑沖走，水流同牆壁產生嘅沖刷聲充滿着整個廁所。

我又淋浴間開始沖水，慢慢去到座廁，再到洗手盆，而就係我準備幫洗手盆沖水嘅時候，就被嚇咗一大跳。

「啊！！」突然嘅驚嚇令我花容失色，原來係啊東已經打開廁所門喺門外挨着門框望住我，水流嘅沖刷聲，令到我連佢嘅開門聲都聽唔到。

阿東見我發現咗佢，但仍然繼續望住我。

「做咩事啊？」我強行鎮定，關上花灑水喉。

「冇～過嚟睇吓你搞成點，洗得乾唔乾淨，費事你又比阿媽鬧呀嘛～」阿東懶係關心，但語氣中充滿陰謀。

「我沖埋水就搞掂㗎啦，不如你出返去先啦，如果唔係會俾水整濕㗎…」我幾乎唔敢正視佢雙眼。

「係喎，你都俾水淋到濕晒啦喎～」阿東完全冇離開嘅意思。