《慾望樂園》（2）

［538］
以往嘅我係唔會咁做嘅，我只想盡快用傷害最細嘅方式結束競技，一嚟商品都係受害者，二嚟我唔想討好依班將快樂建築喺人哋痛苦上嘅客人。

只可惜依家我要推翻慾望樂園就先要討好客人得到重用，再加上MK阿叔本來就同我有過節，成為我表現嘅大好機會。

MK阿叔一開頭仲喺度努力掙扎，想要擺脫我嘅壓制，但對於完全唔識得地面技巧嘅佢嚟講只係不斷用蠻力想掙脫我，喺佢嘅體重力量並不佔優勝，甚至比我更加弱嘅情況之下，簡直係天方夜譚。

再加上俾人騎喺身下面呼吸會受到壓迫，呼吸唔順暢，就令到體力流失得更加快，只係過咗一陣，MK叔就已經攰到就嚟虛脫，掙扎嘅力量明顯減弱，甚至已經放棄掙扎。

佢塊面上面已經佈滿左我嘅手指痕，兩邊嘅面頰比我打到紅腫，甚至乎就連我嘅手掌都開始有啲刺痛。而周圍嘅觀眾自然係睇得越嚟越過癮，嘲笑聲亦都越來越大。

對方已經幾乎放棄呢場競技，而進一步嘅虐殺我亦都的確做唔出，所以都差唔多係時候結束呢一場商品競技表演。

我喺乘騎嘅位置之下用左腳勾住佢嘅右腳，然後調整重心嘅位置打側趴到佢身上。

然後我向着旁邊打出一個前滾翻，遮住前滾翻嘅動力同慣性用右腳將佢勾起，令到佢下背部騰出空間，再用力向前一踢配合手上嘅動作佔據佢身後嘅位置，呢個就係巴西柔術入邊一個叫做ninga roll take back 嘅技術。

［539］
本來我咁明顯嘅鋪排好似其實對方可以好容易反擊我呢個動作，但由於地面技術係MK阿叔陌生嘅領域，再加上對方無論係體力定係掙扎嘅意志都已經比我磨滅得煙消雲散。依家嘅佢就好似練習用嘅沙包或者dummy 假人一樣，基本上就係瞓喺度任我擺佈。

喺佔領咗佢背後嘅位置之後對方見我已經唔再騎住佢仲想趁呢個機會逃脫，但係我嘅腳已經將佢嘅驅趕搭着，再做出一個身體三角鎖緊緊扣住佢唔俾佢離開。

呢一刻MK阿叔嘅內心一定係萬般無奈，喺一個自己完全唔熟悉嘅領域上不但只攰到仆街，仲要去到咩位置都比對方控制住，而自己又唔識亦都冇能力掙脫。

MK阿叔而家諗到可以做嘅，就只係得攻擊我嘅腳或者向後肘擊我等我吃痛自己放手。

但係事到如今對方嘅體力所做出嘅攻擊已經完全威脅唔到我，但係我依然唔打算比對方有機會打我。就喺對方手臂拉弓準備攻擊嘅時候，我將本來疊喺佢身上控制佢嘅手快速潛到佢頸嘅位置。

係對方毫無防守意識嘅情況之下，我好容易咁就將我手臂緊貼對方條頸，並且兩隻手搭出一個裸絞。

裸絞一搭上對方就會感覺到有少少唞唔到氣嘅感覺，而MK阿叔亦都因為咁而意識到大事不妙。

［540］
佢伸手妄想將我嘅手臂拉開，但係裸絞基本上已經成形嘅情況之下要蠻力拆開需要巨大嘅體格同埋力量差異，而好明顯佢係冇嘅。

於是乎佢好快就做咗一個非常之符合本能嘅反應，就係用指甲抓我。

佢咁做嘅目的其實都係想我吃痛放手，但事實上呢個係一個殺敵八百自捐一千嘅行為。喺好多格鬥比賽中賽事主辦方都會要求選手剪指甲，除咗為咗避免會因為咁樣抓傷對手之外，其實更重要嘅就係保護雙方嘅手指甲，人類嘅指甲經過漫長嘅演變早就已經冇咗動物嗰種鋒利同埋穩固，當指甲走入對方嘅皮膚或者肉入邊嘅時候，好多時用力一拉嘅效果，並唔係撕開對方嘅皮膚，而係硬生生將自己嘅指甲扯落嚟，反而對自己造成嘅傷害更加大。

不過即使係咁，我亦都唔打算比對方抓損我。

我馬上收緊手臂，然後用背部同埋腰發力將自己向後拉，加大我施加喺佢條頸上面嘅壓力。

唔係我全身嘅配合發力之下，對方嘅頸動脈好快就因為壓迫而令到血液冇辦法順暢流過，失去血液供應嘅腦部就好似冇咗電嘅電器一樣開始停止運轉。

對方嘅指甲都仲未走入我嘅皮膚就已經開始放軟不從心，只係過咗幾秒佢嘅身體就徹底癱軟落嚟陷入咗昏迷之中。

我只需要唔放手，繼續絞殺多佢幾秒佢就會因為腦部缺氧而死，只不過殺人始終唔係我想做嘅事，喺確保對方徹底昏迷之後我就鬆開咗裸絞。

https://youtu.be/7rE8Y4XyHno?si=samXkn74LB3BYaL0

Ninga roll

https://youtu.be/YIbusr1CCJw?si=NGJY3BYsLc8o9SjS

裸絞

咁易贏有啲唔慣添

點可以突然咁好打

［541］
我鬆開mk阿叔之後重新企番起身，高舉右手表示自己嘅勝利。

「今場商品競技表演嘅勝者就係18號！」喺觀眾嘅歡呼聲同掌聲之下，虎鯨宣布咗今次嘅結果。

然後就係老規矩地宣布獎勵，但因為並唔係一場有幾特別嘅商品競技表演，所以獎勵都非常之普通。

我緩緩行番入去等待室，等待室內嘅野馬舉手張開手掌，我見到之後配合地同佢擊掌。

「辛苦啦，今日表現都唔錯啵！」擊掌完之前鐵閘門緩緩落下，野馬笑住同我講。

「因為今日場商品競技表演輕鬆啫，講真啊，突然咁輕鬆真係唔習慣。」我自嘲起嚟，可以全身而退嘅競技真係冇咩點試過。

「你真係賤骨頭嚟，輕鬆都唔得！點啊？想唔想睇埋之後嘅競技表演？我地留低睇多陣都得。」野馬指向鐵閘外同我講。

「之後有冇我識嘅人啊，如果冇我就唔睇…」我一邊講一邊順住野馬指嘅方向望向鐵閘門嘅外邊，突然停低咗口中嘅說話。

下一場商品競技表演並未開始，所以引起我注意嘅並唔係啲咩競技場面，而且正喺外邊清理現場嘅人。

由等候室望出去，幾個樂園商品正喺一個樂園守衛嘅帶領之下將MK阿叔抬上擔架床搬出去，而嗰個樂園守衛正正就係我喺商品爭奪競技上嘅對手馴鹿。

馴鹿退去左樂園主任嘅西裝馬甲，着起咗守衛嘅制服，冇咗嗰種官仔骨骨嘅感覺。

［542］
馴鹿就連面上嘅表情都失去左往日嘅商業式微笑，而係變得陰沉冷酷。

「我想問嗰個係咪馴鹿嚟㗎？」我一路望住出邊一路向野馬提問，就連我自己都諗緊會唔會係認錯。

「邊個呀？…哦係呀嗰個係佢。」野馬望出去之後好快就認到馴鹿。

「佢俾人燉冬菇？」我好快就諗到對方着住守衛制服嘅原因應該係同我有關。

「係呀，咪就係因為你囉。經過我哋嘅包裝之後，就係因為佢同你嘅恩怨，所以你先會願意成為左副園長嘅專屬商品，再加上之後又喺商品奪競技到輸咗俾你，當然就得罪咗副院長啦，於是咪變咗樂園守衛囉。」野馬同我一齊望向出邊一邊解釋俾我聽。

「哦，原來係咁。」我繼續望向出邊心入邊若有所思。

「我哋要睇路啦，馴鹿一定會對我哋心存芥蒂，先唔好講，如果佢有機會嘅話一定會對付你或者我，我哋要順利完成咗我哋嘅計劃嘅話就更加要小心佢。」夜晚將我心入邊嘅擔憂講咗出嚟。

「我知道㗎喇。」利用馴鹿都係我哋之前計劃嘅一步，所以呢個結果係必然嘅，而家都只可以見步行步。

「之後冇你識嘅人出場㗎啦，你走唔走啊？」野馬問返一開頭嘅問題。

「咁我哋走啦，我對於一啲被迫互相廝殺嘅場面冇乜興趣。」我轉身背過鐵閘門。

「所以我哋計劃嘅下一步你到底有指示未？」趁住呢個係一個我同夜晚溝通嘅好環境，我決定追問多啲我想知嘅嘢。

［543］
「好快有㗎啦，只係有啲前期工作要處理好，唔係咁容易呀，你再等陣啦。」野馬面有難色似乎真係唔係咁容易做到。

「同埋我想問，阿晴依家點樣啊？」呢段時間我一直諗起佢。

「佢呢，經過安排呢段時間雖然都仲會喺紅燈區工作，不過佢多數情況下只會服務一個已經冇晒能力嘅老人家，就連食藥都幫唔到佢嗰種，呢個客人過嚟主要係睇競技同埋一啲血腥殘忍嘅活動，之後就會去紅燈區搵一個女商品瞓喺佢大髀上面要對方氹佢瞓覺，算係佢一種怪癖掛。不過並唔係每次都可以安排到，有陣時阿晴佢都要照常工作…我做到嘅真係得咁多㗎咋！再多就會俾人發現㗎啦。」馴鹿一臉委屈，表示自己真係已經盡咗力。

「……唉，好啦唔該你。」我沉默一輪之後一聲嘆氣，聽到野馬話阿晴依然要接客我嘅心就好似比木樁打穿咗一樣，本來想怒罵對方一餐，但諗到我哋依家嘅處境，似乎佢都真係盡咗力，而冇咗佢我自己都做唔到呢樣嘢。

要真正救到阿晴，就必須盡快完成野馬嘅計劃。

「我會再努力吓㗎啦，行啦，我帶你沖個涼先。」夜晚見到我嘅反應自己都好似有少少內疚咁。

隨即我哋就離開咗等候室，野馬帶咗我去商品用嘅浴室之後沖完涼就返返去我專屬嘅房間。

野馬都算係唔話得了

［544］
野馬完成咗佢嘅工作之後就關上我專屬房間嘅房門，然後離開。

雖然喺慾望樂園呢度，我唔知道時間嘅流逝，但生理時鐘都仲係有嘅。而家明顯仲未到我平時休息嘅時間，再加上啱啱嘅商品競技表演，並唔算太激烈，我無論係精神定係肉體都講不上疲倦，於是我打開房入邊嘅PS5，開始用單機遊戲娛樂一下。

打機嘅時間總係過得好快，體感時間大概過咗接近一個鐘左右？呢個時候門口突然傳嚟門鎖打開嘅聲音。

一開頭我以為門外嘅應該就係野馬，因為佢而家係專門負責我嘅樂園職員，而我作為專屬商品，右副園長嗰邊應該唔會自己走嚟搵我，於是並無打算理會佢繼續打機。

不過我好快就已經感覺到奇怪，因為門口已經傳來打開再重新關上嘅聲音，但係入嚟嘅人仲係冇半點動靜，比着係平時嘅嘢買一早已經嘈喧巴閉。

感覺到唔對路嘅，我即刻撳停遊戲放低手掣，擰轉頭一望。

呢一幕望到我瞳孔放大成個人定格喺度。

因為我見到嘅竟然係左副園長，佢正企喺我身後面翹住手饒有興趣地望住我。

左副院長突然自己一個人走咗過嚟我專屬房間當然令我震驚，但係令我瞳孔放大嘅真正原因並唔係咁簡單。

左副院長呢個時候着住類似OL嘅裝扮，準確啲嚟講更加似係女高管，但又明顯唔係嗰種正式嘅職場衣着，而係仿嗰種風格嘅配搭。

［545］
我咁肯定嘅原因係因為左副園長喺慾望樂園入邊係唔需要着制服嘅。

一件度身訂造嘅恤衫，經過剪裁之後完美貼合左園院長上身，將小蠻腰乃至係胸前嘅線條完全勾畫咗出嚟，解開嘅頸喉鈕令到鎖骨若隱若現。

恤衫外面搭着一件裁剪得銳利嘅西裝外套，亦都係因為呢件外套冇扣上鈕扣，所以我先睇到入邊恤衫嘅剪裁。

一件貼身嘅短西裙，同樣令到咗副院長臀部同大腿根部嘅曲線展現喺我眼前。

西裙嘅底下就新出兩條着住黑絲嘅長腿，喺高踭鞋嘅襯托之下，顯得更加修長更加筆直，而高檔嘅黑絲所帶嚟嘅光澤突出咗左副院長嘅腳部曲線，黑色本身嘅神秘感同吸引力俾人一種優雅而迷人嘅效果。

呢套配搭將左副園長嘅女人味恰到好處地放大咗。

我一見到左副院長之後停咗格呆一呆，然後馬上耷低頭，因為我坐低之後嘅角度向上望就可以見到對方裙底嘅位置，雖然喺光線嘅影響之下並唔可以睇到裏面，但係嗰種好似爭少少就睇到嘅感覺，爭啲將我嘅眼球緊緊鎖住。

為咗避免引起對方嘅不悅，我只好連忙低頭，將目光移到同樣有人嘅黑絲小腿同埋比高踭鞋包裹住嘅黑絲腳上。

呢一刻嘅我由於視線向下所以唔知道，左副院長嘅臉上竟然露出咗玩味嘅笑容。

「左副院長好，點解會長你突然過咗嚟嘅？」我繼續耷低頭望住對方對腳講嘢，聲音都有少少顫抖。

［546］
「我臨時想過嚟見吓你，所以就自己過嚟冇通知其他職員啦。你住咗喺度之後，我都係第一次入嚟，不如你盡吓主人家嘅責任，幫我搵個位置放喺呢件外套先啦～」左副縣長一邊講一邊向我張床嘅位置行咗過去，並且喺中途除咗自己嘅西裝外套，放向我嘅方向。

由於我一路耷低頭，而且從來冇諗過左副園長長會叫我幫佢放好件西裝外套，所以佢講到嘅時候我先至臨時抬起頭準備接過對方嘅外套。但原來對方一早已經鬆開左手，左副園長嘅西裝外套由佢手中滑落然後順着掛咗喺我個頭上面，西裝外套內膽頸部同背部嘅位置緊貼住我塊面。

突如其來嘅西裝外套，令到我下意識深呼吸左一口氣，隨着呢一下深呼吸，一股清香撲面而來。

左副園長身上嘅味道已經因為着住呢件外套而滲咗入去。可能係因為香水，亦都可能係因為左副園長用嘅高檔護膚品或者高檔沐浴露，反正就好似一種我講唔出花名嘅花香味伴隨住西裝外套上左副園長留低嘅餘溫喺我嘅呼吸下形成一個溫暖而清香嘅暖流俾我吸入刺激住我每一條嘅嗅覺神經。

一剎那，我甚至出現咗捧住呢件西裝外套索多幾啖嘅衝動，不過好彩最後我理性戰勝咗我嘅諗法。

我將西裝外套攞落嚟，整理咗一番之後放咗係一個合適嘅位置上邊。然後我就行到左副園長嘅面前。

左副園長終於嚟喇

［547］
「左副園長你點解會想過嚟見我嘅？」我戰戰兢兢地企喺佢面前，腰骨挺到筆直。

「你唔使咁緊張喎，我就係過嚟搵你傾吓偈嘅啫，坐低先啦，啱啱完咗商品競技表演仲要企喺度唔攰咩？」左副院長指一指佢前面嘅地板。

我本來想話自己唔攰，企喺到就可以。但係我隱隱約約聽得出左副園長語氣中藏有一絲指示同命令嘅意思，所以我只好乖乖地聽話坐低。

為咗顯示得比較有禮貌，我並無選擇用盤膝而坐嘅方式坐低，而係正座喺地上。

我坐好之後望向左副園長對眼，對方正居高臨下望住我，露出滿意嘅笑容，但好快我嘅視線就俾另一樣野吸引咗去。

當我正座之後比起對方嘅眼同塊面，更接近我水平視線嘅係對方蹺起嘅黑絲腳。

甚至乎可以喺西裝短裙嘅下方望到過去，雖然喺左副園長蹺腳嘅情況下要望到入去基本上無咩可能，但反而就係依種仲差少少嘅感覺先最吸引我嘅視線。

那怕只有一𣊬間，而且我已經馬上控制住自己將視線拉番返嚟，但我嘅視線的確有不受控地望向黑絲腿同西裝裙底嘅方向，而一路望住的嘅左副園長相信亦都捕捉到我依一幕失禮嘅行為。

我望向左副園長，努力控制住自己嘅視線，而頭亦都因為自己嘅失禮垂底咗少少。

對方不但無因為我嘅行為而不悅，而且仲笑得更加媚豔。

［548］
「點啊？頭先個場商品競技表演有冇受傷啊？之前商品爭奪競技嘅傷仲有冇影響啊？有嘅記得同我講啵？你喺我珍貴重要嘅商品，我一定會提供依到最好嘅醫療俾你。」左副園長雙手翹於胸前，開始同我嘅對話。

「多得左副園長你一路安排嘅照顧，上次受嘅傷都已經好番曬啦，對我今次嘅競技表演無影響，而且老實講今次對手同競技嘅內容對我都幾有利，我基本上無受過傷就贏出咗商品競技表演。」我將情況如實話俾左副院長知。

「話晒你都係我寶貴嘅專屬商品，我都唔希望你大傷初瘉就面對高強度嘅競技表演。今次你嘅競技係我安排嘅，無論係對手定係競技內容我都幫你精挑細選過，我知道你有一次特別競技表演嘅時候俾你嘅對手打得好犀利，點啊？今次報咗仇心情有冇舒服咗啊？」左副園長一邊講，蹺起嘅黑絲美腳一邊輕輕擺動，以至於鞋踭都隨着擺動而脫落，僅僅只係得番鞋尖掛係腳趾上邊。

鞋踭嘅脫落令到左副園長嘅腳掌更加多地暴露咗出嚟，係黑絲嘅包裹之下美腳嘅輪廓完美地展露，同時亦都增添一分神秘感。

「……啊！有啊有啊，我上次同佢嘅特別競技表演係一場唔公平嘅競技，多謝左副園長你我先有機會出返啖氣。」由於望得太過入神，我居然呆滯咗一兩秒先至驚醒過嚟回答返咗副園長嘅問題。

［549］
「嗯～唔洗多謝我嘅，我以後都要用你同我吸引客人，仲有各種各樣嘅事都要你幫我～」左副園長嘅腳開始輕輕左右扭動。

「左副園長你有咩隨便吩咐我就得㗎啦。」我嘅目光不斷俾左副園長嘅腳引走，又不斷自己強行拉番返嚟，成個人相當唔自在，而且咁明顯對方一定盡收眼底，令到我相當尷尬。

「你放心，我係唔會同你客氣嘅。嚟緊安排俾你嘅競技表演就唔會咗輕鬆㗎啦，始終你係我嘅專屬商品，你最大嘅作用就係吸引客人，所以唔可以成日都係簡單嘅競技表演。當然～除非你除咗競技表演之仲可以提供到第二啲價值俾我啦，咁我可能都唔捨得你參加啲太危險嘅競技表演嘅～」左副園長嘅笑容風情萬種。

「我會盡力去做㗎啦。」我又唔小心望向對方對腳。

「ryan，你又望緊邊啊？你隻眼好似好忙喎～」左副園長鬆開翹起嘅雙手，用手支撐住床邊，身體向前傾拉近距離望住我。

左副園長向前傾咗之後，胸前嘅雙峰冇咗手臂嘅遮擋，而且喺身體前傾嘅情況下因為地心吸力嘅作用而令到胸部更加緊貼佢本來就修身嘅恤衫，雖然對方嘅2樓並冇解開到可以望到事業線或者由空隙望入去嘅程度，但係整個胸部嘅形狀大細都喺我面前展露無遺，就只係爭在顏色同皮膚嘅細節。

儘管對方雙眼嘅距離同我拉近咗好多都好，我嘅視線都比佢心口吸引住。

專屬商品要做咩

［550］
「唔係啊左副園長！你誤會啦！」雖然我知道自己好有可能一早已經被對方發現我係到亂望，但預料唔到對方會係對話中途突然出聲踢爆我，因為一直以來左副園長都有意無意地著得性感而且向我展示佢身上各處性感嘅地方，基本上可以話係有心想我望佢。於是乎依家我只可以面紅耳赤地衝口而出講係誤會。

「誤會？你唔講想同我講…連依個都係誤會？」左副園長向前伸出腳，向住我兩腿之間伸去。

我本能地下意識想向後縮，但都未開始就已經受到喝止。

「唔準縮！」左副園長用命令嘅語氣同我講，同時眼神中俾我一種不可違抗嘅感覺。

「…」我停止咗想後退嘅身體，而視線都離開咗左副園長雙眼，低頭望向正向我伸過嚟嘅高踭鞋黑絲美腿，一言不發只係心入邊不斷祈禱自己唔好得罪得左副園長太犀利以致影響到日後野馬嘅計劃。

左副園長伸出嘅腳已經接觸到我嘅身體，但佢並非直達中央位置，而係輕輕踩咗喺我大腿末端上邊，然後再向橫移動。當佢移動到我兩腿之間嘅時候就好似車輛遇上防撞柱一樣被擋住左，而依條防撞柱自然就係我嘅陽具。

由左副園長入嚟我房間嘅一刻，我基因中屬於男性本能嘅部份就已經按耐不住蠢蠢欲動，係自己依靠住係慾望樂園中磨鍊出嚟嘅堅忍心性，所以先成功守住第一回合。

［551］
只不過，我成功守得住嘅都只係得第一個回合。

當左副園長將自己嘅外套掉到我臉上嘅時候，個種對方身上嘅温暖氣息就好似費洛蒙一樣經由我嘅嗅覺神經直達大腦，將我苦苦建立嘅心理防禦摧毁得一乾二淨。

喺咁嘅情況之下我嘅心跳猛然加速，全身血脈沸騰，盡管我依然力挽狂瀾控制住自己，但始終有啲位置係控制唔到嘅，首先就係忍唔住亂望嘅雙眼，然後就係血液不停流向嘅下體。

隨着血液不停地供應過去，我嘅下身都慢慢甦醒膨脹變大，角度亦都越嚟越高，唔洗好耐我企係到嘅話左副園長一定會睇副我跨下嘅突出。

不過好彩左副園長好快就叫咗我坐到佢面前傾，而依個都係我選擇咗正座嘅原因，因為雙腳夾埋可以更好地隱藏自己嘅失態。

本來我打算喺正座之後同左副園長交談嘅依段時間入邊冷靜番自己以回復正常，但係對方根本唔俾我有依個機會，一路對我作出全方位嘅攻勢。

總總因素就導致咗左副園長嘅腳撞上我已經完全充血嘅下體依一幕。

而依一刻嘅我已經無地自容，完全唔敢望向對方，只可以心入面一直祈禱事情唔好變得太壞。

左副園長嘅腳撞上咗我下體之後並無就咁停落嚟，而係用著住高踭鞋嘅腳隔住我嘅囚服，沿住我下體周圍嘅輪廓游走，彷彿喺度描繪緊我下身嘅形狀，最後扶搖直上踩住我龜頭輕輕咁磨擦。

［552］
雖然只係輕輕磨擦，但我下體上嘅神經早已經變得相當敏感，刺激令我忍不住地顫抖，就連呼吸都漸漸變得急速起嚟。

「睇嚟你個誤會都幾大，仲好硬添嚟～」左副園長終於將腳移開咗我嘅身體，用挑逗嘅語氣借我之前所講嘅說話嚟潤我。

雖然左副園長停止咗腳上邊對我下體做嘅動作令我唔洗繼續受到刺激，但我心入邊竟然出現咗一種失落感，令我不得不佩服對方控制同掌握人嘅能力，但同時心入邊仲有一種對於阿晴嘅罪惡感，雖然身處慾望樂園身不由己，但總有一種好似出軌嘅感覺。

「左副園長對唔住…」事到如今盡管我認為對方係有意為之，但我只好向對方道歉。

「哦？你對唔住啲咩啊？」左副園長反問我。

「我做出失禮冒犯嘅行為，對左副園長你有反應…」我將事情照直講出嚟，內心嘅羞恥感越嚟越大。

「Ryan，抬起頭望住我。」左副園長再次同命令嘅語氣向我作出指示。

我當然無有不從，乖乖地重新抬起頭望向對方。

「我～靚唔靚啊？」左副園長向我拋出問題，而且臉色亦都越嚟越紅潤。

「左副園長你好靚。」我當然只可以咁答，但同時我都無講大話，依個係我嘅真心話。

「咁你講下邊到靚～同埋你係點樣睇到去依家硬曬嘅？」左副園長表情充滿玩味，要進一步用言語刺擊我，我嘅羞恥感越大佢就越係滿足。