《慾望樂園》（2）

護士咁撚醒嘅

咁多位大佬對唔住病到仆街，要delay一兩日

唞下

［469］
「係…一個護士竟然可以做到呢啲嘢…」我呢句說話並唔係稱讚。

「係咪啊！出邊嗰啲護士一定要醫生喺度先可以做呢啲手術㗎！我自己一個人就搞掂啦！仲要一次投訴都冇收過！」護士驕傲咁講述自己嘅事蹟。

［你梗係一次投訴都冇收過啦，對方死咗啦。］我心入邊暗想，同時諗起上次睇到護士嘅事蹟。

「嗰邊間房仲有我啱啱做完嘅標本啊！要唔要我攞過嚟俾你睇吓～」護士舉起手指指向太平間嘅方向。

「唔使啦，一陣打爛就唔好啦。」知道隔離有啲咁嘅嘢，已經令我相當心寒，更加唔好講要攞到我面前俾我睇。

「唔好意思，護士你喺邊啊？」醫療室門口傳嚟開門嘅聲音，隨即野馬就開口講嘢。

救星終於都到啦！我內心嘅喜悅令到我爭啲做唔到表情管理。

「係～我依家過嚟等我一陣吓～」護士隨即就向門口方向回應，並且轉身離開。

「咦？咩事咁多人嘅？你哋攞住張擔架床做咩啊？」護士語氣充滿疑問。

「安照左副園長嘅意思，我哋為18號準備咗專屬嘅房間，依家係嚟送佢過去㗎。」野馬向護士解釋。

「吓？但係佢依家未好返喎，留喺呢度治療會好啲。」護士聽起上嚟就相當唔情願。

「呢個係左副園長嘅安排，我哋會定期請醫生過去檢查㗎喇。」野馬語氣勢在必得。

「醫生今日唔喺度，我要問吓醫生嘅意見先。」護士仲喺度做緊最後嘅掙扎。

［470］
「唔使啦，我哋已經通知咗醫生佢，佢話咗應該冇乜大問題，只要定期檢查複診就可以啦。」野馬果然已經做好萬全準備。

「咁…」護士似乎亦都已經冇晒乎。

「冇咩特別嘅我哋就接佢走啦，左副園長交帶落嘅事，我希望可以盡快完成。」野馬見對方講唔出更多阻撓嘅說話，就馬上要開始工作。

數個腳步聲由大門方向行過嚟，帶頭嘅野馬將我病床周圍嘅布簾拉開。

床簾一被拉開，我就見到野馬同後邊兩個帶着頸圈，抬着擔架床嘅兩個商品。

「18號，你頭先都聽到我同護士對話㗎喇，依家要帶你過去左副園長安排俾你嘅專屬房間。」野馬對我講。

「我聽到，無問題。」我當然樂意配合。

「做嘢，帶佢走。」野馬指揮身後嘅兩個商品。

佢地將擔架床調校到我病床嘅高度，準備將我抬過去，而我都主動配合，移動到合適位置，雖然過程中多少有啲痛，但一啲都唔係問題，只要可以離開，依啲算得係咩。

終於我完全訓咗係擔架床上邊，野馬見已經準備好，就準備出發。

我地離開病房，就見到護士企係出邊，護士成塊面黑晒，嘴角下揚，眼神中透露不友善。睇嚟護士都意識到，我同野馬傾完冇耐就發生呢啲事，一定係我向佢提出嘅。

護士就好似受到背叛一樣，誇張嘅妝容係佢依副表情之下，顯得更加恐怖。

［471］
「都係屍體好，總有一日你都唔會再拒絕我…」就喺我嘅擔架床由護士身邊經過嘅時候，我就聽到護士細細聲底語。

我全身都起曬雞皮，唔敢再望向護士以免再有啲咩眼神交流，滿心都只係希望野馬快快手手帶我走。

終於，我地穿過咗醫療室嘅大門，成功離開咗依個有護士喺到嘅鬼地方。

一路上，野馬都喺旁邊帶路指揮另外個兩名商品，同我一句說話都無交流過，不過都係我嘅意料之中，要係其他兩個商品面前同我交流仲要演住戲，都係咩都唔做最穩陣安全。

好快我地就到達咗目的地，就係我之前住過一段時間嘅商品渡假屋，野馬用佢嘅職員手錶打開咗大門。

兩個商品將擔架床推入房間入邊，我馬上觀察房間嘅內部，基本上同上次一模一樣，除咗一個地方之外，房間嘅天花板多咗一個監控鏡頭。

同時我仲留意到兩個商品嘅表情，佢地兩個應該從來未喺慾望樂園住到過依種地方，兩個人嘅表情就好似大鄉里出城一樣不斷掃視依個房間入邊佢地平時見唔到亦都享受唔到嘅物品。

我被兩名商品小心地移動到睡床上邊。

「你地嘅工作完成啦，到門外邊等我。」野馬隨即就向兩名商品發出指示。

然後野馬就關上大門，彷彿唔怕外邊兩個商品走咗去。

不過都係嘅，樂園內部充滿監控系統，對方一但逃跑，馬上就會被電低，然後就等住接受可怕嘅後果。

人地護士姐姐拎個真心出嚟
比主角咁樣背叛又真係唔係咁好
加番啲甜俾佢地啦

實有機會既
你慌主角唔會再受傷咩

佢中間講嗰句好恐怖
咩唔會再拒絕，睇個款似想殺人

［472］
我諗唔會有人蠢到會係毫無準備嘅情況之下逃走。

「既然你咁努力成功成為咗左副園長嘅專屬商品，理所當然地我哋都唔會虧待你，呢一度就係其中一樣獎勵，以後你就可以喺自己專屬嘅房間入邊休息，享受到其他商品冇嘅待遇。當然啦，只要你繼續交出好嘅表現為左副園長效勞嘅話，你仲可以有其他嘅優厚獎勵。」野馬一本正經地同我講。

見到野馬呢個語氣，好明顯閉路電視就係左副園長特登安裝嘅，等佢可以隨時監視住我一舉一動。

「我知道㗎喇，咁麻煩你幫我同左副園長講聲多謝啦。」呢個監控好可能仲有埋收音嘅功能，所以我都陪野馬跟返劇本演戲。

本來我仲諗住嚟到呢度可以聽野馬好好解釋跟住落嚟嘅行動，睇嚟都係要俾啲耐性。

「嗯，以後相關於你嘅事務都係由我負責，有咩特別嘅話你可以撳一撳呢個掣，然後留低口訊。我嘅手錶就會收到通知。」野馬向後指一指房門旁邊，上面多咗一個白色嘅盒仔，上面有一個收音位置同埋按鈕，類似住宅大廈入口用嚟聯絡住戶嘅裝置。

「嗯，我知道啦。」我點一點頭。

「咁你喺到休息啦，聽日醫生會嚟同你覆診。」野馬講完依一句之後就轉身離開。

野馬打開房門、門外嘅兩個商品果然乖乖地聽話喺房門外等候指示，隨住房門關上，房間入邊就止係得番我一個。

［473］
儘管係得返自己一個，但係我頭頂上嘅閉路電視鏡頭總係令我覺得有人望住我。

要適應得到，睇嚟都仲需要一啲時間。

「哈～」一股倦意令到我打咗一個喊露，睇嚟身體都提醒我依家需要休息多啲。

反正以我依家嘅身體狀況最適合都係瞓喺到，得合埋眼好快就進入咗夢鄉。」

「啊～商品爭奪競技嘅報告反饋相當好～依家最受歡迎嘅競技商品就係你啦ryan，而你依家仲要喺我手上。嗯～好快，好快我嘅業績就會大大拋離。」喺閉路電視鏡頭嘅另一邊，左副園長正喺自己辦公室一手攞住一份文件，透過前面嘅電腦螢幕睇住ryan。

「我會令你變成我最忠心聽話嘅獵犬～心甘情願地為我所用～」左副園長臉色泛紅呼吸韻亂，睇住閉路電視畫面嘅同時原來另一隻手早已經放咗係跨下兩腿之間，手指正不斷滑動打圈，沾滿滑溜嘅液體。

一覺瞓醒，除咗同阿晴嗰次之外好耐，好耐未試過瞓得咁舒服，房間裏面燈火通明，因為一直都係開住燈瞓，所以從來唔使擔心一瞓醒光度打唔開眼嘅問題。

雖然房間入邊有燈嘅開關，但係實在懶得拖動疼痛嘅身體去關燈，而且我身體急需休息，就算唔關燈都一樣瞓得好好。

係密不透風嘅房間入邊人所感覺得到嘅時間流動係漫長嘅，更何況房入邊就只係得我一個人，但就正好為我提供咗一個可以好好思考嘅環境。

［474］
我再次係腦海入邊整理依家嘅情況，我已經成功通過咗商品爭奪競技成為左副園長嘅專屬商品，按照野馬之前所講我依家要做嘅就係得到左副園長嘅重用同信任，但之後就可以點呢，到底野馬之後有咩方法可以瓦解依個地方，我又點先可以同阿晴佢地離開依到。

一切都係要等到野馬再次向我現身解說，但好明顯呢間房唔係一個合適地方，應該要等到我再次參加競技比賽去到等候室或者中轉站嘅時候，野馬先有機會同我講。

只係我而家嘅狀況絕對參加唔到，當務之急係要盡快養傷。

暫時整理到嘅，大概就係得咁多。冇時鐘嘅幫助我根本唔知道時間已經過咗幾耐，我先可以瞓喺床上面望住天花板發呆。

咯，咯，咯。

就係我百無聊賴之際，門外傳嚟敲門聲，未等我作出任何回應，門鎖走嘰咔作響，隨即被打開。

帶頭嘅野馬帶住醫生同護士入到嚟。

「我係嚟帶醫生護士佢哋同你檢查㗎。」所有人都入到嚟之後野馬關上門並同我講。

「嗯，麻煩晒。」我回應道。

「醫生，咁唔該晒你地啦。」野馬伸手向住我嘅方向做出請嘅手勢，示意醫生可以開始工作。

隨即醫生同護士就嚟到我床邊，拉起我嘅囚服帶起聽筒檢查呼吸心跳。

「痛唔痛？」醫生按壓我嘅身體，檢查受傷嘅位置。

「有少少。」我無論係邊個位置我嘅回答幾乎都一樣。

個護士係正常嗰個定戀屍嗰個？

向來都只有一個

左副園長同護士爭主角

點都要加甜啦

［475］
「比起上次係好咗少少，恢復嘅情況唔錯，上次我都同野馬講過，不過當時你未醒所以冇聽到，咁我依家再同你講多次。要完全恢復起碼一個月時間下一，不過以依家恢復嘅進度，應該一個星期左右，你就可以進行嘅啲休閒嘅低強度活動。」醫生同我進行完檢查之後同我講。

「好返晒要成個月啊？」我內心覺得一個月時間好似有啲長，可以嘅話希望可以盡快同野馬繼續下一步嘅行動。

「要好返晒就要一個月，不過要參加競技嘅話應該兩個星期狀態就可以應付到。你好急着去死咩？…不過都未必有得你揀㗎喇。」醫生感覺上好似為我感到唏噓，而眼神亦都總係逃避直視我。

「好，唔該晒醫生。」醫生嘅說話令我有啲唔習慣。

「護士，幫佢抹一抹身，然後換藥啦。」醫生向身後嘅護士交帶工作。

「咁我走先啦，跟住嘅嘢護士會負責處理。」醫生起身之後轉身向野馬講。

「唔該晒，咁我就唔送啦，有需要我再通知你，麻煩晒。」野馬隨即為醫生打開房間房門。

醫生亦都離開咗房間。

護士一言不發地將我囚服上嘅拉鍊拉開，拆開我身上嘅繃帶藥貼，然後喺一盆熱水入邊攞出毛巾開始幫我抹身體。

今日嘅護士雖然依然係嗰個濃妝艷抺，著衣大膽嘅護士，但係就一改風格沉默寡言，而且由表情可以睇得出佢今日嘅心情好撚曳。

［476］
「真係麻煩晒你。」我嘗試同護士講嘢。

「…」護士一啲回應都唔俾我，仲加大咗抺身嘅力度，好明顯佢仲為琴日嘅事而感到耿耿於懷。

「啊…痛…」因為護士加大咗力度，於是抺到我傷得比較重嘅地方個時我痛得叫出聲。

但護士依然完全無理會過我，繼續用力抺落我身上邊。

抺完身之後，護士再幫我受傷嘅位置上藥。

「我嚟依到喺因為有機打啊，你睇吓，個到有部ps5。」我離開嘅原因當然係為咗避開佢，但我考慮到日後我都難免受傷，總唔可能做到完全避開護士，講個友善嘅謊言打番好少少個關係似乎都無咩壞處。

「…」護士依然都係無回應我，但係我知道佢心情已經比起頭先好番啲，因為佢上完藥之後本來幫我纏繃帶嘅時候一開頭好大力，血都差啲流唔過血管，但依家溫柔咗唔少，只係怨氣依然存在，可能因為我句說話可以理解做ps5 比起佢更加吸引。

而我望一望野馬，雖然喺鏡頭之下佢一副撲克臉咁望住我，但佢內心一定係十萬個為什麼咁充滿疑問。

唔係過咗好耐，護士就幫我換好藥。

「野馬～我依邊啲工作做好曬啦～」護士起身走近野馬。

「哦，好，咁我依家開門比你。」野馬都呆一呆。

「嗯～人地咁辛苦做完啲野～頭先你都同醫生講辛苦曬但係又唔賠我講嘅～」護士用撒嬌嘅語氣講。

［477］
「啊…辛苦曬你啦，唔該曬，有需要我會再搵你㗎啦。」野馬一邊講完一邊快快手打開門。

「咁好啦下次見啦～」護士揮手向野馬道別，離後就由房門離開。

野馬都只可以禮貌地微笑點頭示意。

護士走咗之後，野馬馬上關上房門，就算佢依家背向我都好，我都睇得出佢先係倒抽一口涼氣，然後吞啖口水鎮定一下自己。

經過簡單整理之後，野馬再次轉身望向我。

「左副園長本來想我係你正式成為佢專屬商品之後盡快帶你去見佢，只不過左副園長知道你經過同馴鹿嘅商品爭奪競技一役之後受咗傷，出於仁慈同惜才嘅心，左副園長決定俾你好好地專心休息養傷而推遲會面。不過等你嘅身體恢復到可以行動嘅時候我就會盡快帶你去面見左副園長，過多幾日醫生會再嚟檢查，你休息多啲唔好要左副園長等咁耐。」野馬話中有話。

「嗯，我知點做架啦。」我簡單回應野馬，野馬說話中嘅意思就係同我講，要向我解決計劃嘅詳情定係推進計劃嘅進展，首先都係要等我好番到一定程度先得。

「既然你清楚明白嘅話，咁我都唔阻住你繼續休息啦。」野馬交待完佢要交待嘅嘢之後就打開門轉身離開。

房入邊又再得番我一個人，啱啱先訓醒嘅我百無聊賴，只好係床上邊簡單輕輕咁郁動吓自己身上嘅關節，就當幫自己做吓復健運動。

左副園長咁心急想食rysn

仲有ps5玩

睇漏咗
左副園長係乜嘢性別？

女，仲要係正嗰類

［478］
或者係我做康復運動真係有幫助，或者係瞓喺度實在太過百無聊賴，又或者我內心已經急不及待想繼續之後嘅計劃，都可能係咗副園長特登吩咐醫生為我用上最好嘅藥。總而言之喺各種各樣因素嘅作用之下，我嘅康復速度有着飛一般嘅進展。

醫生過嚟檢查，我只不過係琴日嘅事。而今日嘅我係一瞓醒之後，身體已經輕鬆咗好多。

經過喺床上邊一輪禪城嘅活動身體之後，我小心翼翼輕手輕腳咁落床。

依家我已經可以緩慢地輕輕走動，有咗一定活動能力嘅我馬上就可以擺脫百無聊賴嘅時間。

我開始幅度更加大嘅康復運動，伸展呢幾日因為長期瞓喺度而僵硬嘅身體。

去到攰左就可以用PS5打吓機，或者睇吓書架上嘅小說。而且定時定候野馬都會帶商品過嚟為我送上膳食，每次都係精心準備為我量身打造嘅藥膳。

雖然成日都會見到野馬，但係基本上冇乜交流，佢好快就會離開。但係我知道，只要過多幾日等我身體狀況適合見左副園長，一有機會就可以由野馬口中得知更多細節。

咯，咯，咯。

門外面傳來敲門嘅聲音，隨即門鎖就被打開，野馬行咗入嚟，身後邊仲跟住醫生同護士。

「今日就係醫生再同你複診嘅日子。」野馬向我講。

唔經唔覺就過咗幾日嚟到再次複診嘅日子。

「醫生咁繼續要麻煩你啦。」同上次一樣野馬將手伸向我嘅方向，對住醫生做出請嘅姿勢。