【校園／愛情】戀上鄰家女孩（布甸篇）

95.

經過咁多次經驗，只要個女仔向前走咗去，我都識得運用本能反應追返上前。

「曉琳。」

「嗯？」畢竟呢個女仔好容易就心軟，而子瑜一嬲就只會一味向前衝唔理人。

「你有咩想同我講？」

「吓？無呀。」但當我親口問到嘅時候，曉琳又欲言又止，耷低頭個樣心事重重咁。

而直覺同經驗話俾我知，曉琳真係有啲嘢想同我講，因為我覺得佢唔係嗰啲會呃人使心機嘅女仔，既然講得出有嘢想講，就真係有嘢想講，差在係佢呢刻可能未想講住，或者係件事難以啟齒好難講出口。

不過無論點都好，今晚我都係注定要送曉琳返屋企，呢段熟悉嘅歸家路，我同曉琳真係行過唔知幾多次，但係我已經好耐無試過有人陪我一齊放學，雖然依家我身份唔同咗，但呢刻同佢一齊重遊舊地，其實個感覺都幾特別，我都唔知點樣形容好。

仲要我哋都算行得幾埋，搞到耐唔耐我哋兩個手臂就會互相撞下撞下，話就話呢啲身體接觸好普通無乜嘢，之但係一男一女一齊行，唔等如會包呢啲身體接觸㗎嘛，至少芯玲同我就唔會有呢啲嘢發生。

一半路程過後，嚟到少人啲嘅地方，忽然間曉琳就捉住我手臂，放慢咗腳步，細細聲咁叫我。

「陳佑男。」

曉琳細聲到，我幾乎聽唔到佢叫緊我，然後馬路旁邊突然有架大貨車轟隆轟隆咁經過，駛過嚟嘅時候發出嘅噪音就好似打斷咗曉琳繼續講落去咁。

「做咩事？」等到貨車駛遠之後，我不自覺咁用返啱啱曉琳嗰種聲量去問，好似怕講嘢大聲啲都會傷害到佢咁。

但只見佢擰擰頭唔願意再講落去，不過捉住我嘅嗰隻手依然無放開不特止，反而仲要箍得更實。

雖然我同曉琳依家嘅關係應該只係純粹同班同學，但俾佢咁樣小鳥依人箍住隻手，你話無任何感覺我諗都無人會信。

「曉琳？你又話有嘢想同我講嘅？」

「嗯嗯。」

你個衰妹其實係咪仲鍾意緊我，我知道我咁樣諗好自以為是，但直覺話兼且呢個禮拜所發生嘅事話俾我知，可能性應該幾高？

「咁係啲咩？」我再問。

不過曉琳依然係擰擰頭唔願意講，呢個時候我哋兩個直頭係停低咗腳步，成條路除咗旁邊馬路啲車不停高速來來回回之外，附近一個人影都無，而頭頂一盞淡黃黃嘅街燈映照底下，將我哋兩個影子照得長長的，但我回過頭來時發現曉琳眼眶原來早已泛紅。

「其實我好驚…唔知同邊個講好…」

如果我哋兩個唔係貼咁埋嘅話，我可能直頭唔會為意到曉琳終於再次開口。

「你想講嘅話，我都會聽。」

曉琳再一次擰擰頭，肚裡面句說話似講到嘴唇邊但又收返埋，跟住就扁扁嘴耷低頭望住地下，而且個樣仲有啲委屈咁。曾經有一剎那，我唔記得咗我哋兩個已經分咗手，曾經有一刻，我後悔係我令到我哋兩個要分開，曾經有一瞬間，我想重新拖返住你對手。

又有一架大貨車近距離轟隆轟隆咁喺我哋旁邊駛過，偏偏曉琳要揀呢個時候先至開口講嘢。

「陳佑男你...可唔可以應承我，一陣我講嘅嘢，唔可以同任何人講...」

好彩我都仲勉強聽得到。

「就算係芯玲佢哋都唔可以講...」曉琳再補多句。

雖然我唔知咩事，但如果連芯玲都唔知得，咁應該係幾緊要下？當下我個心情都即刻認真起嚟。

「可以啊，我應承你。」我正經回答。

呢一句我應承你，其實好容易講到出口，不過我都心知肚明過往我每次應承曉琳嘅事，最終係無一件可以做到，我只係希望今次會係例外，那怕就只係得呢一次都好。

「勾手指尾吖。」

曉琳隻手指尾喺件長袖冷衫裡面慢慢伸咗出嚟，放喺我面前，而我梗係知道，曉琳習慣勾完手指尾之後，仲要用埋手指公蓋埋印咁先至叫做禮成。

我哋兩個手指尾交織嘅一剎，手指公就接住好有默契咁互相觸碰，熟悉嘅動作一氣呵氣就完成，跟住曉琳就慢慢哄埋我耳仔邊，最後輕輕講咗一句說話。

我聽完之後擘大雙眼，幾乎俾唔到任何反應...

係咪老土到搞大咗

搞大咗

爸爸唔好唔要我

喂其實我仲未查清楚曉琳夠十六歲未

我買左件好性感既泳衣呀

唔係有咗呀嘛準備寄刀片了

之前佢已經買咗件性感內衣
所以唔可以咁貪心的

小心唔好寄錯隔離屋俾咗子瑜

曉琳：「我有咗。」

唔好呀

男哥要負責任

等你

推

又冇文

製作中

加油

文

幾時有文

推。

樓主製作完未？

96.

好衰唔衰，呢個時候仲要玩埋啲咩天有不測之風雲，個天居然嘩啦嘩啦咁落起狗屎，一下子將我同曉琳淋到變落湯雞，仲要呢個季節啲雨係凍冰冰嘅。

「死啦，我無帶遮。」我匆匆忙忙摷勻晒成個書包。

「我都無啊。」

「點算好，大肚婆唔淋得雨…」我一邊喃喃自語，一邊伸隻手入書包裡面摷多次睇吓係咪真係無帶遮。

「咩啊？咩大肚婆？？」

弊傢伙！唔小心衝口而出居然仲俾曉琳聽到，咁之但係個書包無遮就係無遮，再摷幾多次都係嘥時間。

「行得喇。」然後我索性舉高個書包遮住曉琳頭頂。

「吓？咁你咪會濕晒？」

「唔理得咁多，總之你唔可以淋濕唔可以病㗎！！」依家應該兩條人命？黐線我點會喺呢啲時候諗啲咁嘅嘢。

點知曉琳伸隻手埋嚟，翹住我手臂，仲要成個身挨埋嚟，好彩我個書包勝在夠大，曉琳身材又夠窈窕，佢縮咗個身埋嚟咁啱一個書包勉勉強強都夠兩個人用，雖則我半邊身都係要捱淋雨。

「我OK啊。」曉琳淺淺一笑，就係咁我哋兩個靠住我個書包，向住曉琳屋企涉住水一步一步小心翼翼咁行。

「小心啊！前面有個水氹。」

「見到啦見到啦。」

我都唔知點解，明明落緊狗屎，明明曉琳面對緊咁大件事，偏偏佢依家仲都可以咁樂觀咁活潑，見到面前個水氹好似仲想踩隻腳落去玩咁。

而我亦都唔想去深究，其實曉琳自己都有一個書包，做咩我哋兩個唔簡簡單單一人一個書包自己擋雨，係要兩個人逼埋一齊。

我發覺，男女之間嘅相處，好多時有啲位係唔能夠用常理解釋到，而既然解釋唔到，咁倒不如留返啲懸念好似仲好，尋根究底只會破壞咗當下個氣氛。

總之呢，呢場雨就無停落嚟嘅跡象，我同曉琳行吓行吓就行到返去佢屋企樓下，龍叔離遠見到我哋兩個咁狼狽，已經走咗出嚟準備好開門。

「唔該龍叔～」曉琳輕輕向龍叔點頭。

曉琳呢個女仔就係咁有禮貌，咁討人鍾意…喂喂咪住先？做咩曉琳你拉埋我入嚟大堂嘅？

「龍叔你都識佢啦，咁唔使登記訪客啦。」曉琳回頭對住龍叔笑咗一笑，龍叔就對返住我點一點頭，我都話我無利是俾你…

「曉琳？」結果我俾曉琳一直帶咗入嚟電梯大堂，話說印象中今次係第一次同曉琳喺呢度一齊等搭𨋢，對上嗰次去曉琳屋企都係我自己一條友搭。

「你成身濕晒又無遮，出面仲咁大雨，上嚟吹乾個身先啦，反正我爹哋媽咪今晚有排都未返。」

「怕唔怕打攪到你…？」我望住部𨋢慢慢由三十樓落緊嚟，刻意避開咗曉琳眼神。

「點會呢。你…你頭先唔係諗住…就咁返屋企抌低我啊？」

無喇無喇，只要曉琳一撒嬌，我就會投降，何況依家我搞到曉琳咁，如果我就咁一走了之，我就真係會變成一個徹頭徹尾嘅衰人，到時候曉琳傷心起上嚟報警拉我去坐監，咁我呢世人就玩完係咁先。

「無啊，邊有呢？」

「算你啦，有𨋢到啦。」

誰不知上到曉琳屋企，除咗鞋之後曉琳就二話不說捉咗我入佢間睡房，閂埋道房門，啪著盞房燈，然後居然直接開始喺我面前除襪。

「你換衫咁我出返去先好似好啲…」當我諗住扭開門鎖出去嗰陣，曉琳就一手抆住我。

「唔好啦，你過嚟吖，可唔可以除咗條校裙拉鍊？件衫濕咗我掂唔到個釦…」

我都唔明件衫濕咗除唔到拉鍊個邏輯係喺邊，亦都唔知曉琳究竟諗緊咩，孤男寡女共處一室仲要竟然擰轉身叫我幫佢除咗條拉鍊，雖則我見過晒曉琳赤裸裸嘅胴體啫，但我覺得我哋都分咗手，呢啲咁親密嘅接觸好似唔係咁好，不過我又諗唔到有咩理由可以托佢手踭。

「可以嘅...不過曉琳啊，你頭先喺街度同我講嘅嘢...係真嘅？」

為咗唔好令自己諗衰嘢，我決定一邊幫佢解釦，一邊傾返啲嚴肅嘅話題，但結果一除低條拉鍊，曉琳條冬季連身裙就應聲倒地，全身剩返件白色長袖恤衫，下身露晒成對腳出嚟乜都無剩。

「你等我一陣吖…」

曉琳就咁露咗兩條長腿出嚟，跨過咗地下條裙，跟住行埋去書枱面前，喺櫃桶裡面拎咗支白色棒仔出嚟，然後又走返埋嚟我面前遞俾我睇，但除咗支棒仔，我仲睇到佢件白色長袖恤衫濕透咗之後若隱若現嘅胸圍。

「嗱…你自己睇…」

「兩條線嘅意思即係…？」我嘗試逼自己視線避開曉琳嘅春光，伸手接過支棒。

我望住支棒仔嗰兩條紅色線，一條深色一條淺，平時聽人講就聽得多，但講到實物我又真係第一次見。

「你會負責㗎可…？」曉琳最尾仲嘟起咗個嘴仔，楚楚可憐咁望住我。

「我…」

新讀者你好