【校園／愛情】戀上鄰家女孩（布甸篇）
深夜甜品
880 回覆
27 Like
2 Dislike
係呢個位停
點解唔講事實
有好多嘢明明只要多個腦就可以搞掂，但係點解男主角次次都要自己嚟
有好多嘢明明只要多個腦就可以搞掂，但係點解男主角次次都要自己嚟
本來想寫多一段，不過我搬咗落下一集
好難講出口，何況講出嚟子瑜都唔會幫到啲咩，又會搞砸咗幽會個氣氛，只要子瑜唔問到，佢連講嘅動機都無，而咁啱又有留堂做擋箭牌唔使去探病
其實都唔係，始終女仔最知女仔諗乜，講咗俾子愉聽，佢就已經會諗到可以點拆
有道理，只能夠講，佢無朝住解決問題個方向諗...而係選擇拖字訣
咁就只會傷害所有人
87.
去到曉琳屋苑樓下個迴旋處之後，我抬頭望上天，夕陽經已沉沒於山嶺之下，僅餘嘅一曙晚霞亦幾近消散，然後我拎部電話出嚟打俾曉琳，但就緊張到啖口水卡住喺喉嚨差啲講唔到嘢。
「曉琳…我到咗喇。」
「嗯，你直接上嚟吖，我同咗龍叔講，佢會俾你入嚟㗎喇。」就咁聽佢把聲就同平時無咩分別，依然有佢嗰種柔情蜜意嘅感覺。
曉琳仲講埋佢個單位俾我知叫我記住，雖然我送過佢返屋企咁多次，但就從來未試過登門拜訪過佢香閨。
正如曉琳所講，保安龍叔離遠見到我已經笑到四萬咁口幫我開門，唔講仲以為我係呢度長期住客，跟住仲幫我用佢張保安卡嘟一嘟之後㩒埋𨋢，服務咁周到，唔知道曉琳施咗啲咩魔法。
呢刻我去諗點解曉琳要我上佢屋企其實都無意思，話唔定上去到就係同我講分手，不過做錯事嘅人係我，最終我哋要走到呢步我都無得怪人，要怨就怨自己個心一直裝住兩個女仔，但點都好，我都唔想再見到曉琳唔開心。
雖然我都再無咩資格咁講，明明佢嘅痛苦就係我一手造成。
「56樓，升降機門正在打開———」
終於嚟到曉琳屋企門前，我整理一下儀容，揹返好個背囊，拍一拍塊面幫自己打氣，深呼吸一口氣之後，我細細力㩒落個門鐘度。
清脆響亮嘅一聲叮噹，大門隨之輕輕打開咗一條隙，跟住就聽到腳步聲急促咁跑走咗，但唔見曉琳踪影。
我推開門探頭望入去，成間屋無著燈，雖則未至於完全漆黑一片伸手不見五指嗰種，靠住窗邊殘餘嘅霞光都仲可以依稀望到間屋大致上嘅輪廓。
「曉琳…？」
無應我，點解有啲似惡作劇嘅感覺，但頭先有人開門俾我，即係裡面一定有人，唔知曉琳搞啲咩古靈精怪嘅嘢出嚟。
「曉琳你喺邊呀？做咩唔開燈嘅？」
我擰轉身閂好道門除埋對鞋之後，嘗試搵吓呢間屋嘅燈掣喺邊，但我真係第一次上嚟曉琳屋企，完全係人生路不熟，我都唔敢亂咁摸，而當人類嘅視覺受到障礙嘅時候，聽覺同嗅覺就會自動提升，不過呢一刻四周圍都好靜，反而我就聞到曉琳間屋散發一陣甜絲絲嘅香薰味。
「唔准開燈啊，你過嚟我間房吖。」忽然間聽到曉琳把聲，我順住佢聲線方向，戰戰兢兢咁行過去，驚唔小心撞到佢屋企啲傢俬，亦都驚走錯方向，行咗幾步終於俾我見到有類似房門嘅形狀。
「咁我入嚟啦。」
「你除咗鞋未㗎？」我聽到曉琳把聲只係近在咫尺，更加肯定自己唔會入錯房。
「除咗啦。」
我對眼慢慢習慣咗黑暗之後，都開始隱約睇到眼前呢間房嘅細節，有幾隻毛毛公仔放咗喺床頭，的確係女仔房常見嘅擺設，至少子瑜張床都係咁，但就始終唔見曉琳嘅身影，唔知佢匿埋咗喺邊。
正當此時，忽然間我感覺到有人用塊布之類嘅物體，從後揞住我對眼，本來都叫做開始慢慢睇到嘢，家陣就真係乜都睇唔到。
「喂喂…做咩事啊？曉琳？」呢次弊喇，會唔會係因為我hurt得曉琳太傷，佢表面話想同我見面，實際係想報仇…
「唔准嘈亂巴閉呀，乖乖地過嚟瞓喺度，嘩你好重…」把聲的確係曉琳無誤，我估頭先佢就係匿埋咗喺房門內側，等我一入嚟就從後偷襲我。
跟住我手腕俾佢扯住行咗兩步，再嚟後腳踩前腳一個失平衡，當我以為自己準備要跌落地嘅時候，背脊已經糊里糊塗咁撻咗喺張軟綿綿嘅床褥上面，撲鼻而來係一陣熟悉嘅味道。
我索咗一啖，無錯！就係平時我哄個頭埋曉琳件校裙度，聞到嘅嗰陣少女香味。
「對唔住啊曉琳，有咩事可以慢慢商量…我以後都唔敢啦…」
「依家未輪到你講嘢住啊。」去到呢刻，我都好肯定面前呢個女仔係曉琳，但真係唔知道佢跟住落嚟會想對我做啲咩。鞭打我？定係剝我光豬再趕我落去遊街示眾？
點知道佢直接騎咗上嚟我度，唔係講笑係真係坐咗喺我個肚對落個位置，而且用佢身體重量將我個人壓喺張床上面，但我連個背囊都仲未除㗎。
「啊！曉琳...我個背囊...哽住咗我背脊，可唔可以除咗佢先。」裡面仲有你今日啲功課㗎曉琳...
「咁麻煩㗎你，嗱幫你除咗喇，咁唔差在除埋件恤衫去啦～」
咩話！？呢頭我背脊feel到個背囊無咗之後，嗰頭我心口已經開始涼涼地，曉琳喺度逐粒逐粒咁幫解開件恤衫啲釦。
「陳佑男...我話過，只要你贏到接力比賽我就可以俾你，我唔似得你啊，我應承過你嘅嘢，我係會遵守諾言㗎...」然後曉琳一啖錫落我嘴度…
去到曉琳屋苑樓下個迴旋處之後，我抬頭望上天，夕陽經已沉沒於山嶺之下，僅餘嘅一曙晚霞亦幾近消散，然後我拎部電話出嚟打俾曉琳，但就緊張到啖口水卡住喺喉嚨差啲講唔到嘢。
「曉琳…我到咗喇。」
「嗯，你直接上嚟吖，我同咗龍叔講，佢會俾你入嚟㗎喇。」就咁聽佢把聲就同平時無咩分別，依然有佢嗰種柔情蜜意嘅感覺。
曉琳仲講埋佢個單位俾我知叫我記住，雖然我送過佢返屋企咁多次，但就從來未試過登門拜訪過佢香閨。
正如曉琳所講，保安龍叔離遠見到我已經笑到四萬咁口幫我開門，唔講仲以為我係呢度長期住客，跟住仲幫我用佢張保安卡嘟一嘟之後㩒埋𨋢，服務咁周到，唔知道曉琳施咗啲咩魔法。
呢刻我去諗點解曉琳要我上佢屋企其實都無意思，話唔定上去到就係同我講分手，不過做錯事嘅人係我，最終我哋要走到呢步我都無得怪人，要怨就怨自己個心一直裝住兩個女仔，但點都好，我都唔想再見到曉琳唔開心。
雖然我都再無咩資格咁講，明明佢嘅痛苦就係我一手造成。
「56樓，升降機門正在打開———」
終於嚟到曉琳屋企門前，我整理一下儀容，揹返好個背囊，拍一拍塊面幫自己打氣，深呼吸一口氣之後，我細細力㩒落個門鐘度。
清脆響亮嘅一聲叮噹，大門隨之輕輕打開咗一條隙，跟住就聽到腳步聲急促咁跑走咗，但唔見曉琳踪影。
我推開門探頭望入去，成間屋無著燈，雖則未至於完全漆黑一片伸手不見五指嗰種，靠住窗邊殘餘嘅霞光都仲可以依稀望到間屋大致上嘅輪廓。
「曉琳…？」
無應我，點解有啲似惡作劇嘅感覺，但頭先有人開門俾我，即係裡面一定有人，唔知曉琳搞啲咩古靈精怪嘅嘢出嚟。
「曉琳你喺邊呀？做咩唔開燈嘅？」
我擰轉身閂好道門除埋對鞋之後，嘗試搵吓呢間屋嘅燈掣喺邊，但我真係第一次上嚟曉琳屋企，完全係人生路不熟，我都唔敢亂咁摸，而當人類嘅視覺受到障礙嘅時候，聽覺同嗅覺就會自動提升，不過呢一刻四周圍都好靜，反而我就聞到曉琳間屋散發一陣甜絲絲嘅香薰味。
「唔准開燈啊，你過嚟我間房吖。」忽然間聽到曉琳把聲，我順住佢聲線方向，戰戰兢兢咁行過去，驚唔小心撞到佢屋企啲傢俬，亦都驚走錯方向，行咗幾步終於俾我見到有類似房門嘅形狀。
「咁我入嚟啦。」
「你除咗鞋未㗎？」我聽到曉琳把聲只係近在咫尺，更加肯定自己唔會入錯房。
「除咗啦。」
我對眼慢慢習慣咗黑暗之後，都開始隱約睇到眼前呢間房嘅細節，有幾隻毛毛公仔放咗喺床頭，的確係女仔房常見嘅擺設，至少子瑜張床都係咁，但就始終唔見曉琳嘅身影，唔知佢匿埋咗喺邊。
正當此時，忽然間我感覺到有人用塊布之類嘅物體，從後揞住我對眼，本來都叫做開始慢慢睇到嘢，家陣就真係乜都睇唔到。
「喂喂…做咩事啊？曉琳？」呢次弊喇，會唔會係因為我hurt得曉琳太傷，佢表面話想同我見面，實際係想報仇…
「唔准嘈亂巴閉呀，乖乖地過嚟瞓喺度，嘩你好重…」把聲的確係曉琳無誤，我估頭先佢就係匿埋咗喺房門內側，等我一入嚟就從後偷襲我。
跟住我手腕俾佢扯住行咗兩步，再嚟後腳踩前腳一個失平衡，當我以為自己準備要跌落地嘅時候，背脊已經糊里糊塗咁撻咗喺張軟綿綿嘅床褥上面，撲鼻而來係一陣熟悉嘅味道。
我索咗一啖，無錯！就係平時我哄個頭埋曉琳件校裙度，聞到嘅嗰陣少女香味。
「對唔住啊曉琳，有咩事可以慢慢商量…我以後都唔敢啦…」
「依家未輪到你講嘢住啊。」去到呢刻，我都好肯定面前呢個女仔係曉琳，但真係唔知道佢跟住落嚟會想對我做啲咩。鞭打我？定係剝我光豬再趕我落去遊街示眾？
點知道佢直接騎咗上嚟我度，唔係講笑係真係坐咗喺我個肚對落個位置，而且用佢身體重量將我個人壓喺張床上面，但我連個背囊都仲未除㗎。
「啊！曉琳...我個背囊...哽住咗我背脊，可唔可以除咗佢先。」裡面仲有你今日啲功課㗎曉琳...
「咁麻煩㗎你，嗱幫你除咗喇，咁唔差在除埋件恤衫去啦～」
咩話！？呢頭我背脊feel到個背囊無咗之後，嗰頭我心口已經開始涼涼地，曉琳喺度逐粒逐粒咁幫解開件恤衫啲釦。
「陳佑男...我話過，只要你贏到接力比賽我就可以俾你，我唔似得你啊，我應承過你嘅嘢，我係會遵守諾言㗎...」然後曉琳一啖錫落我嘴度…
好耐無試過星期一三五都出到文，YEAH打風成就咗我，層樓一路搖一路寫文
曉琳子愉
男哥求你唔好再做錯事喇
搞咗曉琳好大獲㗎，唔好呀
子愉男哥求你唔好再做錯事喇
搞咗曉琳好大獲㗎，唔好呀
呢個moment我選擇保持緘默，因為講咩都會劇透
我知
我講感想咋
唔想哩啲𡃁妹受苦
我講感想咋
唔想哩啲𡃁妹受苦
放心啦，佢哋兩個叻女嚟，定得住
更正：頂得住
頂得著都慘，心愛嘅男人成日彈出彈入
咁幾時有下一篇？
男哥真係好仆街 冇諗住同曉琳分手就咪掂子瑜啦屌
群情好洶湧，我叫男哥避一避先
呢個作者通常講咗個時間之後都係做唔到
閹咗佢一了百了
試下唔好呢個位停
有食唔食，罪大惡極
小道消息：
臨近結局篇我居然可以儲到兩集嘅稿，應該係自第40集以來第一次發生嘅奇蹟…
欸，我啱啱係咪講咗結局篇三隻字…
PS: 下星期一三都會有文（五未知）
臨近結局篇我居然可以儲到兩集嘅稿，應該係自第40集以來第一次發生嘅奇蹟…
欸，我啱啱係咪講咗結局篇三隻字…
PS: 下星期一三都會有文（五未知）
個個星期一都忙到甩碌喎 不如今晚出埋啦
請問結局預計有幾多集？