【校園／愛情】戀上鄰家女孩（布甸篇）
深夜甜品
880 回覆
27 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁
推爆
子瑜
其實樓主諗咗結局未？ 目前故事進度係幾多%？
其實樓主諗咗結局未？ 目前故事進度係幾多%？
子愉點解要被人咁屌法
結局篇故個標題咪透露咗？
多謝你
結局一早已有，甚至連細節都度好埋，但又有可能喺最後一秒被全盤推翻，可能係俾佑男推翻，又或者係子瑜同曉琳。
進度嚟講，如果曉琳上佑男屋企係銀禧彎，咁陸運會就係最後直路。
子瑜你要加油啊
進度嚟講，如果曉琳上佑男屋企係銀禧彎，咁陸運會就係最後直路。
子瑜你要加油啊
人言可畏
唔好咁易相信標題，可能我都只係一個標題黨
估唔到差唔多完
我淨係知如果我朋友咁俾人屌法，我保證還拖
子瑜知道你咁講應該會好開心
淫棍巴
推
見到豬仔碌地代表我又要加速了
臨瞓前修改好就會放上嚟
臨瞓前修改好就會放上嚟
73.
食完飯過後，回程路上短髮妹妹繼續捉住隱形眼鏡妹妹喋喋不休，可能今朝早佢自己一個人做helper，無人陪佢傾偈實在太無聊，所以佢依家要把握時間，將所有想講嘅說話濃縮喺呢段路一次過釋放晒出嚟。
忽然間，芯玲同兩位妹妹講，話醒起有啲嘢想買，未等佢兩個反應得切，就已經拉住我向反方向行。
「你陪我買啲嘢吖。」芯玲一直捉住我隻手遲遲未放。
「去邊啊？你要買啲咩？」雖然唔知芯玲做咩要我陪買佢嘢，但起碼呢刻離開咗兩個妹妹，耳根終於可以回復清靜。
「買糖食。」
直至我哋入到一間便利店，芯玲先至鬆開我隻手，之但係頭先又話買糖食，我以為係啲咩朱古力之類女仔最鍾意嘅糖，點知芯玲拎住咗盒喉糖，行去收銀處前面停低對住我講。
「陳佑男，俾個機會你請我食。」
咁講真我又一啲都唔介意嗰十蚊八蚊嘅，話晒我已經當正芯玲係我嘅傾訴對象，加上我真係感覺到佢全心全意為咗我同曉琳好，而且暗啞底佢亦都好關心子瑜，所以呢盒喉糖絕對係抵請嘅。
只係我唔明白芯玲做咩無啦啦要買喉糖食，明明佢今朝早都無幫手嗌過cheers，唔通佢諗住食完個晏，填飽個肚就展露佢最熱情嘅一面俾大家見識一下？
不過返到運動場之後，盒喉糖就再無出現過，甚至連包裝紙都無拆開過，晏晝隱形眼鏡妹妹無比賽玩，就坐喺芯玲隔離度傾偈，變相我就無得再同芯玲傾訴，結果我滿肚子心事但就無處釋放。
無計，唯有同自己講唔好胡思亂想，乖乖地欣賞場上比賽。
午後陽光將跑道曬得更加通紅耀目，全場氣氛亦都漸漸進行白熱化，但由於今日只係陸運會第一日，大部份嘅賽事都係初賽，百米決賽同社際接力呢啲重頭戲全部都要等到第二日先至上演，正好呢個晏晝可以俾我齋坐喺度，而坐耐咗自自然然視線又會聚焦返喺曉琳身上。
呢個下晝，曉琳為咗藍社真係盡心盡力，每逢運動場上有藍社健兒在場比賽嘅時候，身為康樂幹事嘅曉琳都要帶領住看台上面嘅一班同學仔起身嗌cheers，大家都知同學仔通常比較怕羞，為咗帶動氣氛曉琳每次都要落足全力嗌到力竭聲嘶，連啲額頭瀏海都濕到一撻撻，只不過今日曉琳嘅投入程度，令我有種錯覺覺得佢好似刻意寄情於工作之中，用以掩蓋內心嘅苦悶。
而講到我，成個晏晝我都只能夠望住曉琳東奔西撲，但我完全無勇氣主動落去搵佢，自從星期六晚我送完佢返屋企之後，我哋就再無交流過。
隨住時間流逝，今日嘅賽事亦都完滿結束，大會隨即公佈四社現時分數，包尾嘅係綠社，排第一名嘅係啱啱突破咗一千分關口嘅黃社，緊隨其後嘅係我哋藍社，不過都只係相差二十分，換言之決勝負嘅關鍵就係聽日嗰幾場壓軸賽事。
忽然之間我感覺到有人拍我膊頭，我擰轉頭一望，原來係大師兄同二師兄。
「喂陳佑男，今晚記得抖足精神，聽日就輪到我哋㗎喇。」大師兄依舊咁氣定神閒，見慣大場面果然係唔同啲。
「知道。」我點點頭回應。
「但好似有啲難度喎，次次見親佢隔離都有女仔圍住。」二師兄繼續保持一貫開玩笑作風，仲搞到我旁邊嘅隱形眼鏡妹妹尷尷尬尬咁撥弄頭髮。
「好啦，聽日見喇。」
大師兄道別過後就沿住看台樓梯離開，途經看台前排就同我哋個社長同埋曉琳寒暄咗兩句，之後就消失咗喺人群之中，看台上其他嘅同學仔亦都陸續執袋離去，曉琳同一眾社幹事就留喺看台嘅最前排向班同學仔逐一揮手歡送，當人去樓空之後，曉琳又重新埋頭苦幹清理啲佈置雜物。
正當此時，芯玲將盒喉糖塞喺我手裡面。
「唔使等到聽日喇，依家就係輪到你發揮嘅時候。」
旁邊嘅隱形眼鏡一臉錯愕咁望住我同芯玲。
「仲唔快啲氹返人？仲等咩啊？」芯玲見我反應遲鈍，嘆一口氣之後再補多句。
眼見芯玲一副認真嘅眼神望住我，與此同時佢又不停向住看台最前排嘅方向連打眼色，呢個時候，我終於知道芯玲要我請佢食喉糖嘅真正原因了。
食完飯過後，回程路上短髮妹妹繼續捉住隱形眼鏡妹妹喋喋不休，可能今朝早佢自己一個人做helper，無人陪佢傾偈實在太無聊，所以佢依家要把握時間，將所有想講嘅說話濃縮喺呢段路一次過釋放晒出嚟。
忽然間，芯玲同兩位妹妹講，話醒起有啲嘢想買，未等佢兩個反應得切，就已經拉住我向反方向行。
「你陪我買啲嘢吖。」芯玲一直捉住我隻手遲遲未放。
「去邊啊？你要買啲咩？」雖然唔知芯玲做咩要我陪買佢嘢，但起碼呢刻離開咗兩個妹妹，耳根終於可以回復清靜。
「買糖食。」
直至我哋入到一間便利店，芯玲先至鬆開我隻手，之但係頭先又話買糖食，我以為係啲咩朱古力之類女仔最鍾意嘅糖，點知芯玲拎住咗盒喉糖，行去收銀處前面停低對住我講。
「陳佑男，俾個機會你請我食。」
咁講真我又一啲都唔介意嗰十蚊八蚊嘅，話晒我已經當正芯玲係我嘅傾訴對象，加上我真係感覺到佢全心全意為咗我同曉琳好，而且暗啞底佢亦都好關心子瑜，所以呢盒喉糖絕對係抵請嘅。
只係我唔明白芯玲做咩無啦啦要買喉糖食，明明佢今朝早都無幫手嗌過cheers，唔通佢諗住食完個晏，填飽個肚就展露佢最熱情嘅一面俾大家見識一下？
不過返到運動場之後，盒喉糖就再無出現過，甚至連包裝紙都無拆開過，晏晝隱形眼鏡妹妹無比賽玩，就坐喺芯玲隔離度傾偈，變相我就無得再同芯玲傾訴，結果我滿肚子心事但就無處釋放。
無計，唯有同自己講唔好胡思亂想，乖乖地欣賞場上比賽。
午後陽光將跑道曬得更加通紅耀目，全場氣氛亦都漸漸進行白熱化，但由於今日只係陸運會第一日，大部份嘅賽事都係初賽，百米決賽同社際接力呢啲重頭戲全部都要等到第二日先至上演，正好呢個晏晝可以俾我齋坐喺度，而坐耐咗自自然然視線又會聚焦返喺曉琳身上。
呢個下晝，曉琳為咗藍社真係盡心盡力，每逢運動場上有藍社健兒在場比賽嘅時候，身為康樂幹事嘅曉琳都要帶領住看台上面嘅一班同學仔起身嗌cheers，大家都知同學仔通常比較怕羞，為咗帶動氣氛曉琳每次都要落足全力嗌到力竭聲嘶，連啲額頭瀏海都濕到一撻撻，只不過今日曉琳嘅投入程度，令我有種錯覺覺得佢好似刻意寄情於工作之中，用以掩蓋內心嘅苦悶。
而講到我，成個晏晝我都只能夠望住曉琳東奔西撲，但我完全無勇氣主動落去搵佢，自從星期六晚我送完佢返屋企之後，我哋就再無交流過。
隨住時間流逝，今日嘅賽事亦都完滿結束，大會隨即公佈四社現時分數，包尾嘅係綠社，排第一名嘅係啱啱突破咗一千分關口嘅黃社，緊隨其後嘅係我哋藍社，不過都只係相差二十分，換言之決勝負嘅關鍵就係聽日嗰幾場壓軸賽事。
忽然之間我感覺到有人拍我膊頭，我擰轉頭一望，原來係大師兄同二師兄。
「喂陳佑男，今晚記得抖足精神，聽日就輪到我哋㗎喇。」大師兄依舊咁氣定神閒，見慣大場面果然係唔同啲。
「知道。」我點點頭回應。
「但好似有啲難度喎，次次見親佢隔離都有女仔圍住。」二師兄繼續保持一貫開玩笑作風，仲搞到我旁邊嘅隱形眼鏡妹妹尷尷尬尬咁撥弄頭髮。
「好啦，聽日見喇。」
大師兄道別過後就沿住看台樓梯離開，途經看台前排就同我哋個社長同埋曉琳寒暄咗兩句，之後就消失咗喺人群之中，看台上其他嘅同學仔亦都陸續執袋離去，曉琳同一眾社幹事就留喺看台嘅最前排向班同學仔逐一揮手歡送，當人去樓空之後，曉琳又重新埋頭苦幹清理啲佈置雜物。
正當此時，芯玲將盒喉糖塞喺我手裡面。
「唔使等到聽日喇，依家就係輪到你發揮嘅時候。」
旁邊嘅隱形眼鏡一臉錯愕咁望住我同芯玲。
「仲唔快啲氹返人？仲等咩啊？」芯玲見我反應遲鈍，嘆一口氣之後再補多句。
眼見芯玲一副認真嘅眼神望住我，與此同時佢又不停向住看台最前排嘅方向連打眼色，呢個時候，我終於知道芯玲要我請佢食喉糖嘅真正原因了。
好彩臨瞓前連登整返好個server
留名
曉琳bb食糖啦，原諒男仔啦，佢會乖㗎喇
男主有時真係幾仆街，有曉琳咁好嘅女仔都唔撚識珍惜，唔該一定要氹番佢，如果唔係要寄刀片了
不如統計下讀者鍾意子瑜定曉琳多啲
子瑜
曉琳
子瑜
曉琳
咁今次呢單都唔可以怪晒佢嘅，隱瞞鄰居呢回事，佢同子瑜都有份造成，最後被曉琳意外揭穿，成件事三方都處於被動，弊就弊在個衰仔又真係唔識氹返自己個女朋友
我都私心投咗一票
74.
回想返起，我都已經唔係第一次整到曉琳唔開心，記得壁報板比賽嘅最後一日，明明我應承咗曉琳會留低喺課室幫手，但結果我走去咗子瑜班房，最後俾病咗都要返嚟開會嘅曉琳撞破。
但就係嗰一次，我衝出班房氹返曉琳，結合咗我哋嘅姻緣。
而今次，我揸住芯玲盒喉糖，一級一級走落去看台最前排，我見曉琳對住啲釘鞋點緊數，旁邊嘅社幹事見到我之後，竟然不謀而合咁執埋啲嘢行去第二度，而我眼見個社長又唔喺附近，無意之中製造咗個獨處機會俾我同曉琳。
「曉琳…係我啊。」我將盒喉糖收埋喺褲袋。
「邊個？唔識你喎，今日完咗喇，無晒釘鞋借。」曉琳雙眼依然專注喺堆釘鞋到，但至少佢肯同我講笑，即係應該仲有彎轉？
「對唔住啊曉琳，我買咗盒喉糖俾你啊，你今日嗌足全日喉嚨肯定好辛苦。」所以我決定順住個勢鼓起勇氣氹返佢。
「哼！咁你依家即係嫌我把聲沙晒難聽啫。」
「我無啊，就算你把聲沙晒都依然咁好聽，嗰種磁性更顯得你嘅韻味，其他人唔會識欣賞㗎，不過我鍾意聽你依家把聲。」
我一邊講一邊慢慢試探性咁行埋去曉琳面前，點知曉琳即刻擰轉面避開我。
「曉琳啊，你唔好嬲啦，做咩又唔講嘢喎？」我再走向曉琳面前，側住頭扮可憐咁望住佢。
「你鍾意聽所以我唔講，敵人擁護嘅我要反對。」跟住曉琳叉住手擰開咗。
但明明前一秒曉琳擰轉面避開我，不過下一秒鐘又調返轉個身過嚟，一拳打落我心口度。
「喂吔，明明芯玲叫我唔可以咁容易心軟㗎！」曉琳扁扁嘴，眼仔碌碌咁望住我，從曉琳眼眸之中我漸漸留意到有股源源不絕嘅甜意散發緊出嚟。
而我亦都無為意到自己嘅笑容，早已不經意地泄露咗出嚟。
「曉琳…」
「罰你啊，你要幫我搬呢箱釘鞋去雜物房。」曉琳未等我反應得切，已經將盒紙皮箱塞咗俾我，裡面整整齊齊排滿咗一對對嘅釘鞋。
搬運過程當中，我有種僥倖嘅感覺油然而生，意想不到竟然又再一次蒙混過關，成功氹返曉琳，連我自己都覺得有啲難以置信，亦有啲唔實在。
當我放好箱釘鞋返上看台之後，芯玲同眼鏡妹妹已經走咗落去同曉琳傾緊偈，連短髮妹妹都過咗嚟，一齊圍住曉琳關心緊佢，我默默咁企喺旁邊，知道呢個時候唔應該打擾佢哋嘅girls’ talk。
無耐之後，曉琳要同社幹事會開個幾分鐘嘅簡會，檢討一下聽朝早開場嘅安排，於是我就同芯玲三姊妹坐埋一邊等，佢哋話約好咗等曉琳開埋個會，然後我哋五個人就一齊去食隔離商場掃街食嘢，仲話原本只係打算全女班，無諗住叫埋我，係曉琳出到聲話要拉埋我嚟，我先不至於被遺棄。
結果個簡會都係超時完結，到我哋拉隊離開嗰陣，運動場只係剩低幾個留守到最後嘅負責老師同埋學生會啲幹事，仲有一群忙於清理垃圾嘅清潔工人，當我抬頭望向天，蔚藍天空隱約見到一撮金黃，黃昏日落嘅景色往往令人陶醉。
曉琳同芯玲四個女仔行喺前排嘻嘻哈哈咁傾偈，咁我作為男仔就自自然然殿後尾隨，不過當經過黃社看台嘅時候，我不由自主咁向看台方向偷望咗一眼，但上面早已經空空如也，黃社啲支援物品一早拆晒，一個人影都無，縱然我今日能夠照顧到一邊嘅感受，其實亦只係犧牲另一邊換取返嚟，難道就無兩全其美嘅辦法嗎？
「曉琳你真係咁易就放過個衰仔啊？唔使佢做返啲嘢補償你咩？」芯玲捉住曉琳隻手仔問。
「我...我未原諒佢㗎，除非呢，聽日社際接力佢幫我跑到個第一名返嚟，我先再考慮吓啦～」曉琳說罷驀然回首向我嫣然一笑，差啲俾佢發現我剛才目光所及。
回想返起，我都已經唔係第一次整到曉琳唔開心，記得壁報板比賽嘅最後一日，明明我應承咗曉琳會留低喺課室幫手，但結果我走去咗子瑜班房，最後俾病咗都要返嚟開會嘅曉琳撞破。
但就係嗰一次，我衝出班房氹返曉琳，結合咗我哋嘅姻緣。
而今次，我揸住芯玲盒喉糖，一級一級走落去看台最前排，我見曉琳對住啲釘鞋點緊數，旁邊嘅社幹事見到我之後，竟然不謀而合咁執埋啲嘢行去第二度，而我眼見個社長又唔喺附近，無意之中製造咗個獨處機會俾我同曉琳。
「曉琳…係我啊。」我將盒喉糖收埋喺褲袋。
「邊個？唔識你喎，今日完咗喇，無晒釘鞋借。」曉琳雙眼依然專注喺堆釘鞋到，但至少佢肯同我講笑，即係應該仲有彎轉？
「對唔住啊曉琳，我買咗盒喉糖俾你啊，你今日嗌足全日喉嚨肯定好辛苦。」所以我決定順住個勢鼓起勇氣氹返佢。
「哼！咁你依家即係嫌我把聲沙晒難聽啫。」
「我無啊，就算你把聲沙晒都依然咁好聽，嗰種磁性更顯得你嘅韻味，其他人唔會識欣賞㗎，不過我鍾意聽你依家把聲。」
我一邊講一邊慢慢試探性咁行埋去曉琳面前，點知曉琳即刻擰轉面避開我。
「曉琳啊，你唔好嬲啦，做咩又唔講嘢喎？」我再走向曉琳面前，側住頭扮可憐咁望住佢。
「你鍾意聽所以我唔講，敵人擁護嘅我要反對。」跟住曉琳叉住手擰開咗。
但明明前一秒曉琳擰轉面避開我，不過下一秒鐘又調返轉個身過嚟，一拳打落我心口度。
「喂吔，明明芯玲叫我唔可以咁容易心軟㗎！」曉琳扁扁嘴，眼仔碌碌咁望住我，從曉琳眼眸之中我漸漸留意到有股源源不絕嘅甜意散發緊出嚟。
而我亦都無為意到自己嘅笑容，早已不經意地泄露咗出嚟。
「曉琳…」
「罰你啊，你要幫我搬呢箱釘鞋去雜物房。」曉琳未等我反應得切，已經將盒紙皮箱塞咗俾我，裡面整整齊齊排滿咗一對對嘅釘鞋。
搬運過程當中，我有種僥倖嘅感覺油然而生，意想不到竟然又再一次蒙混過關，成功氹返曉琳，連我自己都覺得有啲難以置信，亦有啲唔實在。
當我放好箱釘鞋返上看台之後，芯玲同眼鏡妹妹已經走咗落去同曉琳傾緊偈，連短髮妹妹都過咗嚟，一齊圍住曉琳關心緊佢，我默默咁企喺旁邊，知道呢個時候唔應該打擾佢哋嘅girls’ talk。
無耐之後，曉琳要同社幹事會開個幾分鐘嘅簡會，檢討一下聽朝早開場嘅安排，於是我就同芯玲三姊妹坐埋一邊等，佢哋話約好咗等曉琳開埋個會，然後我哋五個人就一齊去食隔離商場掃街食嘢，仲話原本只係打算全女班，無諗住叫埋我，係曉琳出到聲話要拉埋我嚟，我先不至於被遺棄。
結果個簡會都係超時完結，到我哋拉隊離開嗰陣，運動場只係剩低幾個留守到最後嘅負責老師同埋學生會啲幹事，仲有一群忙於清理垃圾嘅清潔工人，當我抬頭望向天，蔚藍天空隱約見到一撮金黃，黃昏日落嘅景色往往令人陶醉。
曉琳同芯玲四個女仔行喺前排嘻嘻哈哈咁傾偈，咁我作為男仔就自自然然殿後尾隨，不過當經過黃社看台嘅時候，我不由自主咁向看台方向偷望咗一眼，但上面早已經空空如也，黃社啲支援物品一早拆晒，一個人影都無，縱然我今日能夠照顧到一邊嘅感受，其實亦只係犧牲另一邊換取返嚟，難道就無兩全其美嘅辦法嗎？
「曉琳你真係咁易就放過個衰仔啊？唔使佢做返啲嘢補償你咩？」芯玲捉住曉琳隻手仔問。
「我...我未原諒佢㗎，除非呢，聽日社際接力佢幫我跑到個第一名返嚟，我先再考慮吓啦～」曉琳說罷驀然回首向我嫣然一笑，差啲俾佢發現我剛才目光所及。
佑男其實咩心意
但佢兩個都唔deserve
但佢兩個都唔deserve