返工唯一動力【校園／愛情】戀上鄰家女孩（布甸篇）
深夜甜品
880 回覆
27 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁
樓豬可唔可以更新快啲返工唯一動力
返工唯一動力佢仲夠唔夠膽返去攬曉琳…
返工唯一動力竟然唔係份人工，咁我呢鋪真係責無旁貸啦
芯玲最討厭就係啲花心蘿蔔
所以要快啲出文
人工邊有你啲文吸引
逢星期幾有文？
多謝你捧場
不定時，因為我真係寫得好慢
好期待出文，陪左我過左大半日返工時間 完全吸到我無心機做野
80.
印象中，我都好似係第一次攬住子瑜，以前我總係唔知道點樣界定我同子瑜之間嘅關係，但經過芯玲點醒我之後，我知道自己只不過一直拒絕承認。
由我哋中一第一日返學嘅第一次相遇，如果當日唔係我手殘㩒錯閂門掣，子瑜正正常常咁入𨋢，無俾度𨋢門夾親，我哋呢段邂逅嘅形狀就會改變，好可能兩個人只會各自各返學，返到班房隨便搵個位置坐低，坐到遠一遠，最後唔知邊日先發現原來大家係鄰居關係，然後繼續正常咁過生活。
可能呢個世界有啲嘢真係早就注定咗，注定咗我同子瑜會用呢個方式相識，注定咗曉琳嘅出現，注定咗我同曉琳會走到情侶呢個階段，然後再一步一步演變到今時今日呢個局面，如果唔係黃子俊出事，如果唔係我臨陣肚痛，我可能呢世都未必會知道子瑜離開運動場嚟到醫院，而我都唔會跟住佢步伐，跑到終點嘅時候當住曉琳面前跑出運動場，坐喺醫院呢張長凳度陪住子瑜。
但係下一步應該點樣行，我完全無頭緒。
時間一分一秒咁流逝，姑娘走過嚟同我哋講探訪時間已經到，而子瑜媽咪始終都係趕唔切過嚟醫院，我有勸過子瑜不如返屋企食啲嘢先，聽日可以再嚟，反正陸運會第二日係學校假期，但係子瑜話佢唔捨得走，佢想一直喺醫院陪住黃子俊。
「但係子瑜…如果連你都冧埋，仲有邊個可以照顧你細佬？」所以我有責任要好好睇住呢個女仔。
「我無事啊。」
「但係你成晚一啲嘢都無食過，會餓壞身體㗎。」
「嗯嗯，不過我真係唔肚餓。」
「好啦好啦，我陪你坐多陣。」其實我知子瑜唔係唔肚餓，我哋挨到咁近我又點會聽唔到佢個肚仔咕咕響，只不過既然子瑜想留耐啲，我都唔會勉強佢。
就係咁，我哋兩個坐到不知時日過，因為我手機無跟身都唔知依家幾點，子瑜就一直挨住我膊頭，我搭住佢膊頭隻手亦都無縮開過。探病嘅家屬走咗，巡房嘅醫生亦都無晒，四周圍環境變得好靜，靜到甚至可以聽到子瑜嘅心跳聲，直至呢個妹豬再次打破寧靜。
「陳佑男…」
「做咩？」子瑜依然瞓緊喺我膊頭度，我哋兩個互相見唔到對方面容，但可以清楚聽到對方嘅聲音。
「你仲記唔記得我問過你，你有無鍾意過我？」
「我記得啊，跟住你仲嬲咗我，明明你應承過我唔會再嬲我。」當日子瑜見我對佢呢條問題支吾以對，跟住就嬲爆爆走開咗，我到依家仍然記憶猶新。
「哼！乜你唔知我點解嬲你㗎咩？」子瑜突然間坐直返個身，用佢對水汪汪嘅大眼睛望住我。
「但我依家知喇。」我微微一笑，再次將佢攬住，不過今次唔同嘅係，我係直接將子瑜攬入懷裡。
「吖！」子瑜俾我突如其來攬住，竟然唔小心失聲呼叫。
「殊～醫院嚟㗎呢度。」我舉起食指放喺嘴前面，壓低聲線，提醒子瑜唔可以叫得咁好聽…吖唔係，係唔可以叫得咁大聲，會騷擾病人休息。
「陳佑男，你去死啦！」結果子瑜一掌撥開我隻手指，但原來呢下掌法只係一記虛招，背後真正嘅殺著已經風馳電掣咁嚟緊。
當我回過神嘅時候，子瑜嘅腳尖已經殺到嚟我堆腳毛面前，但腳毛何其柔軟大家又唔係唔知道，面對住子瑜雷厲風行嘅腿擊，咩螳螂擋車都唔係，直頭係隕石撞地球，即使眾腳毛們下定決心奮身堅挺至最後一刻，準備壯烈犧牲，但係呢一下重擊依然唔知將幾多條腳毛踢到連根拔起。
「啊！痛！」即使痛到以為隻腳斷住，但我都無縮開攬住子瑜隻手。
「殊～醫院嚟㗎呢度。」衰女包仲識以其人之道還治其人之身。
「救命，有無醫生？」我苦叫。
「幫你望咗，無啊。」子瑜又無講錯，當下真係四下無人。
「鬼叫你依家先發現我嗰陣時嬲咩，太遲喇～」跟住子瑜嘟起個嘴，起身跑走。
我下意識追上去，彷彿已經忘記咗自己係某人嘅男朋友。
印象中，我都好似係第一次攬住子瑜，以前我總係唔知道點樣界定我同子瑜之間嘅關係，但經過芯玲點醒我之後，我知道自己只不過一直拒絕承認。
由我哋中一第一日返學嘅第一次相遇，如果當日唔係我手殘㩒錯閂門掣，子瑜正正常常咁入𨋢，無俾度𨋢門夾親，我哋呢段邂逅嘅形狀就會改變，好可能兩個人只會各自各返學，返到班房隨便搵個位置坐低，坐到遠一遠，最後唔知邊日先發現原來大家係鄰居關係，然後繼續正常咁過生活。
可能呢個世界有啲嘢真係早就注定咗，注定咗我同子瑜會用呢個方式相識，注定咗曉琳嘅出現，注定咗我同曉琳會走到情侶呢個階段，然後再一步一步演變到今時今日呢個局面，如果唔係黃子俊出事，如果唔係我臨陣肚痛，我可能呢世都未必會知道子瑜離開運動場嚟到醫院，而我都唔會跟住佢步伐，跑到終點嘅時候當住曉琳面前跑出運動場，坐喺醫院呢張長凳度陪住子瑜。
但係下一步應該點樣行，我完全無頭緒。
時間一分一秒咁流逝，姑娘走過嚟同我哋講探訪時間已經到，而子瑜媽咪始終都係趕唔切過嚟醫院，我有勸過子瑜不如返屋企食啲嘢先，聽日可以再嚟，反正陸運會第二日係學校假期，但係子瑜話佢唔捨得走，佢想一直喺醫院陪住黃子俊。
「但係子瑜…如果連你都冧埋，仲有邊個可以照顧你細佬？」所以我有責任要好好睇住呢個女仔。
「我無事啊。」
「但係你成晚一啲嘢都無食過，會餓壞身體㗎。」
「嗯嗯，不過我真係唔肚餓。」
「好啦好啦，我陪你坐多陣。」其實我知子瑜唔係唔肚餓，我哋挨到咁近我又點會聽唔到佢個肚仔咕咕響，只不過既然子瑜想留耐啲，我都唔會勉強佢。
就係咁，我哋兩個坐到不知時日過，因為我手機無跟身都唔知依家幾點，子瑜就一直挨住我膊頭，我搭住佢膊頭隻手亦都無縮開過。探病嘅家屬走咗，巡房嘅醫生亦都無晒，四周圍環境變得好靜，靜到甚至可以聽到子瑜嘅心跳聲，直至呢個妹豬再次打破寧靜。
「陳佑男…」
「做咩？」子瑜依然瞓緊喺我膊頭度，我哋兩個互相見唔到對方面容，但可以清楚聽到對方嘅聲音。
「你仲記唔記得我問過你，你有無鍾意過我？」
「我記得啊，跟住你仲嬲咗我，明明你應承過我唔會再嬲我。」當日子瑜見我對佢呢條問題支吾以對，跟住就嬲爆爆走開咗，我到依家仍然記憶猶新。
「哼！乜你唔知我點解嬲你㗎咩？」子瑜突然間坐直返個身，用佢對水汪汪嘅大眼睛望住我。
「但我依家知喇。」我微微一笑，再次將佢攬住，不過今次唔同嘅係，我係直接將子瑜攬入懷裡。
「吖！」子瑜俾我突如其來攬住，竟然唔小心失聲呼叫。
「殊～醫院嚟㗎呢度。」我舉起食指放喺嘴前面，壓低聲線，提醒子瑜唔可以叫得咁好聽…吖唔係，係唔可以叫得咁大聲，會騷擾病人休息。
「陳佑男，你去死啦！」結果子瑜一掌撥開我隻手指，但原來呢下掌法只係一記虛招，背後真正嘅殺著已經風馳電掣咁嚟緊。
當我回過神嘅時候，子瑜嘅腳尖已經殺到嚟我堆腳毛面前，但腳毛何其柔軟大家又唔係唔知道，面對住子瑜雷厲風行嘅腿擊，咩螳螂擋車都唔係，直頭係隕石撞地球，即使眾腳毛們下定決心奮身堅挺至最後一刻，準備壯烈犧牲，但係呢一下重擊依然唔知將幾多條腳毛踢到連根拔起。
「啊！痛！」即使痛到以為隻腳斷住，但我都無縮開攬住子瑜隻手。
「殊～醫院嚟㗎呢度。」衰女包仲識以其人之道還治其人之身。
「救命，有無醫生？」我苦叫。
「幫你望咗，無啊。」子瑜又無講錯，當下真係四下無人。
「鬼叫你依家先發現我嗰陣時嬲咩，太遲喇～」跟住子瑜嘟起個嘴，起身跑走。
我下意識追上去，彷彿已經忘記咗自己係某人嘅男朋友。
多謝你支持，但係唔好掛住睇文搞到俾老闆鬧啊
同大家講樣嘢，原本呢個故事編排係80集完結，不過依家好明顯要加紙喇
一直係CDROM，忍唔住要出post多謝樓主
當然最好寫快d啦
子瑜加油
當然最好寫快d啦
子瑜加油
加多一篇
子愉
吸引到你出post回覆絕對係我嘅光榮，放心嚟緊會更新得快啲㗎喇
幫緊你
子瑜終於有人錫錫
曉琳
放心我唔會忘記佢
雖然行文風格同劇情唔一樣 但佑男同兩個女主角令我諗起個舊故 自修室係學界老蘭
係有啲影子，自修室呢篇故我都有睇，因為有個前輩同我講，子瑜會同jojo撞，所以我專登走去睇，然後極力避免兩個故事劇情走向重疊。