【校園／愛情】戀上鄰家女孩（布甸篇）
深夜甜品
880 回覆
27 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁
芯玲真係好幫得手
今個星期幾有文
今日都係無文
呢幾日跌咗支筆，依家執返努力緊
今晚有無文
寫好了，聽晚出
支持
91.
芯玲見狀即刻閃人，剩返我同子瑜兩個你眼望我眼，走廊周圍又有其他同學，而且呢度又近課室我怕會俾啲同學望到，仲要我諗起尋晚同曉琳做過嘅事，搞到我更加唔敢行上前同子瑜講嘢。
子瑜見我唔講嘢又無反應，就直接走埋過嚟，但見佢眼神嬲爆爆咁就知道唔方好事，可能準備又一下收山腳踢落我度，結果佢劈頭第一句就話。
「做咩尋晚唔聽我電話？打咗俾你幾次都無人聽，仲要成晚都唔見你有返過屋企嘅？」子瑜嘟起個嘴，佢個招牌金魚腮又出咗嚟。
「吓，欸...我尋晚...」依家我同子瑜咁近距離，佢擘大隻眼望實我，而我就完全唔敢向佢提起我同曉琳尋晚喺張床度做過嘅事，而子瑜嘅視線慢慢就移向我隻右手手腕度。
「算啦，係我明知故問啫...」
子瑜收起表情，好平淡咁轉身就走咗，講真佢嬲爆爆咁行埋嚟我無乜嘢，但佢依家目無表情咁離開，我就反而有啲驚，而且我依家先留意到原來我隻右手仲戴住曉琳送俾我條手繩，子瑜啱啱嗰下嘅反應，應該就係因為見到呢條手繩，佢係咪以為我尋晚去咗搵曉琳箍煲成晚無返屋企？
直覺話俾我知，我唔應該眼白白望住子瑜就咁走咗去。
「子瑜...」於是我嘗試拉住佢隻手。
「其實我有啲嘢想同你講，一陣Lunch你有無約人？」
不過子瑜都係無俾回應我，我唔敢捉住佢隻手太耐，就只能夠睇住佢離開我視線範圍。
我返到課室坐低之後，拎部電話出嚟望吓先發現原來尋晚分別八點幾、十點幾同十一點幾嗰陣子瑜都有打過俾我，嗰陣時我部電話應該掉咗喺曉琳間房唔知邊個角落度，同曉琳唔知喺張床度做緊咩。
小息鐘聲響起之前，曉琳自己一個人返番嚟課室，我即刻偷望咗一眼佢右手手碗，佢條薄荷綠手繩竟然仲喺度，明明尋晚我哋已經分咗手，我都唔知道曉琳仲戴住我哋條情侶手繩究竟係因為佢懶唔記得咗除低吖？定係佢覺得我哋之間嘅關係仲未完結？
就係呢個時候，曉琳好似想望過嚟我個方向，於是乎我即刻摀低身扮喺櫃桶摷書，好彩我反應夠快先至避過咗同佢嘅眼神交流，如果唔係實會好尷尬。
突然間我喺度諗，如果調轉問返我自己，點解仲要戴住呢條情侶手繩，我都會唔知點答好，而我又有種感覺係，只要曉琳仲繼續戴住，我都唔會想做除嗰個先，除咗就好似真係代表我哋之間已經結束咁。
就係咁，捱過咗幾堂之後就嚟到Lunch時間，又係呢啲尷尬時間，芯玲依舊無同我講任何嘢就起身行去搵佢兩位妹妹，密密斟咗幾句之後就去曉琳嗰位拉埋佢一齊行出課室，而我就要等到曉琳完全離開課室，我先至可以停低落嚟唔使再扮執櫃桶，諗返起都唔知自己喺度做緊乜。
跟住我趁課室無乜人之後，我拎埋銀包電話就行去子瑜班房，但佢班房已經一個人影都無。
唉，連子瑜都唔想同我一齊坐晏，剩低我一個人百無聊賴咁行出學校大門，send短訊俾子瑜無覆機，打俾佢又唔聽，不過我應該估到佢去咗邊度食...
果然不出我所料，去到間茶餐廳門口嗰陣，就已經聽到老闆把聲。
「喂阿妹，你個朋友仔嚟咗搵你喇。」
阿老闆仲要打埋眼色話我知子瑜坐咗喺邊，咁你都知子瑜生得唔高，好容易俾啲凳遮住，老闆咁好人，幫我節省咗逐張枱搵子瑜坐邊嘅時間。
今日間餐廳依舊好靜無乜人，好快我就行到埋去子瑜坐緊嗰張卡位度，正當我緊張兮兮咁準備坐佢對面嘅時候，佢就伸直對腳𢲲咗喺張凳度唔俾我坐，仲咬住啖麵鄂高頭望住我，個眼神好似警告緊我，夠膽你咪試下坐囉。
企喺我身後嘅老闆都忍唔住笑咗一聲，而再一次食檸檬嘅我，真係咩面都無晒，唯有求其喺隔離搵張圓枱坐住先。
你個衰妹吖，雖然細細粒，但原來隻腳又無想像中咁短...
結果呢餐晏晝變成我同子瑜各自喺自己張枱度食，我哋兩個食埋同一個餐，連嘢飲都係一模一樣，唔係我想抄佢，而係我哋本身就係鍾意食沙嗲牛肉麵...我周不時會擰過去望下子瑜做緊咩，但係佢就好似發我脾氣咁完全唔願意同我有任何接觸交流，咦等等，子瑜去咗邊？做咩突然間起身走咗去埋單？
喂喂，都未夠鐘，做咩咁急就走？
我啖麵食到一半都即刻咬斷佢先，跟住即刻拎埋銀包電話衝出去埋單，然後追住已經行咗出門口嘅子瑜。
「黃子瑜，你咁急去邊啊？」我求其將個銀包塞落褲袋，就衝出門口拉住子瑜隻手。
「唔關你事啊。」但佢一嘢捹開咗我，繼續向前走。
「尋日我哋仲好地地㗎，做咩今日又無啦啦嬲我喎？」我本能反應即刻追上前。
「尋日還尋日，今日還今日。」子瑜突然間剎停然後擰過嚟對住我講，講完之後又轉身走人，而我就聽到一頭霧水。
「咁即係點啊？但我有啲嘢想同你講，係關於我同曉琳㗎。」我又再追上去。
「唔想聽唔想聽！」子瑜揞住對耳仔一味向前跑。
「喂等埋啊！！」我只要一發力加速，子瑜又點會走得甩。
「我唔想知啊！我唔想再知道你同曉琳發生啲咩事，我好辛苦啊，陳佑男你唔好成日彈出彈入咁俾假希望我啦好唔好？」子瑜再一次擰返轉面對住我講。
我依家先見到，啲眼淚一滴又一滴咁從子瑜眼眸裡流落嚟…
芯玲見狀即刻閃人，剩返我同子瑜兩個你眼望我眼，走廊周圍又有其他同學，而且呢度又近課室我怕會俾啲同學望到，仲要我諗起尋晚同曉琳做過嘅事，搞到我更加唔敢行上前同子瑜講嘢。
子瑜見我唔講嘢又無反應，就直接走埋過嚟，但見佢眼神嬲爆爆咁就知道唔方好事，可能準備又一下收山腳踢落我度，結果佢劈頭第一句就話。
「做咩尋晚唔聽我電話？打咗俾你幾次都無人聽，仲要成晚都唔見你有返過屋企嘅？」子瑜嘟起個嘴，佢個招牌金魚腮又出咗嚟。
「吓，欸...我尋晚...」依家我同子瑜咁近距離，佢擘大隻眼望實我，而我就完全唔敢向佢提起我同曉琳尋晚喺張床度做過嘅事，而子瑜嘅視線慢慢就移向我隻右手手腕度。
「算啦，係我明知故問啫...」
子瑜收起表情，好平淡咁轉身就走咗，講真佢嬲爆爆咁行埋嚟我無乜嘢，但佢依家目無表情咁離開，我就反而有啲驚，而且我依家先留意到原來我隻右手仲戴住曉琳送俾我條手繩，子瑜啱啱嗰下嘅反應，應該就係因為見到呢條手繩，佢係咪以為我尋晚去咗搵曉琳箍煲成晚無返屋企？
直覺話俾我知，我唔應該眼白白望住子瑜就咁走咗去。
「子瑜...」於是我嘗試拉住佢隻手。
「其實我有啲嘢想同你講，一陣Lunch你有無約人？」
不過子瑜都係無俾回應我，我唔敢捉住佢隻手太耐，就只能夠睇住佢離開我視線範圍。
我返到課室坐低之後，拎部電話出嚟望吓先發現原來尋晚分別八點幾、十點幾同十一點幾嗰陣子瑜都有打過俾我，嗰陣時我部電話應該掉咗喺曉琳間房唔知邊個角落度，同曉琳唔知喺張床度做緊咩。
小息鐘聲響起之前，曉琳自己一個人返番嚟課室，我即刻偷望咗一眼佢右手手碗，佢條薄荷綠手繩竟然仲喺度，明明尋晚我哋已經分咗手，我都唔知道曉琳仲戴住我哋條情侶手繩究竟係因為佢懶唔記得咗除低吖？定係佢覺得我哋之間嘅關係仲未完結？
就係呢個時候，曉琳好似想望過嚟我個方向，於是乎我即刻摀低身扮喺櫃桶摷書，好彩我反應夠快先至避過咗同佢嘅眼神交流，如果唔係實會好尷尬。
突然間我喺度諗，如果調轉問返我自己，點解仲要戴住呢條情侶手繩，我都會唔知點答好，而我又有種感覺係，只要曉琳仲繼續戴住，我都唔會想做除嗰個先，除咗就好似真係代表我哋之間已經結束咁。
就係咁，捱過咗幾堂之後就嚟到Lunch時間，又係呢啲尷尬時間，芯玲依舊無同我講任何嘢就起身行去搵佢兩位妹妹，密密斟咗幾句之後就去曉琳嗰位拉埋佢一齊行出課室，而我就要等到曉琳完全離開課室，我先至可以停低落嚟唔使再扮執櫃桶，諗返起都唔知自己喺度做緊乜。
跟住我趁課室無乜人之後，我拎埋銀包電話就行去子瑜班房，但佢班房已經一個人影都無。
唉，連子瑜都唔想同我一齊坐晏，剩低我一個人百無聊賴咁行出學校大門，send短訊俾子瑜無覆機，打俾佢又唔聽，不過我應該估到佢去咗邊度食...
果然不出我所料，去到間茶餐廳門口嗰陣，就已經聽到老闆把聲。
「喂阿妹，你個朋友仔嚟咗搵你喇。」
阿老闆仲要打埋眼色話我知子瑜坐咗喺邊，咁你都知子瑜生得唔高，好容易俾啲凳遮住，老闆咁好人，幫我節省咗逐張枱搵子瑜坐邊嘅時間。
今日間餐廳依舊好靜無乜人，好快我就行到埋去子瑜坐緊嗰張卡位度，正當我緊張兮兮咁準備坐佢對面嘅時候，佢就伸直對腳𢲲咗喺張凳度唔俾我坐，仲咬住啖麵鄂高頭望住我，個眼神好似警告緊我，夠膽你咪試下坐囉。
企喺我身後嘅老闆都忍唔住笑咗一聲，而再一次食檸檬嘅我，真係咩面都無晒，唯有求其喺隔離搵張圓枱坐住先。
你個衰妹吖，雖然細細粒，但原來隻腳又無想像中咁短...
結果呢餐晏晝變成我同子瑜各自喺自己張枱度食，我哋兩個食埋同一個餐，連嘢飲都係一模一樣，唔係我想抄佢，而係我哋本身就係鍾意食沙嗲牛肉麵...我周不時會擰過去望下子瑜做緊咩，但係佢就好似發我脾氣咁完全唔願意同我有任何接觸交流，咦等等，子瑜去咗邊？做咩突然間起身走咗去埋單？
喂喂，都未夠鐘，做咩咁急就走？
我啖麵食到一半都即刻咬斷佢先，跟住即刻拎埋銀包電話衝出去埋單，然後追住已經行咗出門口嘅子瑜。
「黃子瑜，你咁急去邊啊？」我求其將個銀包塞落褲袋，就衝出門口拉住子瑜隻手。
「唔關你事啊。」但佢一嘢捹開咗我，繼續向前走。
「尋日我哋仲好地地㗎，做咩今日又無啦啦嬲我喎？」我本能反應即刻追上前。
「尋日還尋日，今日還今日。」子瑜突然間剎停然後擰過嚟對住我講，講完之後又轉身走人，而我就聽到一頭霧水。
「咁即係點啊？但我有啲嘢想同你講，係關於我同曉琳㗎。」我又再追上去。
「唔想聽唔想聽！」子瑜揞住對耳仔一味向前跑。
「喂等埋啊！！」我只要一發力加速，子瑜又點會走得甩。
「我唔想知啊！我唔想再知道你同曉琳發生啲咩事，我好辛苦啊，陳佑男你唔好成日彈出彈入咁俾假希望我啦好唔好？」子瑜再一次擰返轉面對住我講。
我依家先見到，啲眼淚一滴又一滴咁從子瑜眼眸裡流落嚟…
住隔離屋真係好難呃 想知男哥又想點
佢再行差踏錯，我都保佢唔住
女仔鍾意男仔有咩基準 想知男哥條仆街有咩魅力
印象中個故冇描述過佢外表？
印象中個故冇描述過佢外表？
好地地做乜帶住條手繩，男哥個心依家響邊度㗎
某某鄰家女孩好似第一日返學就俾度𨋢門一夾誤終生。
某某同班女孩就好似第一年壁報板比賽，見到有個傻仔同個傻妹玩得好開心，跟住自己唔小心動咗情。
唔知係咪咁
某某同班女孩就好似第一年壁報板比賽，見到有個傻仔同個傻妹玩得好開心，跟住自己唔小心動咗情。
唔知係咪咁
我諗分手第一日，心理狀態都未反應得切，好少會咁絕情即刻除晒手繩啊掉晒定情信物嘅
最後機會喇，男哥醒扒呀
樓豬請問今晚有無文？
我都想睇文
唔好意思大家我想請個假先
批准放兩日
如果真係有嘢忙有嘢煩ok呀
但如果覺得寫衰咗想停嘅話我覺得冇必要
但如果覺得寫衰咗想停嘅話我覺得冇必要
仲係咪會出架
抖足精神，今晚出
92.
「黃子瑜，我同曉琳分咗手啦。」
一瞬間之下，子瑜啲眼淚停咗無再滴出嚟，然後用一副難以置信嘅表情望住我。
「我講真㗎，係尋晚嘅事。」
我心裡面其實好期待子瑜會有咩反應。
「關我咩事啫？」
點知子瑜個反應會係咁絕情轉身走人，霎時間搞到我留喺原地唔知點好，但係個傻妹行咗一段路之後，又偷偷地擰返轉頭，好似仲見到佢嘟起咗個嘴，跟住又嬲爆爆咁即刻擰歪面，我就知道佢其實等緊我追上去搵佢。
因為佢曾經講過，當一個女仔咁樣走咗去，其實係想個男仔追返佢。
「黃子瑜你唔好嬲我啦。」我再一次追上去拉住佢隻手仔。
「我以後都唔會再彈出彈入，剩係真心鍾意你一個，唔會俾你再受咁多委屈，一直以嚟係我蠢，唔知道你鍾意我，又唔敢承認我自己都鍾意你。」
講完之後，我先至發現自己心口不停起伏係咁喘氣，真係跑比賽嗰陣都無喘得咁勁，但子瑜就一直只係望住我雙眼，無俾任何反應。
隔咗一陣，我抖返順條氣之後，子瑜突然就一臉認真反問我。
「陳佑男你當我係咩？」
我當子瑜係咩？又係呢條難題，但點估到今次係由子瑜親自開口問我，諗諗吓，唔通我尋晚同曉琳散咗，就可以即刻同子瑜確認心意喺埋一齊？感情嘅事邊有得咁隨便，就算我過到自己個關，子瑜會唔會信我個心只係得返佢一個，又係另一回事，或者可能會覺得我只係當佢係水泡備胎。
再者，返到學校對住啲同學日見夜見，又會衍生另一個問題，就係大家會點睇我同子瑜呢對情侶，到時候芯玲佢哋肯定會覺得我係一個徹頭徹尾嘅渣男，而子瑜就可能會變成搶人男朋友嘅婊子。
咁嘅話，我哋真係可以喺埋一齊？我衝口而出講話剩係會鍾意子瑜一個，但事實上係我都未準備好可以俾到幸福佢，我哋係咪嗰啲所謂嘅…遇到對的人但出現在錯的時間，連我自己都唔係好肯定…
時間又一日一日咁過去，秋天嘅氣息越嚟越重，返學嗰陣身邊啲同學一個二個開始笠多咗件冷衫，可能我冬天出世我真係唔怕凍，呢種廿度嘅天氣我覺得好舒服，朝早依然係一件短袖恤衫就出得門口，呢段日子朝早返學時間，子瑜都係帶住黃子俊一齊出門口，我刷緊牙嘅時候就聽到佢哋開鐵閘嘅聲。
無錯，粒豆釘已經出咗院，但隻腳仲打緊石膏，出入始終唔係幾方便，我有好幾次諗過，不如專登早啲出門口扮巧合撞到佢兩姊弟，不過後尾都係打消咗呢個念頭。
你問我，嗰日我同子瑜喺茶餐廳外面發生咗啲咩？其實真係咩都無發生到，嗰日我向子瑜表完白之後，子瑜反問返我當佢係咩，我又真係棟咗喺度沉思呢個問題，每次我面對呢條問題我個腦都會輕咗機，結果子瑜就喺呢個時候好失望咁轉身離開，當我醒覺需要追上去嗰陣，直覺話俾我知我已經錯失咗時機。
假如我係真心嘅話，又點解要諗咁多嘢？有幾鍾意一個人，真係唔係靠把口講出嚟，而係內心一早已經話咗俾你知個答案。
就係咁，我同子瑜嘅關係，又好似去返初初我同曉琳拍拖嗰陣咁，無晒任何交雜，就算我哋係隔籬鄰舍只係兩步之隔，但感情所產生嘅裂痕，往往可以成為一段遙不可及嘅距離。
好快又去到深秋，涼風一日比一日送爽，慢慢開始分唔到依家係秋天定係冬天，學校出咗通告話下個禮拜轉冬季校服，我喺衣櫃摷返套長袖恤衫出嚟，男仔嗰套冬季校服其實同夏季無咩分別，差別只係在於短袖同長袖之分，女仔嗰套就由白色校裙，變成白色長袖恤衫加條灰色背心連身裙，仲要戴埋條深藍色嘅領呔，而我覺得最大嘅分別係，感覺上班女仔每逢冬天就會成熟咗，唔知道係因為大家又大咗一歲嘅關係，定係套校服俾我嘅錯覺。
而我亦都開始習慣咗自己一個人，不過有時候都只係覺得自己喺度自欺欺人，因為根本上學校裡面就無人同我玩，但我耐唔耐會掛住以前同啲女仔一齊玩嘅日子，之不過我又唔係同其他人完全無交流嘅，咁話晒我都係男班長，而曉琳係女班長，我同佢因為班長嘅職責，有時候派下簿同落教員室拎嘢都會交流，不過曉琳同我嘅交談只限於職務上嘅必要，唔會有其他不必要嘅對話，但係我留意到佢依然仲戴住我哋條手繩，而壁報板上面我同曉琳嗰張大頭照，依然喺正中間繼續咁耀眼。
十二月嘅呢一日，班主任Miss Chan又叫咗我落教員室，我都唔知自己衰咗啲咩，不過斷估應該唔關上堂傾偈事，因為芯玲一早轉咗同前面個女仔傾偈，傾到成日俾老師捉，我就除咗安安靜靜專心上堂之外都無咩好做。
「嚟緊月尾要搞聖誕聯歡會，上晝留喺課室玩聯誼活動，下晝就全體落禮堂聽sing con，咁你幫我諗諗計嗰日朝早有咩好做啦，你知㗎啦，你應承咗我嚟緊半年都要幫手搞活動㗎嘛，今次就俾個committee你做，但你放心，已經有人自動請纓做你partner。」
「Miss Chan，咁係邊個？」
搞活動我就無咩所謂，當有啲細藝打發下時間都好，不過邊個做partner就好大影響，你知啦唔係個個都夾得埋㗎嘛。
「咦，到啦，喺你後面。」
究竟係邊個呢？
我回身一望，係一個熟悉不過嘅女仔身影，亭亭玉立著住套冬季校服笠埋件海軍藍冷衫，帶住一種成熟嘅感覺。
原來我個partner，就係曉琳。
「黃子瑜，我同曉琳分咗手啦。」
一瞬間之下，子瑜啲眼淚停咗無再滴出嚟，然後用一副難以置信嘅表情望住我。
「我講真㗎，係尋晚嘅事。」
我心裡面其實好期待子瑜會有咩反應。
「關我咩事啫？」
點知子瑜個反應會係咁絕情轉身走人，霎時間搞到我留喺原地唔知點好，但係個傻妹行咗一段路之後，又偷偷地擰返轉頭，好似仲見到佢嘟起咗個嘴，跟住又嬲爆爆咁即刻擰歪面，我就知道佢其實等緊我追上去搵佢。
因為佢曾經講過，當一個女仔咁樣走咗去，其實係想個男仔追返佢。
「黃子瑜你唔好嬲我啦。」我再一次追上去拉住佢隻手仔。
「我以後都唔會再彈出彈入，剩係真心鍾意你一個，唔會俾你再受咁多委屈，一直以嚟係我蠢，唔知道你鍾意我，又唔敢承認我自己都鍾意你。」
講完之後，我先至發現自己心口不停起伏係咁喘氣，真係跑比賽嗰陣都無喘得咁勁，但子瑜就一直只係望住我雙眼，無俾任何反應。
隔咗一陣，我抖返順條氣之後，子瑜突然就一臉認真反問我。
「陳佑男你當我係咩？」
我當子瑜係咩？又係呢條難題，但點估到今次係由子瑜親自開口問我，諗諗吓，唔通我尋晚同曉琳散咗，就可以即刻同子瑜確認心意喺埋一齊？感情嘅事邊有得咁隨便，就算我過到自己個關，子瑜會唔會信我個心只係得返佢一個，又係另一回事，或者可能會覺得我只係當佢係水泡備胎。
再者，返到學校對住啲同學日見夜見，又會衍生另一個問題，就係大家會點睇我同子瑜呢對情侶，到時候芯玲佢哋肯定會覺得我係一個徹頭徹尾嘅渣男，而子瑜就可能會變成搶人男朋友嘅婊子。
咁嘅話，我哋真係可以喺埋一齊？我衝口而出講話剩係會鍾意子瑜一個，但事實上係我都未準備好可以俾到幸福佢，我哋係咪嗰啲所謂嘅…遇到對的人但出現在錯的時間，連我自己都唔係好肯定…
時間又一日一日咁過去，秋天嘅氣息越嚟越重，返學嗰陣身邊啲同學一個二個開始笠多咗件冷衫，可能我冬天出世我真係唔怕凍，呢種廿度嘅天氣我覺得好舒服，朝早依然係一件短袖恤衫就出得門口，呢段日子朝早返學時間，子瑜都係帶住黃子俊一齊出門口，我刷緊牙嘅時候就聽到佢哋開鐵閘嘅聲。
無錯，粒豆釘已經出咗院，但隻腳仲打緊石膏，出入始終唔係幾方便，我有好幾次諗過，不如專登早啲出門口扮巧合撞到佢兩姊弟，不過後尾都係打消咗呢個念頭。
你問我，嗰日我同子瑜喺茶餐廳外面發生咗啲咩？其實真係咩都無發生到，嗰日我向子瑜表完白之後，子瑜反問返我當佢係咩，我又真係棟咗喺度沉思呢個問題，每次我面對呢條問題我個腦都會輕咗機，結果子瑜就喺呢個時候好失望咁轉身離開，當我醒覺需要追上去嗰陣，直覺話俾我知我已經錯失咗時機。
假如我係真心嘅話，又點解要諗咁多嘢？有幾鍾意一個人，真係唔係靠把口講出嚟，而係內心一早已經話咗俾你知個答案。
就係咁，我同子瑜嘅關係，又好似去返初初我同曉琳拍拖嗰陣咁，無晒任何交雜，就算我哋係隔籬鄰舍只係兩步之隔，但感情所產生嘅裂痕，往往可以成為一段遙不可及嘅距離。
好快又去到深秋，涼風一日比一日送爽，慢慢開始分唔到依家係秋天定係冬天，學校出咗通告話下個禮拜轉冬季校服，我喺衣櫃摷返套長袖恤衫出嚟，男仔嗰套冬季校服其實同夏季無咩分別，差別只係在於短袖同長袖之分，女仔嗰套就由白色校裙，變成白色長袖恤衫加條灰色背心連身裙，仲要戴埋條深藍色嘅領呔，而我覺得最大嘅分別係，感覺上班女仔每逢冬天就會成熟咗，唔知道係因為大家又大咗一歲嘅關係，定係套校服俾我嘅錯覺。
而我亦都開始習慣咗自己一個人，不過有時候都只係覺得自己喺度自欺欺人，因為根本上學校裡面就無人同我玩，但我耐唔耐會掛住以前同啲女仔一齊玩嘅日子，之不過我又唔係同其他人完全無交流嘅，咁話晒我都係男班長，而曉琳係女班長，我同佢因為班長嘅職責，有時候派下簿同落教員室拎嘢都會交流，不過曉琳同我嘅交談只限於職務上嘅必要，唔會有其他不必要嘅對話，但係我留意到佢依然仲戴住我哋條手繩，而壁報板上面我同曉琳嗰張大頭照，依然喺正中間繼續咁耀眼。
十二月嘅呢一日，班主任Miss Chan又叫咗我落教員室，我都唔知自己衰咗啲咩，不過斷估應該唔關上堂傾偈事，因為芯玲一早轉咗同前面個女仔傾偈，傾到成日俾老師捉，我就除咗安安靜靜專心上堂之外都無咩好做。
「嚟緊月尾要搞聖誕聯歡會，上晝留喺課室玩聯誼活動，下晝就全體落禮堂聽sing con，咁你幫我諗諗計嗰日朝早有咩好做啦，你知㗎啦，你應承咗我嚟緊半年都要幫手搞活動㗎嘛，今次就俾個committee你做，但你放心，已經有人自動請纓做你partner。」
「Miss Chan，咁係邊個？」
搞活動我就無咩所謂，當有啲細藝打發下時間都好，不過邊個做partner就好大影響，你知啦唔係個個都夾得埋㗎嘛。
「咦，到啦，喺你後面。」
究竟係邊個呢？
我回身一望，係一個熟悉不過嘅女仔身影，亭亭玉立著住套冬季校服笠埋件海軍藍冷衫，帶住一種成熟嘅感覺。
原來我個partner，就係曉琳。
對唔住各位，要你哋等完又等。
故一定唔會棄。
故一定唔會棄。
唉 彈出又彈入 真係好撚煩 但都合理嘅