【校園/愛情】戀上鄰家女孩(布甸篇)
深夜甜品
880
回覆
27 Like
2 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
深夜甜品
2023-09-06 21:02:01
差啲對到眼都花
變異紅毛猩猩
2023-09-06 21:07:33
>
>
支那追擊手
2023-09-06 21:19:17
咁係咪會同子瑜講清楚
JM
2023-09-06 21:48:00
變成渣男
大西北姿粉客
2023-09-06 22:06:51
男哥明明曾經係個乖仔
西門廿一九
2023-09-06 23:11:43
覺得男主已經唔值子瑜
聚賭最多罰三千
2023-09-06 23:27:39
好地地點解要寫成咁,可以重寫嗎?
男哥依家究竟愛邊個
深夜甜品
2023-09-06 23:39:24
重寫都唔係無可能,如果重寫就要由陸運會假期後返學開始重寫。
如果贊成重寫可以喺度留個負評,睇吓大家意願
支那追擊手
2023-09-07 00:02:17
算啦 結局定咗就係定咗 有食就食都係正常人會做嘅事 身邊都有過啲fd 口講唔愛啦想分手 但轉個頭過返晚又繼續一齊 不過青春故都咁係有啲難受 希望曉琳屋企人報警拉鳩個打靶仔
變異紅毛猩猩
2023-09-07 00:31:00
如果作者想咁寫 讀者都只能夠尊重 不過鐘唔鐘意就另一回事
聚賭最多罰三千
2023-09-07 06:28:16
嚴格嚟講曉琳此刻係正印,某程度上又唔可以話男哥錯嘅…
AM07
2023-09-07 13:03:18
男哥唔係叫珍惜人,只係憐憫呢個女仔最後既一點温柔,以愛去傷害愛你既人,人渣
深夜甜品
2023-09-07 19:17:00
首先想同咁多位讀者講聲對唔住,見住呢篇文越嚟越多新讀者留名留言同討論,作為一個小小作者嘅我固之然好開心,大家每一個留言我都有認真睇。
入返正題,渣男故真係絕非呢篇故嘅原意,縱然佑男本身唔係好好先生,但都算係一個乖仔,不過居然一步一步咁俾我寫到越嚟越衰,最後被大家冠上渣男罪名,真係連芯玲都睇漏眼,我更加係難辭其咎。
至於重寫,唔排除會有,因為寫到第89集其實中間都有好多BUG出現過,但我思考咗一日,覺得現階段重寫對你哋嚟講可能係一種背叛,要你哋花咗咁多時間追故結果又一下子抹走,亦好似浪費咗你哋時間。
最近我有個覺悟,就係覺得寫故其實都幾似人生,條路行錯咗都係要繼續向前行,佑男今日做咗渣男但佢依然都係要返學,在此我懇請各位可以繼續拭目以待佑男之後嘅改變,我亦都會好好愛惜曉琳同子瑜呢兩個好女仔。
深夜甜品
2023-09-07 19:28:59
講得好
女傭Cafe打手
2023-09-07 22:45:47
我覺得可以照寫落去,最多完故之後用番外篇形式重寫後面。辛苦晒樓豬!有故睇就滿足了
大西北姿粉客
2023-09-07 22:58:34
巴打做咩自己覆自己
但係我覺得個故好睇嘅,而且男哥做嘅嘢,其實都幾符合人性
講真,對大部分男人嚟講,如果有兩個咁正嘅女仔鍾意自己,應該都只會諗點樣食晒兩個
深夜甜品
2023-09-08 07:28:32
可能連帶埋我個舊故一齊整個重修版
深夜甜品
2023-09-08 07:55:13
唔係啊其實我係覆緊AM巴個留言
我覺得,如果嗰吓推開曉琳,可能會仲hurt
大西北姿粉客
2023-09-08 09:44:48
呢個就點解我話帶埋子愉過嚟
香江第一淫棍
2023-09-09 21:52:02
無咩問題吖
故事就係故事,可以平淡無味,可以高潮迭起。
睇你想表達咩。但你好似未寫過大團圓結局或happy ending
支那追擊手
2023-09-09 22:07:47
所以作者係代入男哥 覺得佢會自我感覺良好 出於惻隱而全都要
?
深夜甜品
2023-09-10 19:53:23
90. 何事秋風悲畫扇
嗶嗶嗶嗶————
係咩聲呢…?
我起身擘大眼先發現原來係曉琳個電子鐘喺度響,而曉琳一早已經唔喺張床度,瞓醒覺後,尋晚我同曉琳所發生嘅事開始不斷重覆衝擊我大腦,我有一刻懷疑係咪只係我發緊夢,但係我依家身處喺曉琳間房,仲有床單上面灘不明紅色污漬,引證住呢一切的而且確真實發生過…我同曉琳真係分手了。
行出房門,我見到飯枱上面有張小紙條,拎起一睇係曉琳啲字跡,我先知道原來曉琳已經出咗門口返緊學,紙條旁邊放咗一碗冚住蓋嘅湯麵,同埋一杯仲係暖暖地嘅牛奶,係曉琳臨返學前為我準備嘅早餐...
咁好嘅女朋友,已經唔再係我女朋友。
食飽飽之後,趁有時間我洗埋碗,再返入曉琳間房,摺好被擺返好啲枕頭先至換衫離開,至於床單灘紅色污漬...我都唔知道有咩辦法,雖則話尋晚我同曉琳仲係情侶關係,但係咁樣攞咗一個女仔嘅第一次,我都唔知道應唔應該...
返到學校附近範圍,我只係耷低頭行,盡量唔想同任何人對上目光,特別係我認識嘅人,我恨不得可以變成透明咁就唔使怕俾熟人撞到,但係好死唔死,居然都係俾人發現咗我嘅存在。
「早晨啊男班長。」仲要係俾班主任Miss Chan撞到。
「Miss Chan…早晨。」
「做咩個樣咁攰,尋晚好夜先瞓啊?」我依稀記得尋晚好似差唔多天光前先瞓得著,依家個樣肯定仲係睡眼惺忪咁,至於尋晚嘅事就唔好提啦...
「嗯...都係。」
「咁你本手冊個小過,搵咗媽咪簽名未?」我都唔敢講尋晚我無返過屋企,喺曉琳屋企過夜嘅事。
「未啊...」
「唉,我唔講校規喇,反正你犯嘅錯,都唔係靠記一兩個小過就可以補償到,亦都唔會叫你寫多幾篇悔改書就可以改正到,老師教到你嘅嘢係好有限,有啲人只要經歷過一次就會成長,但有啲人無論經歷過幾多次都唔會成長,因為佢哋內心深處根本唔願意去作出改變,就睇下你想做邊一種人啦。」
未返到學校,就好似上咗一課咁,Miss Chan話佢仲要趕返教員室準備功課唔得閒理我,就抌低我自己一個人喺條街度,唔知道一陣返到課室又會聽到啲咩閒言閒語。
不過呢啲所謂嘅閒言閒語可能都只係我幻想出嚟,因為由我步入學校大門,直至到我返到課室坐返埋位嘅呢段路上,其實我都無聽到身邊經過嘅人提起我。
原來分手係一件咁嘅事,其實你唔講出嚟係無人會知,亦無人會理你,所以更加唔會有人主動走埋嚟問候你同關心你,上堂嗰陣望住曉琳嘅背影,一諗到我無好好珍惜呢個女仔,啲眼淚就好幾次差啲忍唔住流出嚟,再咁樣落去我都好辛苦。
小息鐘聲響起,就有個藍社社幹事嘅師姐喺課室門口揮手叫咗曉琳出去,我估多數都係有社務要做,而我就趁芯玲起身去廁所嘅途中,膽粗粗喺走廊度,冒着佢會嗌非禮嘅風險,截住佢捉住佢隻手行去走廊一個無人會經過嘅角落。
「喂吔,陳佑男做咩事啊?我好急尿啊,我就快瀨啦。」
芯玲幾乎想轉身就走,但我唔想芯玲咁快走住,因為我喺學校真係得返佢一個傾訴對象,拜託你再忍多陣先啦好唔好。
「我尋晚同曉琳分咗手…」不過我都知時間寶貴,而且我都唔想俾曉琳見到我同芯玲喺度傾密偈,所以我直接了當講個重點出嚟。
「咁你同我講做咩啫?你搞清楚,你最應該講俾佢知嘅嗰個人,唔係我,係子瑜先啱。」
「欸…」
「其實你真係好幸福,有兩個咁好嘅女仔同時鍾意你,但你就仲係傻吓傻吓咁生在福中不知福,知唔知班上面幾多男仔當你係全民公敵啊?」
芯玲見我無聲出,就諗住轉身走人,但我再一次捉住佢隻手,我想講啲嘢,但又唔知講咩好,然後佢就話。
「陳佑男我真係唔得閒理你喇,你俾我去廁所啦,同埋你再捉住我,你怕唔怕會俾子瑜誤會我哋?」
芯玲向住課室方向連打眼色,而我就順住望過去,又真係見到子瑜咁啱喺我課室外面經過,仲要趷高腳企圖䚎入去課室裡面。
「唉。」
芯玲無啦啦喺度歎氣,跟住說時遲那時快,佢好興奮咁衝埋去子瑜度,仲要一嘢攬住佢,我依稀聽到佢兩個喺度講。
「黃子瑜!」
「啊…芯玲,原來係你。」子瑜俾芯玲從後偷襲攬到實一實,我都唔知道原來佢哋去到咁熟。
「嘻嘻,你過嚟呢度想搵邊個啊?」芯玲笑問。
「欸…無啊。」子瑜好似偷蕃薯俾人發現咗咁,個樣驚驚青青。
「不過嗰條友仔好似有啲嘢想同你講。」
芯玲失驚無神笑騎騎咁指住我,搞到我俾子瑜發現咗我匿喺呢個角落頭度,我哋兩個四目交接,又即刻移開視線,霎時間我都唔知道可以做啲咩好。
深夜甜品
2023-09-10 19:55:08
我真係無寫過happy ending,因為要苦盡甘來達到一個好嘅大團圓結局都唔係咁容易寫...
深夜甜品
2023-09-10 20:09:28
我覺得佢未必係出於惻隱之心,而係呢個衰仔一來唔識拒絕人,二來佢覺得呢個係曉琳嘅意願,佢想尊重返。
至於點解最後佢心裡面會講「曉琳我愛你」,一來性興奮之下係會令人產生多巴胺,而多巴胺係會令人有戀愛嘅感覺,所以點解會有咁多人扑完野之後沉船;二來係,雖然大家都知道佑男肯定唔係全心全意專一咁愛曉琳,但係佢鍾意呢個女仔無可否認嘅事,情迷意亂之下,自然會產生「曉琳我愛你」呢種強烈諗法
可能就係咁令大家誤會咗佢呢頭愛完子瑜轉頭又話愛曉琳,不過我諗佢都仲係未搞清楚自己想要啲咩...何謂真心,有時連自己都答唔到
AM07
2023-09-11 23:18:23
如果真心愛一個人,又點會同時可以俾另一個人走到入心度。點拗都好,事實就係咁…
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞