因為高手有練開低心率,帶氧底勁
想練到咁都係要easy run,低心率跑,有晒科學根據,睇你有無耐性去做,好多人都性急唔肯接受現實自己帶氧差,唔肯慢
所以我覺得長跑都係要忍辱負重,學習耐性
同埋之所以我會強調跟客觀數字心率黎跑步,就係因為太多人高估自己,憑感覺地跑太快,實在見過太多人因為面子而失去左實際進步得最快既機會。我最大心率估計210+(實際上過207,半馬平均186),都係用緊14x心率黎跑easy run,事實可能我去到170都仲可以主觀感覺輕鬆。
半年由10:30去到6:30,進步左4分鐘,過程中基本上就算我係一個極度心急想進步既人都係要跑慢,都係要忍耐。就算我睇返其他高手,其實都係用緊一個可能比我更低既心率黎練easy run,呢度好多勁人都有提過,低心率練既重要性。
可以睇下呢條片講
https://www.youtube.com/watch?v=2mzMuUoKhpw&ab_channel=Let%27srunfaster
所以我係度介紹低心率訓練,同強調呢樣野既重要性,就係費事新手走太多歪路,跑左幾年之後再黎問返點解人地跑得咁輕鬆而自己做唔到。不過講真,如果都係選擇唔跑輕鬆跑,鍾意下下都跑到喘晒氣我都唔會干涉,始終人都係有選擇既自由,未必係個個都真係想練到有氧既。