【逃出x選項】《夜半的宜卡傢俬》只有26.7%逃出機率的生存遊戲

你有一刻覺得，黎生只是做了你們想做卻不敢做的事。臉部受傷的小孩一邊掙扎，黎生一邊死揪不放，不知不覺間他的雙手已經沾滿了從小孩身上流出的鮮血，你一看自己的雙手，其實也不那麼乾淨。

黎生只是比你們真實，代替了你們下手。

小孩聽見你的聲音看了你一眼，彷彿過了一會才認得出你是一開始把他壓在地上的人。即使正被痛楚折磨，他聽見你的提問仍然不服氣地緊閉雙唇。直至黎生見他還在耍脾氣又再一次用力扯住他的長髮，他才不知是自主意識還是被潛意識驅使般，把目光瞄向你們身後，亦即是廚具餐具區那邊的方向。

驟見小孩好像有意識地把你們指向那邊，你著急地追問：「你……係咪話佢喺嗰邊？你收埋咗佢喺邊度？佢人有無事？」

你不過稍為分心看了廚具餐具區那邊一眼，突然眼前一黑，你們沒有人反應得來發生甚麼事。

黑暗當中，你在潛意識一下就捉住了阿美的手，她也因為事情來得太突然而反捉住你。可是這樣的時刻並不長久，隨而之來你就聽到黎生大叫「咪撚走」之類的說話。黑暗維持不過一分鐘，射燈就再次亮起，現場再次剩下你們四人。

第一時間你們當然環顧四周，不停搜索有沒有小孩的蹤影。可是一分鐘說長不長說短不短，宜卡傢俬的捷徑、匿藏處又有這麼多，有心要逃跑的話已經可以躲到很多地方。

「屌！俾個細路走甩咗。」黎生大感不忿，用力踢向旁邊的商品櫃洩憤。


「但你認真諗下，佢咁細粒點推得郁個咁重嘅箱……」你提出自己一直顧慮的想法，會不會其實一直從後襲擊你們的「那個人」並不是這個古怪的小孩。

「唔係佢仲有邊個？唔通個保安搞鳩我呀？我哋同佢無仇無怨喎。」黎生一直覺得，撞鬼的事和今晚被襲的事是分開的：「人仲惡過鬼啦，如果有鬼要搞我哋嘅話，我哋一早死咗。佢邊駛花咁多唇舌嚟叫我哋走人？個死𡃁仔都認咗係佢畫花個黑板嚇鳩我哋，我打柒佢都無無辜啦？」

黎生越說越激動，任由憤怒蓋過理智，忽視你指出的種種矛盾。就例如小孩根本不可能推得動一個裝有傢俬木材的貨箱、他明明說在貨架上看見推箱的人是「MK」，即使錯認，兩者的身形亦相差甚遠、還有從後向你們投擲飛刀所需要的眼界和定力，也不像一個身體肌肉仍在發展的孩童能夠輕易做到的事。

「頭先嗰下無啦啦熄燈……唔會……好可疑咩？」身旁一直沉默的肥羊終於開腔。

阿美也幫上一句：「如果你認定係個細路搞鬼，佢人都被你捉住咗，唔通佢用念力遙控燈掣幫自己脫險？定係你覺得真係咁啱得咁橋跳掣？」

黎生不發一言，你留意到他嘴裏微微震抖好像想要說話，卻想不出有甚麼可以駁斥阿美。

如果小孩所言屬實，他只承認了自己做過的惡作劇，那你們基本上可以肯定，在宜卡傢俬裏面想要攻擊你們的人並不止一個。

是日營業時間結束
500正皮加更

呢次投票真係好緊火 頭一個鐘我見傷害大比數拋離，之後放過反超前，最後傷害小勝



賣個廣告，覺得好睇嘅留低正皮、留言講低想法推測、科勞我，都係對我莫大嘅支持


廣告時間：
IG（跟貼最新消息）：www.instagram.com/waittobewritten
PATREON（每月請我飲杯酒，支持我繼續寫作）： www.patreon.com/waittobewritten
FB（開嚟唔知有咩用）：www.facebook.com/waittobewritten

揀錯
會唔會之後解唔到謎離開唔到個地方
突然之間又好絕望咁

見到黎生暴走覺得少驚

真係揀錯 應該折磨到佢淨係講到野 其他咩部位都郁唔到

黎生一嬲就暴走，扣減原有推理技能

仲要confirm埋超自然向好似死死哋

文中已經透露犯下大錯啦
估唔到咁多人揀傷害

青青你好!

「唔會有單一決定直接影響勝負，每一個選項無分對錯，都有機會獲勝。結果往往係由唔同時刻嘅唔同選項疊加而成。因為想做到每個決定都係關鍵，唔係假投票你揀乜最後都會出一樣嘅嘢，所以唔會每一次出文都有選項玩，但係劇情內容會幫助到你決定喺後面要作出一啲點嘅選項。」

樓上又未必要咁灰心嘅 揀咗就揀咗 越爛嘅牌越要用心打
(而且未必呢個選擇就叫爛 總唔會只有一個正確答案 我覺得好好善用前面嘅積累 團結 都會走到去結局)

往後發展未必係心目中最理想嘅
(至少我自己都唔特別想睇大導黑化 但相信殺到對面真點冚家產都叫逃出成功嘅)(講笑 未必要咁極端)
(不過我真係擔心冇咗mk嘅蠻力對戰力會有影響 所以萬一要開拖都要小心 我怕有心無力)
(但都唔知仲有冇道歉嘅機會 想道歉人地都未必接受 所以有時都焗住行落去)

點都好 咪陪主角一齊行埋落去囉 盡量喺之後嘅選擇中揀個最幫到主角嘅

唔想投錯嘅就唔好咁早投 睇下有冇更多討論再投囉

真 希望唔會再有正面衝突 呢個黎生少恐怖

一齊追故

Molamola
點解咁多人揀傷害
尖叫小童有人幫手識熄燈保命，幫佢手嘅人見到佢傷左一定冧左MK

5 人齊上齊落夢碎

屌 仆街了 揀左傷害完全0幫助
呢個係第二重要既選擇 因為選項越後越重要

睇嚟走得出 都唔會全員逃脫
可能要有人犧牲先走到

本身諗住佢傷害都係瞄身瞄腳 點知主角係冇中間一係由佢走 一係爆頭
同埋黎生咁樣暴走 捉到細路都問唔到野冇幫助

姐係如果揀放過，有機會問到野

點諗到黎生暴走到咁

見到好多人都提議放生個細佬，仲以為放生多人揀，估唔到揀傷害既人係沉默既大多數

細路唔係無辜 唔畀佢走先合理

遊戲/故事角度咪可能揀放生
但代入現實嚟講 我會揀傷害

ching有玩過patreon版?

Live! 好好睇樓主勁呀
頭幾個chapter半夜睇到Run果度真心嚇一嚇

如果前段揀中某啲選項係可以獲得一啲「道具」（（雖然喺舖頭搵到嘅都唔係咩大火力武器

蘿莉控追到最後發現you竟然是個boy