【逃出x選項】《夜半的宜卡傢俬》只有26.7%逃出機率的生存遊戲

「你……你講咩？」黎生追問，臉上還是一副難以置信的表情。

阿美雙手捏住自己的手指，這些小動作被你們看在眼內，盡顯了她不安的狀態。

「頭先我同佢嘈起上嚟，佢話想一個人去洗手間冷靜下洗個面，之後就一直無返嚟……我見集合時間又到咗，所以就自己上嚟先，諗住佢好快會出現，點知……」

「點解你頭先唔話我哋知？」你想盡量放輕語氣，但把話說出口的一刻還是無可避免有責怪她的意味。

面對你的疑問，她只是低頭沒有說話，小心翼翼地望向黎生和肥羊。你注意到兩人得知阿美有所隱瞞後，看她的眼神有點不一樣。你後悔把剛才的問題問出口，阿美和MK吵架，及後MK失蹤，你們又在儲物用品區發現血跡……種種巧合湧現了很多對阿美不利的猜測。

但你認識得阿美最久，你知道她不把和MK吵架的事說出來，一定有自己的原因。即使黎生或肥羊因為這樣就覺得阿美有可疑的話，你也知道這是不可能的事。
你對自己有信心，你夠認識這個人。


先是阿美遇襲，現在MK更是不知所蹤。你們待在密封的宜卡傢俬，明明知道四周無人，卻強烈感覺到漆黑之中有一雙雙眼睛悄悄凝視你們。或者早在宜卡傢俬關門之前，你們興高彩烈地打打鬧鬧時就出現了。

你不知道是誰，也不知道是在甚麼時候開始，但可以肯定的是這些都不可能是巧合——你們在這個密閉空間被盯上了。

在今天之前，每個拍影片的人都以為「IKEX Overnight Challenge」最困難的就是要在不被發現底下，留在宜卡傢俬過上一夜；

然而此刻你才知道，真正的Overnight Challenge不是要「留下」，而是要「逃出」。

為了籌備這段影片挑戰，你知道店舖大門在最後一批職員離場之前已經鎖上，直到明早負責當值的早班職員回來。

「即係最快都要等到天光，先會等到有其他人嚟⋯⋯」肥羊這話怎聽也摻雜著絕望的不安。
「喂大導，而家我哋似唔似『Until Dawn』呀？」黎生撞撞你的手肘苦笑。

這是在大學住宿時，你曾經和黎生打過的一部恐怖電動遊戲。故事講述一班朋友到山上的小屋舉辦派對時遇上各樣危險怪事，救援人員要到黎明時份才會抵達。情況就和你們面臨的困境一樣。

「我哋唔使等到聽朝，而家就可以報警，等警察嚟救⋯⋯」阿美話未說完就被打斷。

「主動報警？」黎生一聽見阿美的提議就強烈反對：「先唔講我哋擅闖舖頭已經可以告幾條罪；仲要而家有人唔見咗，如果佢哋嚟到咩發現都無，我哋就會係最大嫌疑犯。」

「但我哋都無做過⋯⋯」

「你留返同個官講？」

阿美抿緊嘴唇不再反駁，你雖然覺得黎生對她說話的語氣未免太重，但也不得不同意黎生的說法。在現在情況一概未知的時候貿然報警只是自投羅網。你們所在的宜卡傢俬是密閉空間，要是MK真的還在舖內，警察做到的不會比你們多。

你們明知有個隨時會襲擊你們的「那個人」身在店內，拋下MK一人無礙是讓他身陷更差的險境之中。只要你們留下的話，至少你們還有五個人與之抗衡，一旦離開就只剩下MK一個。

不過，如果不報警，而是你們想辦法先行逃出宜卡傢俬，在外面找其他人來幫忙又是否行得通？

你們有四人，要是真的開打，阿美和肥羊沒有戰鬥力，真正能夠動手的人只有你和黎生，勝算並不樂觀。現在伸手不見五指，時時刻刻也在擔心對方是否在暗中監察你們，先到外面再找救兵至少可保周全。

事到如今，你也不知道該如何抉擇。你們會來到今天這個困境，也是因為你在前面作出了無數決定而把你們帶到這個局面。每個抉擇都攸關大小，你不禁有些遲疑。

【抉擇三】

一番仔細思索過後，你決定向他們作出以下提議：

A）留下－「我們不能留下失蹤的同伴置諸不顧。」

B）離開－「先行脫險，我們到外面再從詳計議找人幫忙。」

（按下面留言正皮投票，24小時截數）

【目前進度】
大導：健全
MK：失蹤
黎生：健全
阿美：受傷 ♥
肥羊：健全

A）留下

B）離開

是日營業時間已經結束 抉擇三投票開放中！
照舊大家投完票，可以留言講低點解咁揀 關鍵情節過咗之後可以出下路線解構
上次抉擇二嘅路線解構夜少少寫

如果覺得好睇嘅，記得留個正皮同留言畀我，唔好等我單機


IG（跟貼最新消息）：www.instagram.com/waittobewritten
PATREON（每月請我飲杯酒，支持我繼續寫作）： www.patreon.com/waittobewritten
FB（開嚟唔知有咩用）： www.facebook.com/waittobewritten

留低同敵人搏命

多謝多謝

我覺得未必走得到

9估：
- 佢地鬧交應該係因為主角
- 主謀係主角群其中一個

A

所有大鑊嘢一律建議萬事屋

揀A揪出兇手

其實行兇嗰個會唔會就係MK?

今個抉擇位好難揀

「主動報警？」黎生一聽見阿美的提議就強烈反對：「先唔講我哋擅闖舖頭已經可以告幾條罪；仲要而家有人唔見咗，如果佢哋嚟到咩發現都無，我哋就會係最大嫌疑犯。」

黎生誤導緊住部人﹐成個場啲膠箱冧哂﹐有成攤血液喺度﹐點睇都係難以清翻好個場﹐天光開舖職員都會發現同報警

而先唔講間舖入面有無CCTV﹐淨係商場CCTV睇返出入人數同睇下邊個無出到嚟﹐再利用CCTV逆向追蹤交易記錄(搭車畀錢)同埋住址﹐基本上要搵到主角5條友係唔難﹐即係主角一行人係避唔開非法入侵呢啲基本罪名﹐喺呢個基礎情況下仲想逃走﹐只會令人覺得更大嫌疑

最好方法係停留喺安全同有利嘅位置﹐報警等警察一嘢圍封所有出入口﹐然後地毯式搵條友出嚟

不過除咗主角﹐任何人都有嫌疑

黎生誤導緊全部人

如果4個人之中有鬼嘅話﹐揀A扮留喺度﹐仍然有機會暗中偷偷報警/尋求外面幫助

揀B嘅話﹐唔排除隻鬼會當場反面﹐主角提及阿美同肥羊不成戰力﹐如果黎生係鬼又偷襲主角﹐其他人之後都會收皮

黎生有鬼喎 點會阻止報警

2023仲報狗可恥
不過支持報狗，睇吓迫唔迫到真兇現身，除非理想巴寫到報狗就完故

邊有咁快

票數爭持好激烈 都係兩個選項好玩

亦都可能有共犯，即係可能多於一隻鬼

甚至乎兇手根本係出面啲人

做留下來的人

樓價咁貴，買唔到樓咪入去宜卡住下
好過瞓天橋底。
點知主角亂入，仲話要拍片
可能有宜卡原住民驚會黃左冇得住，咪俾主角同佢啲朋友體驗一下香港國際大刀會

Btw, 佢地有冇拎返飛過黎把刀做武器旁身

行去廁所嗰陣都應該會經過RUN嘅位置，但當時都未見到，咁神秘人都砌得幾快

可能係上一手留低？
（可能佢哋唔係第一班人挑戰, 但係因為從來都冇人成功逃出過, 所以佢哋先以為自己係第一個...？）

有入冇出！！！