【逃出x選項】《夜半的宜卡傢俬》只有26.7%逃出機率的生存遊戲

多謝
pplan嘅原意係想做一個複雜到似打機嘅文字遊戲，證明小說都可以好似其他娛樂一樣精彩

無隱藏感情線啦 有機會下次整當彩蛋

2023個要捉鬼？老閪都揀相信，反正捉唔到鬼，唯有相信到底。Anyway開門未？

樓主我們到了

樓主呢 去左邊

特然之間係度諗，可能相信黎生至少安撫左佢先，阿美重有兩個心心係度頂住… 可能無咁易出事

*突

好好嘅目標 逃出機率有26.7%，其他都多過四份一，唔難做到的

每人被人追(故) 都好快樂

官方解釋：因為主角們嗰下好慌亂，唔敢亂咁掂住，只想儘快離開嗰層，之後冷靜返就應該會諗起要拎

現實解釋：因為我無醒起

因為要等夠24小時截數有結果先開始砌文，新鮮製作需時
Patreon嗰轉全部又唔用得

瞓醒就出文 大家瞓醒有得睇

啱啱瞓醒咗了

gogogo

https://www.ikea.com.hk/dairyfarm/hk/pageImages/page__en_hk_1650166736__69858211.jpeg

用九龍灣ikea個地圖比較返故事個地圖(#115)其實好似
我估為咗故事嘅發展加咗個員工室落去

但係自助貨倉都加咗架𨋢
唔知有咩用呢

好耐冇追故，樓主寫得幾吸引
簡單分析一下
1. 2次攻擊明顯係針對呀美，點解呢？呀美仲有秘密未講
2. 兇手最少有同MK接觸(因為件衫)，而MK未能回來的原因是什麼？(幫兇？暈咗？)
3. 為什麼會有保安？

最後就係樓主的場外提示
1. 主角5人組，除了主角 只有呀美是固定成員。其他3人都有可能跟據選擇而離隊。
2. 兇手不會是MK，因為跟據選擇兇手有機會沒有攻擊呀美，而且MK有機會受傷。

鳩估：主角佢哋應該時間錯亂定係唔知點樣返咗過去
所以個保安喺依一刻係未死 但係點都會死
可能係救主角們嗰陣犧牲(?)

上回投票結果
A）懷疑 62+21
B）相信 119+19

＃12

02：52 下層自助貨倉

「我覺得，MK唔會咁做。」當下的你的確是如此相信著，即使沒有明確的證據說明MK清白，但基於你和他相處多年所認識的為人，你相信他不會對任何人做出這種惡事，更何況是你們這班朋友——或者，這就是黎生所說的感情用事。

他對於你和阿美一樣被「朋友」的頭銜沖昏頭腦，激動得擺出誇張的手勢：

「乜你哋真係覺得我哋完全唔知發生過咩事咩？嗰年阿美同MK一齊咗，你知道嗰晚喺宿舍飲到係咁嘔，成個人體噴泉咁呀！嗰陣我就知，你點解考到咁好成績都要揀電影，都要夢想做導演。」

「點解？關我咩事？」阿美把臉轉向你，半信半疑地質問起你來：「黎生佢講緊咩？」

你逕自向阿美解釋，儘管被說穿得無地自容的你此刻無論如何辯駁都顯得無力：「無事——唔係你諗——」

不說猶可，都說到這個份上的黎生一副破釜沉舟之態，理所當然地打斷你，把他為你守護多年的秘密都一併向阿美吐出：

「嗰陣我問佢點解咁堅持要讀電影，佢淨係話因為一個女仔，咁多年一直懶神秘唔肯講係咩人，叫佢俾相又唔肯，我都覺得奇怪，佢邊有朋友係我唔識—— 直到你同MK一齊咗，佢飲醉先講話約咗要同你睇戲，點解你唔等佢搵咗第個，我先突然諗通咩事。」

阿美把目光投向你，你下意識第一時間迴避。當然你不願承認多年對他們守口如瓶的秘密，就是這個大家近在眼前的人。

「平時都由得你，而家咁嘅時候，你仲未肯面對？咁多年，你真係唔好當我哋傻——」黎生窮追不捨地要你承認，迫你正視多年連自己都不敢面對的現實。他始終覺得，你和阿美族事就是讓MK起了惡意的開端。

「就算係，都係我同文祺一齊之前嘅事。」

誰知阿美及時在黎生把往事覆述更多前叫住他，不讓他說下去，也不想讓任何一人再回想：

「先唔講根本咩都無發生過，再講，無理由而家我哋遇到怪事、搵唔到原因，就舊事重提，屈個原因畀MK話係佢要報復我哋。如果有過去就有動機，咁我哋所有人都有嫌疑。」探求真相本是困難，不應該貪圖便捷的解釋。

黎生聽罷沒有急著反駁她，反倒對你輕蔑一笑，讓你聽得怪不舒服。

黎生和你最要好，平日無所不談。你在這個關頭選擇偏袒阿美，除了因為你真的由衷相信MK不是這種人，也是因為你知道在這個關頭，共同對抗未知的敵人最為重要，你們最不需要的就是懷疑自己多年的朋友，損耗士氣。

你以為選擇相信可以讓大家更為團結，可是我們只能左右自己的抉擇，卻無法左右別人如何看待你所作的抉擇。就像這次，被你反對的黎生並不這樣想。

在企業磨練而成的老練和謹慎，是他保護自己、保護重要的人的生存法則，也是與你們最為不同的地方。對於他有需要堅持的事，他也絕對不會對人客氣留情面：


「換轉相信MK嗰個唔係阿美，你仲會唔會咁老定話信佢唔會害我哋？」他說，對人還是對事，你自己知道。

推

在社會混得太久，他像長居於森林的野生動物，一嗅到不妥才逃走實在太遲。他知道世界的險惡，學會觀言察色，學會看上去多好的事情最後原來也可以是壞的。他開始調整期望，知道如何在危機四伏的森林覓食，知道看上去多好的人也可以是獵人，至於那些看上去已經充滿嫌疑的人，他無論如何也無法忤逆自己的天性與本能。

哪管看上去再不合理，有人還是會願意無條件地為你們付出。
只是他在職場太長時間，忘了原來朋友盲目地互相幫忙、盲目提相信對方，本是一件不需理性的事。

在那一刻，你駭然發現在他眼中的自己，好像變得有點不一樣。

「你話要入嚟拍片，我二話不說第一個陪你；但如果MK真係為咗報復，你死幫住佢，仲自欺欺人覺得無危險，有無考慮過我同肥羊嘅安全？

為咗愛情，兄弟係咪就唔使理？」

被他這樣一說，你心中像被滴中了硫酸一樣皺成一團，正以極慢的速度慢慢溶解。

你很清楚自己沒有這樣想過，他們任何一人受傷和你自己受傷，你的反應還是一樣。無論那人是阿美還是黎生，還是肥羊或你，不，要是受傷的人是自己，你還不需要被內疚蠶蝕。對自己負責很容易，對別人負責永遠是最難，對方還得是你最重要的朋友。

只是他們未必像你這樣想。在他眼中，你就是個會把自己的利益放得先於朋友的人。你不禁叩問自己是哪一部分做錯，才會讓他把你想成這樣的爛人？

你抑制自己的內疚折磨，仍得站出來為她說話：「你唔可以咁講——阿美唔係都係你朋友咩？我支持佢，又有咩問題⋯⋯」

黎生知道你的內心正在上演如此複雜的對談戲碼，怒火在他體內越燒越旺，一發不可收拾地將想法鉅細無遺地吐出：

「如果唔係你為咗條女發導演夢，要拍咩爛鬼片，我哋都唔會要陪你喺度癲！你要溝女可唔可以都理性少少，承認同面對自己嘅過去造成咗今日嘅結果！？」

終於。

你由一發現錄影機失竊開始，腦海的推理指針已經將嫌疑直指至其他影片主。除了他們，你的過夜挑戰影片也不會損害到其他人的利益，要是職員發現的話早就把你們攆走，用不著做到取人性命的份上。不論幕後的「那個人」是誰，你知道和你始終撇不清關係，而黎生終於也想到這一點，把整夜——以至多年前發生的所有不幸、憤慨和絕望都讓你攬在身上。

「但我哋係朋友……」

「你條撚樣企喺道德高地話要信朋友，事實只係想討好你咁多年都追唔到嘅人，講就梗係講得口響——哦！我知道啦。」

黎生的臉色一下變了樣。

「⋯⋯·？」你開始察覺到惴惴不安。

「的確，有可能唔係MK，」黎生打量著你，絕對不懷好意：「 仔細一諗，其實你仲大嫌疑。」

推

推

「我⋯⋯？」你指住自己的鼻子，還是不敢相信他上一秒明明還在懷疑MK，現在矛頭就在你胸前。

「分分鐘成件事你一早知情，呢個地方係你揀嘅、日子係你約嘅，飛鏢就『咁啱』趁你行開先擲過嚟、你帶我哋去出口又『咁啱』撞鬼——喂，你唔好話我知，其實你搞咁多嘢又係為咗溝女，捉咗MK為咗自己玩英雄救美呀？

所以你先全晚幫住晒阿美，唔好忘記，一開始佢堅持自己匿埋㗎！嗰段時間，佢喺我哋背後可以做到好多事……自導自演，有名你叫『大導』啦——」

黎生越說越激動，甚至把你說成是一切的始作俑者。

即使被攻擊得遍體鱗傷，你知道在這些時候最好開口為自己解釋。不管他還信不信任你，被迫背黑鍋就讓人不能裝作事不關己，更何況你也是受害者之一，被無故認定是加害者之一怎麼也說不過去。你深呼吸一口氣，想要捺起衣袖和他理論之時，內心的軟弱還是強硬不起來。


你可曾想過，「朋友」對你的朋友而言，到底是甚麼？

這個關係被濫用得太多，對於毫無認識的人你也可以說成是朋友。因為在網上發布色情影片不合法，但不限於和「朋友」分享，所以誰都可是朋友；商業推廣時常有兩人同行一人優惠，公司為免被濫用優惠要顧客填上關係，純粹想享受折扣、在門前遇上的兩個陌生人也隨即成了「朋友」。
這個關係的曖昧不明始於它的隨性。「朋友」不同於家人無法撇清的血緣關係，不同於有法律約束的夫妻關係，不同於有承諾綑綁的情侶關係。對於這個奇特的關係，你們常常擺在口邊的「朋友」，又是基於甚麼來認證，來認同彼此都有維繫的義務？

委屈和失望的情緒苦苦交纏，你像四肢都被牢牢綁起動彈不得，你有一百個自證清白的說法，在他面前卻一個都說不上來。不是因為理虧，而是因為你從未想像過要向最親近的人奮力證明自己不是一個壞人。

讓你悲傷的是，隱藏多年的情感，怎麼一旦曝光就被說成如此醜陋。

你想為自己說清，據理力爭，也不是有道理就能贏的。況且對你而言，比起真相甚麼的，人才是最重要。如果可以選擇，你寧願無知地永遠和這班人繼續一起胡混，也不願直視會把你們拆解得四分五裂的真相。

他們讓你曾經以為，原來世上還有一種交往可以如此簡單。

正當你打算就此放棄，身旁的人已經比你更早踏前了一步。你始料不及的，這個小小的身影會站在你的前方。

【阿美好感度＋】♥♥♥

你為對方站過出來，那麼在你需要的時候，對方亦會守在你的前面。
讓你苦惱的只是，朋友和情人同樣會這樣做。
你看著這個背景不禁疑惑，讓她為你站出來的這種愛之如此強大，到底是哪一種？

再推

本日營業時間已經結束
300正皮再加更
差少少喎


大家啲留言好高汁，大家都諗得好透徹，亦開始明個玩法：某程度上，選擇即放棄，揀得一樣就一定放棄緊另一樣。

另外阿美好感度又UP，開始睇到多少少關於阿美同主角嘅往事（呢啲patreon 嗰次從未解鎖過)
可以俾個tips：阿美感情線，仲有最後一次加好感機會
但就唔講係幾時了等大家估下


同時黎生嗰邊嘅關係就開始變得緊張（註：先前獲得嘅「團結一致」仲存在的）

如果覺得好睇嘅，記得留個正皮同留言畀我
感謝大家追看，留言我會慢慢覆晒的


廣告時間：
IG（跟貼最新消息）：www.instagram.com/waittobewritten
PATREON（每月請我飲杯酒，支持我繼續寫作）： www.patreon.com/waittobewritten
FB（開嚟唔知有咩用）： www.facebook.com/waittobewritten

我鍾意呢個講法
【刀具 -1】