【逃出x選項】《夜半的宜卡傢俬》只有26.7%逃出機率的生存遊戲

肥羊聽罷也好像被黎生帶到他的推測之中，無力地插嘴：「嗰啲英雄片……死啦……如果大導係主角，實會俾自己留到最後……我呢啲角色……通常好快就會死……」

見肥羊也開始被唆使，阿美也看不過眼，懶理被黎生指摘感情用事而繼續坦護你：「你要點先肯相信大導？要點先肯大家合作一齊諗方法出咗去先繼續嘈？」

被阿美以實際的問題質問，黎生態度強硬得來又像說得動之以情：

「我同意留喺原位都唔係辦法，但我而家真係無辦法再相信大導。因為就係佢話要嚟拍片，我哋先至搞成咁，見過鬼怕黑都係人之常情。總之所有事情因佢而起，我點都唔會再聽佢講。」

肥羊也咬咬牙，喃喃低聲說了一句：還要我們今天真的見到鬼了。
他一直在旁靜聽黎生說的話，似乎也漸漸被這個說法唆擺到，以狐疑又不安的眼光投向你：「你話一啲人主力搵黎生、一啲人查探呢個地方，但我哋人分開咗，唔會仲危險咩……」

黎生想了一想，突然對你開口：「總之我哋就會去搵MK，你話要搵呢個地方發生咩事你就自己去。如果真係唔係你搞事，你就去搵啲證據返嚟，證明係呢個地方出事」

說罷，他便轉身作勢要往反方向走，並將一個重量匪淺的眼神落在阿美之上：「我同肥羊去搵MK，你做人女朋友唔係唔搵呀嘛？」她回頭看你的樣子一臉憂心忡忡，但腳步已經不知不覺跟上了黎生他們。她知道以她的身份，有些抉擇其實也並不是抉擇。


擁有這份擔憂的人不止是她。你深明一起行動固然會比較安全，可是一晚下來，你知道黎生開始對你心生芥蒂，連肥羊似乎也被他的說話影響到而對你警戒起來。你們明明同是被困宜卡傢俬的受害者，在拚命想辦法逃出時反被同伴懷疑固然難受。你擔心，如果在他們已經開始懷疑你的情況下還強行一起行動，不曉得會不會有反效果；

相反如果你提出讓自己暫時離隊，雖然在這個隨時會被攻擊的環境下獨行好像極不明智，可是暫時分開可以稍為緩和你們繃緊的關係，分頭搜索亦可能更有效率。獲得信任是很困難的，在被懷疑後重奪信任就更是難上加難。你很清楚洗脫嫌棄的最佳辦法，就是盡早找出真相，為他們挖出這間店所有怪事的源頭。

權衡眼前條件和環境過後，你作出了以下選擇：


【抉擇五】

A）分道而行。自己暫時離隊全力探索店舖，好讓大家分開緩和氣氛。

B）堅決同行。漠視同伴懷疑，堂堂正正地跟所有人一同行動。

A）分道而行

B）同行

嘩屌呢個好難揀

【投票開放中！】

本日營業時間已經結束
400正皮加更

（因為呢轉撞正投票，我等出咗結果之後補返300正皮嗰轉，出返兩更）


投票請正皮選項，24小時截數
越後選擇就越兩難，同時越關鍵，請謹慎抉擇，兼且留言講低想法


如果覺得好睇嘅，記得留個正皮同留言畀我
感謝大家追看，留言我會慢慢覆晒的


廣告時間：
IG（跟貼最新消息）：www.instagram.com/waittobewritten
PATREON（每月請我飲杯酒，支持我繼續寫作）： www.patreon.com/waittobewritten
FB（開嚟唔知有咩用）： www.facebook.com/waittobewritten

根據最正路嘅驚悚片情節 邊個落單就邊個死/比人替換 雖然主角唔似咁快死住 (除非故事可以轉第二個視角繼續啦)

不過唔明黎生logic 一係比恐慌沖昏頭腦 一係就鬼鬼地 其實佢咁驚/唔信任主角 咁由得主角離隊匿喺黑暗中 佢哋仲危險啦 唔係小美 肥仔 加佢睇實主角仲好咩

主角就肯定無咁快死嘅
而家情況似係：
單獨探索獲得環境情報/MK情況
vs
一齊探索確保隊伍情況

都幾肯定單獨嘅話會合嗰下一定有人唔見咗/受傷 之後主角視角唔知發生咩事 但係一齊行就會失去獲得攻略情報嘅機會

黎生先係全個故最有血有肉果個
起碼見到源叔果下 有同大家堅持去搵MK
有人受傷 撞鬼 見到疑似血 RUN
唔係有心引戰 但邊條友仲可以好似聖人咁 會唔驚咁細心思考
搵到埋MK 扑爆玻璃都走啦 之前未撞源叔鬼就話驚冇工返啫 而家講緊會死播(如果真係地型參考九龍灣果間 印象中canteen位係有玻璃)

不過點都唔好分頭 由細到大睇鬼片都教

嘩屌堅難揀
諗清楚啲先, 唔敢投票住

推

肥羊比我想像中唔冷靜

雖然明知分開實有人瀨野（唔係主角都可能係其他人）
但私心係想知多d線索解謎

見到真宜家個廣告就諗，會唔會成篇文其實係廣告，又或者ikea小編有咩睇法？

小弟推斷不論分開定一齊都好，呢個情況下一步都應該去員工室，因為個度最大機會搵到工具/搵翻電話/發現關鍵線索。

但如果一齊去有咩事黎生應該會入曬大導數，搞爆條team。加埋黎生同肥羊怕死應該唔會好深入探索，有機會miss左重要資訊。

反而大導自己分開去搵可以take risk有機會搵到意外收穫，但問題係有無命撞翻條team可以講自己既findings

而黎生自己帶Team有幾個可能
1. 黎生繼續懷疑其他人搞分化，逼到阿美自己中途離隊搵大導然後出事 --> 阿美死，如果黎生係鬼 --> 肥羊都會死
2. 無人係鬼，黎生靠risk management 保住成條team --> Full team無事
3. 阿美有鬼，大導唔係度可以露出真面目搞條team --> 黎生肥羊死
4. 阿美有鬼，但搞事個陣MK及時出現救翻其他人 --> 阿美被驅逐轉去搞大導 --> 大導死

既然而架咁兩難，我地應該信主角光環







利申鳩推

我會揀A
因為主角應該唔會咁易死
而且1個人行應該會發現d野又唔洗下下都顧全大局

唔想MK死
雖然應該要MK死先會有阿美大導一齊結局
但係咁樣害死咗自己朋友 仲食埋佢條女好仆街

做同行兒女

1. 全部人同行，姐係全部人有主角威能加持，對全部人一齊安全逃出有幫助

2. 樓主話有選擇姐係有取捨，有得亦有失。

以下小妹愚見—

分開行：
：得到嘅資訊可能會多啲，更加易知道成件事嘅真相。
：但相對上戰力亦會分散，更加易受傷。

一齊行：
：戰力集中，如果撞到捉走MK 嘅人，成功救走MK 全員逃出嘅機會都會高啲。
：只係出到去可能都係1999，唔知啲怪事點解會發生

3. 黎生越唔相大導，其實越應該留大導係身邊，睇住大導唔好俾佢出蠱惑，理應同行。

巴打唔好自爆

其實今次真係靠估

你擔心，如果在他們已經開始懷疑你的情況下還強行一起行動，不曉得會不會有反效果；

如果同行, 黎生可能會頂唔順主角而離隊
而肥仔好可能跟埋走

亦有可能主角喺身邊先證明倒主角係無辜
或者黎生會慢慢建立返對主角嘅信任度

可是暫時分開可以稍為緩和你們繃緊的關係，分頭搜索亦可能更有效率

似乎離隊係會搵倒更多事實嘅真相
表面上可以獲取黎生嘅信任

但係離隊後, 黎生果邊有咩事發生佢肯定會懷疑主角

上一次快擇:
B）相信。偏袒阿美，相信她的感情和直覺。建議大家撇開前事不談，不要再懷疑自己人。


結果:
你以為選擇相信可以讓大家更為團結，可是我們只能左右自己的抉擇，卻無法左右別人如何看待你所作的抉擇。就像這次，被你反對的黎生並不這樣想。

事與願違, 會唔會係作者嘅style
如果係, 似乎"同行"值得摶啲

分開行算咁樣落去實在太無效率

其一係方向同決策跟本已經冇得理性討論。其二係多人行動 經常都係慢好多，至少不利逃走避險。亦即係話收集危險情報更適合單人行動。

“黎生最尾係話去搵MK”即係話MK係鬼跟本就唔係佢想拗既立場！睇完#13,14我已經好唔鍾意黎生依種人。不過佢咁明顯地奪權應該代表左唔係內鬼。純粹只係用一個好唔合比例既方式表達不滿。


但係黎生一個人綁住兩個無戰力(有受傷)既人未必係好事？

同埋如果分開行作者係咪要寫(後補)另一條線

黎生 concept 好奇怪

就算佢嘅懷疑因為英雄救美而令大家遇險呢個原因係 valid（which 都好唔makes sense）

但如果佢係唔信大導所以要大導離隊，咁唔係適得其反咩？因為大導不在場，即係話之後如果三人隊發生任何意外或古怪事，全部都可以入大導數

所以一離隊以後都唔使旨意返。除非有明確milestone而又可達成，例如 say 員工休息室係有總掣開晒啲燈，但現階段咩都唔知，即係冇任何proof 去證明清白

既然黎生係驚大導指揮引佢地中伏，咁就不如交由黎生指揮，大導唔出聲殿後就好

少少題外話 頭先返睇一次 突然好奇最初比小孩撞嗰下唔知係咪觸發咗啲咩呢?

另外如果黎生真係內鬼/真鬼 前面寫過嘅野都幾吊詭下

包括：保安源叔狠狠地盯了黎生一下(如果信源叔係好人/好鬼只係唔方便出聲)
以及其實肥羊主角推黎生睇閘門頂嗰陣 其實佢好可能講咗大話
仲有 佢話見到mk 都可以係講大話

不過以上推斷都有大堆唔可靠嘅前提 我純粹從寫故事寫伏筆角度睇姐

返返去點選擇 其實都幾認同樓上幾位嘅講法 我估根據樓主講嗰種「樣樣選擇都有得有失」嘅原則 而家似係真相與齊齊平安返歸之爭 堅持一齊似乎會保護到大家(assume黎生有古怪) 但可能放棄咗線索

所以 睇你重視啲咩啦

所以我覺得黎生應該有圖謀

由你哋第一個選擇揀咗肥羊有份玩開始，我已經要全部執過㗎啦 所以無分別的