【逃出x選項】《夜半的宜卡傢俬》只有26.7%逃出機率的生存遊戲

仆街我係度追緊樓主信用值舊故頂緊癮
（之前大學故已經係追live）
見到果陣已經有巴打話係陳奕迅故追起
果篇係咪就係話mark大眼變左陳奕迅
話唱唔到歌所以去左拍戲，之後仲同謝霆鋒對決果篇下話
係既話原來我已經係骨灰級讀者

I mean achievement 會唔會只係塊金色既牌無實際作用……

至於阿美… 困在IKEA尋求邂逅是否搞錯了什麼

唔係
你試吓搵愛聽陳奕迅的男孩
好好睇的

由上年七月開始計劃一直做到而家
好想寫一個好勁好勁嘅選項故，以另一種形式呈現「故事」俾讀者睇

300正皮再加

估中咗，真係執唔返

故事設計有20個不同結局，除咗逃出成功/失敗，仲有唔同嘅角色生環組合
上述情況係有可能出現嘅 至於點樣達成就要視乎大家投票嘅選擇了

有無5人都生還結局

勁到可以出game

收到，即刻search黎睇

呢個位可以補充少少，黎生個原因喺第一段有寫少少:

他一聽到你打算在九龍灣的宜卡傢俬過夜便覺得是個好主意，畢業後上班上到無日無天的他一直想找個鄰近公司的地方過一晚夜，好讓家住大西北的他可以多睡兩小時。

當然呢個只係佢講嘅原因，大家繼續可以選擇信唔信

心底為你好嘅廢老仲係咪廢老

同阿美修成正果嘅結局，達成條件唔只係好感度要夠

推

＃13

//讓你苦惱的只是，朋友和情人同樣會這樣做。
你看著這個背景不禁疑惑，讓她為你站出來的這種愛之如此強大，
到底是哪一種？//

02：59 下層自助貨倉

「你懷疑完MK又懷疑大導，你係咪要諗到所有人都會害你，要喺人哋傷害你之前傷害晒所有人先安樂？」

阿美說到這裏，你已經預知黎生會作出更多的反應，只是你無法忽視這個站在你面前的背影。多年來你們不時爭吵，阿美總是在中間調停的人，唯獨她站在你面前為你說話的這次……卻好像來得有點不同。

你知道她在捍衛的不只是你，更是你對她的情感。

某程度上，你知道她是確實接收了這份心意。

黎生沒有正面回應阿美，只是怔怔地望向你，以不帶感情的聲線說道：

「如果你係會儲心積慮，為咗一個女仔做咁多事陷害我哋全部人嚟撬兄弟牆腳嘅人，當我識錯咗你。」

你就此止住，但你多想用自己的故事告訴他，很多事情說了出去就不能回頭。在關係中，你深明每個抉擇都至關重要，因為你永遠不知道你哪天哪時隨口胡說的哪句話，將會被某人牢記很多很多年。而到了最後，你始終會後悔當天把話說出口的這個選擇。

「班長，星期六有無嘢做？」
「……做咩。」
「想約你陪我睇套戲。」
「得我哋兩個？」
「係呀，我無咁多錢請多個人睇喎。」
「咁唔好啦。」
「……喂！」
「？」
「怕咗你，你要點先肯同我睇？」
「如果有一日戲院有你拍嘅戲，我就同你去睇。」

雖然只是戲言，可是你的大腦偏偏牢記著這一點。從選科到畢業，你真的因為她可能早就忘掉的說話而努力打響名堂，就算要拍這些蹭熱度的短片都在所不計。你想要人氣，想要成名，才能早日將電影搬上大銀幕，再堂堂正正邀約她。

只是時間永遠晚了一步。

回到現實，阿美仍然窮追不捨地追問黎生：「明明上一秒先話見到MK推個箱砸我，而家又懷疑所有事情係大導搞出嚟，佢明明喺你隔籬有份睇住我差啲死，你份人點解可以咁多疑？你咁做人唔攰㗎咩？」

「我而家係幫緊你呀！呢個人如果真係設個局引我哋入嚟，搵人捉走MK令所有人懷疑佢，扮鬼扮馬，再等自己可以扮英雄，你點解咁都諗唔到？佢係導演嚟㗎，要搵啲臨記幫手有幾難呀？！」

說到這裏，黎生終於忍無可忍吐出一句：

「你同大導真係有路呀？係咁幫嚟幫去咁樣係咩意思？係咪得我一個覺得今晚嘅事真係好撚有問題？」

對阿美擱下這話後，黎生又再次把針鋒重新指向你。

「你呃到條女，呃到MK，但唔好忘記我最清楚你。」他看你的眼神狠心得讓人震懾：
「無論係夢想定係心上人，你為咗想要嘅嘢可以做到幾盡，我都信你做得出。」

面對這樣嚴厲的詞句，終於開始瞭解到事情原貌的肥羊都嚇得連聲後退了幾步，你好像能讀懂他這刻真想要找個洞窟躲下去的心情，因為你亦是同樣。你總覺得黎手夷為已經認定了你對阿美餘情未了，而是你在此刻選擇偏袒她，也是感情主宰的決定多於評估現實的理性。這是錯覺嗎？還是像寫過鉛筆字的簿子上，事情只要有發生過，就總會留下痕跡。不論掀過多少頁，這些筆跡還是有被牢牢記住。

他說了關於你們的事應該也只是意氣用事，隨便就得找些人找些事來宣洩情緒。雖然關於那件事，你在線性的時間上始終無法否認造成當下的每一段過去。

也許是大家在某程度上也同意你們面前還有更大的難題，吵得熾熱的空氣很快就像燃燒完畢的火焰，只剩下淡得幾近看不見的炊煙。

抬頭一看，自助貨倉的壓迫感驟來，剛才在眼皮底發生的事讓你總是覺得頭上裝有重物的紙箱下一刻就隨時會掉下來——
你和黎生大吵一場，他向你比了一個中指後就識相地走到另一個通道，擺出一副拒絕再跟你對話的模樣，肥羊馬上跟了過去，只得你和阿美留在這邊。

等到花兒也謝了

黎生爆完seed就走咗
哩鋪含得

你們分別在不同的貨倉通道上冷靜下來。任你再仔細留意，可是側耳聽了很久肥羊在陪黎生的那端一直沒甚麼動靜，你猜不擅詞令的肥羊也只是靜靜地陪他坐著，讓他怒火中燒的情緒慢慢隨時間冷掉。

其實你和阿美這邊亦是同樣。自從黎生毫不留情把你的窘態供出後，你和她獨處的氣氛就變得像吃了過期食物一樣難以下嚥的奇怪。

但不得不承認的是由黎生對你作出指控的一刻，你打從心底怯了起來，在體內你有某部分的自己越縮越細，哪管只是他有意無意的一句氣話或眼色，你的心底也漸漸生出一個疑惑：是不是從頭到尾，你也因為太過想要履行她隨口作出的承諾，於是為她修讀電影，為她用盡一切辦法攢取名氣，以致不顧一切地讓大家身陷險境？儘管黎生把你說成始作俑者的無稽之談不可能是真，但他或者有一點說得對：你為著自己都不敢承認的偏執，把大家魯莽地拉進這個地方。

你們現在被困在這個見鬼的地方，面對著開始互相質疑的同伴、隨時湧現的危險，還得顧及過去發生的小插曲會否在這個關頭多生枝節，合起來就是活生生的折磨。

「我……無同過黎生講我哋嘅事。」眼見現在只有你們兩人，你有猶豫了那麼一下，還是決定壓低聲線，開口跟阿美澄清。

「根本就無發生過咩事。」她在你把問題問完之前就搶先回答，不讓你把她不想聽見的話溜出嘴：「既然無事，就唔需要再提。」

「係……我記得，不過MK……」你不安地追問，始終還有一絲擔心MK會不會也像黎生一樣早就看穿了你的心意，繼而儲心想要報復你或阿美的可能。儘管你還是選擇了相信MK，心虛的人始終無法安睡。

「我哋根本就無其他關係，我無咩需要同佢交代。」你們說過，難得的友誼不應摻進更複雜的情感。

你想起了在大學共渡的某個暑假。情節迂迴的弔詭在於它以你的一個選擇開始，也以你的一個選擇結束。

「知唔知三國演義啲人去睇戲，邊個無飛？」
「『關羽張飛留畀趙雲』呀嘛，我未出世都聽過啦。」
「咁⋯⋯黎生MK肥羊阿美大導去睇戲，邊個無飛？」
「⋯⋯」
「呢個你未聽過啦。」
「未⋯⋯邊個無咁慘？我呀？」
「你有呀。嗱，袋好。」
「⋯⋯咩嚟㗎？做乜無啦啦真係畀張飛我？」
「之前嗰排我咪成日唔得閒嘅，其實係我有個老師開緊套戲，搵咗我同幾個同學去片場執頭執尾，雖然唔係做咩重要工作，但片尾會有我個名㗎。我諗，都叫做我有份啩？」
「⋯⋯呢個係咪中間VIP位嚟？唔係我唔去睇㗎。」
「中中哋啦，到時如果太側你同肥羊調囉⋯⋯」
「肥羊？」
「係呀，佢坐你隔籬囉，另一邊就係MK同黎生，你唔鍾意到時調都得⋯⋯」
「⋯⋯你叫晒全部人嚟？」
「係呀！我好辛苦先搲到四張連位畀你哋㗎。」
「⋯⋯」
「⋯⋯你做咩咁嘅樣？」

「其實我同佢哋有咩唔同？」
「無唔同呀？啲位一樣咁靚㗎。」
「唔係⋯⋯係我以為有啲嘢係得我哋獨有⋯⋯咁你對住我，同對住黎生佢哋，感覺無唔同？完全一樣？」
「⋯⋯我講唔出有咩唔同。你哋一樣咁重要，少咗任何一個都會好唔慣，你哋萬一出咩事我都會好擔心⋯⋯所以我諗，好大程度係一樣。」
「唔係你講唔出有咩唔同，係你選擇將我哋看待成一樣。」
「⋯⋯⋯我唔明。你同佢哋一樣咁重要，有咩唔好？」


多年以來，你也有想過會不會當年作出另一個選擇，答上另一句話，決定就會有所不同。

我們無法窺看別個平行時空的自己，但同時我們總會暗暗羨慕另一種人生。

然後哄騙自己，我們正在好的那個。

本日營業時間已經結束
300正皮再加更

聽日會有下一個抉擇

如果覺得好睇嘅，記得留個正皮同留言畀我
呢兩日好多活動將會超級忙碌！靠大家幫手推post 想注意埋我其他動向嘅可以科勞埋我

感謝大家追看


廣告時間：
IG（跟貼最新消息）：www.instagram.com/waittobewritten
PATREON（每月請我飲杯酒，支持我繼續寫作）： www.patreon.com/waittobewritten
FB（開嚟唔知有咩用）： www.facebook.com/waittobewritten

加更加更
爭10個正皮遲啲補返啦

推到有加更

加更

推