ex前日自殺……

ex本身有情緒病，一開始係輕度既雙向情感障礙，到後邊變成嚴重雙向情感障礙同抑鬱

同佢舊年八月一齊左，十月中分開左，佢話日日對住有d厭，缺少左新鮮感想分開一段時間先，咁我嘴上話好，但其實一路都日日搵佢，諗盡各種辦法想令到佢開心

但係呢段時間有另一個男仔趁虛而入，ex雖然話唔中意呢個男仔，但佢同呢個男仔出去玩既次數仲多過同我見面，就算係跨年都係同呢個男仔一齊

直到過年期間佢突然同我講不如我地繼續起埋一齊，一齊好好過落去，果下我真係好開心，我將之前所有既唔開心都拋諸腦後

但就係前幾日有晚佢飲醉左我接佢翻黎，訓教既時候佢係我隔離講「xxx（之前趁虛而入條仔）只不過係新鮮感，到最後發現都係你最好」，因為驚刺激到佢，當下我咩都唔敢講唔敢問，果下我真係好似食左屎咁，仲要夾硬吞落去，之後我成晚冇訓，我發現我對佢既愛已經係一瞬間消失曬

之後第二日佢係咁撩我想做，但果下我已經完全對佢冇曬興趣，身心上邊都唔想掂佢，佢就從呢一刻懷疑我出軌，但事實上我冇，係呢晚之前我對佢既愛一直都係100%

之後第二日我出去同客戶傾d野，咁佢打電話黎我就同個客話唔好意思我出去聽個電話，佢話我做咩咁耐先聽電話，係咪有意避開d咩，我係咁同佢解釋話我見緊客，係個客面前點樣同你傾電話啊，佢就斷定我出軌同我分手，但呢次我真係唔想再追翻佢

直到今日我朋友突然同我講佢前日抑鬱症太嚴重自殺左，我個心好唔舒服，好似一下少左好多野咁，我唔知呢個係因為愧疚定係話我仲愛佢

最後勸大家唔好同有情緒病既人拍拖，無論你有幾陽光幾正面都好，你都會有機會比對方感染負能量

希望你唔好自責先，你盡咗力

我知道我好仆街，係佢病得最嚴重幾時候離開佢
但我都係人黎㗎，我都會傷心，身邊d朋友都話我為左去不斷降低自己既底線，覺得我比佢玩緊，我亦都冇理會，我一心淨係諗住佢，但佢果晚既說話徹底擊破左我既心理防線，所有既愛意係一瞬間消散

冇咩計，好老實

文中你突然間發現已經對佢冇晒愛意係點解

因為我一開始就係抱住想陪住佢一齊變好既諗法，我對自己太有自信，亦太低估左情緒病既威力，我感覺呢段時間我既情緒都變得好低落

有d明又有d唔明，
巴打保重。

佢飲醉果晚係度講「xxx只不過係新鮮感，到頭黎都係你最好」
果刻我覺得我係最後既選擇，我只不過係一個冇得選擇既最後選擇

其實你冇做錯
但作為男人有少少自責係正常，我都唔知點解會咁
或者你太好人

佢今日唔自殺
聽日都會自殺

睇嚟你真係比負面感染左
你可嘗試解讀為 佢試過其他 發現係你最好
係真愛 佢唔會再試其他
Btw take care

果刻你係以下邊種
1. 最後終於得到手，即刻覺得佢cheap晒
2. 今次就xxx下次可以黎個yyy，佢話我最好其實只係當我傻仔

情緒病就唔好害人啦

無必要為咗成全佢嘅快樂而委屈自己，佢自殺係佢自己唔愛惜生命，同你無關

唔係好明點解佢承認條新仔純粹係新鮮感會令你唔再愛佢

你根本都唔係好愛佢

腐皮係想話巴打千祈唔好睇到自己好重要，就算你無分手佢都唔代表佢個病會好，唔好自責

節哀

外國定香港?

你對佢已經好好佢咁樣你都仲肯接受
相反佢憑咩資格唔信你仲疑神疑鬼

樓主你已做足本份你值得更好

佢都係為左新鮮感而識條女

五日後佢會返嚟搵你

綠左就算啦屌