【系列終章】《末日後的那些人》 世界已然終結，我們卻未知何謂活著

又好似幾合理
所以亞當先咁緊張搵米寧

錯字檢查

難得爆字

光速講一講

末日系列既設定同世界觀設定相當宏大仲有啲複雜
所以請原諒我費左唔少篇幅去解釋，釐清發生緊咩事
但好快就會加速前進
呢個故一如以往所講
佢唔係正傳既延續
佢係「合前兩集大成」於一體既新故事
如果你睇晒頭兩集再睇呢集，保證Ｃ伏

今次連載亦只係想寫好個故佢
所以人流熱度都唔係我最關心既事
咁樣反而有種新既體會
以往諗「點樣寫先多啲讀者／人流／反應」，呢個故就回歸到「點寫先好睇」，真係一種又懷念又新鮮既感覺
係唔介意流量下自由咁寫，真係發揮得好左好多

多謝大家支持，後日見

我用後門對付你既後門

副連載爭取下星期開始
下星期兩次休孖Day

唔通米寧有啲咩特殊權限

果然不論係寫故 拍片 拍戲，吸引到最多觀眾 讀者同拍自己想拍係兩樣野
寫故都還好，用咗時間無人睇啫，拍片 拍戲仲要燒錢，連無咁燒錢啲嘅youtube都要比演算法同觀看數撚

我會話所有創作既人都會面對呢個取捨
唔只文字作者, 作詞, 作曲, 拍片, 畫畫都會有呢個問題
所以做創作最緊要自己鐘意自己既作品
要做出「即使無迴響, 自己都享受其中既作品」




不過前提係你唔好靠創作開飯

希望大家睇完每次更新, 撳一撳留言左下角既正負皮, 令我知有人睇緊THX

Lm

個問題係好多人都真係做創作為本業

錯字檢查

果不其然，爸爸被姑姐拖住了後又是哄又是逗，好使她別生氣和聽她說話。我略略與媽媽交代後，她也不再追問，著米寧與我可以各自上房休息。她暫時住在阿當的房間，而我就回自己房間。

床，好舒服。

…不行，莉莉，不可以這樣窩囊，至少傑少就一定不會這樣有這種貪圖安逸的想法。

「…阿當…」

我把頭埋到被窩中，以免自己的抽泣聲被任何人聽到。

這笨蛋！留下這堆問題給我就自己安全模式關機去了！太，太過份了！等我們找到他弄醒他我一定要罵他一頓，我一定要…

…我好想他。

我真的能找到他嗎？找到後又要怎辦？

在胡思亂想之間，我的精神即使沒有停歇，身體卻已瀕臨極限，終於我墜入一塌胡塗，支離破碎的夢境之間。雖然身體是休息了沒錯，第二天早上睡來時我的第一個念頭卻是在問自己有沒有真的睡過。

「早晨呀莉莉。」

樓下客廳只有米寧一人，爸爸回博物館去了，媽媽大概是又去照顧公公吧，楊舜兒自然是上學，那麼…去對面找姑姐吧。

「好似無人。」米寧把臉從窗戶玻璃上拉回來，「烏燈黑火咁。」

「奇怪…咦，唔係，佢有留訊息俾我。」

我以指環操作AR介面打開訊息。

［去博物館搵佢，我要返大學］ BY 姑姐

「博物館？」米寧問，「咩博物館。」

自然是指末日博物館吧。

但末日博物館是在方舟塔，也就是在黎爾的腳下…這會不會有危險？

「好，行囉！」

米寧是笨蛋嗎？！

「等陣先，米寧！」我連忙拉住她，先不說她根本沒法召喚車子，「末日博物館就係方舟塔底，你去既話黎爾一定…佢一定唔會放過你！」

「但係既然係你姑姐叫我地去，應該無問題？」米寧說。

「都…都係。但你等我返去換返軍服同拎武器先。」

黎爾感覺是那種會講信用的人，而且到現在為止他也沒做甚麼，只是說米寧不應是這個樣子，那麼既然他也說了是一星期後…嗯，可以去看一看。

換過軍服和帶上斬機刀，我與米寧登上自動共享車往方舟廣場駛去。由於我們怕身為米寧的她與米寧長得一模一樣會為我們帶來甚麼麻煩，所以她也帶上我的鴨舌帽和眼鏡框作為掩飾，我還特別為她紮起馬尾才出門。

話說，米寧也真的很漂亮呢。

如果不是在那個戰亂的年代長大，大概會成為演員，模特兒之類吧。

「你仲補埋妝呀？」車上米寧問

真是的，連我的好勝心都久違地被她勾起了。

車子在方舟廣場外停下，我下車後壓低聲線道：「米寧，如果等陣有咩危險既我會叫你走，你要即刻轉身逃走，唔可以停，唔好可以等，全速向方舟廣場外面跑走。」

「係～」米寧完全就是沒在擔心的樣子，她真的有聽懂我的說話嗎…

我急步追上在她身邊護送，但一路上的確沒有任何阻撓，大堂中駐守著的警察我認得出昨天下午也在，但他們卻甚麼行動也沒有，任由我們穿過大堂走向末日博物館。

搵佢…是指誰？那個知道阿當下落的人，那個知道我們下一步要怎辦的人，到底是誰…

「莉莉。」

一個人站在入口詢問處等我們，正是…

「呢位係？」米寧問。

「…向晴姐。」

正是依然穿著一身女裝西裝的向晴姐。

「哦？」向晴姐一眼就看穿了我們那幼稚的所謂偽裝，但身為前記者的她當然沒有直接說穿…

「你好，向晴姐，我係米寧…米寧．尼曼雅。」

米寧她…不會真的是個笨蛋吧？

我看那些記錄，米寧應該是一個在因戰爭而比起同齡孩子成熟的女生，她只會間中與相熟的黎爾開點小玩笑，說點俏皮話，是個心底其實沒太大自信，但即使這樣還是相當關愛自己家人和黎爾的少女，即使被世界殘酷對待，依然選擇保持善良的女生。

但眼前的米寧，橫衝直撞，都不知是直率還是笨了。

不過這落差給我的感覺倒是簡單：她不是米寧．尼曼雅。

「我咪叫左你唔好係公眾地方咁提自己個名囉！」

「啊，我唔記得左哈哈。」米寧搔搔頭說。

「黎呢邊講。」

還好附近沒甚麼參觀者，那句應該只有向晴姐聽到。

不過…向晴姐嗎。現在說起她，最深印象還是她在歧種人的母艦之內突然間出現的那一幕。

向晴姐本身是記者，在宣告末日後成為星之曙光計劃的一員，在方舟戰爭其間與許少傑一同行動，也是許少傑取得方舟藍圖的關鍵之一。

相比起記者，在方舟戰爭時她已經算是情報員了吧，更令人不安的是她看樣子不似是第一次當這種工作，令人不禁懷疑起她本來的職業是否只是「記者」這樣單純，特別是在方舟城８５２，她除了末日博物館的副館長外還是阿當的特使，她到底…

「向晴係咩人？」走到向晴姐房間內的米寧問。

我略略介紹了向晴姐的背景。

「嗯…難怪楊教授話你會知道阿當既下落，不過我其實想問既係向晴姐你係莉莉既咩人？因為我注意到佢只會專稱你為姐。」

「呃…」

「咁就要由佢黎講。」向晴姐笑笑道坐下。

／／／

我是與爸爸楊子平，媽媽言寄葉穿過彩虹橋而來到方舟城８５２。我還記得當時只是我看準媽媽暫時失去記憶才叫她媽媽的。沒想到她沒拒絕，還高興地抱抱我，摸摸我的頭，在那之後也視自己為我的母親照顧著我，和爸爸一樣。

大概她也想在臨終前有一個完整的家庭吧。

大概我也想在臨終前有一個完整的家庭吧。

就如絢香師傅一樣，誰也不想在末日的一刻只有自己孤伶伶的獨自面對塌下穹蒼。

但沒想到姑姐會在未來弄出彩虹橋，把我們三個救出世界末日之下，來到了這方舟城８５２。本來只想在死前互相依偎，只在末日下成立的家庭突然變成了長久的關係，我當然很高興，但又有點不安，我們三人面對大家都有點尷尬，於是在完成了所有身體檢查後我們決定各自去見自己要見的人。

爸爸他去找他的父母和一個他稱為「錘妹」的人，媽媽去找公公，而我就去了尋找我親生父母的下落。

但原來我親生父母沒有撐過漫長的星際遠航，在方舟上逝世了。

但現在回來找爸媽…不，找寄葉姐姐與阿平她們，感覺就像「反正我親生父母死了你們繼續演我父母吧」

不知為何，明明與二人約好再聚首的時間到了，那時的我卻步了。

我在做甚麼？明明是我說要回到親生父母身邊，現在得知二人已殁命後竟然想這樣無恥地…無恥地回到阿平身邊…

我有這資格嗎？找回本身真正家人的二人，還會陪我演下去嗎？即使二人願意，也再沒有這義務了吧。

嘔心死了小莉…不，嘔心死了，芷莉．勒菲弗爾。

我只是視二人為替代品，在世界末日前為自己提供照顧呵護的替代父母，在確認親生父母已死去後，已身在方舟城的我竟然又想…

對不起，我曾經的爸爸，楊子平。

對不起，我曾經的媽媽，言寄葉。

好多謝你們在末日下，選擇了我這個女兒，但是現在我實在沒有資格…

「你係度亂諗啲咩啊，小莉。」

呆坐於方舟廣場的我，被身後一把聲音叫喚，即使那是我想扔棄的名字。

「你係…」

「我地應該係初次見面，畢竟當時我無入到赤柱…但係，楊子平佢即將會係末日博物館既顧問館長，而我就係副館長，亦係佢既私人助理。」

打扮亮麗，身穿西褲襯衣的女士說。

「我叫向晴。」

這名字！

「傑少有提起過你個名。」我說。

「唔意外，言歸正傳…你做咩無返去搵阿平同寄葉佢兩個？佢地嚇到傻左咁搵緊你。」向晴說。

「我…無事，我應該唔會返去，我想自己一個。」我抬頭看著安靜的方舟塔。

明明在末日下死去，我們便能一家人幸福地永遠在一起了。

「青春期啊…的確係會咁。」向晴扶額搖頭說，「跟我黎，小莉。」

接著向晴帶我去了方舟塔內的阿當終端，老遠傳入耳中的是阿平的怒吼。

「我個女有咩事既話我一定拆你骨啊阿當！！你咪同我講咩係佢自己唔願意返黎！！我唔撚柒理！！依加即刻同我講佢係邊度！！我去要搵佢！！」

向晴牽著我的手，好暖好暖。

「可能你仲要啲時間接受，但佢地即使搵返本身既屋企人，都視你係佢地個女。」

才一接近，阿平與寄葉姐姐馬上注意到。

「小莉！！」

寄葉姐姐馬上飛奔過來抱我入懷：「你去左邊呀！人生路不熟你做咩走左去？！擔心死我同阿平喇！！」

不…我們不是只是在末日前，互相…互相欺騙對方和自己的家人嗎，為甚麼…只是想找個人當自己的家人陪自己迎接末日罷了，為甚麼…

「小莉，你無事就好，寄葉佢頭先喊到收唔到聲。」剛剛還對阿當怒吼的阿平說。

不…不是甚麼阿平，寄葉姐姐，她們是…

「爸爸，媽咪…」我哭著抱住二人。

「…佢父母…」爸爸凝重地問向晴。

「講咩呀你，阿平。」向晴說，「小莉既父母咪就係度囉。」

爸爸媽媽聞言抱得我更緊。

「……但小莉，做咩成個人震晒？」媽媽問。

「呢個名，我…」

新的家園，新的人生，新的父母，我…不想再使用那個被詛咒的名字，那個赤柱魔女的穢名，被眾人憎恨的惡名，我已不想再用。

「我地以後叫你做莉莉，好唔好？」向晴說。

我還沒說出自己的想法前，向晴已經注意到我每次被呼喚名字時臉上一閃而過的陰霾，那幾乎連我自己也沒有察覺到的陰霾—

—她卻看在眼內。

莉莉（Lily），是我本來的法文名字「Lily Lefevere」，本來在香港生活的我絕少被人稱呼這名字，現在…

真是適合不過的選擇呢。

「好！多謝你，向晴…姐。」

「莉莉乖。」向晴姐摸摸我的頭，然後識趣地轉身離去不阻礙我盡情地向爸媽撒嬌，哭訴心中的委屈和種種擔憂。

錯字檢查變加字，又係２倍出文

少warm

完全唔記得咗平仔同阿妹父母嘅存在
二五錘妹幾時出場

原來小莉係咁嚟

錯字檢查

「所以向晴姐對我黎講就係咁既人，值…」

但我又想起了她在歧種人母艦登場的畫面。

「…僅得信任。」

那一瞬間的動搖被向晴姐看在眼內，她搖頭苦笑：「仲諗緊之前母艦個件事？」

「……嗯。」

既然她是阿當的密使，那麼她會是黎爾的密使嗎？這問題故然值得我擔憂，但是姑姐沒可能沒有想過，那麼她依然叫我找向晴姐，大概是我過慮了…吧。

「我重申一次立場，我咁多年黎既經歷，由跑戰地新聞，再到方舟戰爭，我見過既悲慘地獄唔會比黎爾少。」向晴姐說，「我只係同意阿當建立既方舟城８５２可以令眾人好好咁生活…莉莉，我地覺得理所當然既一啖安樂茶飯，一個可以遮風擋雨既地方，對舊世界好多人黎講已經係遙不可及既妄想。」

向晴姐真誠地說，語氣中還帶著一絲似有還無的哽咽。

「…但係……」

「我見過有戰場上一家人，為左仔女可以果腹，媽媽自殺，然後爸爸將佢既肉煮俾仔女食，令佢地唔至於餓死。」向晴姐說這句時連呼吸也變得緊促，「相比起世界變返成咁既地獄，阿當做左啲個你無辦法認同既事又算係咩？我幫阿當，亦係為左咁。」

「但係上面個個依加唔係阿當，而係黎爾。」米寧說。

「黎爾啊。」

等等，這語氣…

「你之前係識佢？」我問。

「當然。」向晴姐不以為然地說。

「……」我與米寧對望一眼，無疑她那一瞬間已提高了警覺。

「其實黎爾已經聯絡過我，同我交代過佢復活既事同米寧既事。」

我的手不知甚麼時候已經按到腰間斬機刀的刀銷上。

「…放心，我無興趣理呢件事，莉莉。」向晴姐一如以往地叫人難以捉摸，難怪那時候連傑少也說向晴是他見過最難纏的人之一。

「無興趣係指…」

她望望我的手和刀鞘，然後才望回我雙眼。

「我就講過，我幫阿當或者黎爾手只係為左令方舟城８５２更加穩定，每個人都可以更安心咁生活，追求佢地存在既意義，依加呢啲只係黎爾同米寧之間既打情罵俏，兒女私情，我唔會過問插手。」

也就是說她不是敵人吧。

至少暫時不是。

「但姑姐話你知道阿當…我男朋友阿當既下落？」

當日千年祭的變故後，他便被復活的黎爾帶走了。

按姑姐所說找到他後將他喚醒，所有事也會水落石出，包括米寧為甚麼這樣重要，包括黎爾的真正目的等等。

「嗯，我知道。」姑姐點點頭說。

「佢係邊！？」

「…係我講你知之前，我希望你認知到一個事實：黎爾唔想你救返阿當。」

廢話，我怎會不知道。

「當然呢點你係知道，但係你唔知道既係如果你執意要救阿當，就等於忤逆黎爾，忤逆黎爾就等於向整個方舟城８５２高舉叛旗，佢已經取代左阿當，黎爾本身就係等於方舟城８５２本身。」

「……」

「你可能戀愛大過天，又或者不畏強權之類，但係你爸爸楊子平，你媽咪言寄葉，甚至楊舜兒，楚詠琳佢地全部都會俾你拖落水，佢地經歷世界末日後得來不易既安穩生活全部都會…」

向晴姐舉起拳頭到身前捏緊：「…毀於一但。」

我與米寧都沉默了。

姑姐與姑丈於方舟戰爭其間崩潰過幾多次我是知道的。

爸爸與媽媽於末日世界其間命懸一線過幾多次我更加在旁觀看著。

現在他們都在這方舟城８５２中找到了自己的平靜，與自己的家人團聚，亦生育出下一代，每日都安穩地渡日。

如果…是因為我的話……

「我唔係想阻止你，我只係想話俾你知咁樣做代表咩後果，莉莉，我亦唔怕講埋俾你知，佢地已經準備緊一星期後如果你唔順從黎爾，將米寧帶返黎方舟塔交出去，佢地就會對阿平，寄葉，阿欣，阿洛佢地兩家人出手。」

何等…卑鄙！

「呢度已經唔係末日世界，每個人都有包袱，反正都要死就天不怕地不怕呢套已經唔岩用。」向晴姐說，「我亦唔怕直接話你知：阿當就係主機群個層既下一層，但係你去搵阿當既話會有咩後果，我希望你諗清楚。」

主機群的下一層，從這兒坐升降機上去大約不用五分鐘。

但上去的話，就意味著向黎爾開戰。

向黎爾開戰，就等於向方舟城８５２開戰。

「我…」

向方舟城８５２開戰，就意味著整個方舟城８５２都會捉拿我，甚至牽連爸爸，媽媽，姑姐她們。

可惡，如果是傑少或是貝兒姐姐，她們一定不會有一絲的遲疑。

但我卻竟然卻步了！

何等窩囊，何等懦弱！

「就算係我地作反，都唔關楊子平同言寄葉佢地事架！點，點可以咁樣連坐？！」

「方舟城８５２會唔會連坐，我諗無人比起勒菲弗爾上尉清楚。」

我揉揉眉間點頭：「當然會。」

就如之前一樣…

「黎爾為左佢既目的咩都做得出，即使係好既目的…以上就係我可以提供既情報同我既勸告，黎爾亦無同我講過阿當既下落要保密，所以我亦無成為佢既敵人，倒係你地兩個，做任何決定前最好要三思，唔好俾情緒沖昏理智頭腦。」

向晴姐站起來摸摸我的頭離去。

但是這樣下去，一星期後的話…

「好～就咁話啦！」米寧說。

「就咁…咩話？」

「一星期後你交我出去，用我黎做籌碼交換阿當返黎，咁樣黎爾應該就會同意，你亦唔會有咩後果，完美！」米寧高舉姆指笑著說，與我的愁眉苦臉大為不同。

「我唔會咁做，米寧，黎爾佢一定會對你不利，而且…佢根本唔Care咩籌碼，就算我無你呢個所謂籌碼，我都…我都無辦法同黎爾作對，因為如果咁做既爸爸媽媽佢地就會…」

現在的生活愈見安穩，我們便愈沒法反對黎爾。

正如剛剛所說，在之前肅清文明癌時，這種手法我們星軍也不是沒有用過。

即使是再冥頑不靈的人，其親朋戚友被捲入後或多或少也會軟化。

向晴姐只是提醒了我們這樣做會有甚麼後果罷了。

「…莉莉，你留係度，我去帶你個阿當落黎。」

「嗄？」

「我係方舟城無任何包袱，無任何朋友，屋企人，所以依加係我自把自為去帶阿當落黎，唔關你事。」米寧就這樣站起來，跑向升降機大堂！

我唔知
角色太多, 真係好難顧晒全部, 但都想既

無錯
絕對唔係作者覺得個名唔夠好改變主意係度兜