[運動勞損] 膝軟骨缺損 及退化性關節炎

其實我係玩開滑雪 有好多跳嘅運動
我見有講到游水同做gym 加強返肌肉可以減輕磨損機會 有冇話邊樣好啲？
我有見過你另外一個post講軟骨細胞培植係可以生返正常嘅軟骨？係咪100%？
同埋我search過好似係養和先有得做？
同埋如果做你會建議喺香港定台灣先做?
因為都見你話香港啲醫生經驗唔夠？

滑雪係衝擊性嘅運動 你自己取捨；
運動可以刺激生成基質同關節液比軟骨，但傷左 你要平衡運動嘅動作+強度，我個人情況 游水自由式都會痛 要直腿踢水，肌肉方向做緊靜態負重，double static shift squat 30,60,90度 各10秒×10次；
軟骨細胞培植係生返hyaline cartilage(天生嗰種)，生幾多只能夠講 傷得越輕 效果越好"上佳／理想"，傷得越深 越擴 自然成效低；
喺香港你要搵膝專家，通常佢地先做過ACI/MACI，拎你軟骨細胞去海外培植，再運返香港殖入;
而台灣 個cell sheet層片係採用日本研發個技術，就咁睇理論 個人覺得比MACI高效好多，因為cell sheet 成片都係軟骨細胞，仲可以疊起幾片再貼落患處，而maci只係在一片膠原膜上培植貼落去患處
但兩個手術都有限制：早期損傷+1-2處為限，而台灣個手術費貴啲

補充#752
台灣嗰個，目前就係層片手術，睇新聞話 日後用幹細胞外泌體 配合層片，成效大增，但外泌體哩樣仲做緊臨床研究

香港骨科一般都無做過軟骨細胞，要去到膝專家先做過，而且香港喺哩方面發展比較慢，就算做 都要運去外國培植，所以個案係比較少，有無成功個案 我諗要問做過MACI個香港醫生本人，如果真係問 可以問下啲比較數據性嘅 而唔係主觀性嘅覺得‘’’唔痛／比之前好etc’，例如 MRI 睇下軟骨成份／厚度etc
hyaline cartilage = 膠原蛋白二型＆蛋白聚醣
fibrous cartilage = 膠原蛋白一型

多謝巴打好人有好報
希望你都有一日可以好返
等我再睇多啲資料有需要可能再麻煩你

依家個膝頭愈黎愈痛 行路行多一陣都好痛

我2023年11月中做了microfracture 修補箭咀部分軟骨，都一直無痛，今年3月突然出現刺痛，照MRI, 膝頭多了兩部分軟骨缺損

睇到報告都有擔心，唔知有冇野可以及早做

無追POST...
請問你係咪做完韓國修補軟骨果隻注射 之後出現依個情況?

因為microfracture 只能生長纖維軟骨 collagen type 1 冇黏性同彈性 ，一般都會兩年內breakdown，如果做劇烈運動 更加加速磨損

我做完馬拉個手術有一年，MRI睇到有薄薄軟骨生長，啲drilling holes都融合左 ，Subchondral bone edema已吸收左
但我未感受到明顯轉變，一年尚早，但醫生話on track 唔洗擔心

軟骨下水踵係關節退化嘅徵狀
喺香港 目前都係改善體重,改變運動模式,延緩退化
其他方法
-軟骨細胞培植 適用少損傷1-2處,早期損傷；
-幹細胞based Deep Drilling 適用大面積,多處損傷,grade 3-4磨損, 不適用早期損傷

我都驚搞搞下變左grade 3-4，香港私家唔知邊度有得做幹細胞

香港無得，最多只有提取一次萃取液 而幹細胞微量，但都比較難搵。
如果無配合手術 我認為無幫助，我試過注射 兩億嘅骨髓幹細胞(5千萬×4針)，MRI唔覺有轉變

但見你張圖有“ subchondral bone edema”，視乎唔係grade 1-2咁輕
有無講你損傷位置grade幾？

無寫grade幾，有edema 個位就係做左microfracture 既位置，唉，感覺自己好快要換膝

我宜家做左手術1年，每天都做靜態負重+cycling，每半年覆診啪3Q幹細胞，滿2年時再話你個效果如何，到時你可參考下

我宜家做左手術1年，每天都做靜態負重+cycling，每半年覆診啪3Q幹細胞，滿2年時再話你知個效果如何，睇下生唔生到透明軟骨，到時你可參考下