[運動勞損] 膝軟骨缺損 及退化性關節炎

要現場同醫生問清楚好多野先
植入個骨軟骨組織 痴唔痴得埋，可唔可以持續生長，有咩方法令佢嘅軟骨細胞＆膠原等等結合生埋等等
會唔會好似馬來西亞個micro-dilling個療程咁，手術18個月內 total 注射左14次周邊血幹細胞+透明質酸，咁樣比喻去問 會唔會有啲咩方法定期+密集啲去令軟骨貼實／生長
etc ,
到時真係問到答案 再判斷

我諗要搵到病人做試驗品都有一定難度

承上#576
因為之前膝專家話 退代性關節，種咩入去都痴唔埋 個退化環境咩都生長唔到，但嗰時係以“軟骨細胞培植”做基礎，,佢無做過幹細胞，但都擔心係咪真係佢所講咁

但佢亦未做過幹細胞，哩樣野又係另一個層次，幹細胞治療雖然好大潛力，但喺香港發展好慢 無病人參考
捱一刀 至少3個月後先正常行路，6星期單腳+6星期傷腳半力(一般咁參考)

即是要non weight bearing 😔我已經做過3次手術，每次都起碼一年復原

今日覆診，聽醫生講我個lesion位初步睇唔岩，佢哋會再傾

醫生再propose microfracture , 但要non weight bearing 6星期，成效未知，依家排住先，但我心裡都覺得唔想，驚無哂肌肉

成效其實大概可預計，生出黎係纖維軟骨
，唔係透明軟骨，肌肉無 之後慢慢練得返，但纖維軟骨嘅質素 頂唔到劇烈運動 ＆ 頂唔到好耐
老實講，無氈無扇 神仙難變，喺香港嘅再生治療成效好有限

其實香港好有條件都再生治療，醫療水平高＆又多有錢佬，即使唔搞細胞培植 咁繁複嘅野，都可以好似馬來西亞個治療咁
drilling 香港都有, 馬拉只係再鑽得密啲深啲，關節腔注射透明質酸 香港都有，注射幹細胞萃取液(唔係培植), 香港都有，只不過非主流 極少資訊
德國嗰個新技術都係 清創術+ collagen type 1
但可惜...

琴日覆診聽到醫生講我個lesion位伸唔到手術支野入去整既時候（hku個研究）立刻心裡沉左，醫生話再諗辦法，但我覺得係無辦法

變左要開刀先整到，但技術有限 開刀整完都未必有效果

Lm

去左深圳睇骨科（快啲平啲） 照完片 雙膝四期退化
要換膝骹 香港有冇邊個骨科醫生推薦

師兄幾大同埋咩事搞成咁？

漏左講 果個我老母

琴日覆診，醫生建議mircofracture 搏一搏，因為都無其他方法，同埋我kick痛個位完全對應軟骨傷左既位。我心裡很掙扎，其實有無成功例子.?

無氈無扇 神仙難變呀
又無軟骨細胞培植，又無幹細胞加強，得個blood clot同少少生長因子
好似3G技術咁唔能夠有5G嘅效果

參考國際上成功嘅例子, 即係生返‘’透明軟骨‘’ 甚至去到健康／原先的厚度
做MACI軟骨細胞培植又好
台日嘅層片培植又好
又或者Deep drilling + 幹細胞萃取液 ＆ 透明質酸 密集注射
要取得上佳效果，都仲要視乎受損程度 ＆ 受力位置，唔係人人都效果好
所以就咁fracture 要啲軟骨自己生返，又無其他輔助，要佢自己生返“透明軟骨” 理論上係唔會，只會生纖維軟骨

BTW 如果你話 fracture成功嘅例子，我之前喺youtube睇fracture, 有段片話 有個NBA黑人球員，傷軟骨 做左fracture之後，仲捱到5年NBA就玩完
但佢無講邊個 ＆ 鑽得幾深等等其他細節

其實我最新Mri 都顯示左自己生緊d纖維軟骨出黎，不過個症狀完全一樣

透明軟骨 有黏性彈性
纖維軟骨無彈性,好多case 生返纖維軟骨，但痛嘅症狀無任何改善，而且即使唔做劇烈運動，亦好快breakdown

如果係咁，我做micro fracture 都無用

微創？

Yes

我以前係開刀
微創嘅話 好似都要6+6星期拐杖
雖然最終嘅結果都會breakdown,做完手術+復健, 亦不建議做返跑跳等劇烈運動，唔會好似透明軟骨咁耐用
但對延緩成個關節 ＆ 減低‘’現有嘅損傷‘’可能令到損傷延至周圍組織或擴大嘅機率等等，都叫有幫助嘅

香港對細胞再生治療 有臨床經驗，可能幾年後政策放寛，又或者日後可能去其他地方醫

唉，我約左江醫生再問多次意見

我3x 歲跑開步行山
最近膝頭有d 警號（伸唔100%直, 之前去旅行行太多 有時行路腳軟一軟）以為半月板/韌帶有事去照mri
結果報告出黎有2樣野 1.菠蘿蓋軟骨磨損（moderate-to-severe) 2. 半月板subtle tear

醫生除左suggest 1. prp 2. 啫喱, 話有個方案3. 關節鏡手術（篤幾個窿放d 血出來刺激軟骨重生

樓主有冇聽過3 呢個方案？

（呢個係第二個骨醫 睇第一個卓健骨醫叫我咩都唔做唔食有定心理準備6x歲換膝）