[運動勞損] 膝軟骨缺損 及退化性關節炎

想問食青口有冇用
我見啲關節寶好多都係青口素

一般保健品囉 無咩特別
膝關節無血管入去，食嘅野，好難入到去，只有靠適當的關節腔壓力 即係運動，潤滑液滲啲營養去軟骨度，促進新陳代謝，要長時間keep住食，同良好嘅運動習慣 & 體重 等配合

已經傷左就另計

我屋企人幾個月前整親
照完mri話半月板撕裂
已經搵醫生打過透明質酸，但都係冇咩用
行路唔順同有時會痛

最近聽人話prp有用，想問有冇師兄試過？
同埋想知咩價位同要針幾多次

半月板撕裂 要做手術修復，切走爛左部位
打prp唔會令半月板好返
半月板手術都好似6位數

有問過醫生應唔應該做
但醫生反而唔建議做，話試下忍2，3個月，半月板類似會平滑番就唔會咁痛

我地都半信半疑

可以search下 半月板修復/移植
小小撕裂可以微創手術，亦都有人見日常生活唔影響 唔做

體重 & 運動量大唔大？
有啲人會擴大個撕裂，但輕微撕裂 又唔影響生活，唔一定要做

師奶黎，體重正常，平時多數都係出街買餸
所以醫生話冇咩必要做
除非覺得真係頂唔順
不過見佢成日話辛苦又盛

醫生話無咩必要做，咁應該都算輕微
咁佢會唔會其他痛症問題，例如少運動 膝新陳代謝慢 / 年紀老化等等
先試下其他改善痛症嘅物理治療先囉
-唔曲膝嘅肌肉訓練, 例如坐住彈力帶直腿上抬 / 站姿後抬etc
-拉筋 臀部伸展
-沖擊波 幾嚿水一次
試下以上哩啲睇下改唔改善到先囉，一般痛症，好多中老年人都應該會有好轉
-prp 過萬一Q

唔該師兄先
其實佢有出去試過物理治理同沖擊波，但都冇咩幫助，佢都係聽朋友講話prp完就好好多，所以想試下。

佢朋友就話做果陣2皮野，一針就得
但佢自己問番打透明質酸果間就話2皮野，但要3針(加埋6皮)
所以想睇下有冇師兄做過，同了解下大約情況同價位

Prp
tst 劉信x $唔洗1萬，喺診所啪，就無限你要啪幾針，不過如果第1次效果有反應，可等半至1年再啪第2Q試下
搵過幾間中環嘅,都係$1萬7,8千至2萬up
我就未啪過透明質酸

依家減緊重 睇下會唔會好d

講緊歐美運動界都未聽過有運動員用喎
包括膝傷風險極高嘅足球同籃球

師兄，有興趣嘅可以爬一爬文

如果半月板的撕裂幅度較小而穩定，醫生通常建議讓半月板自行修復；如果撕裂的幅度較大，且不穩定，則會建議進行手術性治療。
ching 可以參考哩篇野，小撕裂真係幾麻煩 唔上唔落，做又洗一大筆錢
https://www.bowtie.com.hk/blog/zh/%E5%8D%8A%E6%9C%88%E6%9D%BF%E6%92%95%E8%A3%82-%E5%8F%97%E5%82%B7/

保守復健治療
是不是半月板撕裂就一定要開刀? 答案是不一定，除非是全部破裂，膝蓋接受過保守治療沒效，又極度疼痛，才考慮刀刀介入，但是現在有很多研究也顯示做完半月板清除手術後，病患依舊疼痛的也不少，而且更增加日後退化性關節炎的機會；其實有很多的籃球選手和運動員，半月板也都撕裂過，也並沒有開刀；有一個很重要的觀念，膝關節不是只有半月板，還有其他的韌帶、肌腱、肌肉去幫助膝蓋的穩定及活動，如何在受傷的初期，積極的治療和復健，才能減少半月板裂傷所帶來的傷害。初期的保守治療，以藥物及復健治療為主，控制撕裂傷所帶來的關節腫脹和發炎，等狀況比較穩定，就可以加入運動訓練，加強股四頭肌、股二頭肌肌力訓練，及膝關節的本體感覺及穩定訓練，大多經過3-6月的保守復健都有蠻好的效果。


若撕裂範圍細小且穩定，半月板可能會自行復原。 若撕裂範圍大且不穩定，半月板撕裂則可能會擴大，並變得更加嚴重。 我們知道若半月板被除去或嚴重受損會引致膝關節炎。

留意角度 & 唔好做open-chain四頭
同慢做
btw 可以睇返圖集 有相關貼文

幾年前中學打波打到acl partially tore 同軟骨磨損 再hea住打多兩三個月就完全停咗劇烈運動
依家bmi都係20左右 平時唔痛但次次屈膝都啪啪聲 係咪除咗keep住體重 練大腿同hip肌肉之外冇嘢可以做唔想四十歲就行唔到路 食movefree supplement會唔會減到退化速度 thanks

股骨磨損 睇mri似grade 1 or 1/2 之間 一停咗打波就冇再自己痛過 果陣以為仲後生有機會生翻 但前幾晚爬其他文見到13歲之後軟骨就唔會再生

驚咪定期照MRI check住情況

小弟左腳acl+meniscus修補
右腳meniscus修補
前後3次手術
除咗基本physio無其他treatment
個人暫時覺得最有效真係練肌肉

術後好易有風濕類似既症狀
有食過神經止痛藥但效果好慢
最有效既止痛方法係平時多練腳
我就係gym做leg curl, squat, deadlift...

成年係唔會再生軟骨嫁，無血管入去，要靠關節腔嘅液體吸營養，所以磨哂就無。

-軟骨細胞培植 +其他合併手術配合
港紙$三十萬up, 30~半球
-幹細胞培植注射 港紙$1x萬
以上係台灣嘅治療，香港嘅軟骨細胞培植. 拎去澳洲種. hkd$十幾, 廿萬左右

香港2016港大圑隊, 推出臨床成果，再伸請喺公院做人體clinical trial，用骨髓幹細胞培植"骨軟骨"組織，再移植入患處，你可以search 港大 陳佩教授，send電郵問下佢 仲有無做trial或了解下適唔適合

師兄Leg curl係做大腿前定後？
我四頭做唔到curl, 20磅都唔得 好痛，
但press 2百磅得

肌肉有力係幫助大，穩定好多