[運動勞損] 膝軟骨缺損 及退化性關節炎

巴打當初點樣發現自己有呢個問題？同埋去邊度睇醫生？

唔係呀，總結返多年來睇骨科啲資訊炸

初初幾次膝痛+發熱，最尾一次 跑跑下 卜一聲，骨撞骨
之後睇骨科診所，再去公院睇
BTW, 受傷經歷 前面有比較詳細講解 有興趣可睇下

係咪持續性？

軟骨磨蝕 初初唔覺的，但周圍嘅組織會發炎
休息一星期 無事又繼續劇烈運動, 做一輪又再發炎，重複幾次
到最後磨到好薄 骨撞骨

我又冇點劇烈運動，只是之前扭傷過同埋有時不定期會痛，你有冇食葡萄糖軟𩣑糖個啲

除左衝擊,劇烈運動勞損等等，體重／年紀／一般運動, 唔做運動(軟骨細胞陳新代謝)
都會影響磨蝕軟骨程度嫁
之前有食，宜家食二型膠原蛋白粉

食葡萄糖有冇幫助？

幫助潤滑,減少磨擦，但幫助有限，而且效果因人而異
因為膝無血管運營養入去，靠適當運動 對流同滲透營養入去，而且要長期食等佢轉化成軟骨組成嘅成份

收到個時有冇話買開邊隻牌子？同埋你排公營排咗幾耐？

無特別邊隻 歐美啲大牌子囉， 葡萄糖胺有鹽酸鹽 ＆ 硫酸鹽, 我選 硫酸鹽
不過宜家只食二型膠原蛋白粉
排三年左右，先正式做手術，期間就物理／排檢查／關節鏡手術，BTW 做完無效果 白捱一刀 12cm

收到，唔該晒樓主

樓主你有冇做運動或者物理治療？

有，keep住做，游水自由式 直腿慢踢，橫向嘅健身單車
下肢肌肉就得臀中肌(大髀開合部機)，坐姿小腿提踵，得哩啲運動對我膝頭較舒服
物理治療 就打過衝擊波,打下膝頭周圍的筋腱，但對軟骨細胞無效的
仲有手法治療／伸展，主要針對放鬆腿／臀／ 闊筋膜張肌等等 令膝頭拉扯壓力細啲

同埋其實有沙沙聲係咪代表已經磨蝕咗，好無助，呢幾日先發現。之前係冇我應該點樣做？

醫生話唔一定，亦有可能磨擦韌帶筋腱等等，唔知嫁，但你做某啲動作時有無痛？擔心嘅就睇骨科寫轉介信去照MRI睇下

冇痛

下 無痛有咩好擔心

我星期一做左MRI, 相比起2月尾做個次MRI報告話好似「進步左」，但個lesion size 大左少少，但其實我都仲係一樣kick 痛，下星期二見醫生。

有軟骨下水踵，即係都磨得嚴重 骨撞骨
你傷股脛骨關節？
BTW 港大同威院做第1期臨床試驗 目前只試股脛骨關節，用自體骨髓幹細胞 培植“骨軟骨”,再植入關節內，哩個好似喺香港未來嘅再生治療較有希望

你係邊到照？

Yes,,我係股脛骨，呢個位唔知多唔多人傷。
邊度會有試驗資料？

私家

都多嫁，髕股 or 股脛都常見
跑跑跳跳嘅人 多數傷髕股關節，因為屈曲受力
第4代再生治療 幹細胞
https://www.hku.hk/press/press-releases/detail/c_13743.html
要send電郵聯絡professor Chan問下detail, 佢／助手或會聯絡你

Thanks ！如果係你，有機會你會唔會試？